HUAWEI Cloud və Məxfilik Haqqında Bildiriş
HUAWEI Cloud İrlandiyada fəaliyyət göstərən Huawei filialı Aspiegel Limited (bundan sonra "Huawei", "biz", "bizə" və ya "bizim" adlandırılacaq) tərəfindən təmin edilən xidmətdir. HUAWEI Cloud verilənlərinizi avtomatik olaraq sinxronlaşdırır, ehtiyat nüsxəsini çıxarır və bulud serverlərinə yükləyir ki, bununla da daxil olduqdan sonra istənilən cihazda onlara daxil ola və idarə edə bilərsiniz.
Bu Bildirişdə aşağıdakılar təsvir edilir:
1. Haqqınızda Topladığımız Verilənlər
2. Verilənlərinizdən Necə İstifadə Edirik
3. Verilənlərinizi Hansı Müddət Ərzində Saxlayırıq?
4. Verilənlərinizi Necə Paylaşırıq?
6. Bizimlə Necə Əlaqə Saxlamalı?
7. Bu Bildirişi Necə Yeniləyirik?
1 Haqqınızda Topladığımız Verilənlər
HUAWEI Cloud xidmətinin bir hissəsi olaraq şəxsi məlumatlarınızı yalnız bu Bildirişdə göstərilən məqsədlər üçün toplayacaq və istifadə edəcəyik. Şəxsi məlumatlar dedikdə Huawei-ə sizi istifadəçi kimi tanımaq imkanı verən məlumatlar nəzərdə tutulur.
Aşağıdakı verilənləri toplayır və emal edirik:
•Hesab məlumatları: hesab adı, e-poçt ünvanı, telefon nömrəsi, profil şəkli, istifadəçi adı, ölkə kodu, hesab identifikatoru, istifadəçi xidməti nişanı.
•Cihaz məlumatları: cihaz ID-si (sisteminizdən asılı olaraq MEID, UDID və ya IMEI), cihaz növü, əməliyyat sistemi və dil parametrləri.
•Şəbəkə məlumatları: IP ünvanı, şəbəkə növü və bağlantı statusu.
•Xidmətdən istifadə məlumatları: HUAWEI Cloud versiyası, endirilənin mənbəyi, proqramı açma və bağlama vaxtı, quraşdırılmış proqramların siyahısı, kliklər və ekspozisiya, paket məlumatları (ad, tutum və müddət), satınalma vaxtı, sifariş ID-si, sistem jurnalları və xəta jurnalları.
•Sinxronlaşdırılmış, ehtiyat nüsxəsi çıxarılmış və ya yüklənmiş verilənlər (nəticələr qeydiyyatdan keçmiş HUAWEI ID ölkəsi/regionunda əlçatan olan xüsusiyyətlərdən asılı olaraq dəyişə bilər): sinxronlaşdırılmış verilənlər (əlaqələr, təqvim hadisələri, Wi-Fi parametrləri, qeydlər, foto və videolar daxil olmaqla), Cloud ehtiyat nüsxə verilənləri (əlaqələr, təqvim hadisələri, Wi-Fi parametrləri, qeydlər, foto və videolar, səsyazmalar, zəng jurnalı, narahatledici mesajların filtrlənməsi və parametrləri, mesajlar, telefon meneceri parametrləri, brauzer əlfəcinləri, hava parametrləri, ekran tərtibatı, kamera parametrləri, telefon parametrləri, FM radio verilənləri, həyəcan siqnalı parametrləri, SmartCare parametrləri və quraşdırılmış proqramların siyahısı) və Huawei Drive faylları (yükləməyi seçdiyiniz lokal fayllar daxil olmaqla).
Verilənlərinizi idarə etmək üçün HUAWEI ID-niz ilə rəsmi HUAWEI Cloud veb-saytına (cloud.huawei.com) daxil olsanız, aşağıdakı verilənlər toplanacaq:
Brauzer və istifadə məlumatları: kukilər, IP ünvanı, brauzer növü, saat qurşağı, dil, siçan və klaviatura əməliyyatı. Kukilər haqqında ətraflı məlumat üçün kuki siyasətimizi oxuyun.
HUAWEI Cloud cihaz məlumatları əldə etmək üçün telefona və sinxronlaşma və ehtiyat nüsxə xidməti təklif etmək üçün Yaddaş, Kamera, SMS, Əlaqələr və Təqvimə giriş imkanı tələb edir.
2 Verilənlərinizdən Necə İstifadə Edirik
HUAWEI Cloud funksiyalarını, o cümlədən Cloud sinxronlaşma, Cloud ehtiyat nüsxəsi, Huawei Drive və digər məlumat xidmətlərini, eləcə də müqavilə üzrə öhdəlikləri yerinə yetirmək üçün proqram müştəri əlaqələri idarəetməsi, dəstək və kommunikasiya, müştəri şikayətlərinin idarə olunması, texniki baxım, proqram təminatı və sistem yeniləmələri, istifadəçi identifikasiyası və diaqnostika və bərpa məqsədilə verilənlərinizin toplanmasını və emal edilməsini tələb edir.
Əlavə olaraq, Huawei qanuni maraqlara əsaslanaraq şəxsi məlumatlarınızdan aşağıdakı məqsədlər üçün istifadə edir:
•Statistik və məhsul təkmilləşdirməsi məqsədləri, o cümlədən istifadə fəaliyyətinizə əsaslanaraq toplu qrupların yaradılması. Bu, bizə istifadəçilərimizin tələblərini başa düşmək və hazırkı, gələcək xidmət və təkliflərimizin keyfiyyətini və onlar üzrə istifadəçi təcrübəsini yaxşılaşdırmaq imkanı verir. Aşağıdakı 5.5 saylı Bölmədə təsvir edilən qaydada bu cür emala etiraz edə bilərsiniz.
•Marketinq məqsədləri, o cümlədən təkliflərimiz, satış promosiyamız haqqında kommunikasiya qurmaq və digər marketinq məqsədləri, eləcə də marketinq üçün toplu hədəf qruplarının yaradılması məqsədiıə. Müştərilərimizin seçimlərini bilmək bizə təkliflərimizi təyin etmək və müştərilərimizin ehtiyac və tələblərinə daha yaxşı cavab verən məhsul və xidmətlər təklif etmək imkanı verir. Aşağıdakı 5.5 saylı Bölmədə təsvir edilən qaydada bu cür emala etiraz edə bilərsiniz.
•Sizi təhlükəsiz və etibarlı xidmətlər ilə təmin etmək üçün məlumat təhlükəsizliyi məqsədləri, o cümlədən xidmətlərin müxtəlif formalarda sui-istifadəsinin və fırıldaqçılığın qarşısının alınması.
Zəruri olduqda sizə xidmətlə əlaqədar bildirişlər (məs, sistemə texniki baxış xəbərdarlıqları, tranzaksiya metodları və bulud yaddaşından istifadə xatırladıcıları) göndərə bilərik. Reklam xarakteri daşımayan, xidmətlə əlaqədar vacib bildirişlərin qəbul edilməsindən imtina edə bilməzsiniz.
Biz, həmçinin vergi və mühasibat məqsədləri üçün paket məlumatlarınızı (ad, tutum və müddət), satınalma vaxtını, sifariş ID-sini bizim üçün keçərli olan qanun və normativlərə uyğun qaydada emal edirik.
3 Verilənlərinizi Hansı Müddət Ərzində Saxlayırıq?
Şəxsi məlumatlarınızı bu Bildirişdə müəyyən edilən məqsədlər üçün vacib olduğu müddətdən çox saxlamayacağıq.
Verilənlərinizi müştəri əlaqələri zamanı emal edəcək və saxlayacağıq. On iki (12) aylıq müddət ərzində HUAWEI Cloud-dan istifadəni dayandırsanız, verilənləriniz silinəcək. Lakin sizə əvvəlcədən müvafiq vasitə ilə (məs, e-poçt) silinmə barədə xatırladıcı məlumat göndərəcəyik. HUAWEI ID hesabınızı sildiyinizdə hesabınız və HUAWEI Cloud kimi əlaqədar xidmətlər ilə bağlı şəxsi məlumatlarınız silinəcək. Lakin aşağıdakı məlumatları saxlayacağıq:
•HUAWEI Cloud paket məlumatları (ad, tutum və müddət), satınalma vaxtı, sifariş ID-si tranzaksiya həyata keçirilən tarixdən etibarən yeddi (7) il saxlanılacaq.
•Müştəri əlaqələrinin idarə olunması üçün şikayət, məlumat subyekti sorğuları kimi məlumatlar və müqavilənin idarə olunması məqsədilə emal edilən şəxsi məlumatlar HUAWEI ID hesabınız silindikdən sonra beş (5) il müddətinə saxlanılır; emalına etiraz etmədiyiniz təqdirdə təhlil və inkişaf, eləcə də satış promosiyası və marketinq məqsədləri üçün istifadə edilən şəxsi məlumatlar toplandıqdan sonra on iki (12) aya qədər saxlanılır.
•Verilənlərinizin və xidmətlərin təhlükəsizliyini təmin etmək üçün emal edilən ehtiyat nüsxələr və proqram jurnalları yaradıldığı tarixdən etibarən altı (6) ay müddətinə saxlanılır.
•Müvafiq statistik analizin tamamlanmasından sonra fəaliyyət və sistem məlumatları dərhal silinəcək; məlumat toplandıqdan yeddi (7) gün sonra xəta jurnalları avtomatik silinəcək.
Saxlama müddəti bitdikdən sonra müvafiq qanun və normativlərə əsasən əksi tələb edilmədiyi halda şəxsi verilənlərinizi siləcək və ya anonimləşdirəcəyik.
4 Verilənlərinizi Necə Paylaşırıq?
Verilənlərinizi Avropa İttifaqında (Aİ)/Avropa İqtisadi Zonasında (AİZ) yerləşən məlumat mərkəzlərində saxlayırıq.
Verilənlərinizi yalnız aşağıdakı hallarda paylaşırıq:
•Müvafiq qanuna uyğun qaydada və ya qanuni məhkəmə araşdırması və ya fəaliyyəti ilə bağlı olaraq hüquqi proses və ya səlahiyyətli orqandan gələn tələbə əsasən verilənləriniz açıqlana bilər.
•Birləşmə, əldə etmə, aktivlərin satılması (xidmət müqavilələri kimi) və ya xidmətin Huawei və ya başqa bir şirkətə ötürülməsi əməliyyatının bir hissəsi kimi tələb edildikdə.
5 Hüquq və Seçimləriniz
Aşağıdakı hüquq və seçimləriniz var:
5.1 Verilənlərinizə giriş imkanı
Siz HUAWEI Cloud-da sizin haqqınızda topladığımız və saxladığımız şəxsi məlumatların bir nüsxəsini və təsvirini cihazınızda Parametrlər > HUAWEI ID > Parametrlər > Verilənlərinizi tələb edin bölməsinə keçərək tələb edə bilərsiniz.
Siz, həmçinin sinxronlaşdırdığınız, ehtiyat nüsxəsini çıxardığınız və ya HUAWEI Cloud proqramından və ya rəsmi veb-saytından (cloud.huawei.com) yüklədiyiniz verilənlərə daxil ola və onları endirə bilərsiniz.
Əlavə giriş sorğusu üçün lütfən bizimlə əlaqə saxlayın.
5.2 Verilənlərinizə düzəlişlərin edilməsi
Verilənlərinizin yeniliyini və dəqiqliyini təmin etmək üçün cihazınızda Parametrlər > HUAWEI ID bölməsinə keçərək verilənlərinizə daxil ola və onlara düzəlişlər edə bilərsiniz.
Siz, həmçinin sinxronlaşdırdığınız, ehtiyat nüsxəsini çıxardığınız və ya HUAWEI Cloud proqramından və ya rəsmi veb-saytından (cloud.huawei.com) yüklədiyiniz verilənlərə daxil ola və onlara dəyişikliklər edə bilərsiniz.
5.3 Verilənlərinizin ötürülməsi
HUAWEI Cloud-da bizə təqdim etdiyiniz şəxsi məlumatları cihazınızda Parametrlər > HUAWEI ID > Parametrlər > Verilənlərinizi tələb edin bölməsinə keçərək geniş şəkildə istifadə edilən maşın tərəfindən oxuna bilən formatda ötürə bilərsiniz.
Siz, həmçinin sinxronlaşdırdığınız, ehtiyat nüsxəsini çıxardığınız və HUAWEI Cloud proqramından və ya rəsmi veb-saytından (cloud.huawei.com) yüklədiyiniz verilənləri endirə bilərsiniz.
5.4 Verilənlərinizin silinməsi
İstənilən vaxt:
•Cihazınızda sinxronlaşdırılmış, ehtiyat nüsxəsi çıxarılmış və digər proqram verilənlərini silə bilərsiniz. Silinmə avtomatik olaraq sinxronlaşdırılacaq və buluda yüklənəcək.
•Birbaşa Huawei Drive-dan silərək saxlanılmış verilənlərinizi silə bilərsiniz.
•Verilənlərinizi, o cümlədən əlaqələr, fotolar, səsyazmalar, qara siyahılar və Huawei Drive fayllarını silmək üçün rəsmi HUAWEI Cloud veb-saytına (cloud.huawei.com) daxil ola bilərsiniz.
•HUAWEI ID-nizi silə bilərsiniz. Bu əməliyyatla HUAWEI Cloud-da olan şəxsi məlumatlarınız daxil olmaqla HUAWEI ID ilə əlaqələndirilmiş şəxsi məlumatlarınız silinəcək.
•Şəxsi məlumatlarınızın emal edilməsinə 5.5 saylı Bölmədə təsvir edilən qaydada etiraz edə bilərsiniz. Etirazınız düzgün olarsa və artıq emalı davam etdirmək üçün qanuni bir əsasımız olmazsa, həmin etirazınıza aid verilənləri siləcəyik.
•Şəxsi məlumatlarınızın emalının qeyri-qanuni olduğunu və verilənlərinizin silinməli olduğunu düşünsəniz, bizimlə əlaqə saxlayın.
Qeyd edilən əməliyyatlarınıza əsasən zəruri olduğu halda və 3 saylı Bölmədə qeyd edilən saxlama müddətinə uyğun olmaqla şəxsi məlumatlarınızı lazımsız ləngimə olmadan siləcək və ya anonimləşdirəcəyik.
5.5 Etiraz etmək hüququ
Verilənlərinizin statistik, məhsul təkmilləşdirməsi və ya satış və marketinq məqsədləri ilə emal edilməsinə etiraz etmək istəsəniz bizimlə əlaqə saxlayın.
Sorğu göndərərkən sorğunun əhatə dairəsini də qeyd edin və HUAWEI ID-niz ilə HUAWEI Cloud-a daxil olmaq üçün istifadə etdiyiniz e-poçt ünvanı və telefon nömrəsini də bizə təqdim edin.
Daha sonra sorğunuzu emal etmək məqsədilə kimliyinizi yoxlamaq üçün sizinlə əlaqə saxlayacağıq.
5.6 Emalın məhdudlaşdırılması
Şəxsi məlumatlarınızın emalını məhdudlaşdırmaq istəsəniz, bizimlə əlaqə saxlayın. Aşağıdakı şərtlər altındaverilənlərinizin emalını məhdudlaşdırmaq hüququnuz var:
•Verilənləriniz qeyri-qanuni şəkildə emal edilirsə, lakin onları silmək istəməsəniz.
•Sübut etmək, həyata keçirmək və müdafiə etmək istədiyiniz qanuni bir iddianız olarsa və bizdən verilənlərinizi əksi təqdirdə saxlamayacağımız halda saxlamağımızı tələb edərsinizsə.
•Etiraz sorğunuz yoxlama üçün gözlədilərsə.
Sorğu göndərərkən əhatə dairəsini və sorğu üçün əsaslarınızı da qeyd edin və bizə HUAWEI Cloud-a daxil olarkən istifadə etdiyiniz e-poçt ünvanı və ya telefon nömrəsini təqdim edin.
Daha sonra sorğunuzu emal etmək məqsədilə kimliyinizi yoxlamaq üçün sizinlə əlaqə saxlayacağıq.
6 Bizimlə Necə Əlaqə Saxlamalı?
Məlumat subyekti hüquqlarınızdan istifadə haqqında məsləhətləri 5 saylı Bölmədə görə bilərsiniz. Məlumat subyekti kimi hüquqlarınız və ya Huawei tərəfindən şəxsi məlumatlarınızın emalı haqqında sual, şərh və ya təklifləriniz olarsa bizimlə əlaqə saxlayın.
Baş qərargahlarımızın ünvanı: Aspiegel Limited, Unit 1B/1C Sandyford Business Centre, Burton Hall Dublin 18, Ireland. Qeydiyyat nömrəsi 561134.
Verilənlərin mühafizəsi üzrə müvəkkilin əlaqə məlumatı: dpo@huawei.com.
Huawei-in şəxsi məlumatlarınızı bu Bildirişə və ya verilənlərin mühafizəsi ilə bağlı müvafiq qanunlara uyğun olaraq emal etmədiyini düşünsəniz, verilənlərin mühafizəsi üzrə səlahiyyətli şəxs və ya İrlandiyadakı Verilənlərin mühafizəsi üzrə müvəkkil ilə şikayət irəli sürə bilərsiniz.
7 Bu Bildirişi Necə Yeniləyirik?
Bu Bildirişi vaxtaşırı yeniləyə biləcəyimiz üçün proqram parametrlərindən onun ən son versiyasını müntəzəm olaraq yoxlamağınızı tövsiyə edirik. Bu Bildirişə ciddi dəyişiklik etsək, dəyişikliyin mahiyyətindən asılı olaraq cihazınızda bildiriş dialoq xanası, bildiriş mesajı, e-poçt və s. kimi müvafiq metoddan istifadə edərək sizə bildirəcəyik.
Ən son yenilənmə: 19 Oktyabr 2018