ක්ලවුඩ් පරිශීලක ගිවිසුම

1. අප පිළිබඳව

Cloud (පහත අර්ථ නිරූපණය කර ඇති පරිදි) ජංගම යෙදුම හා අදාළ තාක්ෂණය, ක්‍රියාකාරීත්වය සහ සේවා (සාමූහිකව, "සේවා") මෙහෙයවනු ලබන්නේ 561134 යන සමාගම් අංකය දරන සහ 1B/1C Sandyford Business Centre, බර්ටන් ශාලාව ඩබ්ලින් 18, අයර්ලන්තය තුළ ලියාපදිංචි කාර්යාලය පිහිටි අයර්ලන්ත නීතිය යටතේ පිහිටවනු ලැබූ Aspiegel Limited විසිනි ("අපි" "අපගේ" හෝ "අප"). මෙම නියමයන් තුළ (පහත දක්වා ඇති පරිදි), "ඔබ" සහ "පරිශීලකයා" යන්නෙන් අදහස් වන්නේ සේවා භාවිතා කරන සහ/හෝ ඒ වෙත පිවිසෙන ඕනෑම පුද්ගලයකි.

2. ගිවිසුමේ අරමුණ

මෙම සේවා නියමයන්, අපගේ රහස්‍යතා දැන්වීම (සැකසුම් > පිළිබඳ > Cloud සඳහා Cloud දැන්වීම වෙත යාමෙන් ඔබට එය බැලීමට හැකිය), සහ සේවා තුළින් ලබාදුන් හෝ පලකළ වෙනත් ප්‍රතිපත්තීන් සහ තොරතුරු (සාමූහික වශයෙන්, ගිවිසුම මගින් අප කවුරුද යන්නත්, ඔබට අප සේවා ලබාදෙනු ඇත්තේ කෙසේද යන්නත්, සේවා පරිශීලකයින්ගෙන් අප බලාපොරොත්තු වන්නේ කුමක්ද යන්නත්, සේවා හෝ එයට සම්බන්ධව අවසර දෙන්නේ සහ අවසර නොදෙන්නේ කුමන ක්‍රියාකාරකම් සඳහාද යන්නත්, ගැටලුවක් මතු වූ විට කළ යුත්තේ කුමක්ද යන්න සහ වෙනත් වැදගත් තොරතුරුත් ඔබට ලබාදෙනු ලැබේ.

3. ඔබ විසින් ගිවිසුම පිළිගැනීම

කරුණාකර මෙම නියමයන් සැලකිල්ලෙන් කියවන්න. සේවාවන් වෙත පිවිසීමෙන් හෝ භාවිත කිරීමෙන් ඔබ අප සමග බැඳී සිටින ගිවිසුමකට ඇතුළු වෙන අතර මෙම නියමයන් හා එකඟ වෙයි. ඔබ මෙම නියමයන් පිළි නොගන්නේ නම් හා එකඟ නොවන්නේ නම්, ඔබ සේවාවන් වෙත පිවිසීම හෝ භාවිත කිරීම නොකළ යුතුය. මෙම නියමයන් තුළ හෝ සේවා තුළින් ලබා දෙන ලද හෝ පල කළ වෙනත් ප්‍රතිපත්ති සහ තොරතුරු තුළ ඔබට නොවැටහෙන යමක් ඇති නම්, කරුණාකර පහත සබඳතා තොරතුරු භාවිතා කර අප අමතන්න.

4. සුදුසුකම

සේවා කිසිවක් වෙත පිවිසීම සහ භාවිතය සඳහා ඔබ වයස අවුරුදු 13 හෝ ඊට වැඩි විය යුතුය. 13 ට අඩු වයසක පසුවෙන්නන් හට සේවාවන් භාවිතා කිරීමට අවසර ඇත්තේ ඔවුන්ගේ දෙමාපියන් හෝ භාරකරුවන් ළමා ගිණුමක් තනා Huawei ID ගිණුම සඳහා වන දෙමාපිය / භාරකරු නියමයන් & කොන්දේසි පිළිගනු ලබන්නේ නම් පමණි.

ඔබ ජීවත් වන සහ ඔබ මෙම සේවා කිසිවක් වෙත පිවිසෙන හෝ භාවිතා කරන අධිකරණ බලප්‍රදේශය තුළ සියලු නීති රෙගුලාසිවලට ඔබ යටත්වන අතර අවනත වීමට සම්පූර්ණයෙන්ම වගකිව යුතු වේ.

5. සේවා වෙත පිවිසීම

නියමයන්ට යටත්ව සහ අනුකූලව, අප විසින් මෙම සේවා වෙත පිවිසීම සහ භාවිතා කිරීම සඳහා සීමිත, විශේෂිත නොවූ, පවරා දිය නොහැකි, උප බලපත්‍ර දිය නොහැකි සහ අහෝසි කළ හැකි බලපත්‍රයක් ඔබට ලබා දෙනු ලැබේ.

ඔබගේම වූ ගෙවීම් ක්‍රමයක්, අනුකූල උපාංගයක්, කොන්සෝලයක් හෝ වේදිකාවක් සහ අන්තර්ජාල පිවිසුමක් සැපයීම ඇතුළු ඔබට සේවා වෙත පිවිසීමට අවශ්‍ය සියලු විධිවිධාන සපයා ගැනීමට ඔබ වගකීම දරයි. එමෙන්ම ඔබගේ අනුකූල උපාංගය, කොන්සෝලය හෝ වේදිකාව සහ අන්තර්ජාල සම්බන්ධතාවය තුළින් සේවා වෙත පිවිසෙන සියලු පුද්ගලයන් මෙම නියමයන් පිළිබඳව දැනුවත්ව ඇති බව හා සියලුම අවස්ථාවලදී ඔවුන් ඒ හා සම්පූර්ණයෙන්ම අනුකූලව කටයුතු කරන බව තහවුරු කරගැනීමටද ඔබ වග කියනු ලබයි.

සේවා වෙත පිවිසීමට හෝ භාවිතා කිරීමට ඔබට Huawei ID එකක් තිබිය යුතුය. ඔබගේ Huawei ID යනු, GameCenter, AppGallery, Cloud, HiHonor, තේමාවන්, Huawei Developer, Huawei Video, සහ වෙනත් Huawei mobile services ඇතුළු සියලුම Huawei සේවාවන් වෙත පිවිසීමට භාවිතා කළ හැකි සුවිශේෂී පරිශීලක ගිණුමයි.

6. සේවාවන්

සේවා වලාකුළු සේවාවකට දත්ත පැටවීමට පරිශීලකයෙකුට ඉඩ දෙන අතර එවිට පරිශීලකයා සිය Huawei ID සමගින් ඇතුල් වී ඇති ඕනෑම Huawei උපාංගයක් මත එයට ඇතුල්වීමට හැකියාව ඇත ("Cloud"). Cloud හි අන්තර්ගත වන්නේ:

• Cloud සමමුහුර්ත කිරීම (ගැලරිය, සබඳතා, දින දර්ශන සිදුවීම්, සටහන්, Wi-Fi සැකසුම්),

• Cloud උපස්ථය,

• තවත් දත්ත,

• Huawei Drive,

සහ අනෙකුත් සේවා. ඔබට වලාකුළු ගබඩා කළමනාකරණය සහ ගබඩාව ව්‍යාප්ත කිරීම සඳහා ද Cloud භාවිතා කළ හැකිය. මෙම විශේෂාංග කළාපය අනුව විවිධ විය හැකිය - වැඩිදුර විස්තර සඳහා ඔබගේ උපාංගය බලන්න.

Cloud සක්‍රීය කර ඇති විට, සබඳතා, පණිවුඩ, ඡායාරූප, වීඩියෝ, ඇමතුම් ලොග් ඇතුළත් කිරීම්, සටහන්, පටිගත කිරීම්, දින දර්ශන සිදුවීම්, අවහිර ලැයිස්තු සහ සැකසුම්, Wi-Fi සැකසුම් වැනි ඔබගේ තෝරාගත් දත්ත, සහ අනෙකුත් යෙදුම් දත්ත Cloud වෙත පටවා සුරකිනු ඇත. Cloud ඔබගේ දත්ත වෙත පසුව පිවිසීමට, හෝ Cloud භාවිතා කරමින් එය අනෙකුත් [Huawei] උපාංග වෙත යැවීමට ඔබට ඉඩ දෙයි.

සේවාවල විශේෂාංග වලට අන්තර්ගත වන්නේ:

Cloud සමමුහුර්ත කිරීම

ඔබගේ ගැලරිය, සබඳතා, දින දර්ශනය, සටහන් සහ Wi-Fi සැකසුම් වලාකුළු සර්වරය සහ අනෙකුත් ඇතුල් වී ඇති Huawei උපාංග ස්වයංක්‍රීයව සමමුහුර්ත කිරීමට ඔබට Cloud භාවිතා කළ හැකිය. ඔබගේ Huawei උපාංගයේ හෝ Cloud හි ඇති දත්ත වලට සිදුකරන ඕනෑම වෙනස්කමක්, ඔබගේ Huawei උපාංගයේ සහ Cloud හි ඇති දත්ත ස්ථායීව පවතින බවට තහවුරු කරමින් සමමුහුර්තය ක්‍රියාරම්භ කරනු ඇත. දත්ත පැටවීම සහ සමමුහුර්තය නැවැත්වීමට ඔබට Cloud හි ඇති ඕනෑම යෙදුමක් සඳහා ස්වයංක්‍රීය සමමුහුර්ත කිරීම අක්‍රීය කිරීමට තේරීමට හැකිය.

Cloud උපස්ථය

ඔබගේ දුරකථනයේ සහ අනෙකුත් Huawei උපාංගවල ඇති දත්ත වලාකුළ වෙත උපස්ථ කිරීමට ඔබට Cloud උපස්ථය භාවිතා කළ හැකි අතර, එවිට ඔබට ඕනෑම Huawei උපාංගයකින් සැමවිටම එයට පිවිසිය හැකිය. Huawei උපාංගය අගුලු දමා ඇති විට, බල ප්‍රභවයකට සම්බන්ධ කර ඇති විට, හෝ Wi-Fi ජාලයක් ඔස්සේ අන්තර්ජාලයට සම්බන්ධ විට, Cloud උපස්ථය Huawei උපාංග සඳහා කලින් කලට ස්වයංක්‍රීය උපස්ථ නිර්මාණය කරයි. ඔබ මෙම විශේෂාංගය මිලදී ගතහොත්, පහත දත්ත රැස් කර වලාකුළ වෙත උපස්ථ කෙරෙනු ඇත: ගැලරිය, සබඳතා, පණිවුඩ, ඇමතුම් ලොගය, සටහන්, පටිගත කිරීම්, සැකසුම්, කාලගුණය, ඔරලෝසුව, කැමරාව, ආදාන ක්‍රම, බ්‍රව්සරය, දුරකථන කළමනාකරු, Wi-Fi තොරතුරු, මුල් තිර පිරිසැලසුම, සහ යෙදුම්. තෙවන පාර්ශ්ව යෙදුම් වෙතින් වන දත්ත උපස්ථ නොකෙරෙනු ඇත. දත්ත පැටවීම නැවැත්වීමට ඔබට ඕනෑම වේලාවක මෙම යෙදුම තුළ Cloud උපස්ථකරණය අක්‍රීය කළ හැකිය. දින එකසිය අසූවක (180) කාල සීමාවක් සඳහා Huawei උපාංගයක් Cloud වෙත උපස්ථ කර නොමැති නම්, එම Huawei උපාංගය හා සම්බන්ධ උපස්ථ ඕනෑම එකක් මැකීමේ අයිතිය Huawei රඳවා ගනී.

තවත් දත්ත

ඔබ අනෙකුත් යෙදුම් සඳහා ජංගම දත්ත මිලදී ගෙන ඇති නම්, Cloud විසින් සපයන ලද ගබඩා දත්ත සහ අන්තර්ගතය ගබඩා කිරීමට එම යෙදුම් වලින් සමහරක් Cloud ගබඩාව භාවිතා කිරීමට ඉඩ ඇත. දත්ත පැටවීම නැවැත්වීමට ඔබට ඕනෑම වේලාවක ඕනෑම යෙදුමක් සඳහා උපස්ථය අක්‍රීය කළ හැකිය.

Huawei Drive

Cloud සක්‍රීය කරන ලද්දේ නම්, Huawei Drive ද සක්‍රීය කෙරෙනු ඇත. ඔබට ගොනු > Huawei Drive වෙත ගොස් ඔබගේ දේශීය ගොනු Cloud සර්වරය වෙත සුරැකීමට හැකි අතර, එවිට ඔබට ඒවා ඕනෑම Huawei උපාංගයකින් ඒවා වෙත පිවිසී ඒවා බාගත හැකිය. ඔබ Huawei Drive වෙත හස්තීයව ගොනු එක් කළ යුතුය.

ඔබගේ Huawei ID මැකීමෙන්, Cloud හි ගබඩා කර ඇති ඔබගේ දත්ත ද මකා දැමෙනු ඇත.

7. මිලදී ගැනීමේ නියම

Cloud ගිණුමක් ලියාපදිංචි කිරීමේ දී, ඔබට ස්වයංක්‍රීයව 5 GB ගබඩාවක් ලැබෙනු ඇත. ඔබට තවත් ගබඩා ඉඩ අවශ්‍ය නම්, ඔබට ස්ථිර කාලයකට (උදා., මාසයක් හෝ වසරක්) ඔබගේ Huawei උපාංගය මත අතිරේක ගබඩා ඉඩ මිලදී ගැනීමට, හෝ ගබඩා සැලසුම් අනුව එවකට Huawei වෙතින් ලද හැකි ගබඩා ඉඩ අනුව අතිරේක ගබඩා ධාරිතාවක් මිලදී ගැනීමට හැකිය. Huawei IAP ඔස්සේ පමණක් මිලදී ගැනීම් සිදු කළ හැකිය.

ඔබ මිලදී ගත් පසුව, ඔබ දායක වී ඇති ගබඩා සැලසුම සඳහා ඔබව උත්ශ්‍රේණිගත කෙරෙනු ඇත. ඔබගේ පෙර ගබඩා සැලසුමේ ඉතිරි කාල සීමාව පරිවර්තනය කර ඔබගේ නව සැලසුමේ වලංගුතා කාල සීමාවට එක් කෙරෙනු ඇත. ඔබට තිබිය හැකි අවලංගු කිරීමේ අයිතිවාසිකම් වලින් හැර, මිලදී ගැනීමෙන් පසු ඔබ දායක වී ඇති ගබඩා ඉඩෙහි ප්‍රමාණය අඩු කිරීම කළ නොහැකි වනු ඇත.

ගබඩා සැලසුම හෝ අනෙකුත් Cloud සේවාවන් සඳහා ඔබගේ මිලෙහි එකතුවට අන්තර්ගත වන්නේ (i) සේවා හෝ උත්ශ්‍රේණිගත කිරීමේ මිල (ii) අදාළ ණයවර පත් ගාස්තු සහ (iii) ඔබ මිලදී ගැනීම සිදු කරන අවස්ථාවේදී අදාළවන නීතිය යටතේ එන බදු අනුපාතය මත එක් වන භාණ්ඩ හා නිෂ්පාදන අලෙවිය හා භාවිතය සඳහා වන බදු (GST), එකතු කළ අගය මත බදු (VAT) හෝ වෙනත් සමාන බදු. VAT රහිත ලෙස පැහැදිලිව ප්‍රකාශ කර නොමැත්තේ නම් (සහ දේශීය නීතිය මගින් අවසර දී ඇති විට) Huawei හි වෙබ් අඩවියේ පෙන්වා ඇති සියලු මිල ගණන් VAT අන්තර්ගත මිල ගණන් වේ.

කලින් කලට සේවාවල මිලදී ගැනීමේ මිල වෙනස් කිරීම සඳහා Huawei සුදුසුකම් ලබන බව ඔබ පැහැදිලිවම පිළිගෙන එකඟ වේ. නව මිලක් වලංගු වන්නේ නම්, ඔබ නව සැලසුමක් මිලදී ගන්නා විට ඔබ නව මිල පිළිගැනීමට අවශ්‍ය වේ. ඔබ මිලෙහි වෙනස සමග එකඟ නොවන අවස්ථාවේ දී, නව මිලක් සමග සැලසුම මිලදී නොගැනීමට ඔබ සුදුසුකම් ලබයි.

යුරෝපා සංගමය තුළ අවලංගු කිරීමේ අයිතීන්: ඔබ යුරෝපා සංගමයේ රටක නේවාසිකයෙකු නම්, අප විසින් ඔබගේ ඇණවුම භාරගත් බවට ඔබ වෙත තහවුරු කිරීම ලැබී දින 14 ක් ඇතුළත කිසිදු හේතුවක් නොදක්වාම ඔබගේ මිලදී ගැනීම අවලංගු කිරීම තේරීමට ඔබට හැකිය.

අවලංගු කිරීමට නියමිත කාලය සඳහා යෝග්‍ය වීමට, දින-14 කාල සීමාව කල් ඉකුත්වීමට පෙර ඔබ ඔබගේ අවලංගු කිරීමේ සන්නිවේදනය යැවිය යුතුය. ඔබට ඔබගේ මිලදී ගැනීම අවලංගු කිරීමට අවශ්‍ය නම්, කරුණාකර ඔබගේ තහවුරු කිරීමේ ඊමේල් හි සඳහන් කර ඇති සබඳතා විස්තර භාවිතා කරමින් Huawei පාරිභෝගික සේවාව අමතන්න. hwcloud@huawei.com වෙත ඊමේල් එවීමෙන් අපට දැනුම්දීමට ද ඔබට අයිතිවාසිකමක් ඇත. අවලංගු කිරීම සඳහා ඔබ විසින් හේතුවක් සැපයීමට අවශ්‍ය නොවේ.

අවලංගු කිරීම සාර්ථක වීමෙන් පසු, අපි ඔබගේ ගබඩා ඉඩ මිලදී ගැනීමට පෙර තත්වයට ප්‍රතිස්ථාපිත කර ඔබගේ අවලංගු කිරීමේ දැන්වීම ලැබීමේ දිනයෙන් දින 14 ක් ඇතුළත ඔබට වැය වූ මුදල ආපසු ගෙවමු. මෙම කාල සීමාව අතරතුර දී, ඔබ වළා ගබඩා ඉඩ නිදහස් කරන තෙක් හෝ තවත් වළා ගබඩා ඉඩ මිලදී ගන්නා තෙක් ඔබට කිසිඳු වලාකුළු උපස්ථයක් නිර්මාණය කිරීමට හෝ සමහර විශේෂාංග භාවිතා කිරීමට නොහැකි වනු ඇත. ඔබ සහ අප වෙනත් ආකාරයකින් එකඟ නොවන්නේ නම්, වැය වූ මුදල ආපසු ගෙවීම සඳහා, ඔබ මුල් ඇනවුම සඳහා භාවිතා කළ ආකාරයට සමාන ගෙවීම් ආකාරයක්ම අපි භාවිතා කරමු.

8. Cloud ගිණුම සහ ගනුදෙනු ආරක්ෂාව

ඔබගේ Cloud ගිණුම් තොරතුරු සහ Huawei ID පරිශීලක නම සහ රහස්වචනය රහස්‍ය සහ අනාවරණය නොකළ යුතු ලෙස ඔබ විසින් සැලකිය යුතු වන අතර ඔබ ඒවා වෙනත් කිසිවෙකු සමග හුවමාරු කර නොගත යුතුය. ප්‍රබල රහස්වචනයක් තෝරාගැනීමට හා එය ආරක්ෂිත ස්ථානයක තබාගන්නා ලෙස අපි ඔබට නිර්දේශ කරන්නෙමු. ඔබගේ රහස්වචනය ආරක්ෂිතව තබාගැනීම සම්බන්ධව ඔබ වගකියනු ලබන අතර ඔබගේ Huawei ID හෝ Cloud තොරතුරු තෙවන පාර්ශ්වයක් වෙත සැපයීමෙන් සිදුවෙන අහිමිවීම් හා බැඳීම් දරාගත යුතුය.

වෙනත් පුද්ගලයෙකු ඔබගේ Huawei IAP රහස්වචනය, Huawei ID හෝ ආශ්‍රිත ලොගින් තොරතුරු භාවිතා කරනු ඇති බවට ඔබ සිතන්නේ නම්, ඔබ වහාම පහත 24 කොටසේ (අප ඇමතීම) ඇති සබඳතා තොරතුරු භාවිතා කර අපට ඒ බව දැන්විය යුතුය. එමෙන්ම ඔබ වහාම ඔබගේ රහස්වචනය වෙනස් කළ යුතුය. සේවා වෙත පිවිසීමට ඔබ වෙනත් පුද්ගලයෙකුගේ Huawei ID භාවිතා නොකළ යුතුය. තෙවන පාර්ශ්ව මගින් අවසර රහිතව භාවිතා කිරීම වළක්වා ගැනීමට ඔබ ඔබගේ Huawei ID හෝ Cloud රහස්වචන තොරතුරු, බැංකු සහ ණයවර කාඩ්පත් තොරතුරු, පරිගණකය, ජංගම දුරකථනය, වෙනත් ජංගම උපාංග සහ SIM කාඩ්පත් තොරතුරු ආරක්ෂා කරගැනීමට සුදුසු පියවර ගත යුතුය.

9. පිළිගත හැකි භාවිතය

සේවාවන් වෙත පිවිසීමෙන් සහ භාවිතා කිරීමෙන් ඔබ නියමයන් සමග අනුකූලව නෛතික සහ සදාචාරාත්මක ලෙස එසේ කිරීමට එකඟ වනු ලබයි. ඔබට පල කිරීමට හෝ සම්ප්‍රේෂණය කිරීමට සුදුසුකමක් නැති ඕනෑම ද්‍රව්‍යයක්, ඇතුළත්ව, එයට සීමා නොවී, නීතිවිරෝධී ක්‍රියාකාරකමකට පහසුකම සපයන, පැහැදිලි ලිංගික රූප චිත්‍රණය කරන, ප්‍රචණ්ඩත්වය ප්‍රවර්ධනය කරන, ප්‍රවිචාරක, නීතිවිරෝධී හෝ යම් පුද්ගලයෙකුට හෝ දේපලකට හානියක් හෝ තුවාලයක් සිදු කළ හැකි හෝ කරන, අදාළ නීතිය යටතේ යම් සිවිල් හෝ අපරාධ බැඳීමක් ඇතිවීමට ඉඩ දිය හැකි කිසිවක් ඇතුළත්ව සීමා කිරීමක් රහිතව වංක, අපකීර්තිමත්, තෝරතීය, හානිකර, අශ්ලීල, නීති කඩ කරන, වරදකාරී, දාමරික, හිරිහැරකාරී, අපවාදී, වෛරය ඇති කරන, කුපිත කරවන, තර්ජනකාරී, නීතියට අනුකූල නොවන, ආගම් විරෝධී, අශ්ලීල, රහස්‍යභාවය ආක්‍රමණශීලී හෝ ඔබගේ සේවා භාවිතයට අදාළව පිළිකුල් කටයුතු ද්‍රව්‍ය සම්ප්‍රේෂණය කිරීමට හෝ එවැනි යම් කටයුත්තක නියැලීම හෝ එවැනි පළ කිරීමක් හෝ සම්ප්‍රේෂණයක් යම් රහස්‍යතා රාජකාරීයක් සහ/හෝ තෙවන පාර්ශ්වීය බුද්ධිමය දේපළ හිමිකමක් උල්ලංඝනය කරන්නේ නම් ඔබ සේවා භාවිතා නොකළ යුතු බවට ඔබ මෙමගින් දැනුවත් සහ එකඟ වේ.

මෙම නියමයන් තුළ ප්‍රකාශිතව සකස් කර ඇති හෝ අදාළ නීතිය මගින් අවසර දී ඇති ආකාරයට හැර, ඔබ මෙමගින් එකඟ වී පොරොන්දු වන්නේ:

a) සේවාවල කිසිදු කොටසකින් ප්‍රකාශන හිමිකම, වෙළෙඳ සලකුණ හෝ වෙනත් හිමිකම් දැන්වීම් ඉවත් නොකිරීමට;

b) සේවා සම්පූර්ණයෙන්ම හෝ කිසිදු කොටසක් ප්‍රතිනිෂ්පාදනය කිරීම, සංශෝධනය කිරීම හෝ නවීකරණය කිරීම යනාදියෙන් වැලකීම හෝ සේවා හෝ එහි කිසියම් කොටසක් වෙනත් වැඩසටහන් සමග සම්බන්ධ කිරීම හෝ, එහි අන්තර්ගත කිරීමෙන් වැලකීමට;

c) සේවා හෝ එයට සම්බන්ධ පද්ධති හෝ ජාලවල කිසිදු කොටසක් වෙත අවසර නොමැතිව පිවිසීම හෝ එහි කිසිඳු අංගයක් අඩු කිරීම ලබාගැනීම හෝ ලබාගැනීමට උත්සහ නොදැරීම;

d) සේවාව සම්පූර්ණ වශයෙන් හෝ එහි කොටසක් මත පදනම්ව එය විසුරුවා හැරීම, විසංයෝජනය කිරීම, ප්ර ති ඉංජිනේරු කාර්යයන් කිරීම හෝ ව්යුත්පන්න වැඩ නිර්මාණය නොකිරීම හෝ එවැනි දේ අදාළ නීතිවලින් තහනම් කළ නොහැකි නම් හැර එවන් දේ සඳහා උත්සාහ කිරීමෙන් වැලකීම;

e) සේවාව බෙදාහැරීම, බලපත්‍ර ලබාදීම, බදු දීම, විකිණීම, නැවත අලෙවි කිරීම, පැවරීම, ප්‍රසිද්ධියේ සංදර්ශනය කිරීම, ප්‍රසිද්ධියේ ක්‍රියාත්මක කිරීම, සම්ප්‍රේෂණය කිරීම, දහර කිරීම, විකාශනය කිරීම යනාදිය හෝ වෙනත් ලෙස සේවාව අපහරණය කිරීමෙන් වැළකීම;

f) අපගේ පූර්ව ලිඛිත කැමැත්තෙන් තොරව සේවා පූර්ණ වශයෙන් හෝ කොටසක් වශයෙන් කිසිදු හෝ ආකාරයකින් වෙනත් පුද්ගලයෙකුට (විෂය හා ප්‍රභව කේතයද ඇතුළුව) නොසැපයීම;

g) කිසිදු පුද්ගලයෙකු ලෙස පෙනී නොසිටීම හෝ ව්යා ජව ප්රeකාශ කිරීම හෝ පුද්ගලයෙකු හෝ අස්ථිත්වයක් සමග වන සම්බන්ධයක් වැරදි ලෙස නියෝජනය නොකිරීම;

h) සේවාවන් (හෝ එහි කිසියම් කොටසක් (කොටස්) නීති විරෝධී අරමුණක් සඳහා නීති විරෝධී ආකාරයෙන් භාවිතා නොකිරීම, හෝ මෙම ගිවිසුම සමග අනනුකූල අයුරින් භාවිතා නොකිරීම හෝ සීමාවක් රහිතව වංචා සහගත හෝ හානිකර අයුරින් නොහැසිරීම, වෛරස, හානිකර දත්ත ඇතුළුව හානිකර කේත සේවාවට (හෝ සේවාව හා සම්බන්ධ වෙබ් අඩවිවලට) හෝ කිසියම් මෙහෙයුම් පද්ධතියකට ඇතුළු කිරීම හෝ වංචාකාරීව ඇතුළුනොවීම;

i) අපගේ හෝ ඔබ සේවාවන් භාවිතා කිරීම හා/හෝ පිවිසීම සම්බන්ධ කිසියම් තෙවන පාර්ශ්වයක බුද්ධිමය දේපළ අයිතීන් උල්ලංඝනය නොකිරීම;

j) සේවා පරිශීලක තොරතුරු එක් රැස් නොකිරීම, හෝ සේවාවන් හෝ අපගේ පද්ධතීන් වෙත ස්වයංක්‍රීය මාධ්‍යයන් (උදාහරණයක් ලෙස හාවෙස්ටින්ග් බොට්ස්) භාවිතා කර පිවිසීම හෝ සේවාවන් ධාවනය වන සර්වර වෙත හෝ වෙතින් කිසියම් සම්ප්‍රේෂණයක් කියවා තේරුම් ගැනීමට තැත් කිරීම යනාදියෙන් වැලකීම;

k) සේවාවන් වංචාකාරීව ලබාගැනීමට හෝ සේවාවන් වෙතින් පැතිකඩ හා වෙනත් දත්ත පිටපත් කිරීමට මෘදුකාංග, උපාංග, පිටපත්, රොබෝවරු හෝ වෙනත් මාධ්යඩ හෝ ක්රි යාවලීන් (ක්රෝකලර, බ්ර ව්සර ප්ලගින් හා ඇඩ් ඔන් හෝ වෙනත් තාක්ෂණයක් හෝ හස්තීය කටයුත්තක් ඇතුළු) සංවර්ධනය කිරීම, සහය දැක්වීම හෝ භාවිතා කිරීමෙන් වැලකීම;

l) අපගේ පූර්ව ලිඛිත අවසරයකින් තොරව සේවාවන් වාණිජමය ලෙස අවභාවිත නොකිරීම;

m) ගිනි අවි, මත්කුඩු, නීති විරෝධී ද්‍රව්‍ය, සොරකම් කළ මෘදුකාංග හෝ වෙනත් තහනම් කළ අයිතම අලෙවි කිරීම වැනි කිසිදු නීති විරෝධී ව්‍යාපාර ගනුදෙනුවක් කිරීම සඳහා සේවාවන් භාවිතා නොකිරීම;

n) සූදුව සම්බන්ධ තොරතුරු සැපයීමෙන් වැලකීම හෝ අන් අය සූදුව වෙත යොමු කරවන ලෙස භාවිතා කිරීමෙන් වැලකීම;

o) වෙනත් අයෙකුට අයත් ගිණුමක ලොගින් තොරතුරු ලබා නොදීම හෝ නොපිවිසීම;

p) මුදල් ජාවාරම්, නීති විරෝධී මුදල් අත්තිකාරම් හෝ පිරමීඩ ක්‍රමයේ විකුණුම් ක්‍රම යනාදිය සඳහා සම්බන්ධ නොවීම;

q) මෙම ගිවිසුම (හෝ එහි කිසිදු කොටසක්) උල්ලංඝනය කිරීමට උත්සාහ කිරීම, පහසුකම් සැපයීම හෝ ඒ සඳහා දිරි දීමෙන් වැලකීම; සහ

r) සේවාවන්, අපගේ පද්ධතීන් හෝ ආරක්ෂාව හෝ වෙනත් පරිශීලකයින්ට හෝ අනෙක් පාර්ශ්වයේ පරිගණක පද්ධතිවලට හෝ ආරක්ෂාවට හානි කරන, අක්‍රිය කරන, අධික බර පටවන, දුබල කරවන හෝ හෙළිදරව් කරවන ආකාරයෙන් සේවාවන් භාවිතා නොකිරීම හෝ සේවාවන් හෝ අපගේ අන්තර්ගතය (පහත දක්වා ඇති) හෝ දත්ත හැක් කිරීම හෝ බලය රහිතව ඒ වෙත පිවිසීමෙන් වැලකීම.

10. අපගේ අන්තර්ගතය භාවිතා කිරීම

අප සහ/හෝ අපගේ බලපත්‍රලාභීන්, සේවාව තුළ හෝ මත ලද හැකි තොරතුරු (පාඨ, චිත්‍රණ, වීඩියෝ සහ ඕඩියෝ යන සීමාවන් රහිතව ඕනෑම ආකෘතියක), රූප, අයිකන, යෙදුම්, සැලසුම්, මෘදුකාංග, පිටපත්, ක්‍රමලේඛ, ප්‍රකාශන හිමිකම, වෙළෙඳ සලකුණු, වෙළෙඳ නාම, ලාංඡන සහ වෙනත් ද්‍රව්‍ය සහ සේවාවන් මෙන්ම එහි පෙනුම සහ දැනීම (සාමූහිකව, "අපගේ අන්තර්ගතය") යනාදී සියල්ල සඳහා හිමිකම, නීත්‍යානුකූල අයිතිය සහ බැඳියාව රඳවා ගනී. අපගේ අන්තර්ගතය ජාතික නීති සහ ජාත්‍යන්තර සම්මුතීන් යටතේ එන ප්‍රකාශන හිමිකම, වෙළෙඳ සලකුණ, දත්ත පදනම් අයිතීන්, ස්වයංවර්ගික අයිතීන් සහ අනෙකුත් බුද්ධිමය සහ කර්මාන්ත දේපළ නීති (අදාළ වන පරිදි) මගින් ආරක්ෂා කෙරෙන බව ඔබ විසින් සැලකිය යුතුය. මෙම නියමයන් මගින් වෙනත් ආකාරයකට නිශ්චිතව දක්වා ඇත්තේ නම් මිස, සේවාවන් කිසිවක් වෙත ඔබගේ පිවිසීම හා/හෝ භාවිතය මගින් ඔබට හෝ වෙනත් පුද්ගලයෙකුට සේවා හෝ ඒවායේ අන්තර්ගතය පිළිබඳ හිමිකාරීත්වය හෝ වෙනත් අයිතීන් පවරනු නොලැබේ.

ඔබ අපගේ අන්තර්ගතය වෙනස් කිරීම, පිටපත් කිරීම, උධෘත කිරීම, නවීකරණය කිරීම හෝ එයට එකතු කිරීම හෝ අපගේ අන්තර්ගතය විකිණීම, පිටපත් කිරීම, බෙදා හැරීම හෝ බලපත්‍ර කිරීම, හෝ කිසිඳු ආකාරයකින් අපගේ අන්තර්ගතය අවභාවිත කිරීම නොකළ යුතුය. අපගේ අන්තර්ගතයෙන් යමක් යළි පල කිරීමට, උධෘත කිරීම, ප්‍රතිනිෂ්පාදන කිරීමට, බෙදාහැරීමට හෝ වෙනත් ලෙසකින් භාවිතා කිරීමට ඔබට අවශ්‍ය වන්නේ නම් මෙම නියමයන් මගින් වෙනයම් ආකාරයකින් ප්‍රකාශිතව දක්වා ඇත්තේ නම් මිස, ඔබ පළමුව අප ඇමතිය යුතු අතර අපගේ පූර්ව ලිඛිත අවසරය ලබාගත යුතුය. මෙය අදාළ අනිවාර්ය නීති යටතේ ඔබට ඇති අයිතීන්වලට අගති විරහිත වෙයි.

සේවාවන් හෝ සේවාවන්ගෙන් කොටසක් කිසියම් ප්‍රකාශන හිමිකමක්, වෙළෙඳ සලකුණක්, පේටන්ට් අයිතියක්, වෙළෙඳ රහසක් හෝ වෙන යම් බුද්ධිමය දේපළ හිමිකමක් උල්ලංඝනය කරන බව ඔබ විශ්වාස කරන්නේ නම් හෝ ඔබට සේවා පිළිබඳව වෙනත් ගැටලු ඇත්තේ නම් කරුණාකර hwcloud@huawei.com ඔස්සේ අපට දන්වන්න.

ඔබ සේවාව වෙත හෝ එය ඔස්සේ පටවන, පල කරන, ඊමේල් කරන හෝ වෙනත් ආකාරයකින් සම්ප්‍රේෂණය කරන පාඨ, ගොනු, රූප, ඡායාරූප, සාහිත්‍ය කෘති හෝ වෙනයම් ද්‍රව්‍ය (සාමූහිකව, "ඔබගේ අන්තර්ගතය") සඳහා අපි හිමිකාරීත්ව අයිතිවාසිකම් කිසිවක් සඳහා උරුමකම් නොකියමු. ඔබ ඔබගේ අන්තර්ගතයේ සියලු හිමිකාරීත්වය සහ/හෝ බලපත්‍ර හිමිකම් අඛණ්ඩව රඳවා ගනී. ඔබ ඔබගේ අන්තර්ගතය සඳහා සම්පූර්ණයෙන්ම වගකිවයුතු වේ. සේවා මත හෝ ඔස්සේ ඔබගේ අන්තර්ගතය සම්ප්‍රේෂණය කිරීමෙන්, එසේ කිරීමට ඔබට බලය ඇති බවටත් පහත සඳහන් කර ඇති බලපත්‍රයට අනුකූලව ඔබගේ අන්තර්ගතය අප විසින් භාවිතා කිරීම කිසිඳු නීතියක් හෝ තෙවන පාර්ශ්ව අයිතිවාසිකම් උල්ලංඝනය නොකරන බවටත් ඔබ නියෝජනය කරමින් වගකියයි.

සේවා මත හෝ ඔස්සේ ඔබගේ අන්තර්ගතය සම්ප්‍රේෂණය කිරීමෙන්, සේවා සැපයීම සඳහා අපි අපේක්ෂා කරනු ඇති පරිද්දෙන් ඔබගේ අන්තර්ගතය භාවිතා කිරීම, නවීකරණය, ප්‍රසිද්ධියේ ඉටු කිරීම, ප්‍රසිද්ධියේ සංදර්ශනය, ප්‍රතිනිෂ්පාදනය, බෙදාහැරීම සහ පරිවර්තනය සඳහා ඔබ අපට බහිෂ්කාර නොවන, කතෘ භාගය රහිත, සම්පූර්ණයෙන්ම ගෙවා නිම කළ, සාර්වභෞමික, අවලංගු කළ නොහැකි, මාරුකළ හැකි සහ උප බලපත්‍ර දිය හැකි බලපත්‍රයක් ප්‍රදානය කරයි.

ඔබගේ අන්තර්ගතයේ ඇතුළත් වැදගත් ලේඛන, දත්ත, රූප හෝ අනෙකුත් ද්‍රව්‍ය වෙතොත් Huawei නොවන උපාංගයකට උපස්ථ කිරීමට ඔබ වගකිවයුතු වේ. අපි සේවා සැපයීමේදී සැලකිය යුතු දක්ෂතාවක් සහ මනා සැලකිල්ලක් භාවිතා කරන නමුත්, ඔබ සේවාවේ ගබඩා කරන හෝ එතුලින් පිවිසෙන ඔබගේ අන්තර්ගතය නොසැලකිලිමත් හානිය, දූෂිත වීම හෝ නැතිවීම සඳහා ලක් නොවනු ඇති බවට අපි වගකීම හෝ සහතික නොකරන අතර මෙම නියමයන්ට අනුකූලව ඔබගේ අන්තර්ගතය මැකීම සඳහා වන හිමිකම අප වෙන්කර තබාගනිමු.

ඔබගේ අන්තර්ගතය කිසිවක පුද්ගලික දත්ත කිසිවක් අන්තර්ගත නොවන තරමට, අපි අපගේ රහස්‍යභාව දැන්වීමට අනුකූලව එය භාවිතා කරමු.

12. සේවාවන් නිරීක්ෂණය කිරීම

මෙම නියමයන් උල්ලංඝනය කිරීම සඳහා සේවාවන් වෙත ඔබගේ (හෝ වෙනත් යමකුගේ) පිවිසීම හෝ භාවිතා කිරීම නිරීක්ෂණය කිරීම සඳහා අපිට බැඳීමක් නැති බව ඔබ පිළිගනු ලබයි. කෙසේ වෙතත්, සේවාවන් මෙහෙයවීම සහ වැඩි දියුණු කිරීම (වංචා වැළැක්වීම, අවදානම් ඇගයීම, විමර්ශනය සහ පාරිභෝගික සහය අරමුණු යනාදියද ඇතුළුව එහෙත් ඒවාට සීමා නොවී) සඳහා, මෙම නියමයන් සමග ඔබගේ අනුගත වීම තහවුරු කිරීම සඳහා හා අදාළ නීති සමග හෝ අධිකරණයක, කැමැත්ත නියම කිරීමක, පරිපාලන නියෝජිතායතනයක හෝ අනෙකුත් රාජ්‍ය ආයතනයක කිසිඳු නියෝගයක් හෝ අවශ්‍යතාවයක් සමග අනුකූල වීමට එසේ කිරීමේ බලය අපි රඳවා ගනිමු. ඔබගේ අන්තර්ගතය සුදුසුද සහ මෙම නියමයන් සමග අනුකූල ද යන්න නිර්ණය කිරීමට අපි සෑම වේලාවකම හිමිකම රඳවා ගන්නා අතර, ඔබගේ අන්තර්ගතය මෙම නියමයන් උල්ලංඝනය කරන බව හෝ වෙනත් ආකාරයකින් අමනෝඥ බවට හඳුනාගතහොත්, පෙර දැනුම්දීමකින් තොරව සහ අපගේ පරම අභිමතය පරිදි ඕනෑම වේලාවක පෙර-තිරගත කිරීම, ගෙනයාම, ප්‍රතික්‍ෂේප කිරීම, නවීකරණය සහ/හෝ ඔබගේ අන්තර්ගතය ඉවත් කිරීමට හැකිය.

13. සන්නිවේදනයෙන් ඇති වන අවදානම ඔබ විසින්ම දරාගනී

ඔබගේ Huawei ID තනන අවස්ථාවේදී හෝ යාවත් කරන අවස්ථාවේදී ඔබ විසින් සපයන ලද තොරතුරු භාවිතා කරමින් සේවාවන් සම්බන්ධව අප ඔබ සමග ඉලෙක්ට්‍රොනික ලෙස සන්නිවේදනය කිරීමට ඉඩ ඇත. මෙම නියමයන් සහ සේවාවන් වෙත ඔබගේ පිවිසීම සහ භාවිතයට අදාළව වෙනයම් කරුණක් සම්බන්ධව අපි ඔබ සමග ඉලෙක්ට්‍රොනික සන්නිවේදනය භාවිතා කර සන්නිවේදනය කිරීමට ඉඩ ඇති බවට ඔබ එකඟ වෙයි. විද්‍යුත් තැපෑල සහ අන්තර්ජාලය හරහා තොරතුරු සම්ප්‍රේෂණය කිරීමේ වෙනත් ක්‍රම තෙවන පාර්ශ්ව මැදිහත්විම් හෝ නිරීක්ෂණ සඳහා යටත් වෙන අතර ස්වාධීන ලෙස තහවුරු කරගත යුතුය. එවැනි සන්නිවේදනවල ආරක්‍ෂාව හා රහස්‍යභාවය සම්බන්ධව අපට සහතික විය නොහැකි අතර එවැනි සන්නිවේදන සම්ප්‍රේෂණය කිරීමේ සියලු අවදානම් ඔබ දරයි.

14. පෞද්ගලිකත්වය හා දත්ත එක් රැස් කිරීම

වඩා ශක්තිමත් සේවාවක් සැපයීම සඳහා හා ඔබගේ ගනුදෙනුවල ආරක්ෂාව තහවුරු කිරීමට උපකාර කිරීම සඳහා අපි ඔබගේ තොරතුරු සහ තාක්ෂණික දත්ත අපගේ රහස්‍යතා දැන්වීමට අනුකූලව එක් රැස් කර සකසනු ඇත.

15. වියාචනය

සේවාවන් ඇත්තේ ඔබගේ තනි භාවිතය සඳහා වන අතර කිසිදු තෙවන පාර්ශ්වයක් මගින් භාවිතා නොකළ යුතුය. සේවාවන් අවසර රහිතව භාවිතා කිරීමෙන් සිදුවෙන හානි සම්බන්ධව අප සහ අපගේ මුල් ආයතන, පරිපාලිත ආයතන, අනුබද්ධ ආයතන, නිලධාරීන්, අධ්‍යක්ෂවරුන්, සේවකයන්, කොන්ත්‍රාත්කරුවන්, නියෝජිතයන්, තෙවන පාර්ශ්ව ගෙවීම් සැපයුම්කරුවන්, හවුල්කරුවන්, බලපත්‍රලාභීන් හා බෙදා හරින්නන් (සාමුහිකව "Huawei පාර්ශ්වයන්") වග නොකියන බවට ඔබ එකඟ වෙයි.

සේවාවන් සඳහා නඩත්තුව හෝ වෙනත් සහය සේවා සම්බන්ධව Huawei පාර්ශ්වකරුවන් වග කියනු නොලබයි. පාලනය කළ නොහැකි හේතු සඳහා නොදන්නා කාල සීමාවකට ඔබගේ සේවා භාවිතයට බාධා වීම, ප්‍රමාද වීම හෝ කඩාකප්පල් වීමට ඉඩ ඇත. එවැනි බාධා වීම්, ප්‍රමාද වීම්, බිඳ වැටීම හෝ ඊට සමාන අසාර්ථක වීමක් සම්බන්ධව හෝ ඒ මතින් ඇතිවන හිමිකම් පෑමක් සඳහා Huawei පාර්ශවකරුවන් වග කියනු නොලබයි.

ඔබගේ අධිකරණ බල ප්‍රදේශය තුළ නීතියෙන් අවසර දෙනු ලබන උපරිම ප්‍රමාණයට, පහත සඳහන් හේතු නිසා ඔබට සේවාව වෙත පිවිසීමට හෝ එය භාවිතා කිරීමට නොහැකි වීමෙන් කිසිදු පාඩුවක්, හානියක් හෝ වන්දියක් ගෙවීමට Huawei පාර්ශවකරුවන් බැඳි නොසිටී:

a. පද්ධති, මෘදුකාංග හෝ දෘඪාංග වෙත කෙරෙන නඩත්තු කටයුතු හෝ යාවත්කාල සක්රී ය කිරීම සිදුකරගෙන යාම සඳහා අප විසින් කෙරෙන ඕනෑම සේවා අත්හිටුවීමක් හෝ අවසන් කිරීමක්;

b. අප හැර වෙනයම් කෙනෙකු විසින් හිමිකම් කියන හෝ පාලනය කරනු ලබන පද්ධති හෝ ජාල සන්නිවේදනයක ප්රෙමාදයක් හෝ අසාර්ථක වීමක්;

c. අප සහ අපගේ තෙවන පාර්ශ්ව ගෙවීම් සේවා සැපයුම්කරුවන් කිසිවකු අතර ඇති යම් ගිවිසුමක් හෝ වෙනත් විධි විධාන කිසිවක් අත්හිටුවීම, අවලංගු කිරීම හෝ අවසන් කිරීම;

d. හැකර් ප්රiහාරයන් හෝ ඊට සමාන ආරක්ෂාව කඩ වීම් හේතුවෙන් ඇති වෙන දෝෂ හෝ බාධා කිරීම්; හෝ

e. අපගේ සාධාරණ පාලනයට ඔබ්බෙන් වන වෙනත් හේතුවක්.

සේවාවන් සපයනු ලබන්නේ 'එහි පවතින ස්වභාවයෙන්' සහ 'ලද හැකි ලෙස' වන පදනමින් කිසිදු ආකාරයේ නියෝජනයක් හෝ පිටසනක් නොමැතිවය. ඔබගේ අධිකරණ බල ප්‍රදේශය තුළ අදාළ නීතිය මගින් ඉඩදෙනු ලබන උපරිම ප්‍රමාණයට Huawei පාර්ශ්වයන් විසින් සියලු වගකීම්, කොන්දේශි හෝ වෙනයම් ආකාරයේ ප්‍රකාශිත හෝ හැඟවූ ගිවිසුම් වෙතින් වියාචනය වෙන අතර කිසිදු වගකීමක්, ප්‍රතිඥාවක්, නියෝජනයක් හෝ සහතිකයක් දෙනු නොලබයි: (a) සේවා තුළින් හෝ මතින් ලබා දෙන ලද ඕනෑම අන්තර්ගතයක සම්පූර්ණ බව හෝ නිරවද්‍යතාවය, විශ්වසනීය බව හෝ කාලීන බව සම්බන්ධව; (b) එම සේවාවන් හෝ එය සන්ධාරණය කර ඇති සර්වරය(න්) වැරදි, දෝෂයන්, වෛරස, රෝග මූල හෝ වෙනත් හානිකර සංරචකයන්ගෙන් නිදහස් බව; (c) සේවා ඕනෑම එකක මෙහෙයවීම හෝ ක්‍රියාකාරීත්වයේ ඇති දෝෂ කිසිවක් නිවැරදි කෙරෙනු ඇති බව; (d) සේවාවන්ගේ නිශ්චිත ක්‍රියාකාරීත්වයන් සම්බන්ධව ඔබගේ සේවා භාවිතා කිරීමෙන් හෝ ඒ වෙත පිවිසීමේ ප්‍රතිඵලයක් ලෙස ඔබ විසින් ලබාගන්නා ලද ඕනෑම තොරතුරක විශ්වසනීය බව, ගුණාත්මක බව හෝ නිරවද්‍ය බව; (e) සේවාවන්ගේ ආරක්ෂාව හෝ දෝෂ විරහිත ස්වභාවය සම්බන්ධව; (f) සේවාවන්ගේ විශ්වසනීයත්වය, ගුණාත්මක බව, නිරවද්‍ය බව, ලද හැකි බව හෝ ඔබගේ අවශ්‍යතාවයන් සැපිරීමට ලද හැකි බව, නිශ්චිත ප්‍රතිදාන සැපයීමේ හෝ නිශ්චිත ප්‍රතිඵල හෝ ප්‍රතිඵල අත්කරගැනීමේ හැකියාව සම්බන්ධව. සේවා භාවිතය, හෝ අර්ථ නිරූපනය මත විශ්වාසය තැබීමෙන් හෝ ඔබගේ (හෝ වෙනත් පුද්ගලයෙකුගේ) මෙම සේවාවන් වෙත පිවිසීමෙන් හා/හෝ භාවිතා කිරීම තුළින් ලබාගත් වෙනත් තොරතුරු මත විශ්වාසය තැබීමෙන් සම්පූර්ණයෙන්ම හෝ කොටසක් ලෙස සිදු වෙන පාඩු හෝ හානි සම්බන්ධව Huawei පාර්ශවයන් වගකියනු නොලබයි.

සමහර රටවල නීති නිශ්චිත වගකීම්, ඇපවීම් හෝ බැඳීම්වලට ගිවිසුමක් මගින් බැහැර වීමට හෝ සීමාවීමට ඉඩ නොදෙයි. මෙම නීති ඔබට අදාළ වන්නේ නම්, ඉහත බැහැර කිරීම් හෝ සීමා කිරීම් සියල්ලම හෝ සමහරක් ඔබට අදාළ නොවනු ඇති අතර ඔබට අතිරේක අයිතීන් තිබෙනු ඇත. මෙම නියමයන්ගේ කිසිවක්, ඔබ සැමවිටම පාරිභෝගිකයෙකු ලෙස හිමිකම් කියන හෝ ඔබට ගිවිසුම්ගතව වෙනස් කිරීමට හෝ අත්හැරීමට එකඟ විය නොහැකි ඔබගේ නෛතික අයිතීන්වලට බල නොපානු ඇත.

16. බැඳීමේ සීමාව

ඔබගේ අධිකරණ බලප්‍රදේශය තුළ අදාළ නීති මගින් අවසර දෙනු ලබන උපරිම ප්‍රමාණයට, සේවාවන් වෙත පිවිසීම හා භාවිතා කිරීම පිළිබඳ අවදානම ඔබ විසින්ම දරා ගනු ඇති අතර පහත ඕනෑම එකක් සඳහා ගිවිසුම තුළ, සිවිල් වරද (නොසැලකිල්ලද ඇතුළුව) හෝ වෙන යම් න්‍යායක් යටතේ Huawei පාර්ශ්වකරුවන් ප්‍රකාශිතවම ඔබට හෝ වෙනයම් පුද්ගලයෙකුට ඇති වූ බැඳීම්, පාඩු හෝ හානි බැහැර කරනු ලබයි: (a) ලාභ අහිමිවීම, ආදායම අහිමිවීම, අයභාරය අහිමිවීම, දත්ත හෝ කීර්තිනාමය අහිමිවීම; හා (b) විශේෂ වක්‍ර හෝ ආනුෂාංගික අහිමිවීම් හෝ හානි. මෙම නියමවල සීමා කීරීම් හා බැහැර කිරීම්, මතු විය හැකි පාඩු කිසිවක් පිළිබඳව අපට දන්වා සිටියා හෝ නොවූවා වුවද අවධානයෙන් සිටියා වුවද අදාළ වෙයි.

ඕනෑම මොහොතක සේවාවල ඕනෑම කරුණක් සම්බන්ධව ඔබ තෘප්තියට පත් නොවන්නේ නම්, ඔබගේ පූර්ණ සහ සුවිශේෂී ප්‍රතිකර්මය වනුයේ සේවාවන් වෙත පිවිසීම හා භාවිතා කිරීම නැවතීමයි. පුරෝගාමී සීමාවන්ට අගති විරහිතව, සහ ඔබගේ අධිකරණ බල ප්‍රදේශය තුළ අදාළ නීති මගින් අවසර දෙනු ලබන උපරිම ප්‍රමාණයට, හිමිකම්, නීති කෘත්‍ය, වගකීම්, බැඳීම්, හානි, අහිමි වීම්, හා පිරිවැය ගිවිසුම තුළ, සිවිල් වරද (නොසැලකිල්ලද ඇතුළුව) හෝ වෙන යම් න්‍යායක් යටතේ ඔබට හෝ වෙනයම් පුද්ගලයෙකුට වන Huawei පාර්ශ්වකරුවන්ගේ පූර්ණ සමාහාර බැඳීම කිසිදු ලෙසකින් € 50.00 ඉක්මවා නොයයි. මෙම නියමයන්ගේ ප්‍රකාශිත වියාචන සහ ආධීනතා සීමා කිරීම් සාධාරණ සහ යුක්ති සහගත බවට ඔබ දැනුවත්ව එකඟ වේ.

සමහර රටවල නීති ඉහත විස්තර කළ සීමා කිරීම් හා බැහැර කිරීම් සමහරකට හෝ සියල්ලට ඉඩ නොදේ. මෙම නීති ඔබට අදාළ වන්නේ නම් ඉහත සීමාවන් සියල්ල හෝ සමහරක් ඔබට අදාළ නොවන අතර ඔබට අතිරේක හිමිකම් තිබෙනු ඇත. නියමයන්ගේ කිසිවක්, ඔබ සැමවිටම පාරිභෝගිකයෙකු ලෙස හිමිකම් කියන සහ සංශෝධනය කිරීමට හෝ කපා හැරීමට නොහැකි නෛතික අයිතීන්වලට බල නොපානු ඇත.

17. වගකීමෙන් නිදහස් වීම

ඔබගේ අධිකරණ බල ප්‍රදේශයේ අදාළ නීති මගින් අවසර දෙනු ලබන උපරිම ප්‍රමාණයට ඔබගේ අන්තර්ගතය, ඔබගේ සේවා භාවිතය, ඔබ මෙම නියමයන් කිසිවක් උල්ලංඝනය හෝ කඩ කිරීම, ඔබ විසින් තෙවන පාර්ශ්ව බුද්ධිමය දේපළ හෝ යම්කිසි වෙනත් අයිතිවාසිකම් උල්ලංඝනය, හෝ ඔබගේ Huawei ID භාවිතා කරන වෙනයම් පුද්ගලයකුගේ සමාන ක්‍රියා හෝ උල්ලංඝන සඳහා නොසැලකිලිමත්කම සඳහා යම් හිමිකම් පෑමක් ඇතුළුව එක් එක් අවස්ථාවේ එම හිමිකම්පෑම, නඩුව හෝ ක්‍රියාමාර්ගයෙන් ඇතිවන යම් බැඳියාවක්, හානි, වියදම් නඩු ගාස්තු සහ නීතීඥ ගාස්තු සඳහා ඇතුළත්ව ඔබ යම් හිමිකම් පෑමකින්, නඩුවකින් හෝ ක්‍රියාවකින් Huawei පාර්ශවකරුවන්ට හානි රහිත කර සහ මුක්ති දානය කරයි.

එවැනි කිසියම් හිමිකම් පෑමක් හෝ ඉල්ලීමක් සම්බන්ධව ආරක්ෂා වීමට Huawei පාර්ශවකරුවන් ඕනෑම අයෙක් විසින් ඉල්ලා සිටි විට ඉක්මණින් සහය වීමට සහ සම්පූර්ණයෙන්ම එක්ව ක්‍රියා කිරීමට ඔබ පොරොන්දු වී එකඟ වන්නේය. ඔබ විසින් වගකීමෙන් නිදහස් කිරීමට යටත්ව ඕනෑම කරුණක් සම්බන්ධව අපගේ වියදමින් සම්පූර්ණ වශයෙන් ආරක්ෂා වීමට හා පාලනය කිරීමට අපට අයිතිය ඇත.

18. ඔබ විසින් අවසන් කිරීම

ඔබගේ ගිණුම් සැකසුම් ඔස්සේ හෝ මෙම සේවාව භාවිතා කිරීම අවසන් කිරීමෙන් ඔබට ඔබගේ ගිණුම අවසන් කළ හැකිය.

ඔබගේ ගිණුම අවසන් කිරීම, ඔබගේ ගිණුම විසින් ජනනය කළ ඔබගේ සියලු අන්තර්ගතය ඇතුළුව ඔබගේ ගිණුමේ ගබඩා කර ඇති සියලු දත්ත ස්ථිරවම මකනු ඇත. ඔබගේ ගිණුම අවසන් කිරීමට තීරණය කිරීමට පෙර කරුණාකර මෙම නියම සැලකිල්ලෙන් කියවන්න.

ඔබගේ ගිණුම අවසන් කිරීමෙන් පසු, Huawei විසින් ඔබගේ ගිණුම යටතේ ගබඩා කර ඇති සෑම සහ සියලුම දත්ත, ගොනු සහ ගබඩා කර ඇති අන්තර්ගතය ඉක්මණින් සහ ස්ථිරවම මැකීමට ඉඩ ඇත.

19. අප විසින් අවසන් කිරීම හා අත්හිටුවීම

අදාළ නීතියට යටත්ව, අප විසින් ඕනෑම මොහොතක කිසිදු පුද්ගලයෙකුට හෝ තෙවන පාර්ශ්වයකට කිසිදු බැඳීමක් නොමැතිව සේවාවන්ගේ කොටස් හෝ සොයල්ල වෙත වන ඔබගේ පිවිසීම ස්ථිරවම හෝ තාවකාලිකව අත්හිටුවීමට, අවලංගු කිරීමට, සීමාවන් පැනවීමට හෝ අවහිර කිරීමට හැකිය. මෙය සිදු කිරීමට පෙර ඔබට දැනුම්දීමට අපි උත්සාහ දරන්නෙමු. කෙසේ වෙතත්, ඉක්මණින්ම සේවාවේ සියල්ල හෝ කොටස් වෙත පිවිසීම සම්බන්ධව තාවකාලිකව හෝ ස්ථිරව සීමාවන් පැනවීම, අවලංගු කිරීම, අත්හිටුවීම සිදු කිරීමේදී අප විසින් ඔබට පූර්ව දැනුම්දීමක් නොකිරීමට ඉඩ ඇත:

a. ඔබ, සංස්ථාගත ගිවිසුම්, ප්‍රතිපත්ති හෝ මාර්ගෝපදේශ ඇතුළුව නියමයන් උල්ලංඝනය කරන්නේ නම් හෝ ඔබ උල්ලංඝනය කිරීමට යන බවට අප විශ්වාස කරන්නේ නම්;

b. ඔබ හෝ ඔබ වෙනුවෙන් කටයුතු කරන ඕනෑම කෙනෙකු වංචා සහගතව හෝ නීති විරෝධී ලෙස කටයුතු කරන්නේ නම් හෝ, අප වෙත සාවද්‍ය හෝ නොමඟ යවන සුළු තොරතුරු සපයන්නේ නම්;

c. වලංගු නෛතික ක්‍රියාවලිය යටතේ නීති බලාධිකාරය හෝ වෙනත් රජයේ නියෝජිතායතනවල ඉල්ලීම්වලට ප්‍රතිචාර ලෙස;

d. හදිසි නඩත්තු කටයුතු හෝ පද්ධති හෝ දෘඩාංග වෙත හදිසි යාවත් කිරීම් සිදු කිරීම පිණිස; හෝ

e. අනපේක්ෂිත තාක්ෂණික, සුරක්ෂිතතා, ව්‍යාපාරික හෝ ආරක්ෂක හේතු නිසා;

අප විසින් සේවා භාවිතය හෝ ඒ වෙත පිවිසීම අත්හිටුවන ලද, අවසන් කරන ලද හෝ අක්‍රිය කරන ලද ඕනෑම පරිශීලකයෙකු, අපගේ පූර්ව ලිඛිත අවසරයකින් තොරව Huawei ID එකක් තැනීම හෝ සේවාවන් වෙත පිවිසීම නොකළ යුතුය.

නියමයන් කල් ඉකුත් වීම හෝ අවසන් කිරීම මගින් මෙම නියමයන්ගේ මෙහෙයවීමට ප්‍රකාශිත විධිවිධානයන්ට බලපෑමක් ඇති නොවන අතර අක්‍රිය කිරීමෙන් හෝ අවසන් කිරීමෙන් පසුද බලපෑමක් නොවෙනු ඇතිවාක් මෙන්ම එවැනි අක්‍රිය කිරීමක් හෝ අවසන් කිරීමක් සිදු කිරීමට අදාළ ඕනෑම උපචිත හිමිකමක් හෝ බැදීමකට අගතියක් නොවෙන පරිදි ක්‍රියාත්මක වෙනු ඇත.

අනුගාමී මාස 12 ක් තිස්සේ ගිණුම අක්‍රීයව පවතින අවස්ථාවේ දී ඔබගේ ගිණුම හා සම්බන්ධ දත්ත කිසිවක් මැකීමට අයිතිය Huawei රඳවා ගනී.

14, 15, 16, 17 සහ 22 කොටස් හා අවසන් කිරීමක් හෝ කල් ඉකුත් වීමක් සඳහා අදහස් කරන ලද වෙනත් කිසියම් විධිවිධානයක් මගින් ඔබ සහ අප අතර පවතින සම්බන්ධතාවය අවසන් කිරීම හෝ කල් ඉකුත් වීම සිදු වෙනු ඇත.

20. සේවාවලට කෙරෙන වෙනස් කිරීම්

අපි නිතරම සේවාවන් අලුතින් සොයාගනිමින්, වෙනස් කරමින් සහ වැඩි දියුණු කරමින් පසුවන්නෙමු. අප විසින් ක්‍රියාකාරීත්වයන් හෝ විශේෂාංගයන් එක් කිරීමට හෝ ඉවත් කිරීමට, සේවාවන්ගේ නව සීමාවන් තැනීමට හෝ තාවකාලිකව හෝ ස්ථිරව සේවාවක් අත්හිටුවීමට හෝ නැවැත්වීමට ඉඩ ඇත.

අපගේ පරිශීලකයන්ට ද්‍රව්‍යමය ලෙස අවාසි ඇති කරන හෝ සේවා වෙත පිවිසීම හෝ භාවිතා කිරීම ද්‍රව්‍යමය ලෙස සීමා කරන සේවා වලට කරන ඕනෑම වෙනස්කමක් පිළිබඳව සැලකිය යුතු කාලයකට කළින් ඔබ වෙත අපි පවසමු. අපගේ පරිශීලකයන්ට ද්‍රව්‍යමය ලෙස අවාසි ඇති නොකරන හෝ අපගේ සේවා වෙත පිවිසීම හෝ භාවිතා කිරීම ද්‍රව්‍යමය ලෙස සීමා නොකරන සේවා වලට කරන වෙනස්කම් හෝ නියමයන් වෙත කෙරෙන නවීකරණයන් පිළිබඳව අප විසින් ඔබ වෙත කළින් නොපැවසීමට ඉඩ ඇත. ආරක්‍ෂක, සුරක්ෂිතතා, නෛතික හෝ නියාමන අවශ්‍යතා සැපිරීම පිණිස අප විසින් සේවා වෙත කෙරෙන වෙනස්කම් සඳහා අපට ඉහත කාල රාමු අනුගමනය කිරීමට නොහැකි වීමට ඉඩ ඇති අතර අපි හැකි ප්‍රායෝගිකම කාලය තුළ ඔබ වෙත දන්වන්නෙමු.

21. මෙම නියමයන් වෙත කරන වෙනස්කම්

අපට ඕනෑම වේලාවක මෙම නියමයන්ට වෙනස්කම් සිදු කළ හැකි අතර නිශ්චිත කොටසක්, කොටස් හෝ අපගේ සියලුම සේවාවන් පාලනය කරන අමතර නිශ්චිත නියමයන්, චර්යා ධර්ම පද්ධතිය හෝ මාර්ගෝපදේශ පල කළ හැකිය. නියමයන්ගේ නවතම අනුවාදය සේවාව මත පළ කෙරෙනු ඇති අතර අදාළ වන්නේ නවතම අනුවාදය බැවින් ඔබ නිතරම නවතම අනුවාදය පරීක්ෂා කළ යුතුය.

වෙනස්කම්වලට ඔබගේ අයිතීන් හෝ බැඳීම්වලට බලපානු ලබන ද්‍රව්‍යමය වෙනස්කම් අයත් වන්නේ නම්, අප ඔබ වෙත සේවා හරහා හෝ ඊමේල් හරහා හෝ දැනුම්දීම ඇතුළත් විය හැකි සැලකිය යුතු ක්‍රම තුළින් එම වෙනස්කම් පිළිබඳව දන්වන්නෙමු. ආරක්ෂක, සුරක්ෂිතතා, නෛතික හෝ නියාමන අවශ්‍යතාවයන් සැපිරීම පිණිස අප විසින් සේවාවන් වෙත කෙරෙන වෙනස්කම් සඳහා අපට ඉහත කාල රාමු අනුගමනය කිරීමට නොහැකි වීමට ඉඩ ඇති අතර අපි හැකි ප්‍රායෝගිකම කාලය තුළ ඔබ වෙත දන්වන්නෙමු.

වෙනස්කම් සක්‍රීය වීමෙන් පසුව ඔබ සේවා අඛණ්ඩව භාවිතා කරන්නේ නම්, ඔබ එම වෙනස්කම් පිළිගත් බවට සැලකේ. ඔබ මෙම වෙනස්කම් හා එකඟ නොවන්නේ නම්, ඔබ සේවා භාවිතය නැවැත්වීමෙන් අප සමග ඇති සම්බන්ධය අවසන් කළ යුතුය. මෙම නියමයන්ට සිදු කළ යුතු බවට ඔබ අදහස් කරන ඕනෑම සංශෝධනයක්, වෙනස්කමක් හෝ නවීකරණයක් අප වෙත බලාත්මක වන්නේ නැත.

22. සාමාන්‍ය

මෙම නියමයන් සහ පරිශීලන සමග සංස්ථාපිත ලේඛනයන්, සේවාවන් වෙත ඔබගේ පිවිසීම හා භාවිතය සම්බන්ධව ඔබ හා අප අතර සමස්ත ගිවිසුම සකසනු ලබයි.

සේවාවන් හෝ තෙවන පාර්ශ්වයන් අනෙක් වෙබ් අඩවි හෝ සම්පත් වෙත සබැඳි සපයනු ඇත. අපි එවැනි බාහිර අඩවි හෝ සම්පත්වල ලද හැකි බව පිළිබඳව වගකීම හා එවැනි අඩවි හෝ සම්පත් මත ඇති හෝ ලද හැකි අන්තර්ගතයන්, වෙළෙඳ දැන්වීම්, නිෂ්පාදන හෝ වෙනත් දේ සඳහා අපි අනුමත කිරීම හෝ වගකීම නොකරන බව ඔබ පිළිගෙන එකඟ වෙයි. එමෙන්ම එවැනි අඩවි හෝ සම්පත් මත හෝ තුළින් ලද හැකි අන්තර්ගතයන්, භාණ්ඩ හෝ සේවා විසින් ඇති කෙරෙන හානියක් හෝ අහිමිවීමක් හෝ ඇති විය හැකැයි සැක කරන යමක් පිළිබඳව ඍජුව හෝ වක්‍රව අපි වග නොකියන බව ඔබ පිළිගෙන එකඟ වෙයි.

වියාචනයන්, සීමාකිරීම් හා හිමිකම් බැහැර කිරීම් සහ මෙම නියමයන් තුළ වගකීමෙන් නිදහස් කිරීමේ විධි විධාන, මෙම නියමයන් කල් ඉකුත් වීමෙන් හෝ අවසන් වීමෙන් පසුව අනියත ලෙස පවතිනු ඇත.

මෙම නියමයන් තුළ කිසිවක් මගින් ඔබ හා අපි අතර හවුල්කාරීත්වයක් හෝ නියෝජිතමය සම්බන්ධතාවයක් ඇති නොකරනු ඇති අතර කිසිදු පාර්ශ්වයකට කිසිදු බැඳීම් ණයක් හෝ පිරිවැයක් ඇති කිරීමට හෝ අනෙක් පාර්ශ්වය නමින් හෝ වෙනුවෙන් ගිවිසුම්වලට හෝ අනෙක් විධිවිධානවලට ඇතුළත් වීමට නොහැකිය.

මෙම නියමයන් හෝ සේවාවල විධිවිධාන යටතේ එන අපගේ බැඳීම් ක්‍රියාත්මක කිරීමේ අසාර්ථක බව හෝ ප්‍රමාදය සම්බන්ධව හෝ අපගේ සාධාරණ පාලනයෙන් පිට කරුණු හේතුවෙන් ඇති වූ හෝ එයින් දායකත්වය ලද විධි විධාන සම්බන්ධව අපි වගකියනු නොලැබේ.

ඔබ මෙම නියමයන් යටතේ එන ඔබගේ හිමිකම් හා බැඳීම් කිසිවක් අපගේ පූර්ව ලිඛිත කැමැත්තකින් තොරව වෙනත් කෙනෙකුට පැවරීම හෝ මාරු කිරීම සිදු නොකළ යුතු අතර එවැනි කැමැත්තක් රහිතව එසේ උත්සාහ කරන ලද පැවරුමක් හෝ මාරුවක් අවලංගු වෙනු ඇත. මෙම නියමයන් යටතේ අප අපගේ අයිතීන් හා/හෝ බැඳීම් පැවරීම, උප කොන්ත්‍රාත් ලබාදීම හෝ නවීකරණය කිරීම සිදු කරනු ඇති අතර එම අරමුණ සඳහා අවශ්‍ය වන හෝ අභිමත ඕනෑම සහ සියලු ලේඛන ඉක්මණින් සැපයීමට ඔබ එකඟ වේ.

ඔබ නියමයන් කඩ කරනු ලැබ අප විසින් කිසිදු ක්‍රියාමාර්ගයක් ගනු නොලැබුවත්, ඔබ විසින් මෙම නියමයන් කඩ කරන වෙනත් අවස්ථාවකදී ඒ සඳහා අපගේ අයිතීන් සහ ප්‍රතිකර්ම භාවිතා කිරීමට අපට හිමිකම ඇත. මෙම නියමයන්ගේ කිසියම් විධිවිධානයක් (හෝ විධිවිධානයක කොටසක්) නිසි අධිකරණ බලය සහිත අධිකරණයක් හෝ වෙනත් සුදුසු අධිකාරියක් මගින් බල රහිත, අවලංගු හා ක්‍රියාත්මක කළ නොහැකි බව තීරණය කළහොත් එම විධිවිධානය නියමයන්ගෙන් මකා දමන ලද බවට සැලකිය යුතු අතර මෙම නියමයන්ගේ සියලුම අනෙක් විධිවිධාන පරිපූර්ණව බලාත්මක වී බල රහිත, අවලංගු හා ක්‍රියාත්මක කළ නොහැකි බව තීරණය කළ විධිවිධානය රහිතව බලාත්මක විය හැකි තරමට ක්‍රියාත්මක වෙයි.

23. පාලනය කරන නීතිය හා අධිකරණ බල ප්‍රදේශය

නියමයන් සැකසීම, අර්ථ නිරූපණය හා ක්‍රියාකාරීත්වය සහ ඒවායින් හෝ ඒවා සම්බන්ධව පැන නැගෙන මත භේද හා හිමිකම් පෑම් ඕනෑම එකක් (ගිවිසුම්ගත නොවන මතභේද හෝ හිමිකම් පෑම් ඇතුළුව) පාලනය කරනු ලබන්නේ හා ක්‍රියාත්මක කරනු ලබන්නේ අයර්ලන්තයේ නීති අනූවයි. අදාළ නීතිය මගින් වෙනත් ආකාරයකින් සපයන ලදහොත් හැර, මෙම නියමයන්ට අදාළව පැන නගින මතභේද, හිමිකම් පෑම්, ක්‍රියාවන් හෝ නීති කෘත්‍යයන් ඇසීමේ හා තීරණය කිරීමේ පරම අධිකරණ බලය ඇත්තේ අයර්ලන්ත අධිකරණයට බව ඔබ සහ අප පිළිගනු ලබයි. කෙසේ වෙතත්, මෙමගින් අප අයර්ලන්තයෙන් පිට නීති කාර්යයන් කිරීම වළක්වන්නේ නැත.

ඔබ යුරෝපා සංගමයේ රටක ජීවත්වන පාරිභෝගිකයෙකු නම්, ඔබ පදිංචිව සිටින රටේ අනිවාර්ය නීති විධි විධාන මගින් ඔබට ප්‍රතිලාභ ලැබෙනු ඇත. ඉහත ඡේදයද ඇතුළත්ව මෙම නියමයන්ගේ කිසිවක් එවැනි අනිවාර්‍ය දේශීය නීතියේ විධිවිධාන මත රඳා පැවතීමේ පාරිභෝගිකයෙකු ලෙස ඔබේ අයිතීන්ට බලපෑම් නොකරන්නේය. යුරෝපා කොමිසම, ඔන්ලයින් මතභේද නිරාකරණ වේදිකාවක් සපයනු ලබන අතර http://ec.europa.eu/consumers/odr/ වෙතින් ඔබට එය වෙත පිවිසිය හැකිය. ඔබට කිසියම් කරුණක් කෙරෙහි අපගේ අවධානය යොමු කිරීමට අවශ්‍ය නම්, කරුණාකර අප අමතන්න.

24. අප සම්බන්ධ කර ගැනීම

මෙම නියමයන් සම්බන්ධව ඔබට කිසියම් ගැටලුවක් ඇති නම් පහත තොරතුරු භාවිත කරමින් අප හා සම්බන්ධ වන්න:

විද්‍යුත් තැපෑල: hwcloud@huawei.com