Tauākī Mō HUAWEI Cloud me te Tūmataitinga
E whakaratoa ana a HUAWEI Cloud e Aspiegel Limited, kamupene āpiti nā Huawei i Airana (ka kīia mai koe ko "mātou"). Ka aunoa te tukutahi, pūrua, tukuatu atu hoki a HUAWEI Cloud i ō raraunga ki ngā tūmau kapua kia taea e koe ō raraunga te uru atu me te whakahaere ki tētahi pūrere kua takiuru atu koe.
E whakamāramahia ana ēnei mea e te Tauākī:
1. He Aha Ngā Raraunga Ka Kohia e Mātou Mōu?
2. Ka Pēhea tā Mātou Whakamahi i Ō Raraunga?
3. E Hia te Roa o Tā Mātou Rokiroki i Ō Raraunga?
4. Ka Tiria e Mātou Ō Raraunga?
5. He Aha Ō motika me Ngā Kōwhiringa?
7. Ka Pēhea Tā Mātou Whakahōu i tēnei Tauākī?
1 He Aha Ngā Raraunga Ka Kohia E Mātou Mōu?
Hei wāhanga o te ratonga HUAWEI Cloud, ka kohia e mātou me te whakamahi anake i ō raraunga whaiaro mō ngā kaupapa kua kīia i roto i tēnei Tauākī. Ko ngā raraunga whaiaro ko ngā mōhiohio ērā e taea e mātou koe te tautuhi hei whakamahi. Ko te tikanga o te tukatuka raraunga whaiaro ko ngā mahinga, ngā whakahaerenga rānei e whakamahia ana ki ngā raraunga whaiaro, ahakoa he aunoatanga pērā i te kohikohinga, hopukanga, whakariteritenga, whakaraupapa, rokiroki, urutaunga, rerekētanga rānei, te tiki atu, whitiwhiti kōrero, whakamahinga, whakapuakanga mā te tare, tohatoha, tētahi atu āhuatanga rānei e wātea ana, whakahāngai, pahekotanga, rāhuitanga, mukutanga, whakakoretanga rānei.
Ka kohikohi, ka tukatuka mātou i ēnei raraunga:
•Ngā mōhiohio pūkete: pērā i te ingoa pūkete, wāhitau īmēra, tau waea, pikitia kōtaha, ingoakaiwhakamahi, waehere whenua, pūtāutu pūkete, maimai ratonga kaiwhakamahi.
•Ngā mōhiohio pūrere: pērā i te TT pūrere (pērā i te MEID, UDID, IMEI rānei, e ai ki tō pūnaha), momo pūrere, pūnaha mahi, putanga APK, ngā tautuhinga reo hoki.
•Ngā mōhiohio whatunga: pērā i te wāhitau KI, momo whatunga, me te tūnga tūhononga.
•Ngā mōhiohio whakamahinga ratonga: pērā i te putanga HUAWEI Cloud, pūtake o te tikiake, wā huaki me te kati o te taupānga, rārangi o ngā taupānga kua tāutahia, ngā pāwhiri me te māraketanga, ngā mōhiohio mōkī (ingoa, rōnui me te roanga), ngā mōhiohio hokotanga (wā, rahinga, TT ota), ngā rangitaki pūnaha, rangitaki hapa hoki.
•Ngā raraunga tukutahi, pūrua, Tukuatu-aunoa (ka rerekē pea ngā hua e ai ki ngā āhuahira e wātea ana i tō whenua/rohe HUAWEI ID): pērā i ngā raraunga kua tukutahitia (me ngā hoapā, ngā takahanga Maramataka, ngā tautuhinga Wi-Fi, ngā tuhipoka, Taiwhanga), ngā raraunga pūrua Cloud (me Ngā Hoapā, ngā takahanga maramataka, ngā tautuhinga Wi-Fi, ngā tuhipoka, Taiwhanga, ngā tāhopukanga, Ngā rārangi ārai, pūkete waea, ngā tautuhinga Karaka (pūoho me ngā tāonenui kaingākau), ngā tautuhinga Pūwhakahaere Waea, Karere (SMS, MMS), tohuwāhi pūtirotiro/rerenga mōhiohio, ngā tautuhinga Huarere, ngā tautuhinga SmartCare, tāhora Papamahi, ngā tautuhinga Kāmera, ngā tautuhinga Pūnaha, Reo Irirangi FM, ngā tautuhinga HiCare, Pepapātū, ngā taupānga APK kua tāutatia, Puoro) me ngā kōnae Huawei Drive (me ngā kōnae paetata ka kōwhiria e koe hei tukuatu), ngā raraunga Tukuatu-aunoa (me ngā tāhopukanga, Rārangi ārai).
Ki te takiuru koe ki te paetukutuku HUAWEI Cloud whaimana (cloud.huawei.com) mā tō HUAWEI ID hei whakahaere i ō raraunga, ka kohia anō ngā raraunga e whai ake:
Ngā mōhiohio pūtirotiro me te whakamahinga: pērā i ngā pihikete, wāhitau KI, momo pūtirotiro, rohe wā, reo, me te whakahaere kiore, papapātuhi hoki. Mō ētahi atu mōhiohio mō ngā pihikete, me pānui i tā mātou kaupapahere pihikete.
Kei roto i te tukatuka ko ngā raraunga whaiaro anake e ū ana ki ngā kaupapa o te tukatukatanga. E hāngai ana ngā ihirangi me te awhe o ngā raraunga whaiaro kua tukatukahia ki ngā kaupapa o te tukatukatanga kua whakapuakina, ā, kia kaua rawa e inati e ai ki te kaupapa o te tukatukatanga.
Me whai whakaaetanga a HUAWEI Cloud ki te uru atu ki te waea ki te whiwhi i ngā mōhiohio pūrere me te uru ki te Rokiroki, Kāmera, SMS, Ngā Hoapā me te Maramataka hei tuku i te ratonga tukutahitanga me te pūrua.
2 He pēhea tā mātou whakamahi i ō raraunga?
Ka tika te tukatuka i ngā raraunga whaiaro i raro i te ture i roto hoki i te awhe o ngā kaupapa i whakapūtātia, tatūkē, me ngā kaupapa whaimana. Ka tukatukahia anake ngā raraunga whaiaro ina hāngai ana i raro i te ture. Hei whakatinana i ngā taumahinga a HUAWEI Cloud, me tukutahi Cloud, pūrua Cloud, Huawei Drive, me ētahi atu ratonga raraunga, me te whakatutuki i ngā herenga kirimana, e herea ana te taupānga ki te kohikohi me te tukatuka i ō raraunga mō te whakahaerenga pātahitanga kiritaki, tautoko me te whakawhitiwhiti, whakarite amuamu kiritaki, tautukunga, ngā whakahōu pūmanawa me te pūnaha, tāutunga kaiwhakamahi, me ngā kaupapa tātaritanga me te tapitapi.
I tua atu i tēnei, ka whakamahia e mōu ō raraunga whaiaro mō ngā kaupapa e whai ake e ai ki tō kaingākau tika:
•Ngā kaupapa tatauranga me te whakapai ake hua, tae atu ki te waihanga rōpū tōpū e ai ki ngā ngohe mahinga. Mā tēnei ka mārama mātou ki ngā hiahia o ngā kaiwhakamahi me te whakapai ake i te kounga me te wheako kaiwhakamahi o ā mātou ratonga onāianei, anamata hoki me ngā tukunga. Ka taea e koe te whakahē ki te tukatukatanga e ai ki te Wāhanga 5.6 i raro.
•Ngā kaupapa tauhokohoko, tae atu te whakawhitiwhiti mō ā mātou tukunga, whakatairanga hokohoko me ngā kaupapa tauhokohoko, ā, me te waihanga rōpū whāiti tōpū mō te tauhokohoko. Mā te mōhio ki ngā manakohanga o ā mātou kiritaki ka taea e mātou te tuku hāngai i a mātou tukunga me te tuku hua me ngā ratonga e hāngai ake ki ngā hiahia me ngā tōmina o ā mātou kiritaki. Ka taea e koe te whakahē ki te tukatukatanga e ai ki te Wāhanga 5.6 i raro.
•Ngā kaupapa haumarutanga mōhiohio, tae atu ki te kimi, ārai rānei i ngā momo whakamahi hē o ngā ratonga, tinihanga rānei hei whakarato i a koe ki ngā ratonga haumaru, tōtika hoki.
Ka tukatukahia anō e mātou ō mōhiohio mōkī (ingoa, rōrahi, roanga), wā hoko, TT tono mō ngā take me te mahi kaute e ai ki ngā ture me ngā waeture hāngai ki a mātou.
E whakari ana mātou ka whāia ngā whakaritenga ture, whakahaere, hangarau hoki e tika ana e ai ki ngā mōrearea hei pare i ngā raraunga whaiaro mai i te uru pokanoa, ohorere rānei, te whakakore, whakakē, ārai, tārua, whakaratonga me te tohatoha o ngā raraunga whaiaro, ka mutu mai i ētahi atu mahinga hē ā-ture e ai ki ngā raraunga whaiaro.
Ka whakaae koe me te tuku i a mātou ki te tukatuka i ō raraunga whaiaro mā te whakamahi i ngā pūnaha whakahaerenga pātengi raraunga kua whakaaunoatia, me ērā atu pūmanawa, pūmārō hoki.
3 E Hia Te Roa O Tā Mātou Rokiroki I Ō Raraunga?
Kāore e roa atu tā mātou pupuri i ō raraunga whaiaro ki tērā e hiahiatia ana mō te kaupapa kua kōrerohia i roto i tēnei Tauākī.
Ka tukatuka mātou me te pupuri i ō raraunga mō te roanga o te hononga kiritaki. Ina whakamutu tō whakamahi i a HUAWEI Cloud te tekau mā rua (12) marama, ka mukua ō raraunga. Ka whakamahara tōmuatia koe e mātou mō te mukutanga mā ngā tikanga tōtika pērā i te īmēra. Ina muku koe i tō pūkete HUAWEI ID, ka mukua ngā raraunga whaiaro ki tō pūkete me ngā ratonga pāhono, pērā i te HUAWEI Cloud. Engari, ka puritia e mātou:
•Ngā mōhiohio mōkī HUAWEI Cloud (ingoa, rōnui me te roanga), ngā mōhiohio hokotanga (wā, rahinga, TT ota rānei) mō te whitu (7) tau mai i te rā i tukuna te tauwhitinga.
•Ko ngā raraunga whaiaro ka tukatukahia mō te whakahaerenga hononga kiritaki pērā i ngā amuamu, ngā tono kaupapa raraunga me ngā kaupapa whakahaerenga kirimana atu ki te rima tau (5) i muri i te mukutanga o tō HUAWEI ID; ko ngā raraunga whaiaro ka whakamahia mō te tātari me te whanaketanga, tae atu ki ngā kaupapa whakatairanga hokohoko me te tauhokohoko atu ki te tekau mā rua (12) marama mai i te kohinga, engari rawa mēnā i whakahē koe ki aua tukatukatanga.
•Ko ngā pūrua me ngā rangitaki taupānga, ka tukatukahia mō te whakarite i te haumarutanga o ō raraunga me ngā ratonga, atu ki te ono (6) marama mai i te rā i hangaia.
•Ka mukua tonutia ngā rangitaki hapa ngohe me ngā rangitaki pūnaha i te otinga o te tātari tatauranga hāngai; ka mukua aunoatia ngā rangitaki hapa i te whitu (7) rā i muri i te kohinga o ngā mōhiohio.
I te mōnehutanga o te wā pupuri, ka mukua, ka hunaingoatia rānei ō raraunga whaiaro, engari anō mēnā e herea ana e ngā ture me ngā waeture hāngai.
4 He pēhea tā mātou tiri i ō raraunga?
Ka rokirokitia e mātou ō raraunga ki ngā pokapū raraunga kei Rūhia. a whakahaerehia e mātou ngā tauwhitinga i waenga whenua o ngā raraunga whaiaro mai i te Whetereihana o Rūhia ki ētahi atu whenua pērā i Airana me Hinerangi me ētahi atu whenua i waho o te EU/EEA me te Whetereihana o Rūhia. I konei ka tukuna e koe tō whakaaetanga i raro i te ture o te Whetereihana o Rūhia kia āhei mātou ki te tauwhitinga i waenga whenua o ō raraunga whaiaro ki ngā whenua i waho o te Whetereihana o Rūhia.
Ka tiria anake e mātou ō raraunga:
•Ina hiahiatia ana mō te taha ki tētahi tukanga ture, tono rānei nā tētahi mana whaitake e ai ki ngā ture, e ai rānei ki tētahi whakahaere ture, tukanga ture rānei.
•Ina hiahiatia ana hei wāhanga nō tētahi whakakotahitanga, tangohanga, hokona rawa (pērā i ngā whakaaetanga ratonga), whakawhiti ratonga rānei ki tētahi hinonga rōpū Huawei, kamupene kē rānei.
5 He Aha Ō motika me Ngā Kōwhiringa?
Kei a koe ngā motika me ngā kōwhiringa e whai ake:
5.1 Uru ki ō raraunga
Ka taea e koe te tono mōhiohio me tētahi tārua o ngā raraunga whaiaro kua kohia e mātou me te rokiroki mōu e pā ana ki HUAWEI Cloud mā te haere ki Ngā tautuhinga > HUAWEI ID > Ngā tautuhinga > Tonoa ō raraunga kei tō pūrere.
Ka taea e koe te uru atu me te tikiake ngā raraunga kua tukutahitia e koe, pūrua, tukuatu rānei mai i te taupānga HUAWEI Cloud, mai i te paetukutuku whaimana rānei (cloud.huawei.com).
Mō ngā tono urunga tāpiri, me whakapā mai.
5.2 Whakatikaia ō raraunga
Hei whakarite kei te tino hōu rawa me te tika ō raraunga, ka taea e koe ō raraunga te whakatika me te whakakē mā te haere ki Ngā tautuhinga > HUAWEI ID kei tō pūrere.
Ka taea e koe te uru atu me te whgakakē ngā raraunga kua tukutahitia e koe, pūrua, tukuatu rānei mai i te taupānga HUAWEI Cloud, mai i te paetukutuku whaimana rānei (cloud.huawei.com).
5.3 Kawe i ō raraunga
Ka taea e koe ngā raraunga whaiaro kua tukuna mai e koe te kawe mai ki HUAWEI Cloud mā tētahi hōputu noa e mārama ana mā te haere ki Ngā tautuhinga > HUAWEI ID > Ngā tautuhinga > Tonoa ō raraunga kei tō pūrere.
Ka taea e koe te tikiake ngā raraunga kua tukutahitia e koe, pūrua, tukuatu hoki mai i te taupānga HUAWEI Cloud, mai i te paetukutuku whaimana rānei (cloud.huawei.com).
5.4 Muku i ō raraunga
Ka taea e koe i ngā wā katoa te:
•Mukua ō raraunga kua tukutahitia, pūruatia, me ētahi atu raraunga taupānga mā te muku mai i tō pūrere. Ka aunoa te tukutahi i te mukutanga me te whakahōu ki te kapua.
•Mukua ō raraunga kua rokirokitia mā te muku tōtika mai i Huawei Drive.
•Takiuru ki paetukutuku whaimana a HUAWEI Cloud (cloud.huawei.com) hei muku i ō raraunga, me ngā hoapā, Taiwhanga, tāhopukanga, rārangi ārai, me ngā kōnae Huawei Drive.
•Mukua tō HUAWEI ID. Ka mukua e tēnei ō raraunga whaiaro e pāhono ana ki tō HUAWEI ID, tae atu ki tō raraunga whaiaro i HUAWEI Cloud.
•Te whakahē i te tukatukatanga o ō raraunga whaiaro, e whakaahuahia ana i te Wāhanga 5.6. Mēnā he tika tō whakahē, ā, kua kore ō mātou mana ā-ture ki te tukatuka haere tonu, ka mukua e mātou ngā raraunga e tika ana i raro i te whakahētanga whaimana.
•Whakapā mai mēnā ki ōu whakaaro he takahi ā-ture te tukatuka i ō raraunga whaiaro, ā, me muku ō raraunga.
Ka mukua, ka hunaingoatia rānei e mātou ō raraunga whaiaro me te kore takaroa ina hiahiatia ana e ai ki ō mahinga kua kōrerohia, ā, i raro hoki i ngā pupuri e whakaahuahia ana i te Wāhanga 3.
5.5 Te motika ki te whakahē
Mēnā e hiahia ana koe ki te whakahē ki te tukatuka o ō raraunga mō ngā kaupapa tatauranga, whakapai hua, hokohoko me te tauhokohoko rānei, me whakapā mai.
Ina tuku i te tono, me whakapūtā i te whānuitanga o tō tono me te tuku mai i tō wāhitau īmēra, tau waea rānei whakamahia e koe ki te takiuru ki HUAWEI Cloud mā tō HUAWEI ID.
Ka whakapā atu mātou ki a koe ki te manatoko i tō tuakiri hei kōkiri i tō tono.
5.6 Whakatiki tukatuka
Mēnā e hiahia ana koe ki te whakatiki te tukatuka o ō raraunga whaiaro, me whakapā mai. Kei a koe te motika ki te whakatiki i te tukatuka o ō raraunga i raro i ngā āhuatanga e whai ake:
•I hē ā-ture te tukatuka i ō raraunga engari kāore koe i te hiahia kia mukua.
•He kerēme ā-ture tāu hei whakatau, whakatinana, whakangungu hoki māu, ā, i tonoa mātou e koe kia puritia ō raraunga i te mea kāore e puritia ana e mātu.
•Kei tā mātou manatokonga tō tono whakahē e tārewa ana.
Ina tuku i te tono, me whakapūtā i te whānuitanga o tō tono me te kaupapa mō te tuku mai i tō wāhitau īmēra, tau waea rānei whakamahia e koe ki te takiuru ki tō HUAWEI Cloud.
Ka whakapā atu mātou ki a koe ki te manatoko i tō tuakiri hei kōkiri i tō tono.
6 Me Pēhea te Whakapā Mai?
Ka kitea e koe ngā tohutohu me pēhea te whakatinana i ō motika kaupapa raraunga i raro i te Wāhanga 5. Mēnā he pātai āu, kōrero, whakaaro rānei mō ō motika hei kaupapa raraunga, te tukatuka rānei i ō raraunga whaiaro e mātou, me whakapā mai.
Ko mātou, a Aspiegel Limited, te pūmana raraunga. Tō mātou wāhitau tari matua: Aspiegel Limited, First Floor, Simmonscourt House, Simmonscourt Road, Dublin 4, D04 W9H6, Airana. Tau rēhitatanga 561134.
Ngā taipitopito whakapā o tā mātou Āpiha Parenga Raraunga: dpo@huawei.com.
Mēnā e whakapono koe kāore a mātou i te tukatuka i ō raraunga whaiaro e ai ki tēnei Tauākī, ngā ture pare raraunga hāngai, ka taea e koe te tuku amuamu ki tō mana pare raraunga, te Mana Parenga Raraunga rānei i Airana. Kei a koe te motika ki te whai i ngā whakaritenga e ai ki tētahi ture hāngai mō te pare i ō motika me te motika ki te kōkiri ki te ture, te kerēme paremata, te tūkino matatika ā-ture.
7 He Pēhea Tā Mātou Whakahōu i tēnei Tauākī?
Ka whakatītina mātou i a koe ki te tirotiro aunoa i te putanga hōu rawa o tēnei Tauākī mai i ngā tautuhinga taupānga i te mea ka huria e mātou i roto i te wā. Ki te huria e mātou ngā kōrero o tēnei Tauākī, ka whakamōhio atu mātou i a koe mā te whakamahi tikanga tōtika, pērā i tētahi pouaka kōrero whakamōhiotanga, karere whakamōhiotanga kei tō pūrere, īmēra, aha atu aha atu, e ai ki te āhua o te huringa.
Whakahōunga whakamutunga: 30 Whiringa-ā-rangi, 2018