កិច្ចព្រមព្រៀងអ្នកប្រើប្រាស់ក្លោដ
ខ និងលក្ខខណ្ឌដូចខាងក្រោម ("ខ" ទាំងនេះ) បង្កើតបានជាកិច្ចសន្យាមានសុពលភាពដែលបានធ្វើឡើងរវាងអ្នក និងក្រុមហ៊ុន Huawei Software Technologies Co. Ltd. និងបុត្រសម្ព័ន្ធ ( "ក្រុមហ៊ុន Huawei")។ កិច្ចព្រមព្រៀងនេះបានចែងពីសិទ្ធិនិងការទទួលខុសត្រូវតាមផ្លូវច្បាប់របស់អ្នកទាក់ទងនឹងការប្រើប្រាស់សេវា Huawei ID ("សេវាកម្ម" នេះ)។ "អ្នក" សំដៅលើបុគ្គលណាម្នាក់ដែលប្រើប្រាស់ និង/ឬចូលប្រើសេវាកម្មនេះ។
សូមអានខដូចខាងក្រោមដោយយកចិត្តទុកដាក់។ ដោយជ្រើសរើសយកពាក្យ យល់ព្រម អ្នកទទួលស្គាល់ថា អ្នកបានអាន និងទទួលយកលក្ខខណ្ឌទាំងនេះ។ ប្រសិនបើអ្នកមិនយល់ព្រមនឹងខទាំងអស់ ឬផ្នែកណាមួយ អ្នកមិនត្រូវប្រើសេវាកម្មនេះឡើយ។
អ្នកអះអាង និងធានាថាអ្នកមានសិទ្ធិស្របច្បាប់គ្រប់គ្រាន់ ឬសិទ្ធិអនុញ្ញាតដើម្បីចុះហត្ថលេខា និងអនុវត្តកិច្ចព្រមព្រៀងនេះ ហើយថាការចុះហត្ថលេខា និងការអនុវត្តកិច្ចព្រមព្រៀងនេះដោយអ្នកមិនប៉ះពាល់ដល់កិច្ចព្រមព្រៀង ឬបទបញ្ញត្តិណាមួយផ្សេងទៀតដែលអ្នកត្រូវមានកាតព្វកិច្ចអនុវត្តនោះឡើយ។ អ្នកក៏ត្រូវធានាថា កិច្ចព្រមព្រៀងនេះមានអនុភាពតាមផ្លូវច្បាប់លើអ្នក និងអាចអនុវត្តបានក្នុងករណីចាំបាច់។
1) លក្ខខណ្ឌអាយុ
ប្រសិនបើអ្នកជាអនីតិជន អ្នកគួតែអានកិច្ចព្រមព្រៀងនេះជាមួយឪពុក ឬម្តាយ ឬអាណាព្យាបាលស្របច្បាប់របស់អ្នកដើម្បីធានាថា ពួកគាត់យល់ពីខ្លឹមសារនៃកិច្ចព្រមព្រៀងនេះមុនពេលអ្នកសម្រេចចិត្តប្រើប្រាស់សេវាកម្មនេះ។ អ្នកមិនអាច និងមិនគួរប្រើសេវាកម្មនេះមុនពេលទទួលបានការអនុញ្ញាតពីឪពុកឬម្តាយ ឬអាណាព្យាបាលស្របច្បាប់របស់អ្នក។ លើសពីនេះទៀត យើងសូមណែនាំឲ្យឪពុកម្តាយ ឬអាណាព្យាបាលស្របច្បាប់ត្រួតពិនិត្យនិងណែនាំកូនរបស់ខ្លួននៅពេលដែលកូនប្រើអ៊ិនធឺណិត ទូរស័ព្ទចល័ត និងឧបករណ៍ផ្សេងទៀត។
2) លក្ខខណ្ឌនៃឧបករណ៍
ដើម្បីប្រើប្រាស់សេវាកម្មនេះ អ្នកតម្រូវឱ្យមានឧបករណ៍មួយ ឬច្រើនគ្រឿងដែលត្រូវគ្នា សេវាទិន្នន័យចល័តឥតខ្សែ សូហ្វវែរពាក់ព័ន្ធ និងការភ្ជាប់អ៊ីនធឺណិតដែលផ្ដល់ដោយក្រុមហ៊ុនផ្ដល់សេវាបណ្តាញដែលមានការអនុញ្ញាត (តម្រូវឲ្យតភ្ជាប់អ៊ីនធឺណិតប្រ៊ដប៊ែននៅពេលប្រើប្រាស់សេវាផ្អែកលើអ៊ីនធឺណិត)។ ក្រុមហ៊ុន Huawei និងសេវាកម្មនេះនឹងមិនផ្ដល់ជូនអ្នកនូវឧបករណ៍ សេវាកម្ម ឬសូហ្វវែរដូចដែលបានលើកឡើងពីខាងដើមឡើយ។ អ្នកត្រូវជាវ ឬទិញឧបករណ៍ សេវាកម្ម ឬសូហ្វវែរដូចដែលបានលើកឡើងពីខាងដើមនិងទទួលយកកិច្ចព្រមព្រៀងស្តីពីអ្នកផ្ដល់ឧបករណ៍ សេវាកម្ម និងសូហ្វវែរមុនពេលអ្នកអាចប្រើឧបករណ៍ សេវាកម្ម ឬសូហ្វវែរដូចដែលបានលើកឡើងពីខាងដើម។ ជាលទ្ធផល អ្នកអាចកើតមានការគិតថ្លៃ។ កត្តាផ្សេងៗដូចជាហាតវែរ សូហ្វវែរ និងការភ្ជាប់អ៊ីនធឺណិតអាចប៉ះពាល់ដល់ការប្រើប្រាស់របស់អ្នកលើសេវាកម្មនេះ។ អ្នកត្រូវបានណែនាំឲ្យប្រើការភ្ជាប់អ៊ីនធឺណិតប្រ៊ដប៊ែនល្បឿនលឿន។
អ្នកអាចប្រើ Huawei ID ដើម្បីចូលប្រើសេវាកម្មជាច្រើនរបស់ក្រុមហ៊ុន Huawei ដូចជា HUAWEI Cloud, AppGallery, Vmall, Huawei Club, HUAWEI GameCenter (រួមទាំងហ្គេមដែលបានទាញយក) HiCare, HUAWEI Wallet, Huawei Pay, វិចិត្រសាល, HUAWEI Themes, HUAWEI Music, HUAWEI Videos, Huawei Wear, ការបម្រុងទុក, ឯកសារ, កម្មវិធីសុខភាពរបស់ក្រុមហ៊ុន Huawei, HiLives, ជំនួយការពីចម្ងាយ, HiVoice, HUAWEI Drive, ឈ្មោះទំនាក់ទំនង, Huawei Swype, ការផ្ញើសារ, SkyTone, ទីតាំងចែករំលែក, ម៉ូដនិស្សិត, អាល់ប៊ុម, HiBoard, ប្រតិទិន, Notepad, និង Huawei Reader។ សេវាកម្មអាចប្រែប្រួលអាស្រ័យលើម៉ូដែលឧបករណ៍ និង /ឬប្រទេសរបស់អ្នក។ ចំពោះព័ត៌មានបន្ថែមអំពីសេវាកម្មទាំងនេះ សូមមើលមគ្គុទ្ទេសក៍សម្រាប់អ្នកប្រើដែលមានភ្ជាប់មកជាមួយនឹងឧបករណ៍របស់ក្រុមហ៊ុន Huawei របស់អ្នក។
សេវាកម្មនេះរួមបញ្ចូលទាំងសេវាផ្ញើសារភ្លាម។ អ្នកអាចប្រើលក្ខណៈពិសេសនេះដើម្បីផ្ញើសារ រូបសញ្ញាបង្ហាញពីអារម្មណ៍ រូបភាព សំឡេង វីដេអូ និងតំណភ្ជាប់ទៅកាន់អ្នកប្រើផ្សេងទៀត។
ក្នុងអំឡុងពេលអ្នកប្រើប្រាស់សេវានេះ Huawei ID នឹងស្នើឱ្យអ្នកចូលប្រើអង្គផ្ទុកទិន្នន័យ ទូរស័ព្ទ សារជាអក្សរ មីក្រូហ្វូន ទីតាំង ឈ្មោះទំនាក់ទំនង និងកាមេរ៉ារបស់អ្នក។ ប្រសិនបើឧបករណ៍របស់អ្នកប្រើកំណែ EMUI 4.0/MagicUI 2.0 ឬក្រោយនេះ អ្នកអាចបិទការចូលប្រើមុខងារខាងលើរបស់ Huawei ID ដោយចូលទៅកាន់ ការកំណត់ > កម្មវិធី និងការជូនដំណឹង > កម្មវិធី> Huawei ID > ការអនុញ្ញាត។
ដើម្បីផ្តល់ជូនព័ត៌មានសេវាកម្មទាក់ទងនឹង Huawei ID ដល់អ្នក Huawei ID អាចនឹងផ្ញើការជូនដំណឹងប្រព័ន្ធដល់អ្នកតាមរយៈសារ។ អ្នកអាចបិទការជូនដំណឹង ឬបើកការមិនរំខានដោយចូលទៅកាន់ ការកំណត់ > Huawei ID > មិត្តភក្តិ > ការជូនដំណឹងប្រព័ន្ធ
អ្នកត្រូវទទួលខុសត្រូវទាំងស្រុងក្នុងការការពារពាក្យសម្ងាត់ និងឈ្មោះអ្នកប្រើរបស់អ្នក។ លើសពីនេះទៀត អ្នកត្រូវទទួលខុសត្រូវចំពោះរាល់សកម្មភាពទាំងអស់ដែលបានធ្វើឡើងក្នុងគណនីរបស់អ្នកក្នុងករណីមិនបានផ្តល់ការជូនដំណឹងជាមុនដល់ក្រុមហ៊ុន Huawei ថា គណនីរបស់អ្នកត្រូវបានលួច។ អ្នកត្រូវតែជូនដំណឹងដល់ក្រុមហ៊ុន Huawei ភ្លាមៗពីសកម្មភាពណាមួយនៅក្នុងគណនីរបស់អ្នកហួសពីសមត្ថភាពគ្រប់គ្រងរបស់អ្នក ឬរំលោភកិច្ចព្រមព្រៀងនេះតាមរយៈការផ្ញើអ៊ីមែលទៅ huaweiid@huawei.com ។
Huawei នឹងចាត់វិធានការសមស្របដើម្បីការពារទិន្នន័យផ្ទាល់ខ្លួនរបស់អ្នក។ លើកលែងមានការចែងផ្សេងពីនេះក្នុងច្បាប់ ក្រុមហ៊ុន Huawei នឹងមិនបញ្ចេញ ឬបង្ហាញទិន្នន័យផ្ទាល់ខ្លួនរបស់អ្នកដោយគ្មានការយល់ព្រមពីអ្នកឡើយ។ លើសពីនេះទៀត ទិន្នន័យរបស់អ្នកនឹងត្រូវបានបម្លែងទៅកូដដោយប្រើបច្ចេកវិទ្យាការបម្លែងទៅកូដចុងក្រោយបង្អស់មុនពេលរក្សាទុក ឬបញ្ជូន។
អ្នកនឹងតម្រូវឲ្យផ្ដល់ព័ត៌មានខ្លះនៅពេលចុះឈ្មោះ Huawei ID ឬប្រើប្រាស់សេវាកម្មនេះ។ ព័ត៌មាននេះរួមបញ្ចូលទាំង ប៉ុន្តែមិនកំណត់ត្រឹមតែ៖
1) លេខទូរស័ព្ទ ឬអាសយដ្ឋានអ៊ីមែលរបស់អ្នកដើម្បីចុះឈ្មោះគណនី ឬផ្ទៀងផ្ទាត់អត្តសញ្ញាណរបស់អ្នក។
2) ការអនុញ្ញាតឲ្យចូលប្រើព័ត៌មានអំពីទីតាំងរបស់អ្នកដើម្បីប្រើប្រាស់លក្ខណៈពិសេស "នៅជិតខ្ញុំឥឡូវនេះ"
3) ការអនុញ្ញាតឲ្យចូលប្រើព័ត៌មានទំនាក់ទំនងរបស់អ្នកដើម្បីប្រើប្រាស់លក្ខណៈពិសេសសម្រាប់ណែនាំមិត្តភក្តិ។ អ្នកប្រើ Huawei ID អាចស្វែងរកអ្នកដោយប្រើប្រាស់លេខទូរស័ព្ទ ឬអាសយដ្ឋានអ៊ីមែលរបស់អ្នក និងមើលព័ត៌មានសាធារណៈរបស់អ្នករួមមាន រូបថតប្រវត្តិរូប ឈ្មោះហៅក្រៅ និងទីក្រុង។ អ្នកអាចបិទវាបាននៅក្រោមការកំណត់របស់ Huawei ID ។ ដោយផ្អែកលើបទបញ្ញត្តិក្នុងស្រុក និងលក្ខខណ្ឌតាមផ្លូវច្បាប់ អ្នកអាចតម្រូវឲ្យផ្តល់នូវព័ត៌មានផ្ទាល់ខ្លួនរបស់អ្នកដើម្បីផ្ទៀងផ្ទាត់អត្តសញ្ញាណរបស់អ្នក។ ប្រសិនបើព័ត៌មានដែលអ្នកបានផ្ដល់ជូនគឺមិនពេញលេញ អ្នកមិនអាចប្រើប្រាស់កម្មវិធីសូហ្វវែរនេះ ឬអាចហាមឃាត់មិនឲ្យចូលប្រើ។
ដើម្បីធ្វើឱ្យប្រសើរឡើងនូវបទពិសោធន៍ និងការពេញចិត្តរបស់អ្នកប្រើប្រាស់ Huawei នឹងផ្តល់ជូនសេវាកម្មផ្សេងៗគ្នាអាស្រ័យលើលេខទូរស័ព្ទ និងអាសយដ្ឋានអ៊ីមែលដែលអ្នកបានផ្ដល់ឱ្យនៅពេលចុះឈ្មោះគណនីរបស់អ្នក។ ឧទាហរណ៍ ប្រសិនបើអ្នកទាក់ទងមកសេវាបម្រើអតិថិជនរបស់ Huawei តាមរយៈទូរស័ព្ទ ឬអ៊ីមែលនៅហាងលក់របស់ Huawei នោះ Huawei នឹងកំណត់អត្តសញ្ញាណគណនីដែលបានចុះឈ្មោះរបស់អ្នកតាមលេខទូរស័ព្ទ ឬអាសយដ្ឋានអ៊ីមែលរបស់អ្នក និងព័ត៌មានអំពីសេវាដែលអ្នកបានផ្តល់ឱ្យនៅក្នុងកំណត់ត្រាគណនី ការទិញ និងសេវារបស់គណនីអ្នកនៅក្នុង Vmall ដើម្បីផ្តល់ឱ្យអ្នកនូវសេវាអតិថិជនលក្ខណៈផ្ទាល់ខ្លួន។
អ្នកអាចមើល និងកែតម្រូវព័ត៌មានរបស់អ្នកនៅពេលណាមួយក៏បាន។ ទោះជាយ៉ាងណាក៏ដោយ ដើម្បីហេតុផលសន្តិសុខ អ្នកមិនអាចផ្លាស់ប្តូរព័ត៌មានដែលអ្នកបានផ្តល់ជូនដើម្បីផ្ទៀងផ្ទាត់អត្តសញ្ញាណរបស់អ្នកនៅពេលដែលចុះឈ្មោះគណនីរបស់អ្នកបានឡើយ។
ក្រុមហ៊ុន Huawei ប្រើប្រាស់បច្ចេកវិទ្យា និងកម្មវិធីសូហ្វវែរជាច្រើនប្រភេទដែលមានសុវត្ថិភាពដើម្បីទប់ស្កាត់ការចូលប្រើ ការប្រើប្រាស់ ឬការបញ្ចេញព័ត៌មានផ្ទាល់ខ្លួនរបស់អ្នកដោយគ្មានការអនុញ្ញាតឡើយ។
ក្រុមហ៊ុន Huawei នឹងមិនបញ្ចេញព័ត៌មានផ្ទាល់ខ្លួនរបស់អ្នកទៅក្រុមហ៊ុន អង្គភាពនានា ឬបុគ្គលណាមួយផ្សេងទៀតដោយគ្មានការយល់ព្រមជាមុនពីអ្នក លុះត្រាតែការបញ្ចេញព័ត៌មាននេះតម្រូវដោយដោយច្បាប់ និងបទបញ្ញត្តិក្នុងស្រុក។
ក្រុមហ៊ុន Huawei បានប្តេជ្ញាចិត្តក្នុងការផ្តល់ជូនសេវាកម្មដែលទំនើប និងផ្តោតលើអ្នកប្រើ។ ទោះយ៉ាងណាក៏ដោយ ក្រុមហ៊ុន Huawei មិនអាចធានាថា សេវា Huawei ID ទាំងអស់ ឬផ្នែកណាមួយនឹងមានជានិច្ចគ្រប់ពេលវេលា ឬថាសេវាកម្មរបស់ក្រុមហ៊ុនដំណើរការដោយគ្មានកំហុស ឬបញ្ហាឡើយ។ ខណៈពេលដែលបណ្តាប្រទេស និងតំបន់ខ្លះមិនមានហេដ្ឋារចនាសម្ព័ន្ធចាំបាច់សម្រាប់ផ្តល់សេវាកម្មនេះ សេវាកម្មនេះមិនអាចមាននៅក្នុងបណ្តាប្រទេស និងតំបន់ទាំងនោះឡើយ។ ឧទាហរណ៍ កំណែសាកល្បង/មុនដាក់ឲ្យប្រើប្រាស់អាចមិនដំណើរការបានត្រឹមត្រូវទេ។ ការបរាជ័យក្នុងការផ្តល់សេវាកម្មដោយសារតែករណីទាំងនេះនឹងមិនត្រូវបានចាត់ទុកថាជាការល្មើសកិច្ចសន្យាដោយក្រុមហ៊ុន Huawei។
ក្រុមហ៊ុន Huawei សូមរក្សាសិទ្ធិក្នុងការកែប្រែ យកចេញ ដាក់កំហិត និងទប់ស្កាត់ការចូលប្រើ ឬបញ្ឈប់ការផ្តល់នូវផ្នែកទាំងអស់ ឬផ្នែកណាមួយនៃសេវាកម្មនេះតាមការសម្រេចចិត្តត្រឹមត្រូវរបស់ខ្លួនដោយគ្មានការជូនដំណឹងជាមុន។
នៅពេលដែលប្រើសេវាកម្មនេះ អ្នកត្រូវប្រឈមមុខនឹងហានិភ័យមួយចំនួនដែលហួសពីសមត្ថភាពគ្រប់គ្រងរបស់ក្រុមហ៊ុន Huawei។ ហានិភ័យទាំងនេះរួមមានប៉ុន្តែមិនកំណត់ត្រឹម៖ ការបាត់បង់ ឬការបញ្ចេញព័ត៌មានផ្ទាល់ខ្លួនដោយសារករណីប្រធានស័ក្ដិ ហានិភ័យដែលពាក់ព័ន្ធជាមួយនឹងការចូលប្រើគេហទំព័រ និងមាតិកាភាគីទីបី ដោយសារការស្កេនកូដ QR ឬចូលទៅមើលតំណភ្ជាប់ ហានិភ័យ និងការទទួលខុសត្រូវទាក់ទិននឹងការបញ្ជូនបន្ត ការចែករំលែក ឬការបញ្ជូនមាតិកាដែលបានបោះពុម្ពផ្សាយដោយអ្នកប្រើ ការមិនមានសេវា Huawei ID ការពន្យារពេលក្នុងការផ្ញើ/ ទទួលសារ និងការបរាជ័យក្នុងការធ្វើសមកាលកម្មសារដោយសារកម្លាំងសញ្ញាណប្រព័ន្ធ Wi-Fi ខ្សោយ ឬកម្រិតបញ្ជូនទាប។
ក្រុមហ៊ុន Huawei មិនអាចធានាថា ព័ត៌មានដែលបានរក្សាទុក ឬទទួលបានដោយប្រើសេវាកម្មនេះ នឹងមិនរងការខូចខាត ការបាត់បង់ មិនអាចប្រើបាន ឬលុបចោល។ អ្នកត្រូវទទួលស្គាល់ថា អ្នកមានកាតព្វកិច្ចក្នុងការបម្រុងទុកទិន្នន័យទាំងអស់ ឬផ្នែកណាមួយនៃទិន្នន័យរបស់អ្នកដែលបានរក្សាទុកនៅក្នុងគណនីរបស់អ្នក។ អ្នកក៏ត្រូវទទួលស្គាល់ថាប្រសិនបើអ្នកប្រើឧបករណ៍ពីរផ្សេងគ្នាដើម្បីប្រើសេវាកម្មនេះ ទិន្នន័យណាមួយដែលអ្នកបានអាប់ឡូត ឬទាញយក អាចមិនប្រើបាន។
លក្ខណៈពិសេសមួយចំនួននៃសេវាកម្មនេះអាចត្រូវបានផ្តល់ដោយផ្អែកលើព័ត៌មានទីតាំងភូមិសាស្រ្ត។ ក្រុមហ៊ុន Huawei និងដៃគូរបស់ខ្លួនអាចប្រមូល ប្រើប្រាស់ បញ្ជូន ដំណើរការ រក្សាទុក និងចែករំលែកព័ត៌មានទីតាំងភូមិសាស្រ្តទៅតាមលទ្ធភាពដែលអនុញ្ញាតដោយគោលការណ៍ឯកជនភាព របស់ក្រុមហ៊ុន Huawei។ សេវាកម្ម ឬគេហទំព័រភាគីទីបីមួយចំនួនក៏អាចត្រូវការព័ត៌មានទីតាំងភូមិសាស្រ្តរបស់អ្នកផងដែរ។ ក្រុមហ៊ុន Huawei សូមណែនាំឲ្យអ្នកអានរាល់ខ និងលក្ខខណ្ឌទាំងអស់របស់ភាគីទីបីដោយយកចិត្តទុកដាក់។ អ្នកនឹងត្រូវទទួលយករាល់ខទាំងអស់របស់ភាគីទីបីមុនពេលប្រើសេវាកម្មភាគីទីបីនានា។
ទោះបីជាមានបទបញ្ញត្តិពីមុន ក្រុមហ៊ុន Huawei ឬភាគីទីបីណាមួយមិនអាចធ្វើការធានារ៉ាប់រងទាក់ទងនឹងវត្តមាន ភាពត្រឹមត្រូវ ភាពទៀងត្រង់ ភាពអាចជឿជាក់បាន និងភាពទាន់ពេលវេលានៃទិន្នន័យណាមួយ (រួមបញ្ចូល ប៉ុន្ដែមិនបានកំណត់ត្រឹមទិន្នន័យទីតាំងភូមិសាស្ដ្រដែលបានបង្ហាញក្នុសេវាកម្មនេះឡើយ)។ អ្នកមានសិទ្ធិដកពាក្យយល់ព្រមរបស់អ្នកទាក់ទង នឹងការប្រើប្រាស់ទិន្នន័យទីតាំងភូមិសាស្ដ្ររបស់អ្នកដោយក្រុមហ៊ុន Huawei និងអាចបិទសេវាកម្មទីតាំងភូមិសាស្ដ្រដោយផ្លាស់ប្ដូរមុខងារកំណត់ក្នុងឧបករណ៍របស់អ្នកនៅពេលណាមួយក៏បាន។
ក្រុមហ៊ុន Huawei បានប្តេជ្ញាចិត្តក្នុងការផ្តល់ជូនអ្នកនូវសេវាកម្មល្អឥតខ្ចោះ។ អ្នកយល់ព្រមប្រើប្រាស់សេវាកម្មដោយមានគោលបំណងទទួលយកកិច្ចព្រមព្រៀងនេះ និងគោរពតាមច្បាប់ និងបទបញ្ញត្តិណាមួយដែលចូលជាធរមាន។
អ្នកយល់ព្រមមិនប្រើប្រាស់សេវា Huawei ID ដើម្បីចូលរួមក្នុងឥរិយាបថណាមួយដូចខាងក្រោម៖
1) អាប់ឡូត ទាញយក រក្សាទុក ផ្ទេរ ផ្ញើ ឬផ្តល់មាតិកាណាមួយក្នុងន័យផ្សេងដែលខុសច្បាប់ គំរាមកំហែង បង្កគ្រោះថ្នាក់ បង្ខូចកេរ្តិ៍ឈ្មោះ ប្រមាថ ប្រើអំពើហិង្សា អាសអាភាស ប្រកាន់ពូជសាសន៍ ស្អប់ជនបរទេស ឬវាយប្រហារ។
2) រំលោភលើសិទ្ធិឯកជន ការសម្ងាត់ពាណិជ្ជកម្ម ពាណិជ្ជសញ្ញា សិទ្ធិអ្នកនិពន្ធ ប៉ាតង់ និងកម្មសិទ្ធិបញ្ញាផ្សេងទៀត ឬសិទ្ធិផ្សេងទៀតរបស់ភាគីទីបី។
3) ចូលរួមក្នុងប្រតិបត្តិការអាជីវកម្មខុសច្បាប់ណាមួយដូចជាលក់អាវុធ ថ្នាំញៀន សារធាតុខុសច្បាប់ ឬសម្ភារៈផ្សេងទៀតដែលហាមឃាត់។
4) មានគម្រោងចូលរួម ឬចូលរួមក្នុងការលាងលុយកខ្វក់ ការលួចដកប្រាក់ពីកាតឥណទាន ឬប្រតិបត្តិការហិរញ្ញវត្ថុខុសច្បាប់ផ្សេងទៀត។
5) បញ្ចប់ប្រតិបត្តិការដោយប្រើគណនីធនាគារមិនត្រឹមត្រូវ ឬគណនីធនាគាររបស់ភាគីទីបី។
6) ឥរិយាបថផ្សេងទៀតដែលរំលោភលើច្បាប់ បទបញ្ញត្តិ និងគោលការណ៍ជាតិ ឬខដូចដែលមានចែងនៅក្នុងកិច្ចព្រមព្រៀងនេះ។
តាមរយៈនេះអ្នកទទួលស្គាល់ថា ក្រុមហ៊ុន Huawei មានសិទ្ធិគិតថ្លៃអ្នកចំពោះសេវាកម្មមួយចំនួន និងផ្លាស់ប្តូរថ្លៃសេវាតាមការសម្រេចចិត្តផ្ទាល់របស់ខ្លួន។ ក្នុងករណីច្បាប់ និងបទបញ្ញត្តិតម្រូវឱ្យក្រុមហ៊ុន Huawei ជូនដំណឹងជាមុនដល់អ្នកប្រើអំពីការផ្លាស់ប្តូរតម្លៃសេវាណាមួយ ក្រុមហ៊ុន Huawei នឹងជូនដំណឹងជាមុនដល់អ្នកនៅពេលសក្តិសម។ បន្ទាប់ពីតម្លៃសេវាថ្មីចូលជាធរមាន អ្នកនឹងត្រូវទទួលយកតម្លៃថ្មីនេះដើម្បីបន្ដប្រើប្រាស់សេវាកម្មនេះ។ ក្នុងករណីអ្នកមិនយល់ព្រមតាមការផ្លាស់ប្ដូរតម្លៃសេវាណាមួយ អ្នកអាចមានសិទ្ធិបញ្ឈប់ការប្រើប្រាស់សេវាកម្មនេះមុនពេលដែលតម្លៃនេះត្រូវបានផ្លាស់ប្តូរ។ អ្នកអាចទទួលយកកិច្ចព្រមព្រៀង ឬតម្លៃសេវារបស់ភាគីទីបីផ្សេងទៀតមុនពេលដែលអ្នកអាចប្រើប្រាស់សេវាកម្មរបស់ភាគីទីបី។ អ្នកត្រូវបង់ពន្ធណាមួយដែលបានកំណត់យោងតាមច្បាប់ និងបទបញ្ញត្តិពាក់ព័ន្ធ។
មាតិកា ផ្នែក ឬមុខងារមួយចំនួនរបស់សេវាកម្មនេះអាចមានប្រភពមកពីទិន្នន័យ និងតំណភ្ជាប់របស់ភាគីទីបី។ អ្នកទទួលស្គាល់ថា ក្រុមហ៊ុន Huawei មិនទទួលខុសត្រូវចំពោះការខាតបង់ដោយផ្ទាល់ ឬដោយប្រយោល ឬការទូទាត់សំណងជូនអ្នកដោយសារតែការការប្រើប្រាស់របស់អ្នក ឬការពឹងផ្អែកលើសេវាទិន្នន័យ និងតំណភ្ជាប់របស់ភាគីទីបីឡើយ។
"មាតិកាអ្នកប្រើ" សំដៅទៅលើព័ត័មាន និងមាតិកាដែលបានបង្កើតដោយអ្នកប្រើសេវាកម្មនេះ ដូចជា ដ្យាក្រាម អក្សរ រូបភាព សំឡេង វីដេអូ សូហ្វវែរ និងឯកសារទិន្នន័យ។ អ្នកត្រូវទទួលខុសត្រូវទាំងស្រុងចំពោះសម្រាប់រាល់មាតិកាអ្នកប្រើទាំងអស់ដែលបានអាប់ឡូត ទាញយក ផ្សព្វផ្សាយ ផ្ញើតាមអ៊ីមែល បញ្ជូន ឬរក្សាទុកដោយប្រើគណនីរបស់អ្នក។ ក្រុមហ៊ុន Huawei មិនគ្រប់គ្រង ឬចូលប្រើមាតិកាអ្នកប្រើ ដូច្នេះហើយក្រុមហ៊ុន Huawei មិនធានានូវភាពត្រឹមត្រូវ ភាពពេញលេញ និងភាពសមស្របនៃមាតិកាអ្នកប្រើណាមួយឡើយ។ អ្នកទទួលស្គាល់ថា អ្នកត្រូវប្រឈមមុខនឹងហានិភ័យទាំងអស់ដែលទាក់ទងទៅនឹងការប្រើប្រាស់មាតិកាអ្នកប្រើ ដែលបានចេញផ្សាយដោយអ្នកប្រើផ្សេងទៀតនៃសេវាកម្មនេះ។ ក្រុមហ៊ុន Huawei មិនទទួលខុសត្រូវចំពោះមាតិកាអ្នកប្រើណាមួយដែលអ្នកគិតថាថោកទាប បរិហារ អសីលធម៌ ឬមិនសមរម្យ។
1) ការប្តេជ្ញារបស់អ្នកចំពោះក្រុមហ៊ុន Huawei
អ្នកធានាថា អ្នកមានសិទ្ធិទទួលបាន ឬត្រូវបានអនុញ្ញាតឱ្យផ្ទេរ ចែកចាយ បញ្ចេញ និងប្រើប្រាស់តាមវិធីណាមួយនូវរាល់មាតិកាអ្នកប្រើណាមួយដែលបានអាប់ឡូត ទាញយក ចេញផ្សាយ ផ្ញើតាមអ៊ីមែល បញ្ជូន ឬរក្សាទុកដោយប្រើគណនីរបស់អ្នក។
ក្រុមហ៊ុន Huawei មិនតម្រូវឱ្យកាន់កាប់កម្មសិទ្ធិលើមាតិកាអ្នកប្រើដែលអ្នកបានផ្ញើ ឬផ្ដល់ដោយការប្រើប្រាស់សេវាកម្មនេះឡើយ។ ទោះបីយ៉ាងណាក៏បាន អ្នកទទួលស្គាល់ថា ក្រុមហ៊ុន Huawei អាចផ្ទេរមាតិកាអ្នកប្រើរបស់អ្នកកតាមរយៈប្រព័ន្ធផ្សព្វផ្សាយ និងបណ្តាញសាធារណៈផ្សេងៗគ្នាសម្រាប់គោលបំណងដើមសម្រាប់មាតិកាដែលអ្នកផ្ដល់ និងអាចចម្លង កែប្រែ ឬបោះពុម្ពផ្សាយមាតិកាដែលអ្នកប្រើបានរក្សាទុក និងទាញយកវិញនូវមាតិកាអ្នកប្រើសម្រាប់គោលបំណងនេះ។
2) ខអាជ្ញាប័ណ្ណ
ក្រុមហ៊ុន Huawei ផ្តល់ជូនអ្នកនូវអាជ្ញាប័ណ្ណដែលមិនអាចដកហូតបាន មិនមែនជាកម្មសិទ្ធិផ្តាច់មុខ និងមិនអាចផ្ទេរបាន ("អាជ្ញាប័ណ្ណ" នេះ) ដើម្បីប្រើប្រាស់សេវា Huawei ID ដោយយោងតាមកិច្ចព្រមព្រៀងនេះ។ តាមរយៈនេះអ្នកយល់ព្រមមិនឱ្យចូលរួមក្នុងឥរិយាបថណាមួយដូចខាងក្រោម៖
a. ចម្លងផ្នែកណាមួយនៃសេវាកម្មនេះ លុះត្រាតែការចម្លងបែបនេះត្រូវបានអនុញ្ញាតដោយយោងតាមកិច្ចព្រមព្រៀងនេះ។
b. ជួល ដាក់ជួល ផ្តល់អាជ្ញាប័ណ្ណបន្ត សន្យាផ្តល់ បកប្រែ រួមបញ្ចូលជាមួយផលិតផល ឬសេវាកម្មផ្សេងទៀតណាមួយ លៃតម្រូវ ផ្លាស់ប្ដូរ ឬកែប្រែសេវាកម្មនេះ។
c. រុះរើ ដោះចេញ កែច្នៃ ឬបង្កើតចម្លងតាមផ្នែកទាំងអស់ ឬផ្នែកណាមួយនៃសេវាកម្មនេះ ឬប៉ុនប៉ងចូលរួមក្នុងឥរិយាបថទាំងនេះណាមួយ។
d. ផ្ដល់ជូនភាគីទីបីណាមួយ ឬធ្វើឲ្យភាគីទីបីណាមួយប្រើប្រាស់ផ្នែកទាំងអស់ ឬផ្នែកណាមួយនៃសេវាកម្មនេះ (រួមបញ្ចូល ប៉ុន្ដែមិនកំណត់ចំពោះបញ្ជីកម្មវិធី វត្ថុ បញ្ជីគម្រោងប្រភពដើម លេខកូដគោលដៅ និងលេខកូដប្រភពដើម) ដោយមិនមានការយល់ព្រមជាលាយលក្ខណ៍អក្សរពីក្រុមហ៊ុន Huawei។
e. ប្រើសេវាកម្មនេះក្នុងលក្ខណៈលួចបន្លំ ឬសម្រាប់គោលបំណងលួចបន្លំណាមួយ។
f. លុបចោលលិខិតបញ្ជាក់ ឬសេចក្តីជូនដំណឹងណាមួយអំពីកម្មសិទ្ធិដែលមាននៅក្នុងសេវាកម្មនេះ។
g. ប៉ុនប៉ងបិទ បញ្ចៀស កែប្រែ ធ្វើទុព្វលកម្ម ឬជៀសវាងប្រព័ន្ធគ្រប់គ្រងសិទ្ធិឌីជីថលណាមួយដែលទាក់ទងទៅនឹងសេវាកម្មនេះ ឬជាផ្នែកសំខាន់មួយនៃសេវាកម្មនេះ។
ទោះបីជាក្រុមហ៊ុន Huawei ខិតខំប្រឹងប្រែងផ្ដល់ជូនអ្នកនូវសេវាមានលក្ខណៈផ្ទាល់ខ្លួន អ្នកត្រូវទទួលស្គាល់ថា សេវាកម្មនេះមិនសំដៅទៅលើ ឬបំពេញតម្រូវការបុគ្គលរបស់អ្នកទាំងអស់ទេ។ ក្រុមហ៊ុន Huawei មិនធានាថា សេវាកម្មនេះ និងលក្ខណៈពិសេសនៃសេវាកម្មនេះដូចដែលបានរៀបរាប់នៅក្នុងឯកសារណាមួយ អាចបំពេញតាមតម្រូវការបុគ្គលរបស់អ្នកទេ។
អាជ្ញាប័ណ្ណ និងខនេះនឹងត្រូវបានចងជាកាតព្វកិច្ចលើអ្នក និងក្រុមហ៊ុន Huawei ព្រមទាំងអ្នកស្នង និងអ្នកទទួលសិទ្ធិ និងកាតព្វកិច្ចរបស់ភាគីទាំងពីរ។
ដោយគ្មានការយល់ព្រមជាលាយលក្ខណ៍អក្សរជាមុនពីក្រុមហ៊ុន Huawei អ្នកមិនត្រូវផ្ទេរ ដាក់បញ្ចាំ ឬចាត់ចែងកាតព្វកិច្ចបំណុលតាមវិធីផ្សេងទៀតក្រោមអាជ្ញាប័ណ្ណ ឬខនេះ ក៏ដូចជាសិទ្ធិ និងកាតព្វកិច្ចដែលកើតចេញពីអាជ្ញាប័ណ្ណ និងខនេះឡើយ។
ក្នុងរយៈពេលមានសុពលភាពនៃអាជ្ញាប័ណ្ណ និងខនេះ ក្រុមហ៊ុន Huawei អាចផ្ទេរ ចុះកិច្ចសន្យាបន្ត ឬចាត់ចែងកាតព្វកិច្ចបំណុលតាមវិធីផ្សេងទៀតនៅក្រោមអាជ្ញាប័ណ្ណ ឬខនេះ ក៏ដូចជាសិទ្ធិ និងកាតព្វកិច្ចដែលកើតចេញពីអាជ្ញាប័ណ្ណ និងខនេះ។
ចំពោះវិសាលភាពអតិបរមាដែលបានអនុញ្ញាតដោយច្បាប់ អ្នកយល់ព្រមយ៉ាងច្បាស់លាស់ថា អ្នកនឹងផ្តល់ជូនក្រុមហ៊ុន Huawei ដោយពុំអាចដកហូតវិញបាននូវរាល់សិទ្ធិស្របច្បាប់ទាំងអស់ទាក់ទិនទៅនឹងមតិតបណាមួយដែលអ្នកអាចផ្តល់ (រួមទាំងការផ្តល់យោបល់ដែលបានបញ្ជូន និងមតិតបដែលបានផ្តល់សម្រាប់ការធ្វើឱ្យប្រសើរឡើងដល់ផលិតផល និងសេវាកម្ម Huawei)។ លើសពីនេះទៀត ចំពោះវិសាលភាពអតិបរមាដែលបានអនុញ្ញាតដោយច្បាប់ អ្នកលះបង់សិទ្ធិក្នុងការដាក់បណ្តឹងទាមទារសំណងពីក្រុមហ៊ុន Huawei ចំពោះរាល់ការខូចខាតដែលកើតឡើងដោយសារមតិតបដែលបានបញ្ជូនរបស់អ្នក។
ដោយយោងតាមលក្ខខណ្ឌច្បាប់ពាក់ព័ន្ធ ការប្តឹងផ្ដល់ ស្ថាប័នតុលាការ ឬស្ថាប័នរដ្ឋ ឬក្នុងករណីផ្សេងទៀតដែលចាំបាច់ និងសមហេតុសមផល ក្រុមហ៊ុន Huawei អាចចូលប្រើ ប្រើប្រាស់ រក្សាទុក និង/ឬបញ្ចេញព័ត៌មាន និងមាតិកានៃគណនីរបស់អ្នក។
ក្នុងករណីដែលអ្នកជួបប្រទះមាតិកា ឬខ្លឹមសារមិនសមរម្យណាមួយដែលរំលោភកិច្ចព្រមព្រៀងនេះ ឬច្បាប់ និងបទបញ្ញត្តិណាមួយ សូមទាក់ទងមកយើងតាមរយៈការផ្ញើអ៊ីមែលទៅ huaweiid@huawei.com ។
ក្រុមហ៊ុន Huawei អាចអាប់ដេត ឬកែប្រែកិច្ចព្រមព្រៀងនេះពីពេលមួយទៅពេលមួយ ហើយផ្ញើមាតិកាដែលបានកែប្រែតាមរយៈអ៊ីមែល ឬដោយចេញផ្សាយសេចក្តីប្រកាសមួយក្នុងសេវាកម្មនេះ។ អ្នកក៏អាចចូលមើល https://hwid1.vmall.com/CAS/portal/agreements/EULA/km-kh_EULA.html?version=chinaដើម្បីទទួលបានកំណែចុងក្រោយបង្អស់នៃកិច្ចព្រមព្រៀងនេះ។ អ្នកយល់ដឹង និងទទួលយកការពិតថា ក្នុងករណីដែលអ្នកបន្ដប្រើសេវាកម្មនេះ បន្ទាប់ពីកិច្ចព្រមព្រៀងនេះត្រូវបានផ្លាស់ប្ដូរ អ្នកនឹងត្រូវបានចាត់ទុកថាបានទទួលយករាល់ខដែលបានកែប្រែ។ លើសពីនេះ មគ្គទ្ទេសក៍ណែនាំសម្រាប់អ្នកប្រើឧបករណ៍ស្ថានីយអាចធ្វើការពិនិត្យឡើងវិញពីពេលមួយទៅពេលមួយ។ អ្នកយល់ថា នៅពេលអ្នកទទួលបានសេវាកម្មពីភាគីទីបី អ្នកអាចតម្រូវឱ្យទទួលយករាល់ខរបស់ភាគីទីបី រួមបញ្ចូលទាំង ប៉ុន្ដែមិនកំណត់ត្រឹមខរបស់ក្រុមហ៊ុនផ្តល់សេវាទូរស័ព្ទបណ្តាញរបស់អ្នកឡើយ។
អ្នកត្រូវតែគោរពសិទ្ធិលើកម្មសិទ្ធិបញ្ញារបស់ក្រុមហ៊ុន Huawei និងភាគីទីបីណាមួយ។ ក្រុមហ៊ុន Huawei អាចលុបចោល ឬទប់ស្កាត់ការចូលប្រើមាតិកាណាមួយដែលសង្ស័យថាបានរំលោភលើសិទ្ធិកម្មសិទ្ធិបញ្ញា ឬសិទ្ធិផ្សេងទៀត ហើយរក្សាសិទ្ធិក្នុងការផ្អាកគណនីណាមួយដែលទទួលខុសត្រូវចំពោះការបោះពុម្ពផ្សាយមាតិកាទាំងនេះ។ សូមផ្ញើអ៊ីមែលទៅ huaweiid@huawei.com ប្រសិនបើអ្នករកឃើញមាតិកាណាមួយដែលរំលោភសិទ្ធិទាំងនេះ។
ក្នុងករណីដែលក្រុមហ៊ុន Huawei រកឃើញ ឬត្រូវបានជូនដំណឹងអំពីមាតិកាណាមួយដែលអ្នកបានចេញផ្សាយ និងមាតិកាណាមួយដែលរំលោភខក្នុងកិច្ចព្រមព្រៀងនេះក្រុមហ៊ុន Huawei សូមរក្សាសិទ្ធិក្នុងការលុបចោល ឬរាំងខ្ទប់ការចូលប្រើមាតិកាទាំងនេះដោយគ្មានការជូនដំណឹងជាមុន។ ប្រសិនបើក្រុមហ៊ុន Huawei ជឿជាក់ដោយផ្អែកលើមូលដ្ឋានគ្រឹះហេតុផលថាប្រតិបត្តិការរបស់អ្នកជាមួយក្រុមហ៊ុន Huawei តាមរយៈ Huawei ID របស់អ្នកដែលមានជម្លោះ ឬថាមានសកម្មភាពមិនធម្មតាបានភ្ជាប់ជាមួយគណនីរបស់អ្នក ក្រុមហ៊ុន Huawei រក្សាសិទ្ធិដើម្បីបោះបង់ប្រតិបត្តិការនោះ និងការបង្វិលសងការទូទាត់ប្រាក់វិញ។ ក្រុមហ៊ុន Huawei រក្សាសិទ្ធិក្នុងការដាក់ទណ្ឌកម្មដូចខាងក្រោមនៅលើគណនីរបស់អ្នកនៅក្នុងសេណារីយ៉ូណាមួយដូចដែលបានបញ្ជាក់ខាងដើម រួមបញ្ចូលទាំង ប៉ុន្តែមិនកំណត់ត្រឹម៖ ការចេញលិខិតព្រមាន ការរឹតបន្តឹង ឬទប់ស្កាត់ការចូលប្រើមុខងារពិសេសមួយចំនួន ឬទាំងអស់នៅក្នុងសេវាកម្មនេះ ដោយហាមឃាត់ ឬបញ្ចប់គណនីរបស់អ្នក ហើយប្រកាសលទ្ធផលនោះ។ សូមផ្ញើអ៊ីមែលទៅកាន់ huaweiid@huawei.com ប្រសិនបើអ្នករកឃើញមាតិកាណាមួយដែលរំលោភលើខនៃកិច្ចព្រមព្រៀងនេះ។
អ្នកទទួលស្គាល់ថា ក្រុមហ៊ុន Huawei រក្សាសិទ្ធិក្នុងការចាត់វិធានការដាក់ទណ្ឌកម្មតាមការសម្រេចចិត្តត្រឹមត្រូវរបស់ខ្លួនក្នុងករណីឥរិយាបថណាមួយដែលបំពានច្បាប់ និងបទបញ្ញត្តិ ឬខក្នុងកិច្ចព្រមព្រៀងនេះ។ លើសពីនេះទៀត ក្រុមហ៊ុន Huawei អាចចាត់វិធានការសមស្របតាមផ្លូវច្បាប់ដើម្បីប្តឹងអ្នកប្រើណាមួយដែលរំលោភលើខដែលមានចែងក្នុងកិច្ចព្រមព្រៀងនេះ និងផ្ញើព័ត៌មានចាំបាច់ណាមួយទៅក្រសួងស្ថាប័នរដ្ឋពាក់ព័ន្ធដោយយោងតាមតម្រូវការច្បាប់។ អ្នកត្រូវទទួលខុសត្រូវទាំងស្រុងចំពោះមុខច្បាប់ដោយយោងតាមប្រការនេះ។
អ្នកទទួលស្គាល់ថា អ្នកត្រូវទទួលខុសត្រូវទាំងស្រុងចំពោះសំណង ឬការខាតបង់ណាមួយដែលបានទាមទារដោយភាគីទីបី ដោយសារការរំលោភដោយអ្នកទៅលើខនៅក្នុងកិច្ចព្រមព្រៀងនេះ ឬខសេវាកម្មដែលពាក់ព័ន្ធផ្សេងទៀត។ អ្នកក៏ត្រូវទូទាត់សងក្រុមហ៊ុន Huawei រាល់ការខាតបង់ណាមួយដែលបានកើតឡើងដោយសារការរំលោភបំពានដូចដែលបានលើកឡើងខាងលើ។
ក្រុមហ៊ុន Huawei នឹងជូនដំណឹងដល់អ្នកពីច្បាប់ និងបទបញ្ញត្តិដែលពាក់ព័ន្ធដោយចុះផ្សាយសេចក្តីជូនដំណឹងនៅលើគេហទំព័រ និង/ឬតាមរយៈសេវាកម្មនេះ ឬដោយផ្ញើអ៊ីមែលទៅអាសយដ្ឋានអ៊ីមែលត្រឹមត្រូវ ឬអាសយដ្ឋានសំបុត្រដែលអ្នកបានផ្ដល់ជូនក្រុមហ៊ុន Huawei។ អ្នកទទួលស្គាល់ថា អាសយដ្ឋានអ៊ីមែល និងអាសយដ្ឋានសំបុត្រដែលអ្នកបានផ្តល់ជូនក្រុមហ៊ុន Huawei គឺត្រឹមត្រូវ និងត្រូវទទួលខុសត្រូវឆែកមើលប្រអប់សំបុត្ររបស់អ្នកពីពេលមួយទៅពេលមួយ។
ក្រុមហ៊ុន Huawei មិនផ្ដល់ការគាំទ្រដល់អតិថិជនសម្រាប់សេវាកម្មនេះលុះត្រាតែមានការចែងផ្សេងពីនេះ។
ក្រុមហ៊ុន Huawei និងដៃគូរបស់ខ្លួនមិនផ្ដល់ការបកស្រាយ ឬការធានាជាក់លាក់ ឬដោយតុណ្ហីភាព រួមបញ្ចូលទាំង ប៉ុន្តែមិនកំណត់ត្រឹមការធានាទីផ្សាពាណិជ្ជកម្ម និងភាពសក្តិសមសម្រាប់គោលបំណងជាក់លាក់មួយ ឬការមិនរំលោភច្បាប់។ ក្រុមហ៊ុន Huawei និងដៃគូរបស់ខ្លួនមិនធ្វើការធានាដូចខាងក្រោម៖ (1) សេវាកម្មនេះនឹងបំពេញតម្រូវការជាក់លាក់របស់អ្នក (2) សេវាកម្មនេះនឹងត្រូវផ្ដល់ជូនដោយឥតអាក់ខាន ទាន់ពេលវេលា មានសុវត្ថិភាព និងរលូន (3) ព័ត៌មានណាមួយដែលអ្នកទទួលបានក្នុងអំឡុងពេលប្រើប្រាស់សេវាកម្មនេះគឺត្រឹមត្រូវ ឬអាចជឿទុកចិត្តបាន (4) នឹងកែតម្រូវកំហុស ឬបញ្ហាសូហ្វវែរខូចណាមួយដែលមាននៅក្នុងសេវាកម្មនេះ។ ក្រុមហ៊ុន Huawei មិនគ្រប់គ្រងក្រុមហ៊ុនផ្តល់សេវាបណ្តាញរបស់អ្នក ដូច្នេះហើយមិនអាចផ្ដល់ការធានាណាមួយចំពោះការគ្របដណ្តប់សេវា ការមានសេវា និងគុណភាពនៃសេវាដែលផ្ដល់ជូន។ អ្នកត្រូវប្រឈមមុខចំពោះរាល់ហានិភ័យទាំងអស់ដែលទាក់ទិនទៅនឹងរាល់មាតិកាដែលបានទាញយក ទទួលបាន និងចូលប្រើ និងឯកសារផ្សេងទៀតដែលទទួលបានតាមរយៈសេវាកម្មនេះ ព្រមទាំងហានិភ័យនៃការខូចឧបករណ៍ និងការបំផ្លាញទិន្នន័យ និងការបាត់បង់ទិន្នន័យដោយសារការប្រើប្រាស់សេវាកម្មនេះ ឬសេវាកម្មរបស់ភាគីទីបីដោយអ្នក។ អំឡុងពេលប្រើសេវាកម្មនេះ អ្នកត្រូវគោរពតាមច្បាប់ពាក់ព័ន្ធទាំងអស់ដែលចូលជាធរមាន។ រាល់សិទ្ធិស្របច្បាប់របស់អ្នកមិនត្រូវបានរងផលប៉ះពាល់ដោយកិច្ចព្រមព្រៀងនេះ។ ក្នុងករណីដែលបទបញ្ញត្តិណាមួយនៅក្នុងកិច្ចព្រមព្រៀងនេះត្រូវបានចាត់ទុកថាគ្មានសុពលភាពដោយយោងតាមច្បាប់ និងបទបញ្ញត្តិក្នុងស្រុក ការរំលោភច្បាប់ទាំងនេះដោយក្រុមហ៊ុន Huawei នឹងត្រូវបានកំណត់ទៅតាមវិសាលភាពអប្បបរមាដែលបានអនុញ្ញាតដោយច្បាប់។
ដែនសមត្ថកិច្ចមួយចំនួនហាមឃាត់ ឬច្រានចោលការធានា ឬការដាក់កំហិត ឬច្រានចោលការទទួលខុសត្រូវចំពោះការខូចខាតជាក់លាក់។ ហេតុដូច្នេះហើយ សេចក្តីប្រកាសបដិសេធន៍ទទួលខុសត្រូវ និងដែនកំណត់នៃការទទួលខុសត្រូវមិនអាចអនុវត្តចំពោះអ្នកទេ។ អ្នកយល់ដឹង និងយល់ព្រមយ៉ាងជាក់លាក់ថា ក្រុមហ៊ុន Huawei និងសាខា បុត្រសម្ព័ន្ធ ថ្នាក់គ្រប់គ្រង នាយក បុគ្គលិក ភ្នាក់ងារ ដៃគូ និងភាគីពេញសិទ្ធិរបស់ខ្លួនមិនត្រូវទទួលខុសត្រូវចំពោះការខូចខាតដោយផ្ទាល់ ដោយប្រយោល ជាយថាហេតុ ពិសេស រាយរង ឬជំងឺចិត្តប្រដៅក្នុងករណីដូចខាងក្រោម រួមបញ្ចូលទាំងប៉ុន្ដែមិនកំណត់ត្រឹម ការបាត់បង់ទិន្នន័យ ការខាតបង់ប្រាក់ចំណេញ ការខូចខាតកេរ្តិ៍ឈ្មោះ និងការខាតបង់អរូបីយ៍ផ្សេងទៀត (បើទោះបីជាក្រុមហ៊ុន Huawei ត្រូវបានជូនដំណឹងពីលទ្ធភាពនៃការខូចខាតទាំងនេះក៏ដោយ)៖ (1) ប្រើប្រាស់ ឬអសមត្ថភាពក្នុងការប្រើប្រាស់សេវាកម្មនេះ (2) ផ្លាស់ប្ដូរសេវាកម្មនេះ ហើយការផ្អាកជាបណ្តោះអាសន្ន ឬជាអចិន្រ្តៃយ៍ចំពោះផ្នែកណាមួយ ឬផ្នែកទាំងអស់នៃសេវាកម្ម (3) ចូលប្រើ ឬផ្លាស់ប្ដូរការផ្ទេរ ឬទិន្នន័យរបស់អ្នកដោយគ្មានការអនុញ្ញាត (4) ការលុបចោល ការបំផ្លាញ ឬមិនបានរក្សាទុក និង/ឬផ្ញើព័ត៌មានផ្ទេរ ឬទិន្នន័យរបស់អ្នកតាមរយៈសេវាកម្មនេះ (5) ពាក្យសម្តី ឬសកម្មភាពដោយភាគីទីបីណាមួយអំឡុងសេវាកម្មនេះ និង (6) បញ្ហាផ្សេងទៀតណាមួយដែលពាក់ព័ន្ធនឹងសេវាកម្មនេះ។
កម្រិតអតិបរមានៃការទទួលខុសត្រូវរបស់ក្រុមហ៊ុន Huawei និងដៃគូរបស់ខ្លួនចំពោះអ្នក និងវិធានការដោះស្រាយតាមផ្លូវច្បាប់ចំពោះពាក្យបណ្តឹងទាមទារណាមួយ និងទាំងអស់លើការខូចខាត រងរបួស និងការបាត់បង់ទ្រព្យសម្បត្ដិដែលកើតចេញពីការប្រើប្រាស់សេវាកម្មនេះ ឬសេវាកម្មរបស់ភាគីទីបីនៅក្រោមកិច្ចព្រមព្រៀងនេះគឺត្រូវទូទាត់សងអ្នកទៅតាមការខាតបង់ជាក់ស្តែងដែលបានកើតឡើង។ ការទូទាត់សំណងសម្រាប់អ្នកមិនត្រូវលើសពីចំនួនទឹកប្រាក់សរុបដែលអ្នកបានបង់ឱ្យក្រុមហ៊ុន Huawei សម្រាប់ការប្រើប្រាស់សេវាកម្មនេះ។
គ្មានខ្លឹមសារណាមួយនៅក្នុងកិច្ចព្រមព្រៀងនេះនឹងកំណត់ ឬបដិសេធការទទួលខុសត្រូវរបស់ក្រុមហ៊ុន Huawei ចំពោះការស្លាប់ ឬរងរបួសរាងកាយដែលកើតឡើងដោយសារតែការធ្វេសប្រហែស ឬការលួចបន្លំដោយក្រុមហ៊ុន Huawei ឬដៃគូណាមួយរបស់ខ្លួន។
អ្នកមានកាតព្វកិច្ចដើម្បីធានាសងក្រុមហ៊ុន Huawei និងសមាជិកក្រុមប្រឹក្សាភិបាលរបស់ខ្លួន អ្នកគ្រប់គ្រងជាន់ខ្ពស់ បុគ្គលិក ភ្នាក់ងារ ដៃគូ កផ្គត់ផ្គង់ និងអ្នកផ្តល់អាជ្ញាប័ណ្ណដែលប្តឹងទាមទារសំណងពីភាគីទីបីណាមួយ ឬដាក់ពាក្យបណ្តឹង (រួមបញ្ចូលទាំងថ្លៃសេវាមេធាវីសមរម្យ) កើតឡើងដោយសារតែករណីដូចខាងក្រោម៖
1) ការផ្ញើ បោះពុម្ពផ្សាយ បញ្ជូន ឬផ្តល់មាតិកាដោយប្រើគណនីរបស់អ្នក។
2) ការប្រើប្រាស់សេវាកម្មនេះនិង/ឬការចូលរួមក្នុងកម្មវិធីផ្តល់ជូនពិសេសជាមួយគណនីរបស់អ្នក។
3) ការចូលរួមក្នុងសកម្មភាពណាមួយដែលរំលោភលើខដូចដែលមានចែងនៅក្នុងកិច្ចព្រមព្រៀងនេះ។
4) ការចូលរួមក្នុងសកម្មភាពណាមួយដែលរំលោភលើសិទ្ធិណាមួយរបស់ភាគីទីបីដូចជាការរំលោភសិទ្ធិណាមួយលើកម្មសិទ្ធិបញ្ញារបស់ភាគីទីបី ឬការបោះពុម្ពផ្សាយមាតិកា ឬខ្លឹមសារបរិហារកេរ្តិ៍ណាមួយដែលរំលោភកិច្ចព្រមព្រៀងស្តីពីការរក្សាការសម្ងាត់។
5) ការកែប្រែ ឬផ្លាស់ប្តូរមាតិកាដែលមាននៅក្នុងសេវាកម្មនេះដោយគ្មានការអនុញ្ញាតជាមុន។
កាតព្វកិច្ចដូចដែលបានចែងខាងលើត្រូវមានប្រសិទ្ធភាពបន្ទាប់ពីការបញ្ចប់កិច្ចព្រមព្រៀងនេះ ឬបន្ទាប់ពីអ្នកឈប់ប្រើប្រាស់សេវាកម្មនេះ។
ប្រការទី 17 ស្តីពី “ដែនកំណត់នៃការទទួលខុសត្រូវ និងវិធានការដោះស្រាយតាមផ្លូវច្បាប់” និងប្រការទី 18 ស្តីពី “សំណង” ក្រោមកិច្ចព្រមព្រៀងនេះចូលជាធរមានដោយឯករាជ្យទោះបីជាគេជឿថា ខនេះមិនអាចសម្រេចបាននូវគោលបំណងជាមូលដ្ឋាន ឬមិនអាចអនុវត្តបានដោយយោងតាមច្បាប់ពាក់ព័ន្ធ។ យោងតាមវិសាលភាពដែលបានអនុញ្ញាតដោយច្បាប់ពាក់ព័ន្ធដែលចូលជាធរមាន ដែនកំណត់នៃការទទួលខុសត្រូវតាមផ្លូវច្បាប់នៅក្នុងប្រការទី 16 និង 17 ត្រូវចូលជាធរមានដោយមិនគិតពី (1) ការល្មើសកិច្ចសន្យា (2) ការរំលោភលើការធានា (3) កំហុស ឬអំពើរំលោភបំពានរួមទាំងការធ្វេសប្រហែស និងការបកស្រាយខុស (4) ការទទួលខុសត្រូវដាច់ខាត ឬ (5) ហេតុផលផ្សេងទៀតណាមួយ។
ការសន្និដ្ឋាន ដែនសមត្ថកិច្ច និងការបកស្រាយកិច្ចព្រមព្រៀងនេះនឹងត្រូវគ្រប់គ្រងដោយច្បាប់នៃទីក្រុងហុងកុងដោយមិនគិតពីសភាពជាន់គ្នានៃគោលការណ៍ច្បាប់។ អ្នក និងក្រុមហ៊ុន Huawei យល់ព្រមថា ជម្លោះ បណ្តឹងទាមទារ និងសំណើណាមួយ និងទាំងអស់ដែលកើតចេញពីការអនុវត្តកិច្ចព្រមព្រៀងនេះ និងការទទួលយកនូវសេវាកម្មនេះក្រោមកិច្ចព្រមព្រៀងនេះនឹងត្រូវដាក់ជូនទៅក្រុមប្រឹក្សាអាជ្ញាកណ្តាលអន្តរជាតិនៃទីក្រុងហុងកុង (HKIAC) ហើយត្រូវគ្រប់គ្រងដោយច្បាប់អាជ្ញាកណ្តាលរបស់ HKIAC។ អ្នក និងក្រុមហ៊ុន Huawei ក៏ត្រូវយល់ព្រមច្រានចោលការអនុវត្តអនុសញ្ញាអង្គការសហប្រជាជាតិស្តីពីកិច្ចសន្យាស្តីពីការលក់ទំនិញជាលក្ខណៈអន្តរជាតិ។ អ្នកនឹងមិនប្រើប្រាស់ ឬនាំចេញសេវាកម្មណាមួយ (រួមបញ្ចូលទាំងកម្មវិធីសូហ្វវែរណាមួយ) ដែលរំលោភលើច្បាប់ បទបញ្ជា ឬបទបញ្ញត្តិស្តីពីការគ្រប់គ្រងការនាំចេញរបស់សហរដ្ឋអាមេរិក។ យោងតាមវិសាលភាពអតិបរមាដែលបានអនុញ្ញាតដោយច្បាប់ ពាក្យបណ្តឹងទាមទា ឬបណ្តឹងវិវាទណាមួយនឹងត្រូវបានធ្វើឡើងក្នុងរយៈពេលមួយ (1) ឆ្នាំបន្ទាប់ពីបានប្រើប្រាស់សេវាកម្មនេះ។ បើមិនដូច្នេះទេ ពាក្យបណ្តឹងទាមទារណាមួយនឹងត្រូវបានចាត់ទុកថាគ្មានសុពលភាព។
ក្នុងករណីខ្លឹមសារណាមួយនៃខទាំងនេះត្រូវបានវិនិច្ឆ័យដោយតុលាការ ឬអាជ្ញាធរដទៃទៀតថាគ្មានសុពលភាព ខ្លឹមសារនៃលក្ខខណ្ឌផ្សេងទៀតមិនត្រូវរងផលប៉ះពាល់ និងខផ្សេងទៀតនឹងនៅតែចងជាកិច្ច និងអាចអនុវត្តបានចំពោះភាគីទាំងពីរទៅតាមវិសាលភាពអតិបរមាដែលបានអនុញ្ញាតដោយច្បាប់។
ចំណងជើងក្នុងកិច្ចព្រមព្រៀងនេះត្រូវបានប្រើប្រាស់ដើម្បីបង្កលក្ខណៈងាយស្រួលតែប៉ុណ្ណោះ ហើយមិនមានអនុភាពតាមផ្លូវច្បាប់ ឬកិច្ចព្រមព្រៀងនេះ។
ក្រុមហ៊ុន Huawei អាចបែងចែកកាតព្វកិច្ចទាំងអស់ ឬណាមួយក្រោមកិច្ចព្រមព្រៀងនេះនៅពេលណាមួយក៏បានដោយគ្មានការជូនដំណឹងជាមុន។ អ្នកមិនត្រូវបែងចែកកាតព្វកិច្ចនៅក្រោមកិច្ចព្រមព្រៀងនេះ ឬបែងចែក ផ្ទេរ ឬផ្តល់សិទ្ធិក្រោមកិច្ចព្រមព្រៀងនេះ។
អ្នកទទួលស្គាល់ថា ការបរាជ័យណាមួយដោយក្រុមហ៊ុន Huawei ក្នុងការអនុវត្តឬពង្រឹងសិទ្ធិស្រច្បាប់ ឬវិធានការដោះស្រាយតាមផ្លូវច្បាប់ណាមួយក្រោមកិច្ចព្រមព្រៀងនេះមិនមែនជាការលះបង់សិទ្ធិក្រោមកិច្ចព្រមព្រៀងនេះ។ ខទាំងនេះ (រួមទាំងគោលការណ៍ស្តីពីសិទ្ធិឯកជន មគ្គទ្ទេសក៍ណែនាំសម្រាប់អ្នកប្រើប្រាស់ (ក្នុងករណីអ្នកបានប្រើឧបករណ៍ម៉ាក Huawei) និងខណាមួយផ្សេងទៀតដែលត្រូវបានបង្កើតឡើងស្របតាមច្បាប់ពាក់ព័ន្ធ) បង្កើតជាកិច្ចព្រមព្រៀងទាំងមូលរវាងអ្នក និងក្រុមហ៊ុន Huawei ទាក់ទងទៅនឹងការប្រើប្រាស់សេវាកម្មនេះ។
ការបកប្រែកិច្ចព្រមព្រៀងនេះត្រូវបានផ្តល់ជូនសម្រាប់ជាឯកសារយោងតែប៉ុណ្ណោះ។ ក្នុងករណីភាសាផ្សេងទៀតមានភាពខុសគ្នាជាមួយនឹងភាសាអង់គ្លេស នោះត្រូវយកភាសាអង់គ្លេសជាគោល។
ការបិទគណនីរបស់អ្នកនឹងលុបចោលទិន្នន័យទាំងអស់ដែលរក្សាទុកក្នុងគណនីរបស់អ្នករួមទាំងមាតិកាអ្នកប្រើទាំងអស់ដែលបានបង្កើតឡើងដោយគណនីរបស់អ្នក។ សូមអានកិច្ចព្រមព្រៀងនេះយ៉ាងយកចិត្តទុកដាក់មុននឹងសម្រេចចិត្តបិទគណនីរបស់អ្នក។
អ្នកអាចបិទគណនីរបស់អ្នកតាមរយៈការកំណត់គណនីរបស់អ្នក ឬដោយបញ្ឈប់ការប្រើសេវាកម្មនេះ។ ក្រុមហ៊ុន Huawei សូមរក្សាសិទ្ធិបិទគណនីរបស់អ្នកដោយយោងតាមលក្ខខណ្ឌនៃច្បាប់ពាក់ព័ន្ធ ពាក្យបណ្តឹង និងស្ថាប័នតុលាការ/ស្ថាប័នរដ្ឋ។
ក្រុមហ៊ុន Huawei អាចលុបជាអចិន្ត្រៃយ៍រាល់ទិន្នន័យណាមួយ ឬទាំងអស់ដែលបានរក្សាទុកនៅក្នុងគណនីរបស់អ្នកភ្លាមបន្ទាប់ពីបិទគណនី។ ទោះជាយ៉ាងណាក៏ដោយ ក្រុមហ៊ុន Huawei អាចតម្រូវឲ្យរក្សាទុកច្បាប់ចម្លងនៃទិន្នន័យនេះដោយយោងតាមលក្ខខណ្ឌច្បាប់ដែលពាក់ព័ន្ធ។ លើសពីនេះទៀត ព័ត៌មានដែលអ្នកផ្ញើទៅឱ្យអ្នកប្រើផ្សេងទៀត (ដូចជាសារជាដើម) មិនអាចលុបចោលបានទេ។
ការបិទគណនីរបស់អ្នកនឹងមិនធ្វើឲ្យអ្នករួចពីកាតព្វកិច្ចណាមួយក្នុងការបង់ថ្លៃសេវាណាមួយដែលបានកើតឡើង ឬមុនថ្ងៃបិទគណនី។ ក្រុមហ៊ុន Huawei ឬភាគីទីបីណាមួយមិនត្រូវទទួលខុសត្រូវចំពោះផលវិបាកណាមួយដែលបានកើតឡើងដោយសារតែអ្នកមិនអាចចូលប្រើសេវាកម្មនេះបន្ទាប់ពីគណនីរបស់អ្នកត្រូវបានបិទ។ ប្រការទី 3-10 និង 13-21 នៅតែមានប្រសិទ្ធភាពបន្ទាប់ពីបិទគណនីរបស់អ្នក/បញ្ចប់កិច្ចព្រមព្រៀងនេះ។
ក្រុមហ៊ុន Huawei និងបុគ្គលិក ភ្នាក់ងារ ឬអ្នកចុះកិច្ចសន្យាបន្តរបស់ខ្លួនមិនត្រូវទទួលខុសត្រូវចំពោះផលវិបាកដែលកើតចេញពីបរាជ័យក្នុងការអនុវត្តកាតព្វកិច្ច ការពន្យារពេលអនុវត្តកាតព្វកិច្ច និងការអនុវត្តកាតព្វកិច្ចណាមួយក្រោមកិច្ចព្រមព្រៀងផ្សេងទៀត ដោយសារតែហេតុការណ៍ហួសពីសមត្ថភាពគ្រប់គ្រង ("ហេតុហួសនិស្ស័យ")។
ក្នុងករណីកើតមានហេតុហួសនិស្ស័យ ក្រុមហ៊ុន Huawei មានសិទ្ធិក្នុងការផ្អាកការអនុវត្តនូវកាតព្វកិច្ចណាមួយក្រោមកិច្ចព្រមព្រៀងនេះ និងបន្តអនុវត្តកាតព្វកិច្ចបន្ទាប់ពីរយៈពេលផ្អាកណាមួយ។ ក្រុមហ៊ុន Huawei នឹងខិតខំបញ្ចប់ហេតុការណ៍ករណីហេតុហួសនិស្ស័យ ឬស្វែងរកដំណោះស្រាយដើម្បីឱ្យក្រុមហ៊ុន Huawei នៅតែអាចអនុវត្តកាតព្វកិច្ចរបស់ខ្លួនក្នុងអំឡុងពេលមានហេតុការណ៍នេះ។
ក្នុងអំឡុងពេលអនុវត្តកិច្ចព្រមព្រៀងនេះ ការបរាជ័យណាមួយដោយក្រុមហ៊ុន Huawei ក្នុងការអនុវត្តកាតព្វកិច្ចរបស់ខ្លួនក្រោមកិច្ចព្រមព្រៀងនេះ ឬអនុវត្តសិទ្ធិ ឬវិធានការដោះស្រាយតាមផ្លូវច្បាប់ណាមួយ មិនចាត់ទុកជាការលះបង់សិទ្ធិក្រោមកិច្ចព្រមព្រៀងនេះទេ។ អ្នកមិនត្រូវលើកលែងក្រុមហ៊ុន Huawei ឲ្យរួចពីកាតព្វកិច្ចរបស់ខ្លួនឡើយ។ ការលះបង់សិទ្ធិណាមួយដោយក្រុមហ៊ុន Huawei មិនមែនជាការរួចពីកាត្វកិច្ចដោយសារល្មើសកិច្ចសន្យាជាបន្តបន្ទាប់។ លុះត្រាតែក្រុមហ៊ុន Huawei បង្ហាញយ៉ាងច្បាស់ពីបំណងលះបង់សិទ្ធិ និងជូនដំណឹងដល់អ្នកជាលាយលក្ខណ៍អក្សរ ការលើកលែងក្រុមហ៊ុន Huawei ពីខ្លឹមសារណាមួយដែលនៅក្រោមកិច្ចព្រមព្រៀងនេះនឹងត្រូវបានចាត់ទុកជាមោឃៈ។
មុនពេលកិច្ចព្រមព្រៀងនេះចូលជាធរមាន ការពិគ្រោះយោបល់ណាមួយដោយផ្ទាល់មាត់ឬជាលាយលក្ខណ៍អក្សរ នឹងមិនត្រូវបានយល់ថាផ្តល់ការបញ្ជាក់ ឬការប្តេជ្ញា ឬការសន្យាណាមួយឡើយ។ ទោះបីជាអ្នកជឿថា អ្នកបានចុះហត្ថលេខាលើកិច្ចព្រមព្រៀងនេះដោយសារតែអ្នកពឹងផ្អែកទៅលើការបកស្រាយខុសណាមួយដែលធ្វើឡើងដោយក្រុមហ៊ុន Huawei អ្នកនឹងមិនមានសិទ្ធិក្នុងការទទួលបានដំណោះស្រាយតាមផ្លូវច្បាប់ឡើយ (លុះត្រាតែបានបកស្រាយខុសត្រូវបានធ្វើឡើងក្នុងគោលបំណងបន្លំ)។
អ្នក និងក្រុមហ៊ុន Huawei គឺជាភាគីឯករាជ្យ។ ការសន្និដ្ឋាននៃកិច្ចព្រមព្រៀងនេះមិនបង្កើតជាកិច្ចសហប្រតិបត្តិការ ការបណ្តាក់ទុនរួមគ្នា ឬការទំនាក់ទំនងរវាងអ្នក និងក្រុមហ៊ុន Huawei។
សាខា និងបុត្រសម្ព័ន្ធរបស់ក្រុមហ៊ុន Huawei គឺជាអ្នកទទួលផលជាភាគីទីបីពីកិច្ចព្រមព្រៀងនេះ។ ក្រុមហ៊ុនបុត្រសម្ព័ន្ធទាំងនេះអាចអនុវត្តកិច្ចព្រមព្រៀងនេះក្នុងនាមជាភាគីនៃកិច្ចព្រមព្រៀងនេះ។
អ្នកត្រូវយល់ទាំងស្រុងនូវព័ត៌មានផ្ទាល់ខ្លួនរបស់អ្នក ឬព័ត៌មានផ្សេងទៀតណាមួយដែលក្រុមហ៊ុន Huawei ប្រមូលបាន អាចនឹងត្រូវបានរក្សាទុក និងបានដំណើរការនៅក្នុងប្រទេសផ្សេងទៀត។ អ្នកបញ្ជាក់យ៉ាងច្បាស់ និងធានាថា អ្នកនឹងមិនអាប់ឡូត ធ្វើសមកាលកម្ម ឬបញ្ជូនកម្មវិធីសូហ្វវែរ ទិន្នន័យបច្ចេកទេសណាមួយ និងទិន្នន័យផ្សេងទៀតដែលគ្រប់គ្រងដោយបទបញ្ញត្តិស្តីពីការគ្រប់គ្រងការនាំចេញរបស់ការិយាល័យឧស្សាហកម្មនិងសន្តិសុខសហរដ្ឋអាមេរិកតាមរយៈសេវាកម្មដែលផ្តល់ជូនដោយក្រុមហ៊ុន Huawei។ ក្នុងករណីដែលអ្នកមិនគោរពតាមការធានាដូចដែលចែងពីមុន សកម្មភាពរបស់អ្នកនឹងត្រូវបានចាត់ទុកថាជា សកម្មភាព “នាំចេញ” ដោយយោងតាមបទបញ្ញត្តិស្តីពីការគ្រប់គ្រងការនាំចេញរបស់អាមេរិក ហើយអ្នកអាចប្រឈមមុខនឹងការពិន័យពាក់ព័ន្ធ។ យោងតាមវិសាលភាពអតិបរមាដែលបានអនុញ្ញាតដោយច្បាប់ ក្រុមហ៊ុន Huawei ត្រូវទទួលខុសត្រូវចំពោះសកម្មភាពនេះ។
អ្នកបញ្ជាក់យ៉ាងច្បាស់ និងធានាថា អ្នកនឹងមិនអាប់ឡូត ធ្វើសមកាលកម្ម ដំណើរ ឬផ្ទេរទិន្នន័យណាមួយដែលអាចរំលោភសិទ្ធិលើកម្មសិទ្ធិបញ្ញារបស់ប្រទេសណាមួយក្រៅពីប្រទេសរបស់អ្នក។
បានធ្វើបច្ចុប្បន្នភាពលើកចុងក្រោយ៖ ខែតុលា ឆ្នាំ 2018