Cloud foydalanuvchi bilan kelishuvi
Quyidagi shartlar va qoidalar (ushbu “Shartlar”) siz bilan Huawei Software Technologies Co. Ltd. va uning filiallari (“Huawei”) o‘rtasidagi qonuniy shartnoma hisoblanadi. Ushbu Kelishuv sizning Huawei ID xizmatlaridan (ushbu “Xizmat”) foydalanishingiz bo‘yicha qonuniy huquq va majburiyatlaringizni belgilab beradi. “Siz” deganda ushbu Xizmatdan foydalanadigan va/yoki unga kiradigan har qanday yakka shaxs tushuniladi.
Quyidagi shartlarni diqqat bilan ko‘rib chiqing. “Roziman” tugmasini bosish orqali siz mazkur Shartlar bilan tanishib chiqqan hamda ularga rozilik bildirgan hisoblanasiz. Agar ushbu Shartlarga to‘lig‘icha yoki qisman rozi bo‘lmasangiz, mazkur Xizmatdan foydalanmasligingiz lozim.
Siz shuni bildirasiz va kafolatlaysizki, siz ushbu Kelishuvni imzolash va uni bajarish uchun yetarlicha qonuniy huquqlarga yoki vakolatga egasiz hamda ushbu Kelishuvni imzolashingiz va uni bajarishingiz siz bajarishingiz lozim bo‘lgan boshqa biror Kelishuv bilan zid kelmaydi. Siz, shuningdek, ushbu Kelishuv qonuniy kuchga egaligini va zarur bo‘lganda da’vo qilish kuchiga egaligini ham tasdiqlaysiz.
1) Yoshga oid talablar
Agar siz voyaga yetmagan bo‘lsangiz, ushbu Xizmatdan foydalanishga qaror qilishingizdan oldin ushbu Kelishuvni ota-onangiz yoki qonuniy vasiy(lar)ingiz bilan o‘qib chiqishingiz va ular ushbu Kelishuv mazmunini to‘liq tushunib yetishi lozim. Siz ota-onangiz yoki qonuniy vasiy(lar)ingizdan ruxsat olmay turib ushbu Xizmatdan foydalana olmaysiz va foydalanmasligingiz lozim. Bundan tashqari, biz bolalar Internet, mobil telefon va boshqa qurilmalardan foydalanayotganda ularning ota-onasi yoki qonuniy vasiylari ularni nazorat qilib turadi, deb hisoblaymiz.
2) Qurilmaga oid talablar
Ushbu Xizmatdan foydalanish uchun siz bir yoki undan ortiq mos qurilmaga, simsiz mobil internet xizmatiga, mos dasturiy ta’minot va mos tarmoq xizmati provayderi tomonidan taqdim etiladigan Internet aloqasiga ega bo‘lishingiz lozim (Internetga asoslangan xizmatlardan foydalanish uchun keng yo‘lakli internet aloqasi zarur). Huawei va ushbu Xizmat sizga yuqoridagi qurilmalar, xizmatlar yoki dasturiy ta’minotni taqdim etmaydi. Siz yuqoridagi qurilmalar, xizmatlar va dasturiy ta’minotga egalik qilish yoki xarid qilishingiz hamda qurilma, xizmat va dasturiy ta’minotdan foydalanish uchun ishlab chiquvchisining shartlarini qabul qilishingiz lozim. Buning uchun sizdan to‘lov talab qilinishi mumkin. Qurilma, dasturiy ta’minot va Internet aloqasi kabi omillar ushbu Xizmatdan foydalanishingizga ta’sir qilishi mumkin. Sizga yuqori tezlikdagi keng yo‘lakli Internet aloqasidan foydalanish tavsiya etiladi.
Huawei ID yordamida siz HUAWEI Cloud, AppGallery, Vmall, Huawei Club, HUAWEI GameCenter (jumladan, yuklab olingan o‘yinlarga kirishda), HiCare, HUAWEI Wallet, Huawei Pay, Galereya, HUAWEI Themes, HUAWEI Music, HUAWEI Videos, Huawei Wear, Zaxira, Fayllar, Huawei Health, HiLives, Remote Assistance, HiVoice, HUAWEI Drive, Kontaktlar, Huawei Swype, Xabarlar, SkyTone, Joylashuv axborotini ulashish, Talaba rejimi, Albom, HiBoard, Taqvim, Yondaftar va Huawei Reader kabi Huawei xizmatlariga kirishingiz mumkin. Xizmatlar qurilmangiz modeli va/yoki mamlakatga qarab farq qilishi mumkin. Mavjud xizmatlar haqida qo‘shimcha ma’lumot olish uchun Huawei qurilmangiz bilan birga kelgan foydalanuvchi qo‘llanmasiga qarang.
Bu Xizmat tarkibida tezkor xabar almashinuv xizmatlari ham bor. Bu funksiya yordamida siz SMS xabar, kulgich, rasm, audio, video va turli havolalarni boshqa foydalanuvchilarga yuborishingiz mumkin.
Bu Xizmatdan foydalanayotganingizda Huawei ID sizdan qurilma xotirasi, telefon, SMS, mikrofon, joylashuv axboroti, kontaktlar va kameradan foydalanishga ruxsat so‘raydi. Agar qurilmangiz EMUI 4.0 yoki undan yuqori versiyasida ishlasa, Huawei ID uchun yuqorida ta’kidlangan ruxsatnomalarni mana bu yerdan bekor qilishingiz mumkin: Sozlamalar > Ilovalar va bildirishnomalar > Ilovalar > Huawei ID > Ruxsatnomalar.
Huawei ID bilan aloqador xizmat haqidagi ma’lumotlarni taqdim etish maqsadida Huawei ID sizga tizimga oid bildirishnomalarni xabar ko‘rinishida yuborishi mumkin. Bildirishnomalarni o‘chirib qo‘yish yoki “Bezovta qilinmasin” rejimini yoqish uchun Sozlamalar > Huawei ID > Do‘stlar > Tizim bildirishnomalari menyusiga o‘ting.
Bunda, foydalanuvchi nomi va parolingiz himoyasi uchun faqat o‘zingiz javobgar hisoblanasiz. Bundan tashqari, siz hisobingiz bilan amalga oshirilgan har qanday xatti-harakat uchun javobgarlikni o‘z zimmangizga olasiz. Agar hisobingiz xavf ostida ekanligi haqida Huawei kompaniyasini ogohlantirgan bo‘lsangiz, bu holat undan mustasno. Agar hisobingizda sizning nazoratingizdan tashqarida biror xatti-harakat kuzatilsa yoki bu harakat ushbu Kelishuv qoidalarini buzadigan bo‘lsa, siz darhol huaweiid@huawei.com e-pochtasiga xabar yuborib, bu haqda Huawei kompaniyasini ogohlantirishingiz lozim.
Huawei shaxsiy ma’lumotlaringizni himoya qilish uchun mos chora-tadbirlarni ko‘radi. Agar qonuniy talab qilinmasa, Huawei shaxsiy ma’lumotlaringizni sizning roziligingizsiz hech kimga bermaydi yoki ularni oshkor qilmaydi. Bunga qo‘shimcha tarzda ma’lumotlaringiz saqlab qo‘yilishi yoki boshqa joyga uzatilishidan oldin ular eng so‘nggi shifrlash texnologiyalari yordamida shifrlanadi.
Huawei ID xizmatida ro‘yxatdan o‘tayotganda yoki ushbu Xizmatdan foydalanayotganda sizdan muayyan ma’lumotlarni taqdim etish talab qilinadi. Bu ma’lumotlarga quyidagilar kiradi, jumladan va shu bilan cheklanmagan holda:
1) Telefon raqamingiz yoki e-pochta manzilingiz – hisobni ro‘yxatdan o‘tkazish yoki shaxsingizni tasdiqlash uchun.
2) Joylashuvingiz haqidagi ma’lumotlarga kirish uchun ruxsat – “Yaqin-atrofda” xizmatini taqdim etish uchun;
3) Kontaktlaringizga kirish uchun ruxsat – do‘stlarni tavsiya etish funksiyasi uchun. Huawei ID foydalanuvchilari sizni telefon raqamingiz yoki e-pochta manzilingiz orqali qidirib topishi hamda hammaga ochiq ma’lumotlaringizni, jumladan, profilingizdagi rasm, taxallusingiz, shahar va boshqa ma’lumotlarni ko‘rishi mumkin. Buni Huawei ID sozlamalaridan o‘chirib qo‘yishingiz mumkin. Mahalliy qonun-qoidalar va qonuniy talablarga muvofiq, sizdan shaxsingizni tasdiqlash uchun shaxsiy ma’lumotlaringizni taqdim etish talab qilinishi mumkin. Agar siz taqdim etgan ma’lumot chala bo‘lsa, siz ushbu Xizmatdan foydalana olmasligingiz yoki unga kirishingiz cheklanishi mumkin.
Foydalanuvchi tajribasi va mahsulotdan qoniqish darajasini yaxshilash maqsadida Huawei siz o‘z hisobingizni ro‘yxatdan o‘tkazayotgan paytda taqdim etgan telefon raqami va e-pochta manzili asosida har xil xizmatlarni taklif qiladi. Masalan, Huawei mijozlarga xizmat ko‘rsatish markaziga telefon yoki e-pochta orqali bog‘lansangiz yoki Huawei firma do‘konidan biror xizmatdan foydalansnagiz, Huawei sizga mos xizmatlarni taqdim etish maqsadida hisobingizni telefon raqami yoki e-pochta manzili asosida hamda hisobingizga bog‘langan xizmatlar haqidagi ma’lumotlar va Vmall do‘konidagi xaridlaringiz va xizmat qaydlari asosida hisobingizni identifikatsiya qiladi.
Siz ma’lumotlaringizni xohlagan vaqtda ko‘rish va o‘zgartirish imkoniga egasiz. Shunday bo‘lsa-da, xavfsizlik yuzasidan hisobingizni ro‘yxatdan o‘tkazayotganda shaxsingizni tasdiqlash uchun taqdim etgan ma’lumotlarni o‘zgartira olmaysiz.
Huawei shaxsiy ma’lumotlaringizga ruxsatsiz kirish, foydalanish yoki oshkor qilinishining oldini olish uchun bir qator himoya texnologiyalari va dasturiy ta’minotlardan foydalanadi.
Huawei shaxsiy ma’lumotlaringizni sizdan oldindan rozilik olmay turib hech qanday kompaniya, tashkilot yoki yakka shaxslarga oshkor qilmaydi. Ma’lumotlarni oshkor qilish mahalliy qonun va qoidalar tomonidan talab qilinadigan holatlar bundan mustasno.
Huawei sizga yuqori sifatli, foydalanuvchiga mo‘ljallangan xizmatlarni taqdim etishga bel bog‘lagan. Shunday bo‘lsa-da, Huawei kompaniyasi Huawei ID xizmatlarining har doim ham to‘liq yoki qisman mavjud bo‘lishini yoki uning xizmatlari xatolik va kamchiliklardan xoli bo‘lishini kafolatlay olmaydi. Ayrim mamlakatlarda va hududlarda ushbu Xizmatni taqdim etish uchun zarurriy infratuzilma rivojlanmaganligi bois ushbu Xizmat o‘sha joylarda mavjud bo‘lmasligi ham mumkin. Masalan, uning beta/sinov versiyalari kutilganidek ishlamasligi mumkin. Shunday holatlar tufayli xizmatlarni taqdim eta olmaslik ushbu shartnomaning Huawei tomonidan buzilishi sifatida qaralmasligi lozim.
Huawei hech qanday ogohlantirishsiz, o‘z xohishiga ko‘ra ushbu Xizmatni to‘liq yoki qisman o‘zgartirish, o‘chirib tashlash, kirishni cheklash, taqiqlash yoki to‘xtatib qo‘yish huquqini o‘zida saqlab qoladi.
Ushbu Xizmatdan foydalanayotganda siz Huawei nazoratidan tashqarida bo‘lgan muayyan xavf-xatarlarni hisobga olishingiz lozim. Bunday xavf-xatarlarga quyidagilar kirishi mumkin, jumladan va shu bilan cheklanmagan holda: fors-major holati tufayli shaxsiy ma’lumotlarning yo‘qolishi yoki oshkor qilinishi; tashqi veb-saytlarga kirish va QR kodni skanerlash yoki havolaga tashrif buyurish bilan bog‘liq xavf-xatarlar; foydalanuvchi joylagan kontentni qayta yo‘llash, ulashish yoki uzatish bilan bog‘liq xavf-xatar va majburiyatlar; Huawei ID xizmatlarining mavjud bo‘lmasligi, xabarlarni yuborish/olishdagi kechikishlar hamda Wi-Fi signali yoki internet tezligi pastligi tufayli xabarlarni sinxronlay olmaslik.
Huawei ushbu Xizmat orqali saqlab olingan yoki olingan ma’lumotlarning zarar ko‘rmasligi, yo‘qolmasligi, yo‘q bo‘lib qolmasligi yoki o‘chib ketmasligini kafolatlay olmaydi. Siz hisobingizda saqlanayotgan ma’lumotlarni to‘liq yoki qisman zaxiralab olish majburiyatiga ega ekanligingizni bilishingizni tasdiqlaysiz. Siz, shuningdek, shuni ham tasdiqlaysizki, agar ushbu Xizmatdan foydalanish uchun ikki xil qurilmadan foydalansangiz, siz yuklagan yoki yuklab olgan ma’lumotlaringiz ularning har birida mavjud bo‘lmasligi mumkin.
Ushbu Xizmatning ayrim funksiyalari geografik joylashuv haqidagi ma’lumotlarga asoslangan holda taqdim etilishi mumkin. Huawei va uning hamkorlari geografik joylashuvingiz haqidagi ma’lumotlarni Huawei maxfiylik siyosati tomonidan ruxsat etilgan maksimal doirada to‘plashi, foydalanishi, uzatishi, qayta ishlashi, saqlashi va boshqalar bilan baham ko‘rishi mumkin. Ayrim tashqi xizmatlari yoki veb-saytlar ham geografik joylashuvingiz haqidagi ma’lumotlarni talab qilishi mumkin. Huawei tashqi xizmatlardan foydalanish shartlari va qoidalarini diqqat bilan o‘qib chiqishni tavsiya qiladi. Siz tashqi xizmatlardan foydalanish uchun ularning foydalanish shartlarini qabul qilishingiz lozim.
Yuqoridagi qoidalarga qaramasdan Huawei yoki hech qanday uchinchi tomon biror ma’lumotning (jumladan va bu bilan cheklanmagan holda, ushbu Xizmatda ko‘rsatilgan geografik joylshuv haqidagi ma’lumotlar) mavjudligi, aniqligi, butunligi, ishonchliligi va mavridliliga yuzasidan hech qanday kafolat bermaydi. Siz Huawei tomonidan geografik joylashuvingiz haqidagi ma’lumotlarning ishlatilishiga nisbatan bergan roziligingizni qaytarib olish huquqiga egasiz. Siz xohlagan vaqtda qurilmangiz sozlamalarini o‘zgartirish orqali geografik joylashuvni aniqlash xizmatini o‘chirib qo‘yishingiz mumkin.
Huawei sizga yuqori sifatli xizmatlarni taqdim etishga bel bog‘lagan. Siz ushbu Xizmatdan ko‘zda tutilgan maqsadda foydalanish, ushbu Kelishuvni qabul qilish va amaldagi har qanday qonun-qoida va normativ hujjatlarga bo‘ysunishga rozilik bildirasiz.
Siz Huawei ID xizmatlaridan quyidagi xatti-harakatlarning hech biri uchun foydalanmaslikka rozilik berasiz:
1) Har qanday turdagi noqouniy, tahdid qiluvchi, zararli, sharmanda qiluvchi, haqorat qiluvchi, zo‘ravonlik qiluvchi, pornografik, millatchilik qiluvchi, chet elliklarni yomon ko‘ruvchi yoki nomaqbul kontentni yuklash, yuklab olish, saqlash, o‘tkazish, yuborish yoki ta’minlash.
2) Birovning maxfiyligi, savdo sirlari, savdo belgilari, mualliflik huquqlarini, patentlari va boshqa intellektual mulk huquqlari va boshqa turdagi huquqlarini buzish.
3) Biror noqununiy biznes bitimlarida, masalan, o‘qotar qurollar, giyohvand moddalar, noquniniy moddalat yoki boshqa taqiqlangan narsalarni sotish amaliyotlarida ishtirok etish.
4) Noqununiy daromadlarni legallashtirish, kredit kartalarni soxtalashtirish yoki boshqa noqununiy moliyaviy bitimlarda ishtirok etish yoki ishtirok etishni qasd qilish.
5) Soxta bank hisobi yoki birovning bank hisobi yordamida pul o‘tkazmalarini amalga oshirish.
6) Milliy qonunlar, tartib-qoidalar, siyosatlar yoki mazkur Kelishuvda ta’kidlangan shartlarni buzuvchi boshqa xatti-harakatlar.
Siz shuni tasdiqlaysizki, Huawei ayrim xizmatlar uchun sizdan haq olishi hamda xizmatlar narxini o‘z xohishiga ko‘ra o‘zgartirishi mumkin. Agar mahalliy qonun-qoidalar Huawei kompaniyasidan narxdagi o‘zgarishlar haqida foydalanuvchilarni oldindan ogohlantirishni talab qilsa, Huawei sizni bu haqda oldindan mos vaqtda xabardor qiladi. Yangi narx kuchga kirgach, ushbu Xizmatdan foydalanishda davom etish uchun yangi narxni qabul qilishingiz lozim. Agar narxdagi o‘zgarishlarga rozi bo‘lmasangiz, siz narx o‘zgarishidan oldin ushbu Xizmatdan foydalanishni to‘xtatishingiz lozim. Siz tashqi xizmatlardan foydalanishdan oldin ularning kelishuvlarini yoki narxlarini qabul qilishingiz lozim. Siz mahalliy qonunlar va normativ hujjatlarga muvofiq har qanday soliq majburiyatlarini bajarishingiz lozim.
Ushbu Xizmatning ayrim kontentlari, bo‘limlari yoki funksiyalari tashqi ma’lumotlar va havolalar orqali kelishi mumkin. Siz tashqi ma’lumotlar va havolalardan foydalanish yoki ularga bog‘liqlik tufayli sizga nisbatan kelib chiqqan yoki kelib chiqdi deb taxmin qilingan bevosita yoki bilvosita yo‘qotishlar uchun Huawei kompaniyasi javobgar emasligini tasdiqlaysiz.
“Foydalanuvchi kontenti” deganda ushbu Xizmat foydalanuvchilari tomonidan yaratilgan axborot va kontentga, masalan, diagrammalar, belgilar, rasmlar, audio, videolar, dasturiy ta’minot va axborot fayllari tushuniladi. Siz hisobingiz yordamida yuklangan, yuklab olingan, chiqarilgan, e-pochta orqali yuborilgan, uzatilgan yoki saqlab olingan har qanday foydalanuvchi kontenti uchun to‘liq javobgarlikni o‘z zimmangizga olasiz. Huawei foydalanuvchi kontenti ustidan nazorat qilmaydi yoki unga kirmaydi, shuning uchun Huawei biror foydalanuvchi kontentining aniqligi, to‘liqligi yoki mosligi uchun hech qanday kafolat bera olmaydi. Siz shuni tasdiqlaysizki, ushbu Xizmatning boshqa foydalanuvchilari tomonidan joylangan foydalanuvchi kontentidan foydalanish bilan bog‘liq har qanday xavf-xatar uchun javobgarlikni o‘z zimmangizga olasiz. Huawei siz qo‘pol, jirkanch, noma’qul yoki nomaqbul deb hisoblaydigan har qanday foydalanuvchi kontenti uchun hech qanday kafolat bermaydi.
1) Sizning Huawei kompaniyasi oldidagi majburiyatlaringiz
Siz o‘z hisobingiz nomidan yuklangan, yuklab olingan, chiqarilgan, e-pochta orqali yuborilgan, uzatilgan yoki saqlab olingan har qanday foydalanuvchi kontentini har qanday usulda o‘tkazish, tarqatish, oshkor qilish va foydalanish vakolatiga ega ligingizni kafolatlaysiz.
Huawei siz ushbu Xizmat yordamida yuborgan yoki taqdim etgan foydalanuvchi kontentiga nisbatan hech qanday egalik huquqini talab qilmaydi. Biroq, siz Huawei kontent taqdim etilgan asl maqsadni bajarish yo‘lida foydalanuvchi kontentingizni turli xil media va ochiq tarmoqlar orqali o‘tkazishi hamda foydalanuvchilar tomonidan saqlangan kontentdan nusxa olishi, o‘zgartirishi yoki joylashi va ushbu maqsadda foydalanuvchi kontentini chaqirib olishi mumkinligini ham tasdiqlaysiz.
2) Litsenziya shartlari
Huawei sizga ushbu Kelishuvga muvofiq Huawei ID xizmatlaridan foydalanishingiz uchun qaytarib olinmaydigan, mutlaq bo‘lmagan va birovga o‘tkazib bo‘lmaydigan litsenziyani (ushbu “Litsenziya”) taqdim etadi. Siz quyidagi xatti-harakatlarning hech birida ishtirok etmaslikka rozilik bildirasiz:
a. Ushbu Xizmatning biror qismini nusxalash, bunday nusxalashga ushbu Kelishuvga muvofiq ruxsat berilgan holat mustasno.
b. Ushbu Xizmatni ijaraga berish, lizingga berish, sublitsenziya berish, garovga berish, tarjima qilish, boshqa biror mahsulot yoki xizmat bilan birlashtirish, sozlash, o‘zgartirish yoki tuzatish.
c. Ushbu Xizmat yoki uning biror qismini buzish, dekompilyatsiya qilish, teskari muhandislik qilish, undan hosilaviy mahsulotlar yaratish yoki shunday xatti-harakatlarda ishtirok etishga urinish.
d. Huawei kompaniyasining yozma roziligisiz ushbu Xizmatni (jumladan va shu bilan cheklanmagan holda, dasturlar ro‘yxati, obyektlar, manba loyihalari ro‘yxati, maqsadli dastur kodlari va manba kodlarini) to‘liq yoki qisman shaklda biror uchinchi tomonga har qanday usulda taqdim etish yoki uchinchi tomonning undan foydalanishini ta’minlash.
e. Ushbu Xizmatdan firibgarlik usulida yoki firibgarlik maqsadida foydalanish.
f. Ushbu Xizmatdagi egalik huquqi haqidagi biror bayonot yoki eslatmalarni o‘chirib tashlash.
g. Ushbu Xizmatga aloqador yoki uning ajralmas qismi hisoblangan biror raqamli huquqlarni boshqarish tizimlarini o‘chirib qo‘yish, aylanib o‘tish, o‘zgartirish, yaroqsiz holatga keltirish yoki boshqa usullarda chap berishga urinish.
Huawei sizga moslashtirilgan xizmatlarni taqdim etishga harakat qilsa-da, siz ushbu Xizmat barcha individual talablaringizni qamrab ololmasligini tasdiqlaysiz. Huawei ushbu Xizmat va u bilan birga kelgan hujjatlarda ta’riflangan uning xususiyatlari sizning individual ehtiyojlaringizni qondirishini kafolatlamaydi.
Ushbu Litsenziya va shartlar siz bilan Huawei o‘rtasida, shuningdek, har ikkala tomon huquq va majburiyatlarining davomchilari va o‘tkazuvchilari o‘rtasida amal qilinishi lozim.
Siz Huawei kompaniyasining oldindan berilgan yozma roziligisiz ushbu Litsenziya yoki shartlar ostidagi majburiyatlarni hamda ushbu Litsenziya va shartlardan kelib chiquvchi huquq va majburiyatlarni boshqaga o‘tkazish, garovga qo‘yish yoki boshqa usullarda bekor qilishingiz mumkin emas.
Ushbu Litsenziya va shartlarning amal qilish muddati davrida Huawei ushbu Litsenziya yoki shartlar ostidagi majburiyatlarni hamda ushbu Litsenziya va shartlardan kelib chiquvchi huquq va majburiyatlarni boshqaga o‘tkazish, qo‘shimcha shartnoma tuzish yoki boshqa usullarda chiqitga chiqarishi mumkin.
Qonun tomonidan ruxsat etilgan maksimal darajada, siz o‘zingiz yuboradigan fikr-mulohazalarga (jumladan, Huawei mahsulotlari va xizmatlarini takomillashtirish uchun yuborilgan taklif va mulohazalarga) oid barcha qonuniy huquqlarni Huawei kompaniyasiga qaytarib olinmaydigan qilib taqdim etishga rozi ekanligingizni ochiq-oydin tasdiqlaysiz. Bundan tashqari, qonun tomonidan ruxsat etilgan maksimal darajada, siz o‘zingiz yuborgan fikr-mulohaza tufayli yuzaga kelgan har qanday zarar uchun Huawei kompaniyasiga tovon to‘lash uchun da’vo qilish huquqingizdan yaqqol tarzda voz kechasiz.
Aloqador qonun talablari, sud ishlari hamda sud va hukumat organlari talablariga muvofiq yoki asosli va zarur vaziyatlarda Huawei hisobingiz haqidagi ma’lumotlar va kontentingizga kirishi, ulardan foydalanishi, saqlab olishi va/yoki oshkor qilishi mumkin.
Agar biror nomaqbul yoki ushbu Kelishuv yoki biror qonun-qoida va normalarni buzuvchi kontentga duch kelsangiz, marhamat qilib biz bilan huaweiid@huawei.com e-pochtasi orqali bog‘laning.
Huawei vaqti-vaqti bilan ushbu Kelishuvni yangilashi yoki unga o‘zgartirish kiritishi hamda ushbu Xizmatda e’lon qilish orqali o‘zgartirilgan kontentni e-pochta orqali yuborishi mumkin. Ushbu Kelishuvning eng so‘nggi versiyasini olish uchun https://hwid1.vmall.com/CAS/portal/agreements/EULA/uz-uz_EULA.html?version=china sahifasiga tashrif buyuring. Agar siz ushbu Kelishuvga o‘zgartirish kiritilganidan keyin ham mazkur Xizmatdan foydalanishda davom etsangiz, siz o‘zgartirilgan shartlarni qabul qilgan hisoblanishingizni bilasiz va bunga rozilik bildirasiz. Bundan tashqari, terminal qurilmangizdan foydalanish qo‘llanmasi ham vaqti-vaqti bilan qayta ko‘rib chiqilishi mumkin. Siz uchinchi tomon taqdim etgan xizmatlarni olganingizda sizdan uchinchi tomon shartlarini, jumladan va shu bilan cheklanmagan holda, tarmoq operatoringiz shartlarini qabul qilish talab qilinishi mumkinligini bilasiz.
Siz Huawei va boshqa uchinchi tomonlarning intellektual mulkka oid huquqlarini hurmat qilishingiz kerak. Huawei intellektual mulk huquqlari yoki boshqa huquqlarni buzayotgan deb gumon qilingan har qanday kontentni o‘chirib tashlashi yoki unga kirishni cheklab qo‘yishi mumkin hamda shunday kontentni joylaganlik uchun javobgar hisoblangan har qanday hisob faoliyatini to‘xtatib qo‘yishi mumkin. Agar qonunlarni buzuvchi biror kontentga duch kelsangiz, marhamat qilib huaweiid@huawei.com e-pochtasi orqali bizga xabar bering.
Agar Huawei siz joylagan kontent ushbu Kelishuv shartlarini buzayotganini aniqlasa yoki bu haqda xabardor qilinsa, u hech qanday ogohlantirishsiz bunday kontentni o‘chirib tashlash yoki unga kirishni taqiqlab qo‘yish huquqini o‘zida saqlab qoladi. Agar Huawei asosli dalillar asosida Huawei kompaniyasi bilan Huawei ID orqali moliyaviy o‘tkazmalaringiz nizoli ekanligini yoki hisobingiz bilan bog‘liq shubhali xatti-harakatlarni aniqlasa, Huawei moliyaviy o‘tkazmani bekor qilish hamda to‘lovni qaytarish huquqini o‘zida saqlab qoladi. Huawei yuqorida ta’kidlangan holatlarda hisobingizga nisbatan quyidagi jazo choralarini qo‘llashi mumkin, jumladan va shu bilan cheklanmagan holda: ogohlantirish berish, ushbu Xizmatning barcha yoki ayrim funksiyalaridan foydalanishni cheklash yoki taqiqlash, hisobingizni bloklash yoki yopib qo‘yish hamda natijalarni e’lon qilish. Agar ushbu Kelishuv shartlarini buzuvchi biror kontentga duch kelsangiz, marhamat qilib huaweiid@huawei.com e-pochtasi orqali bizga xabar bering.
Agar siz amaldagi qonunlar va normativ hujjatlar yoki ushbu Kelishuv shartlarini buzuvchi xatti-harakatlarda ishtirok etsangiz, Huawei o‘z qaroriga muvofiq jazo choralarini qo‘llash huquqini o‘zida saqlab qolishini tasdiqlaysiz. Bundan tashqari, Huawei shu yerda ta’kidlangan shartlarni buzgan har qanday foydalanuvchiga nisbatan qonuniy chora ko‘rishi hamda qonuniy talablarga muvofiq, zarur ma’lumotlarni aloqador hukumat idoralariga yuborishi mumkin. Siz ushbu band bilan bog‘liq ravishda yuzaga kelgan barcha qonuniy majburiyatlarni o‘z zimmangizga olasiz.
Siz ushbu Kelishuv shartlari yoki boshqa aloqador xizmatlardan foydalanish shartlarini buzganingiz tufayli uchinchi taraf tomonidan da’vo qilingan har qanday tovon yoki yo‘qotishlar uchun faqat o‘zingiz javobgar bo‘lishingizni tasdiqlaysiz. Siz yuqorida ta’kidlangan qoidabuzarliklar tufayli Huawei kompaniyasi ko‘rgan zararni ham qoplab berishingiz lozim.
Huawei o‘z veb-saytida eslatmalar chiqarish va/yoki ushbu Xizmat orqali yoki siz Huawei kompaniyasiga taqdim etgan yaroqli e-pochta manzillari yoki pochta manzillariga xat yuborish orqali aloqador qonun-qoidalar va normativ hujjatlar haqida sizni ogohlantiradi. Siz Huawei kompaniyasiga taqdim etilgan e-pochta manzillaringiz va pochta manzillaringiz to‘g‘ri ekanligi hamda pochta qutingizni vaqti-vaqti bilan tekshirib turishingizni tasdiqlaysiz.
Huawei boshqa holatlar ko‘zda tutilmagan bo‘lsa, ushbu Xizmat uchun mijozlarga alohida ko‘mak xizmatini taqdim etmaydi.
Huawei va uning hamkorlari hech qanday yaqqol yoki ko‘zda tutilgan ishonchnoma yoki kafolat, jumladan va shu bilan cheklanmagan holda, sotishga yaroqliligi, tijoriy mavjudligi, muayyan maqsadga mosligi va hech qanday qonunlarni buzmasligi yuzasidan hech qanday kafolat bermaydi. Huawei va uning hamkorlari quyidagilarning hech biriga kafolat bermaydi: (1) ushbu Xizmat sizning muayyan talablaringizga mos ekanligi; (2) ushbu Xizmat to‘xtalishlarsiz, mavridli, xavfsiz va nuqsonsiz shaklda taqdim etilishi; (3) ushbu Xizmatdan foydalanish orqali olingan har qanday ma’lumot to‘g‘ri yoki ishonchli ekanligi; (4) har qanday dasturiy ta’minot nuqsonlari yoki xatoliklari ushbu Xizmatning bir qismi sifatida tuzatilishi. Huawei tarmoq operatoringiz ustidan nazorat o‘rnata olmaydi, shuning uchun u taqdim etiladigan xizmatlarning qamrovi, mavjudligi va sifati uchun hech qanday kafolat bermaydi. Siz ushbu Xizmat orqali yuklab olingan, qo‘lga kiritilgan, ruxsat olingan kontent va boshqa materiallar bilan bog‘liq xavf-xatarlar hamda ushbu Xizmat yoki tashqi xizmatlardan foydalanish oqibatida qurilma va ma’lumotlarga zarar yetishi, kontentning yo‘qolishi xavflari uchun javobgarlikni o‘z zimmangizga olasiz. Ushbu Xizmatdan foydalanish vaqtida siz barcha amaldagi mos qonunlarga rioya qilishingiz lozim. Ushbu Kelishuv sizning qonuniy huquqlaringizga ta’sir qilmaydi. Agar ushbu Kelishuvning biror qoidasi mahalliy qonunlar va normativ hujjatlarga muvofiq yaroqsiz deb topilsa, Huawei tomonidan bunday qonunlarning buzilishi qonun tomonidan ruxsat etilgan minimal daraja bilan cheklanadi.
Ayrim yurisdiksiyalar muayyan kafolat yoki cheklovlarni yoki muayyan zararlar uchun javobgarlikni taqiqlashi yoki istisno qilishi mumkin. Shuning uchun, ayrim ogohlantirishlar va mas’uliyatning cheklanishi sizga nisbatan qo‘llanilmasligi mumkin. Siz shuni yaqqol tushunasiz va rozilik bildirasizki, Huawei va uning filiallari, sho‘ba kompaniyalari, boshqaruvi, boshqaruvchilari, xodimlari, agentlari, hamkorlari va vakolatli tomonlar quyidagi vaziyatlarda, jumladan va shu bilan cheklanmagan holda, ma’lumotlarning yo‘qolishi, foydaning yo‘qolishi, ko‘ngilli yo‘qotishlar va boshqa ushlab bo‘lmaydigan zararlar (hatto Huawei shunday zararlarning ehtimolligi haqida ogohlantirilgan bo‘lsa-da) oqibatida sizga yetgan har qanday bevosita, bilvosita, tasodifiy, maxsus, hosilaviy yoki jarimaviy zararlar uchun hech qanday javobgarlikni o‘z zimmasiga olmaydi: (1) ushbu Xizmatdan foydalanish yoki foydalana olmaslik; (2) ushbu Xizmatga o‘zgartirish kiritilishi va Xizmatning to‘liq yoki qisman shaklda vatincha yoki butunlay to‘xtatilishi; (3) ma’lumotlaringizga ruxsatsiz kirish yoki ma’lumotlar o‘tkazmasini o‘zgartirish; (4) ma’lumotlarning o‘chirib tashlanishi, buzib tashlanishi yoki saqlab bo‘lmasligi va/yoki ushbu Xizmat orqali ma’lumotlar o‘tkazilishi; (5) ushbu Xizmatdan foydalanishingiz vaqtida biror uchinchi tomon bayonoti yoki xatti-harakatining ko‘rsatilishi; va (6) ushbu Xizmatga aloqador boshqa masalalar.
Huawei va uning hamkorlarining ushbu Kelishuv ostida mazkur Xizmat yoki tashqi xizmatlardan foydalanishingiz oqibatida yuzaga kelgan zararlar, jarohatlar va mulkka yetkazilgan zararlar uchun sizning oldingizdagi maksimal javobgarligi va yagona himoya vositasi faqat sizga yetgan haqiqiy zararni qoplash bilan cheklanadi. Sizga ko‘rilgan zarar uchun qoplab beriladigan miqdor siz ushbu Xizmatdan foydalanish uchun Huawei kompaniyasiga to‘langan miqdordan oshib ketmasligi lozim.
Ushbu Kelishuvning hech qanday sharti Huawei yoki uning biror hamkorining e’tiborsizligi yoki firibgarligi tufayli yuz bergan o‘lim holati yoki yetkazilgan tan jarohati uchun Huawei kompaniyasining javobgarligini cheklay yoki istisno qila olmaydi.
Siz Huawei va uning direktorlari kengashi a’zolari, katta menejerlari, xodimlari, agentlari, hamkorlari, ta’minotlari va litsenziya beruvchilariga quyidagi holatlar oqibatida yuzaga kelgan tashqi da’volar yoki sud ishlari (jumladan, asosli sud xarajatlari) uchun ko‘rilgan zararni qoplab berish majburiyatini o‘z zimmangizga olasiz:
1) Hisobingiz yordamida kontent yuborish, joylash, jo‘natish yoki taqdim etish.
2) Ushbu Xizmatdan hisobingiz orqali foydalanish va/yoki promoaksiyalarda ishtirok etish.
3) Ushbu Kelishuv shartlarini buzuvchi har qanday xatti-harakatlarda ishtirok etish.
4) Ushinchi taraf huquqlarini, masalan, uchinchi tarafning intellektual mulk huquqlarini buzuvchi har qanday xatti-harakatlarda ishtirok etish, birovning sha’niga dog‘ tushiruvchi yoki maxfiylik bitimlarini buzuvchi kontentlarni joylash.
5) Ushbu Xizmatdagi biror kontentni ruxsatsiz modifikatsiya qilish yoki o‘zgartirish.
Ushbu Kelishuv tugatilganidan keyin yoki siz ushbu Xizmatdan foydalanishni to‘xtatsangiz ham, yuqorida ta’kidlangan majburiyatlar o‘z kuchida qoladi.
Agar shartlar asosiy maqsadga erishish uchun yaroqsiz yoki qonun talablariga muvofiq amalda qo‘llab bo‘lmaydi deb topilgan taqdirda, ushbu Kelishuv ostidagi “Mas’uliyatning cheklanishi va himoya choralari” (17-bo‘lim) va “Zararni qoplash” (18-bo‘lim) shartlari mustaqil ravishda kuchga kiradi. Amaldagi mos qonunlar tomonidan ruxsat etilgan doirada, (1) shartnomaning buzilishi, (2) kafolatning buzilishi, (3) xatoliklar yoki qoidabuzarlik holatlari, jumladan, e’tiborsizlik va faktlarni buzib ko‘rsatish, (4) qat’iy javobgarlik yoki (5) boshqa har qanday sababdan qat’i nazar 16- va 17-bo‘limdagi huquqiy majburiyatlarning cheklanishi shartlari amalda qo‘llaniladi.
Ushbu kelishuvning xulosasi, yurisdiksiyasi va izohlanishi qonun tamoyillarining zid kelishiga qaramasdan Gonkong qonunlari tomonidan tartibga solinadi. Siz va Huawei ushbu Kelishuv shartlarini bajarish hamda ushbu kelishuv ostida mazkur Xizmatning qabul qilinishi natijasida kelib chiqadigan har qanday nizolar, da’volar va ishlar Gonkong xalqao hakamlik markaziga (HKIAC) taqdim etilishi va HKIAC qoidalari asosida tartibga solinishiga rozilik bildirasizlar. Siz va Huawei Birlashgan Millatlar Tashkilotining xalqaro tovarlar oldi-sotdi shartnomalari to‘g‘risidagi konvensiyasining qo‘llanilishini ochiq-oydin istisno qilishga rozilik bildirasizlar. Siz AQSH eksport nazorati qonunlari, normativ hujjatlar yoki normalarni buzuvchi hech qanday xizmatdan (jumladan, biror dasturiy ta’minotdan) foydalanish yoki eksport qilishingiz mumkin emas. Qonun tomonidan ruxsat etilgan maksimal darajada, har qanday da’vo yoki sud da’volari ushbu Xizmat ishlatilgan muddatdan boshlab bir (1) yil ichida yuborilishi lozim. Aks holda, har qanday da’vo yaroqsiz deb hisoblanadi.
Agar ushbu shartlarning biror kontenti sud yoki boshqa vakolatli organ tomonidan yaroqsiz deb topilsa, bu holat boshqa shartlarning kontentiga ta’sir qilmasligi hamda boshqa shartlar hanuz kuchda qolishi va har ikkala tomon o‘rtasida qonun tomonidan ruxsat etilgan maksimal darajagacha bajarilishi lozim.
Ushbu Kelishuv sarlavhalari faqat qulaylik maqsadida ishlatilgan bo‘lib, ular hech qanday qonuniy yoki kelishuv kuchiga ega emas.
Huawei xohlagan vaqtda ogohlantirishsiz ushbu Kelishuv ostidagi majburiyatlarni to‘liq yoki qisman shaklda tarqatishi mumkin. Siz ushbu Kelishuv ostidagi majburiyatlarni tarqatishingiz yoki ushbu Kelishuv ostidagi huquqlarini tarqatish, boshqaga o‘tkazish yoki sublitsenziya berishingiz mumkin emas.
Siz shuni tasdiqlaysizki, ushbu Kelishuv ostida Huawei tomonidan biror qonuniy huquqning bajarilmasligi yoki himoya vositalarini qo‘llanmasligi ulardan voz kechishni anglatmaydi. Ushbu shartlar (jumladan, maxfiylik siyosatlari, foydalanuvchi qo‘llanmalari (agar Huawei qurilmalaridan foydalangan bo‘lsangiz) va aloqador qonunlarga muvofiq o‘rnatilgan boshqa har qanday shartlar) siz bilan Huawei o‘rtasidagi ushbu Xizmatdan foydalanish bo‘yicha yaxlit kelishuvni bildiradi.
Ushbu kelishuvning tarjimalari faqat ma’lumot olish uchun mo‘ljallangan. Agar uning boshqa tillardagi versiyalari va ingliz tilidagi versiyasi o‘rtasida ziddiyat paydo bo‘lsa, ingliz tilidagi versiyasi ustun hisoblanishi lozim.
Agar hisobingiz faoliyati tugatilsa, unda saqlangan barcha ma’lumotlar, jumladan, hisobingiz nomidan yaratilgan barcha foydalanuvchi kontentlari butunlay o‘chirib tashlanadi. Hisobingizni yopishdan oldin ushbu Kelishuv shartlari bilan yaxshilab tanishib chiqing.
Hisobingizni hisob sozlamalari orqali yoki ushbu Xizmatdan foydalanishni to‘xtatish yo‘li bilan yopishingiz mumkin. Huawei aloqador qonunlar, sud ishlari va sud/hukumat organlari talabiga muvofiq hisobingizni yopib qo‘yish huquqini o‘zida saqlab qoladi.
Huawei hisobingiz yopilishi bilanoq unda saqlangan barcha ma’lumotlarni butunlay o‘chirib tashlashi mumkin. Shunday bo‘lsa-da, Huawei mos qonun talablariga muvofiq ma’lumotlaringiz nusxasini saqlab qolishi ham mumkin. Bundan tashqari, siz boshqa foydalanuvchilarga yuborgan ma’lumotlar (masalan, xabarlar) o‘chib ketmasligi ham mumkin.
Hisobingiz faoliyatining tugatilishiga qaramasdan siz tugatish sanasigacha bo‘lgan har qanday to‘lovlarni to‘lash majburiyatidan ozod etilmaysiz. Hisobingiz tugatilgach ushbu Xizmatga kira olmaganligingiz tufayli yuzaga elgan har qanday oqibat uchun Huawei ham, biror uchinchi taraf ham javobgar hisoblanmaydi. Ushbu Kelishuvning 3-10 va 13–21-moddalari hisobingiz/ushbu Kelishuv tugatilganidan keyin ham o‘z kuchida qoladi.
Huawei va uning xodimlari, agentlari yoki pudratchilari nazorat qilib bo‘lmaydigan hodisalar (fors-major holatlari) tufayli majburiyatlarni bajara olmaslik, majburiyatlarni kechikib bajarish va boshqa kelishuvlar ostidagi har qanday majburiyatlarni bajarish oqibatlari uchun hech qanday javobgarlikni o‘z zimmasiga olmaydi.
Agar fors-major holati yuz bersa, Huawei ushbu kelishuv ostidagi har qanday majburiyatning bajarilishini to‘xtatib qo‘yishi hamda majburiyatlarni bajarishni muayyan vaqtdan keyin davom ettirish huquqiga ega. Huawei fors-major holatini tugatish yoki fors-major holatida ham o‘z majburiyatlarini bajara olish uchun yechim qidirish choralarini ko‘radi.
Ushbu Kelishivni bajarish vaqtida Huawei tomonidan ushbu Kelishuv ostidagi biror majburiyatni bajarmaslik, biror huquq yoki himoya vositasidan foydalanmaslik ulardan voz kechishni anglatmaydi. Siz Huawei kompaniyasini o‘z majburiyatlarni bajarishidan ozod qila olmaysiz. Huawei kompaniyasining biror huquqidan voz kechishi keyinchalik shartnomani buzishdan voz kechishni anglatmaydi. Agar Huawei o‘z huquqlaridan voz kechish maqsadini yaqqol bildirsa va bu haqda sizni yozma shaklda xabardor qilsa, Huawei kompaniyasining ushbu Kelishuv ostidagi har qanday kontentdan ozod etilishi haqiqiy emas deb hisoblanadi.
Ushbu Kelishuvning kuchga kirish sanasigacha bildirilgan har qanday og‘zaki yoki yozma maslahatlar biror bayonot, majburiyat yoki va’dalarning berilishi yoki ko‘zda tutilishi sifatida qaralmasligi kerak. Agar siz ushbu Kelishuvni Huawei tomonidan yo‘l qo‘yilgan yanglishmovchilik tufayli imzolaganman deb o‘ylasangiz ham, siz bunga qarshi hech qanday himoya choralaridan foydalana olmaysiz (ushbu yanglishmovchilikka firibgarlik maqsadida yo‘l qo‘yilgan holat bundan mustasno).
Siz va Huawei alohida subyektlar hisoblanasizlar. Ushbu Kelishuv siz va Huawei o‘rtasida hech qanday hamkorlik, qo‘shma korxona yoki agentlik munosabatlarining o‘rnatilishi uchun xizmat qilmaydi.
Huawei filiallari va sho‘ba kompaniyalari ushbu Kelishuvning tashqi manfaatdorlari hisoblanadi. Ular ham ushbu Kelishuv tomoni sifatida ushbu Kelishuv shartlarini qo‘llashi mumkin.
Siz Huawei tomonidan to‘planadigan shaxsiy ma’lumotlaringiz yoki boshqa ma’lumotlar boshqa mamlakatlarda saqlanishi va qayta ishlanishi mumkinligini to‘liq tushunasiz. Siz AQSH Sanoat va xavfsizlik byurosining eksport nazorati normalari tomonidan cheklangan har qanday dasturiy ta’minot, texnik ma’lumotlar va boshqa ma’lumotlarni Huawei tomonidan taqdim etilgan xizmatlar orqali yuklash, sinxronlash yoki uzatishingiz mumkin emasligini ochiq-oydin ta’kidlaysiz va buni kafolatlaysiz. Agar siz yuqoridagi kafolatlarni bajarmasangiz, xatti-harakatlaringiz AQSH eksport nazorati normalariga muvofiq “eksport” harakati deb qaraladi va siz buning uchun jazoga tortilishingiz mumkin. Qonun tomonidan ruxsat etilgan maksimal darajada, Huawei bunday xatti-harakat uchun hech qanday javobgarlikni o‘z zimmasiga olmaydi.
Siz o‘z mamlakatingizdan tashqaridagi intellektual mulk huquqlarini buzishi mumkin bo‘lgan har qanday ma’lumotlarni yuklash, sinxronlash, qayta ishlash yoki boshqaga o‘tkazishingiz mumkin emasligini ochiq-oydin ta’kidlaysiz va buni kafolatlaysiz.
Oxirgi yangilanish: 2018-yil, oktabr