HUAWEI Cloud және құпиялылық туралы мәлімдеме
HUAWEI Cloud – Huawei-дің Ирландияда құрылған еншілес тұлғасы Aspiegel Limited (әрі қарай - «Huawei» немесе «біз») қамтамасыз ететін қызмет. HUAWEI Cloud қызметі деректеріңізді автоматты түрде синхрондайды, сақтық көшірмесін жасайды және оны бұлт серверлеріне жүктеп салады, осылайша сіз оған кез келген құрылғыдан кіріп, қатынаса аласыз.
Бұл Мәлімдеме келесілерді сипаттайды:
1. Біз сіз туралы қандай деректерді жинаймыз?
2. Біз сіздің деректеріңізді қалай пайдаланамыз?
3. Біз деректеріңізді қанша уақыт сақтаймыз?
4. Біз сіздің деректеріңізді үшінші тараппен бөлісеміз бе?
5. Сіздің қандай құқықтарыңыз бен мүмкіндіктеріңіз бар?
6. Бізбен қалай байланысуға болады?
7. Біз осы Мәлімдемені қалай жаңартамыз?
1 Біз сіз туралы қандай деректерді жинаймыз?
HUAWEI Cloud қызметінің бөлігі ретінде біз жеке деректеріңізді жинаймыз және оларды тек осы Мәлімдемеде көрсетілген мақсаттарда қолданамыз. Жеке деректер сізді пайдаланушы ретінде анықтауға мүмкіндік беретін кез келген ақпаратты білдіреді. Жеке деректерді өңдеу дегеніміз жеке деректер немесе жеке дерек жиындары бойынша жинау, жазу, ұйымдастыру, құрылымдау, сақтау, бейімдеу немесе өзгерту, қалыпқа келтіру, кеңес беру, пайдалану, тасымалдау арқылы жариялау, тарату не өзге жолдармен қолжетімді ету, туралау не тіркестіру, шектеу, өшіру немесе жою секілді автоматты немесе өзге тәсілдермен орындалатын кез келген операцияны немесе операциялар жинағын білдіреді.
Біз келесі деректерді жинаймыз және өңдейміз:
•Тіркелгі туралы ақпарат: тіркелгі атауы, электрондық пошта мекенжайы, телефон нөмірі, профиль суреті, пайдаланушы аты, ел коды, тіркелгі идентификаторы, пайдаланушының қызметтік таңбалауышы секілді.
•Құрылғы туралы ақпарат: құрылғы идентификаторы (жүйеге қарай MEID, UDID немесе IMEI секілді), құрылғы үлгісі, операциялық жүйе, APK нұсқасы және тіл баптаулары секілді.
•Желі ақпараты: IP мекенжайы, желі түрі және байланыс күйі секілді.
•Қызметті пайдалану туралы ақпарат: HUAWEI Cloud нұсқасы, жүктеп алу көзі, қолданбаны ашу және жабу уақыты, орнатылған қолданбалар тізімі, кликтер және экспозиция, бума ақпараты (аты, сыйымдылығы және ұзақтығы), сатып алу ақпараты (уақыты, мөлшері және тапсырыс идентификаторы), жүйе журналдары және қате журналдары.
•Синхрондалған, сақтық көшірмесі жасалған және Автоматты түрде жүктеліп салынған деректер (нәтижелер HUAWEI ID тіркелгісі жасалған елде/аймақта қолжетімді болған мүмкіндіктерге қарай түрленуі мүмкін): синхрондалған деректер (оның ішінде контактілер, Күнтізбе оқиғалары, Wi-Fi баптаулары, ескертпелер, Галерея), Cloud сақтық көшірмелеу деректері (оның ішінде Контактілер, Күнтізбелік оқиғалар, Wi-Fi баптаулары, ескертпелер, Галерея, жазбалар, Қара тізімдер, қоңырау шалу жазбалары, Сағат баптаулары (оятқыш және қызықтыратын қалалар), Телефон реттеушісінің баптаулары, Хабар (SMS, MMS), браузер бетбелгісі/ақпарат ағыны, Ауа райы баптаулары, SmartCare баптаулары, Жұмыс үстелінің орналасуы, Камера баптаулары, Жүйе баптаулары, FM радиосы, HiCare баптаулары, Тұсқағаз, орнатылған қолданбалардың APK жинағы, Музыка) және Huawei Drive файлдары (оның ішінде сіз жүктеп салу үшін таңдайтын кез келген жергілікті файл), Автоматты түрде жүктеліп салынған деректер (оның ішінде жазбалар және Қара тізім) секілді.
Егер сіз деректеріңізді басқару үшін ресми HUAWEI Cloud веб-сайтына (cloud.huawei.com) өзіңіздің HUAWEI ID тіркелгіңізбен кірсеңіз, келесі деректер де жиналады:
Браузер және қолданыс туралы ақпарат: Cookie файлдары, IP мекенжайы, браузер түрі, уақыт белдеуі, тіл және тінтуір мен пернетақта жұмысы. Толығырақ ақпарат алу үшін cookie файлдары туралы саясатты оқыңыз.
Өңдеу тек өңдеу мақсаттарына сәйкес келетін жеке деректердің өңделуін білдіреді. Өңделетін жеке деректердің мазмұндары мен ауқымы жарияланған өңдеу мазмұндарына сәйкес келеді және олардың өңдеу мақсаттарынан асыра пайдаланылмайды.
HUAWEI Cloud синхрондау және сақтық көшірмелеу қызметін ұсыну мақсатында құрылғы ақпаратына қол жеткізу және Жадқа, Камераға, SMS хабарларына, Контактілерге және Күнтізбеге қатынасу үшін телефонға қатынасу рұқсаттарын қажет етеді.
2 Біз сіздің деректеріңізді қалай пайдаланамыз?
Жеке деректер көрсетілген, алдын ала орнатылған және заңды мақсаттар аясында заңды және әділ түрде өңделеді. Жеке деректер тек қолданымды заңды негіз болған кезде ғана өңделеді. HUAWEI Cloud функцияларын, соның ішінде Cloud синхрондау, Cloud сақтық көшірмелеу, Huawei Drive және басқа да деректер қызметін жүзеге асыру үшін, сондай-ақ келісімшарт бойынша міндеттемелерін орындау үшін қолданба тұтынушылармен қарым-қатынасты басқару, тұтынушыларға қолдау көрсету және олармен байланыс жүргізу, тұтынушының шағымдарымен жұмыс істеу, техникалық қызмет көрсету, бағдарламалық жасақтаманы және жүйені жаңарту, пайдаланушыны анықтау және диагностика мен жөндеу мақсаттарында деректеріңізді жинауды және өңдеуді талап етеді.
Оған қоса, біз жеке деректеріңізді заңды мүдде негізіндегі келесі мақсаттар үшін пайдаланамыз:
•Статистикалық талдау және өнімді жетілдіру мақсаттары, оның ішінде пайдалану әрекеттеріңіздің негізінде біріктірілген топтарды құру. Бұл сондай-ақ пайдаланушылардың қажеттіліктерін анықтауға және ағымдағы немесе келешектегі қызметтер мен ұсыныстардың сапасын және пайдаланушы тәжірибесін жетілдіруге мүмкіндік береді. Төмендегі 5.6-бөлімде сипатталғандай, мұндай өңдеуге қарсылық білдіруіңізге болады.
•Маркетингтік мақсаттарда, соның ішінде біздің ұсыныстар туралы хабарлау, сатылымдарды жарнамалау және басқа да маркетингтік мақсаттарда, сондай-ақ маркетинг үшін жинақталған мақсатты топтар құру үшін. Тұтынушыларымыздың не ұнататынын білу ұсыныстарымызды межелеуге, тұтынушыларымыздың қажеттіліктері мен қалауларын қанағаттандыратын ұсыныстарды, өнімдер мен қызметтерді ұсынуға мүмкіндік береді. Төмендегі 5.6-бөлімде сипатталғандай, мұндай өңдеуге қарсылық білдіруіңізге болады.
•Ақпаратты қорғау мақсаттарында, соның ішінде қызметтердің мақсаттан тыс пайдаланылуына және алаяқтыққа жол бермей, сізге сенімді қызметтер ұсыну үшін.
Біз сондай-ақ заңның талаптарына сәйкес салық төлеу және бухгалтерлік есеп жүргізу мақсатында сіздің бумаңыз туралы ақпаратты (атауы, сыйымдылығы және ұзақтығы), сатып алу уақыты, тапсырыс идентификаторы туралы ақпаратты өңдейміз.
Жеке деректерді заңсыз немесе кездейсоқ қатынасудан, өшіруден, модификациялаудан, құлыптаудан, көшіруден, жеткізуден және таратудан, сондай-ақ, жеке деректерге қатысты өзге заңсыз әрекеттерден қорғау үшін қауіптер негізінде тиісті құқықтық, ұйымдастырушылық және техникалық шаралардың қабылдануын қамтамасыз етеміз.
Жеке деректеріңізді автоматтандырылған дерекқор басқару жүйелері мен өзге бағдарламалық және аппараттық жасақтамалардың көмегімен өңдеуімізге келісесіз және оған рұқсат бересіз.
3 Біз деректеріңізді қанша уақыт сақтаймыз?
Біз жеке деректеріңізді осы Мәлімдемеде анықталған мақсаттар үшін қажеттен аспайтын уақыт бойы сақтаймыз.
Сіздің деректеріңізді тұтынушымен қарым-қатынас мерзімі бойынша өңдейміз және сақтаймыз. HUAWEI Cloud қызметін 12 (он екі) айдан ұзақ уақыт пайдаланбаған жағдайда сіздің деректеріңіз жойылады. Біз электрондық пошта секілді тиісті әдістермен деректердің жойылатыны туралы алдын ала хабарлаймыз. HUAWEI ID тіркелгіңізді жойған кезде, тіркелгіңізге және HUAWEI Cloud сияқты байланыстырылған қызметтерге қатысты жеке деректеріңіз өшіріледі. Дегенмен, келесі деректер сақталады:
•HUAWEI Cloud бумасы туралы ақпарат (аты, сыйымдылығы және ұзақтығы), сатып алу ақпараты (уақыты, мөлшері және тапсырыс идентификаторы) транзакция жасалған уақыттан бастап жеті (7) жыл бойы сақталады.
•Шағымдар, деректер субъектісінің сұраулары және келісімшартты басқару секілді тұтынушымен қарым-қатынасты басқару мақсаттарында өңделген жеке деректер HUAWEI ID тіркелгіңіз жойылғаннан бастап 5 (бес) жыл өткеннен кейін жойылады; өңдеуге қарсылық білдірмеген болсаңыз, талдау, жетілдіру, сатуды ілгерілету және маркетинг мақсаттарында пайдаланылатын жеке деректер жиналған уақыттан бастап 12 (он екі) ай бойы сақталады.
•Деректеріңіз бен қызметтердің қауіпсіздігін қамтамасыз ету мақсатында жиналған сақтық көшірмелер және қолданба журналдары жасалған уақыттан бастап 6 (алты) айға дейін сақталады.
•Іс-әрекет журналдары және жүйе журналдары тиісті статистикалық талдау аяқталған соң бірден жойылады; қате журналдары ақпарат жиналған уақыттан бастап 7 (жеті) күн өткеннен кейін автоматты түрде жойылады.
Сақтау мерзімі аяқталғаннан кейін, қолданыстағы заңдар мен нормаларда басқасы талап етілмесе, біз жеке деректеріңізді жоямыз немесе анонимді етеміз.
4 Біз сіздің деректеріңізді үшінші тараппен бөлісеміз бе?
Біз сіздің деректеріңізді Ресейде орналасқан дерек орталықтарында сақтаймыз. Жеке деректерді Ресей Федерациясынан Ирландия мен Финляндия секілді және ЕО/ЕЭА мен Ресей Федерациясынан тыс өзге елдерге тасымалдауымыз мүмкін. Осымен сіз бізге жеке деректеріңізді Ресей Федерациясынан тыс елдерге тасымалдау үшін Ресей Федерациясының заңымен талап етілетін қажетті рұқсатты бересіз.
Біз сіздің деректеріңізді тек келесі жағдайларда бөлісеміз:
•Сот істеріне байланысты немесе тиісті заңға сәйкес не сот ісіне немесе сот процесіне байланысты құзіретті органның сұрауы бойынша талап етілген жағдайда.
•Бірігу, сатып алу, активтерді сату (қызметтік келісімдер сияқты) немесе қызметті Huawei тобының тұлғасына немесе басқа компанияға тапсыру кезінде талап етілген жағдайда.
5 Сіздің қандай құқықтарыңыз бен мүмкіндіктеріңіз бар?
Сіздің келесідей құқықтарыңыз бен мүмкіндіктеріңіз бар:
5.1 Деректеріңізге қатынасу
Сіз туралы біз HUAWEI Cloud-та жинаған және сақтаған жеке деректеріңіздің көшірмесі мен оған қатысты ақпаратты құрылғыңызда Баптаулар > HUAWEI ID > Баптаулар > Деректеріңізді сұрау тармағына өту арқылы сұрауыңызға болады.
Сіз сондай-ақ HUAWEI Cloud қолданбасы немесе ресми веб-сайт (cloud.huawei.com) арқылы синхрондаған, сақтық көшірмесін жасаған немесе кері жүктеген деректерге қатынасып, оларды жүктеп алуыңызға болады.
Қосымша қатынас сұрауы бойынша бізге хабарласыңыз.
5.2 Деректерді түзету
Жаңартылған және дұрыс деректерді сақтау үшін сіз құрылғыңызда Баптаулар > HUAWEI ID тармағына өтіп, деректеріңізді өзгерте аласыз.
Сіз сондай-ақ HUAWEI Cloud қолданбасы немесе ресми веб-сайт (cloud.huawei.com) арқылы синхрондаған, сақтық көшірмесін жасаған немесе кері жүктеген деректерге қатынасып, оларды өзгерте аласыз.
5.3 Деректерді порттау
Құрылғыңызда Баптаулар > HUAWEI ID > Баптаулар > Деректеріңізді сұрау тармағына өту арқылы HUAWEI Cloud қызметі арқылы бізге берген жеке деректеріңізді жалпы пайдаланылатын және оқуға келетін пішімде тасымалдай аласыз.
Сондай-ақ, HUAWEI Cloud қолданбасынан немесе ресми веб-сайттан (cloud.huawei.com) синхрондаған, сақтық көшірмесін жасаған немесе жүктеп салған деректерді жүктеп алуыңызға болады.
5.4 Деректерді өшіру
Кез келген уақытта болады:
•Құрылғыңызда жою арқылы синхрондаған, сақтық көшірмесін жасаған және басқа да қолданба деректерін жоя аласыз. Жою әрекеті автоматты түрде синхрондалып, бұлтта жаңартылады.
•Сақталған деректеріңізді тікелей Huawei Drive қызметінде жою арқылы жоя аласыз.
•Деректеріңізді, оның ішінде контактілерді, Галереяны, жазбаларды, қара тізімді және Huawei Drive файлдарын жою үшін ресми HUAWEI Cloud веб-сайтына (cloud.huawei.com) кіріңіз.
•HUAWEI ID тіркелгісін жою. Бұл, HUAWEI ID тіркелгісіне байланысты, соның ішінде HUAWEI Cloud қызметіндегі жеке деректеріңізді өшіреді.
•5.6-бөлімде сипатталғандай, жеке деректеріңіздің өңделуіне қарсылық білдіруіңізге болады. Егер сіздің қарсылығыңыз күшіне енген болса, біз өңдеуді заңды негізде жалғастыра алмаймыз және күшіне енген қарсылығыңыздың шеңберіндегі деректерді өшіреміз.
•Жеке деректеріңіз заңға қайшы түрде өңделеді деп ойласаңыз және деректерді өшіру қажет болса, бізбен байланысыңыз.
Қажет болғанда, сіздің жоғарыда аталған әрекеттеріңіздің негізінде және 3-бөлімде сипатталған сақтау мерзімдеріне сәйкес біз жеке деректеріңізді бірден өшіреміз немесе анонимді етеміз.
5.5 Қарсылық білдіру құқығы
Егер сіз деректеріңіздің статистика жүргізу, өнімді жетілдіру немесе сатылымдар мен маркетингтік мақсаттарда өңделуіне қарсы болсаңыз, бізбен байланысыңыз.
Сұрау жіберген кезде, сұраудың ауқымын көрсетіңіз және бізге өзіңіздің HUAWEI ID тіркелгіңізбен HUAWEI Cloud қызметіне кіру үшін пайдаланатын электрондық поштаңызды немесе телефоныңыздың нөмірін беріңіз.
Біз сұрауыңызды орындау мақсатында жеке басыңызды анықтау үшін сізбен байланысамыз.
5.6 Өңдеуді шектеу
Деректеріңіздің өңделуін шектегіңіз келсе, бізбен байланысыңыз. Келесі жағдайларда деректердің өңделуін шектеуге құқығыңыз бар:
•Деректеріңіз заңсыз өңделеді, бірақ оны жойғыңыз келмейді.
•Белгілеуіңіз, іске асыруыңыз және қорғауыңыз қажет заңды талабыңыз бар және өзге жағдайда сақтамайтын деректерді сақтауымызды сұрадыңыз.
•Қарсылық білдіру туралы сұрауыңыз біздің тексеруімізді күтуде.
Сұрау жіберген кезде мұндай сұраудың ауқымын және негізін көрсетіп, бізге HUAWEI Cloud қызметіне кіру үшін пайдаланатын электрондық поштаңызды немесе телефоныңыздың нөмірін беріңіз.
Біз сұрауыңызды орындау мақсатында жеке басыңызды анықтау үшін сізбен байланысамыз.
6 Бізбен қалай байланысуға болады?
Деректер субъектісі ретінде өз құқықтарыңызды қалай пайдалану керек екені туралы кеңестерді 5-бөлімнен таба аласыз. Егер деректер субъектісі ретінде өз құқықтарыңыз туралы қандай да бір сұрағыңыз, аңғартпаңыз немесе ұсынысыңыз болса, бізбен байланысыңыз.
Біз, Aspiegel Limited, деректер басқарушысы болып табыламыз. Бас кеңсеміздің мекенжайы: Aspiegel Limited, First Floor, Simmonscourt House, Simmonscourt Road, Dublin 4, D04 W9H6, Ирландия. Тіркеу нөмірі 561134.
Деректерді қорғау жөніндегі қызметкеріміздің байланыс мәліметтері: dpo@huawei.com.
Егер жеке деректеріңізді осы Мәлімдемеге немесе қолданыстағы дерек қорғау заңдарына сәйкес өңдемеудеміз деп ойласаңыз, жергілікті дерек қорғау органына немесе Ирландиядағы Дерек қорғау жөніндегі уәкілетті тұлғаға шағым жасауыңызға болады. Құқықтарыңызды қорғау, оның ішінде сот ісін қозғау, залалды және/немесе моральдық зиянды өтеуге сот тәртібімен шағым түсіру үшін қолданыстағы заңмен алдын ала қарастырылған шараларды қабылдауға құқығыңыз бар.
7 Біз осы Мәлімдемені қалай жаңартамыз?
Біз осы Мәлімдемені жиі-жиі өзгертуіміз мүмкін, сондықтан сізге осы Мәлімдеменің ең жаңа нұсқасын қолданба баптауларынан тұрақты түрде тексеріп тұруыңызға кеңес береміз. Осы Мәлімдемеге маңызды өзгерістер енгізетін болсақ, өзгерістің сипатына байланысты құрылғыңызда хабарландыру көрсететін диалогтік терезе, хабарландыру хабары, электрондық пошта, т.б. секілді тиісті әдіспен хабарлаймыз.
Соңғы жаңарту күні: 30 қараша, 2018 жыл