HUAWEI Cloud र गोपनीयता बारे कथन
HUAWEI Cloud भनेको आयरल्याण्डमा निगमित Huawei को सहायक कम्पनी Aspiegel Limited (यहाँ यसपछि “Huawei”, “हामी”, “हामीहरू” वा “हाम्रो” भनिनेछ) द्वारा उपलब्ध गराइएको सेवा हो । HUAWEI Cloud ले तपाईंको डाटालाई स्वचालित रूपमा Cloud सर्भरहरूमा समक्रमण, ब्याक अप र अपलोड गर्छ जसकारण तपाईंले एक पटक लग इन गरिसकेपछि यसलाई कुनै पनि यन्त्रबाट पहुँच र व्यवस्थित गर्न सक्नुहुन्छ ।
यस कथनले निम्न कुराहरू बयान गर्छ:
1. हामीले तपाईंको बारेमा के-कस्ता डाटा सङ्कलन गर्छौं ?
2. हामीले तपाईंको डाटा कसरी प्रयोग गर्छौं ?
3. हामीले तपाईंको डाटा कति समयसम्म भण्डार गर्छौं ?
4. हामीले तपाईंको डाटा साझा गर्छौ ?
5. तपाईंका अधिकार र विकल्पहरू के-के हुन् ?
6. हामीलाई कसरी सम्पर्क गर्ने ?
7. हामीले यो कथनलाई कसरी अद्यावधिक गर्छौं ?
1 हामीले तपाईंको बारेमा के-कस्ता डाटा सङ्कलन गर्छौं ?
HUAWEI Cloud सेवाको भागको रूपमा, हामीले यस कथनमा उल्लेख गरिए अनुसारका उद्देश्यहरूका लागि मात्र तपाईंको व्यक्तिगत डाटालाई सङ्कलन गरी प्रयोग गर्नेछौं । व्यक्तिगत डाटा भन्नाले Huawei लाई प्रयोगकर्ताको रूपमा तपाईंको पहिचान गर्न सक्षम गराउने कुनै पनि जानकारीलाई बुझिन्छ ।
हामीले निम्न डाटा सङ्कलन र प्रक्रिया गर्छौं:
•खाता जानकारी: खाताको नाम, इमेल ठेगाना, फोन नम्बर, प्रोफाइल तस्विर, प्रयोगकर्ता नाम, राष्ट्र कोड, खाता परिचायक, प्रयोगकर्ता सेवा टोकन ।
•यन्त्र जानकारी: यन्त्रको ID (जस्तै तपाईंको प्रणालीका आधारमा MEID, UDID वा IMEI), यन्त्रको प्रकार, अपरेटिङ सिस्टम र भाषा सेटिङहरू ।
•सञ्जाल जानकारी: IP ठेगाना, सञ्जाल प्रकार र जडान स्थिति ।
•सेवा उपयोग जानकारी: HUAWEI Cloud संस्करण, डाउनलोडको स्रोत, एप खोलेको र बन्द गरेको समय, स्थापित एपहरूको सूची, क्लिकहरू तथा अनावरण, प्याकेज जानकारी (नाम, क्षमता र अवधि), खरिदको समय, अर्डर ID, प्रणाली लग र त्रुटि लगहरू ।
•समक्रमण, ब्याक अप वा अपलोड गरिएका डाटा (तपाईंको HUAWEI ID दर्ता गरिएको राष्ट्र/क्षेत्रमा उपलब्ध भएका सुविधाहरूको आधारमा परिणामहरू भिन्न-भिन्न हुन सक्छन्): समक्रमण गरिएका डाटा (सम्पर्क, पात्रो कार्यक्रम, Wi-Fi सेटिङ, नोट, फोटो र भिडियोहरू सहित), Cloud ब्याकअप डाटा (सम्पर्क, पात्रो कार्यक्रम, Wi-Fi सेटिङ, नोट, फोटो तथा भिडियो, रेकर्डिङ, कल लग, उत्पीडन फिल्टर तथा सेटिङ, सन्देश, फोन व्यवस्थापक सेटिङ, ब्राउजर बुकमार्क, मौसम सेटिङ, स्क्रिन लेआउट, क्यामेरा सेटिङ, फोन सेटिङ, FM रेडियो डाटा, अलार्म सेटिङ, SmartCare सेटिङहरू र स्थापना गरिएका एपहरूको सूची सहित) र Huawei Drive फाइलहरू (तपाईंले अपलोड गर्न छान्नु भएका कुनै पनि स्थानीय फाइलहरू सहित) ।
तपाईंले आफ्ना डाटा व्यवस्थित गर्नको लागि आफ्नो HUAWEI ID बाट आधिकारिक HUAWEI Cloud को वेबसाइट (cloud.huawei.com) मा लग इन गर्नुहुन्छ भने, निम्नलिखित डाटा पनि सङ्कलन गरिनेछ:
ब्राउजर तथा उपयोग जानकारी: कुकीहरू, IP ठेगाना, ब्राउजरको प्रकार, समय क्षेत्र, भाषा र माउस तथा कीबोर्ड सञ्चालन । कुकीहरूको बारेमा थप जानकारीको लागि, कृपया हाम्रो कुकी नीति पढ्नुहोस् ।
HUAWEI Cloud लाई यन्त्र जानकारी प्राप्त गर्नका लागि फोनमा पहुँच गर्न र समक्रमण र ब्याकअप सेवा उपलब्ध गराउनको लागि भण्डारण, क्यामेरा, SMS, सम्पर्कहरू र पात्रोमा पहुँच गर्न अनुमतिहरू आवश्यक पर्छ ।
2 हामीले तपाईंको डाटा कसरी प्रयोग गर्छौं ?
Cloud समक्रमण, Cloud ब्याकअप, Huawei Drive र अन्य डाटा सेवाहरू सहितका मूलभूत HUAWEI Cloud प्रकार्यहरू कार्यान्वयन गर्न र साथसाथै अनुबन्धात्मक दायित्वहरू पूरा गर्न, एपलाई ग्राहक सम्बन्ध व्यवस्थापन, समर्थन र सञ्चार, ग्राहक उजुरी ह्याण्डलिङ, मर्मत-सम्भार, सफ्टवेयर तथा प्रणाली अद्यावधिक, प्रयोगकर्ता पहिचान र निदानात्मक तथा मर्मतका उद्देश्यहरूको लागि तपाईंको डाटा सङ्कलन गरी प्रक्रिया गर्न आवश्यक पर्छ ।
यसका साथै, Huawei ले कानूनी हितका आधारमा निम्न उद्देश्यहरूको लागि तपाईंको व्यक्तिगत डाटा प्रयोग गर्नेछ:
•तपाईंको उपयोग क्रियाकलापको आधारमा एकीकृत समूहहरू सिर्जना गर्ने सहितका तथ्याङ्कीय र उत्पादन सुधारका उद्देश्यहरू । यसले हामीलाई हाम्रा प्रयोगकर्ताका आवश्यकताहरूलाई बुझ्न र हाम्रा हालका तथा भविष्यका सेवा र प्रस्तावहरूको गुणस्तर तथा प्रयोगकर्ताको अनुभवलाई सुधार गर्न पनि सक्षम बनाउँछ । तपाईंले तल खण्ड 5.5 मा व्याख्या गरिए अनुसार उक्त प्रक्रियामा आपत्ति जनाउन सक्नुहुन्छ ।
•हाम्रा प्रस्ताव, बिक्री प्रवर्द्धन र अन्य बजारीकरण उद्देश्यहरूका साथसाथै बजारीकरणका लागि एकीकृत लक्षित समूहहरू सिर्जना गर्नका लागि सञ्चार गर्ने सहितका बजारीकरण उद्देश्यहरू । आफ्ना ग्राहकहरूका प्राथमिकताहरू जान्ने कार्यले हामीलाई हाम्रा प्रस्तावहरूलाई लक्षित गर्न र हाम्रा ग्राहकहरूका आवश्यकताहरू अझ राम्रोसँग पूरा गर्ने उत्पादन र सेवाहरू उपलब्ध गराउन सक्षम बनाउँछ । तपाईंले तल खण्ड 5.5 मा व्याख्या गरिए अनुसार उक्त प्रक्रियामा आपत्ति जनाउन सक्नुहुन्छ ।
•तपाईंलाई सुरक्षित र विश्वसनीय सेवाहरू उपलब्ध गराउनको लागि सेवामा हुने विभिन्न प्रकारका दुरुपयोग र ठगी पत्ता लगाउने वा रोकथाम गर्ने सहितका जानकारी सुरक्षाका उद्देश्यहरू ।
हामीले आवश्यक हुँदा तपाईंलाई सेवासँग सम्बन्धित सूचनाहरू (जस्तै प्रणाली मर्मत-सम्भार सूचना, कारोबार रेकर्ड र क्लाउड भण्डारण उपयोग सम्झाउनीहरू) पठाउन सक्छौं । तपाईं प्रवर्द्धनात्मक प्रकृति नभएका महत्त्वपूर्ण सेवासँग सम्बन्धित सूचनाहरू प्राप्त गर्नबाट अप्ट-आउट गर्न सक्षम नहुन सक्नुहुन्छ ।
हामीले प्रचलित कानून तथा नियमहरू अनुसार आवश्यक भएमा कर र लेखापालन उद्देश्यहरूका लागि तपाईंको प्याकेज जानकारी (नाम, क्षमता र अवधि), खरिदको समय, अर्डर ID लाई पनि प्रक्रिया गर्छौं ।
3 हामीले तपाईंको डाटा कति समयसम्म भण्डार गर्छौं ?
हामीले यस कथनमा उल्लिखित प्रयोजनहरूका लागि आवश्यक हुने समयसम्म तपाईंको व्यक्तिगत डाटालाई भण्डार गर्नेछौं ।
हामीले ग्राहक सम्बन्धको अवधिसम्म तपाईंको डाटालाई प्रक्रिया र धारण गर्नेछौं । तपाईंले बाह्र (12) महिनाको अवधिसम्म HUAWEI Cloud प्रयोग गर्नुहुन्न भने, तपाईंका डाटा मेटिनेछन् । यद्यपि, हामीले तपाईंलाई उपयुक्त माध्यमहरू (जस्तै इमेल) द्वारा अग्रिम रूपमा मेटाउने कुरा बारे सम्झाउनेछौं । तपाईंले आफ्नो HUAWEI ID खाता मेटाउँदा, तपाईंको खातासँग सम्बन्धित व्यक्तिगत डाटा र HUAWEI Cloud जस्ता सम्बन्धित सेवाहरू मेटिनेछन् । यद्यपि, हामीले निम्न जानकारी धारण गर्नेछौं:
•HUAWEI Cloud प्याकेज जानकारी (नाम, क्षमता र अवधि), खरिदको समय, कारोबार गरेको मितिबाट सात (7) वर्षसम्मको अर्डर ID ।
•तपाईंको HUAWEI ID खाता मेटाइएको पाँच (5) वर्ष पछिसम्म उजुरी, डाटासम्बन्धी अनुरोध र सम्झौता व्यवस्थापन उद्देश्यहरू जस्ता ग्राहक सम्बन्ध व्यवस्थापनको लागि प्रक्रिया गरिएका व्यक्तिगत डाटा; तपाईंले उक्त प्रक्रियाको विरोध नगर्दासम्म सङ्कलन गरेको मितिबाट बाह्र (12) महिनासम्मको लागि विश्लेषण र विकासका साथसाथै बिक्रीको प्रवर्द्धन र बजारीकरणका उद्देश्यहरूका लागि प्रयोग गरिएका व्यक्तिगत डाटा ।
•ब्याकअप र एप लगहरू, जसलाई तिनीहरूको सिर्जना गरिएको मितिबाट छ (6) महिनासम्मको लागि तपाईंको डाटा र सेवाहरूको सुरक्षा सुनिश्चित गर्न प्रक्रिया गरिन्छ ।
•सम्बन्धित तथ्याङ्कीय विश्लेषण पूरा भइसकेपछि क्रियाकलाप लग र प्रणाली लगहरूलाई तुरुन्तै मेटाइनेछ; त्रुटि लगहरूलाई जानकारी सङ्कलन गरिएको सात (7) दिनपछि स्वचालित रूपमा मेटाइनेछ ।
एक पटक धारण अवधिको म्याद समाप्त भएपछि, हामीले प्रचलित कानून र नियमनहरूले आवश्यक ठहर नगर्दासम्म तपाईंको व्यक्तिगत डाटालाई मेटाउनेछौं वा नामरहित गर्नेछौं ।
4 हामीले तपाईंको डाटा साझा गर्छौ ?
हामीले तपाईंको डाटालाई यूरोपेली संघ (EU)/यूरोपेली आर्थिक क्षेत्र (EEA) मा अवस्थित डाटा केन्द्रहरूमा भण्डार गर्छौं ।
हामीले निम्न अवस्थामा मात्र तपाईंको डाटा साझा गर्छौं:
•कानूनी प्रक्रियाको प्रतिक्रियामा वा प्रचलित कानूनहरू अनुसार सक्षम प्राधिकारीको अनुरोधमा वा कानूनी कार्यवाही वा प्रक्रियासँगको सम्बन्धमा आवश्यक हुँदा ।
•मर्जर, अधिग्रहण, सम्पत्तिहरूको बिक्री (जस्तै सेवा सम्झौताहरू) वा Huawei समूह निकाय वा अन्य कम्पनीमा सेवाको संक्रमणको भागको रूपमा आवश्यक हुँदा ।
5 तपाईंका अधिकार र विकल्पहरू के-के हुन् ?
तपाईंसँग निम्न अधिकारहरू र विकल्पहरू छन्:
5.1 आफ्नो डाटामा पहुँच गर्ने
तपाईंले आफ्नो यन्त्रमा सेटिङहरू > HUAWEI ID > सेटिङहरू > आफ्नो डाटा अनुरोध गर्नुहोस् मा गई हामीले सङ्कलन गरेर HUAWEI Cloud मा भण्डार गरेको तपाईंको व्यक्तिगत डाटाको प्रतिलिपि र विवरण अनुरोध गर्न सक्नुहुन्छ ।
तपाईंले HUAWEI Cloud एप वा आधिकारिक वेबसाइट (cloud.huawei.com) बाट आफूले समक्रमण, ब्याक अप वा अपलोड गरेका डाटालाई पहुँच र डाउनलोड गर्न पनि सक्नुहुन्छ ।
अतिरिक्त पहुँच अनुरोधको लागि, कृपया हामीलाई सम्पर्क गर्नुहोस् ।
5.2 आफ्नो डाटालाई पुनः परिभाषित गर्ने
आफ्नो डाटालाई नवीनतम र सही राख्नको लागि, तपाईंले आफ्नो यन्त्रमा सेटिङहरू > HUAWEI ID मा गएर आफ्नो डाटा पहुँच र परिमार्जन गर्न सक्नुहुन्छ ।
तपाईंले HUAWEI Cloud एप वा आधिकारिक वेबसाइट (cloud.huawei.com) बाट आफूले समक्रमण, ब्याक अप वा अपलोड गरेका डाटालाई पहुँच र परिमार्जन गर्न पनि सक्नुहुन्छ ।
5.3 तपाईंको डाटा पोर्ट गर्नुहोस्
तपाईंले आफ्नो यन्त्रको सेटिङहरू > HUAWEI ID > सेटिङहरू > आफ्नो डाटा अनुरोध गर्नुहोस् मा गएर तपाईंले हामीलाई HUAWEI Cloud मा उपलब्ध गराउनुभएको व्यक्तिगत डाटालाई सामान्यतया प्रयोग गरिने र पढ्नयोग्य ढाँचामा पोर्ट गर्न सक्नुहुन्छ ।
तपाईंले HUAWEI Cloud एप वा आधिकारिक वेबसाइट (cloud.huawei.com) बाट आफूले समक्रमण, ब्याक अप र अपलोड गरेका डाटालाई डाउनलोड गर्न पनि सक्नुहुन्छ ।
5.4 आफ्ना डाटा मेट्नुहोस्
तपाईंले कुनै पनि समयमा निम्न कार्य गर्न सक्नुहुन्छ:
•आफ्नो समक्रमित, ब्याकअप गरिएका र अन्य प्रकारहरूको एप डाटालाई आफ्नो यन्त्रमा मेटाएर हटाउन । मेटाउने कार्यलाई स्वचालित रूपले क्लाउडमा समक्रमण वा अद्यावधिक गरिनेछ ।
•आफ्नो भण्डार गरिएको डाटालाई सिधैं Huawei Drive बाट मेटाएर हटाउन ।
•सम्पर्क, फोटो, रेकर्डिङ, कालोसूची र Huawei Drive फाइलहरू सहितका आफ्नो डाटालाई मेटाउन आधिकारिक HUAWEI Cloud वेबसाइट (cloud.huawei.com) मा लग इन गर्नुहोस् ।
•आफ्नो HUAWEI ID मेटाउनुहोस् । यसले HUAWEI Cloud मा रहेका तपाईंका व्यक्तिगत डाटा सहित तपाईंको HUAWEI ID सँग सम्बन्धित तपाईंको व्यक्तिगत डाटालाई मेट्नेछ ।
•खण्ड 5.5 मा विस्तृत व्याख्या गरिए अनुसार, आफ्नो व्यक्तिगत डाटामा प्रक्रिया गर्न आपत्ति जनाउन तपाईंको आपत्ति मान्य छ र हामीले प्रक्रिया जारी राख्ने कुनै कानूनी आधार पाएनौं भने, हामीले मान्य आपत्तिको अभिप्रायमा डाटा मेट्नेछौं ।
•तपाईंको व्यक्तिगत डाटाको प्रशोधन गैरकानूनी हो र तपाईंको डाटा मेटाइनुपर्छ भन्ने सोच्नुहुन्छ भनेहामीलाई सम्पर्क गर्नुहोस् ।
तपाईंले माथि उल्लेख गर्नुभएका कार्यहरूको आधारमा आवश्यक हुँदा र सेक्सन 3 मा व्याख्या गरिएका धारण अवधिहरू अनुरूप हामीले तपाईंको व्यक्तिगत डाटालाई ढिलाइ नगरी मेट्नेछौं वा नामरहित बनाउने छौं ।
5.5 आपत्ति जनाउन पाउने अधिकार
तपाईंले तथ्याङ्कीय, उत्पादन सुधार वा बिक्री तथा बजारीकरणका उद्देश्यहरूको लागि आफ्नो डाटाको प्रशोधनमा आपत्ति जनाउन चाहनुहुन्छ भने, कृपया हामीलाई सम्पर्क गर्नुहोस् ।
अनुरोध गर्दा, कृपया अनुरोधको अभिप्रायलाई खुलाउनुहोस् र तपाईंले आफ्नो HUAWEI ID बाट HUAWEI Cloud मा लग इन गर्न प्रयोग गर्नुभएको तपाईंको इमेल ठेगाना वा फोन नम्बर हामीलाई उपलब्ध गराउनुहोस् ।
तपाईंको अनुरोध अगाडि बढाउनको लागि हामीले तपाईंको पहिचान प्रमाणित गर्न तपाईंलाई सम्पर्क गर्नेछौं ।
5.6 प्रक्रियालाई प्रतिबन्ध लगाउन
आफ्नो व्यक्तिगत डाटाको प्रक्रियालाई प्रतिबन्ध लगाउन चाहनुहुन्छ भने, कृपया हामीलाई सम्पर्क गर्नुहोस् । तपाईंसँग निम्न परिस्थितिहरू अन्तर्गत तपाईंको डाटाको प्रक्रियालाई प्रतिबन्धित गर्ने अधिकार छ:
•तपाईंको डाटालाई गैरकानूनी रूपमा प्रक्रिया गरिएको छ तर तपाईंले यसलाई मेटाउन चाहनुहुन्न भने ।
•तपाईंसँग आफूले डाटाको स्थापना, प्रयोग र सुरक्षा गर्नुपर्ने कानूनी माग छ र तपाईंले हामीले अन्यथा नराख्ने तपाईंको डाटाको लागि राख्ने अनुरोध गर्नुभएको छ भने ।
•तपाईंको आपत्ति जनाउने अनुरोधको लागि हाम्रो प्रमाणीकरण विचाराधिन छ ।
अनुरोध गर्दा, कृपया अभिप्रायलाई खुलाउनुहोस् र तपाईंले आफ्नो HUAWEI Cloud मा लग इन गर्न प्रयोग गर्नुभएको आफ्नो इमेल ठेगाना वा फोन नम्बर हामीलाई उपलब्ध गराउनुहोस् ।
तपाईंको अनुरोध अगाडि बढाउनको लागि हामीले तपाईंको पहिचान प्रमाणित गर्न तपाईंलाई सम्पर्क गर्नेछौं ।
6 हामीलाई कसरी सम्पर्क गर्ने ?
तपाईंले खण्ड 5 मा आफ्ना डाटासम्बन्धी अधिकारहरूको प्रयोग कसरी गर्ने भन्ने बारेमा सुझाव फेला पार्न सक्नुहुन्छ । तपाईंसँग आफ्ना डाटासम्बन्धी अधिकार वा Huawei द्वारा तपाईंको व्यक्तिगत डाटा प्रक्रिया गर्ने कुरा बारे कुनै पनि जिज्ञासा, टिप्पणी वा सुझाव छन् भने, कृपया हामीलाई सम्पर्क गर्नुहोस्।
हाम्रो प्रधान कार्यालयको ठेगाना: Aspiegel Limited, Unit 1B/1C Sandyford Business Centre, Burton Hall Dublin 18, Ireland. दर्ता नम्बर 561134।
हाम्रो डाटा सुरक्षा आयुक्तको सम्पर्क विवरण: dpo@huawei.com ।
तपाईंलाई Huawei ले तपाईंको व्यक्तिगत डाटा यस कथन वा प्रचलित डाटा सुरक्षा कानून अनुसार प्रक्रिया गर्दैन भन्ने विश्वास लाग्छ भने, तपाईंले आफ्नो डाटा सुरक्षा प्राधिकरणमा वा आयरल्याण्डका डाटा सुरक्षा आयुक्त समक्ष उजुरी पेश गर्न सक्नुहुन्छ ।
7 हामीले यो कथनलाई कसरी अद्यावधिक गर्छौं ?
हामीले यस कथनलाई समय-समयमा परिवर्तन गर्न सक्ने भएकाले हामीले तपाईंलाई एप सेटिङहरूबाट यस कथनको नवीनतम संस्करण नियमित रूपमा जाँच गर्न प्रोत्साहन गर्छौं । हामीले यस कथनमा वस्तुगत परिवर्तनहरू गर्छौं भने, परिवर्तनको प्रकृतिका आधारमा सूचना संवाद बाकस, तपाईंको यन्त्रको सूचना सन्देश, इमेल आदि जस्ता उपयुक्त माध्यम प्रयोग गरेर सूचित गर्नेछौं ।
नवीनतम अद्यावधिक: अक्टोबर 19, 2018