Изјава за HUAWEI Cloud и приватност
HUAWEI Cloud е услуга што ја обезбедува Aspiegel Limited, подружница на Huawei основана во Ирска (во понатамошниот текст „Huawei“, „ние“, „нас“ или „наш“). HUAWEI Cloud автоматски ги синхронизира, создава резервни копии и ги префрла вашите податоци на серверите на Cloud за да може да пристапите и да управувате со нив на секој уред откако ќе се најавите.
Оваа Изјава опишува:
1. Кои податоци ги собираме за вас?
2. Како ги користиме вашите податоци?
3. Колку долго ги чуваме вашите податоци?
4. Дали ги споделуваме вашите податоци?
5. Кои се вашите права и опции?
6. Како да контактирате со нас?
7. Како ја ажурираме оваа Изјава?
1 Кои податоци ги собираме за вас?
Како дел од HUAWEI Cloud, ќе ги собираме и користиме вашите лични податоци само за намените кои се наведени во оваа Изјава. Лични податоци се однесуваат на сите информации кои му овозможуваат на Huawei да ве идентификува вас како корисник.
Ги собираме и обработуваме следниве податоци:
•Информации за сметката: име на сметката, адреса на е-пошта, телефонски број, слика на профил, корисничко име, код на земја, идентификатор на сметката, токен за кориснички услуги.
•Информации за уредот: идентификација на уредот (како што се MEID, UDID или IMEI, во зависност од вашиот систем), типот на уредот, оперативниот систем и поставки за јазикот.
•Информации за мрежата: ИП-адреса, тип на мрежата и статус на поврзувањето.
•Информации за користење на услугата: верзијата на HUAWEI Cloud, изворот на преземени податоци, време на отворање и затворање на апликацијата, список на инсталирани апликации, кликнувања и изложеност, информации за пакетот (име, капацитет и времетраење), време на купувањето, идентификација на нарачката, системски дневници и дневници на грешки.
•Синхронизирани, префрлени или податоци од кои се направени резервни копии (резултатите може да се разликуваат во зависност од достапните карактеристики во регионот/земјата каде што е регистриран вашиот Идентитет на HUAWEI): синхронизирани податоци (вклучувајќи контакти, настани од календарот, поставки за Wi-Fi, белешки, слики и видеа), резервни копии од податоците на Cloud (вклучувајќи контакти, настани од календарот, поставки за Wi-Fi, белешки, слики и видеа, снимки, дневник на повици, поставки и филтер за вознемирување, пораки, поставки за администраторот на телефонот, обележувачи од прелистувачот, поставки за временската прогноза, распоред на екранот, поставки за камера, поставки за телефон, податоци за FM-радио, поставки за аларм, поставки за SmartCare и список на инсталирани апликации) и датотеки од Huawei Drive (вклучувајќи какви било локални датотеки што ќе изберете да ги префрлите).
Ако се најавите на официјалната веб-локација на HUAWEI Cloud (cloud.huawei.com) со вашиот Идентитет на HUAWEI за да управувате со вашите податоци, ќе се собираат и следниве податоци:
Информации за прелистувачот и за користењето: колачиња, ИП-адреса, тип на прелистувачот, временска зона, јазик и работа со глувчето и тастатурата. За повеќе информации, прочитајте ја нашата политика за колачиња.
За HUAWEI Cloud се потребни дозволи за пристап до телефонот за да добие информации за уредот и пристап до Меморија, Камера, SMS, Контакти и Календар за да ви понуди услуги за синхронизација и чување резервни копии.
2 Како ги користиме вашите податоци?
За да ги воведеме основните функционалности на HUAWEI Cloud, меѓу кои и синхронизација со Cloud, резервна копија на Cloud, Huawei Drive како и други услуги за податоци, а воедно и да ги исполниме договорните обврски, апликацијата треба да ги собере и да ги обработи вашите податоци со цел управување со односот со потрошувачите, поддршка и комуникација, постапување со жалбите од потрошувачите, одржување, софтверско и системско ажурирање, идентификација на корисникот и дијагностицирање и поправка.
Покрај тоа, Huawei ги користи вашите лични податоци за следниве намени врз основа на легитимен интерес:
•За статистички цели и за подобрување на производот, што вклучува создавање збирни групи врз основа на вашата активност на користење. Исто така, тоа ни овозможува да ги разбереме потребите на нашите корисници и да ги подобриме квалитетот и корисничкото искуство со нашите постојни и идни услуги и понуди. Може да поднесете приговор во врска со таквата обработка како што е опишано во Дел 5.5 подолу.
•За маркетиншки цели, меѓу кои комуникација за нашите понуди, промоции и други маркетиншки цели, како и за создавање збирни целни групи за маркетинг. Познавањето на желбите на нашите корисници ни овозможува да ги насочиме нашите понуди и да нудиме производи и услуги што подобро ги задоволуваат потребите и желбите на нашите корисници. Може да поднесете приговор во врска со таквата обработка како што е опишано во Дел 5.5 подолу.
•За да се овозможи безбедност на информациите, вклучувајќи и откривање или спречување различни типови злоупотреба на услугите и измама, со цел да ви се обезбедат безбедни и сигурни услуги.
Може да ви испраќаме известувања поврзани со услуги (како што се известувања за одржување на системот, записи од трансакции и потсетници за искористеност на меморија на Cloud) кога ќе биде потребно. Можно е да не добиете можност да се откажете од добивање важни известувања кои се поврзани со услуги и кои не се од промотивна природа.
Исто така ги обработуваме информациите за пакетот (име, капацитет и времетраење), времето на купување, идентификацијата на порачката за даночни и сметководствени цели во согласност со законите и прописите што важат за нас.
3 Колку долго ги чуваме вашите податоци?
Нема да ги задржиме вашите лични податоци подолго од тоа што е неопходно за намените наведени во оваа Изјава.
Ќе ги обработуваме и задржиме вашите податоци додека трае корисничкиот однос. Кога ќе престанете со користење на HUAWEI Cloud во период од дванаесет (12) месеци, вашите податоци ќе се избришат. Сепак, однапред ќе ве потсетиме за бришењето преку соодветни средства (како што е е-порака). Кога ќе ја избришете вашата сметка за Идентитет на Huawei, личните податоци кои се поврзани со вашата сметка и со сродните услуги, како што е HUAWEI Cloud, ќе бидат избришани. Сепак, ќе го задржиме следново:
•Информациите за пакетот на HUAWEI Cloud (име, капацитет и времетраење), времето на купување, идентификацијата на нарачката во текот на седум (7) години од датумот кога била направена трансакцијата.
•Личните податоци обработени со цел управување со односите со корисниците, како што се жалби, барања на субјектите на податоците и управување со договорите најмногу пет (5) години по бришењето на сметката за Идентитетот на HUAWEI; лични податоци што се употребуваат за аналитички и развојни цели, како и за промоција на продажба и маркетиншки цели најмногу дванаесет (12) месеци од собирањето на податоците, освен ако не сте се спротивставиле на таквата обработка.
•Резервните копии и дневниците од апликациите, коишто се обработуваат за да се овозможи безбедноста на вашите податоци и услуги, најмногу шест (6) месеци од датумот кога биле создадени.
•Дневниците за активност и евиденцијата на системот ќе бидат избришани веднаш откако ќе се изврши релевантната статистичка анализа; дневниците на грешки автоматски ќе се избришат седум (7) дена по собирањето на информациите.
Откако периодот на задржување ќе измине, ќе ги избришеме вашите лични податоци или ќе ги анонимизираме, освен ако не се бара поинаку со применливите закони и прописи.
4 Дали ги споделуваме вашите податоци?
Ги чуваме вашите податоци во податочните центри што се наоѓаат во Европската Унија (ЕУ)/Европската економска област (ЕЕО).
Ги споделуваме вашите податоци само во следниве случаи:
•Како одговор на правен процес или барање од надлежен орган, врз основа на важечки закон или во врска со судски случај или процес.
•Кога е потребно, како дел од спојување, аквизиција, продажба на капитал (како што се договори за услуги) или пренесување на услугата на субјект во групацијата Huawei или на друга компанија.
5 Кои се вашите права и опции?
Ги имате следниве права и опции:
5.1 Пристап до вашите податоци
Може да побарате копија и опис од вашите лични податоци што сме ги собрале и ги чуваме во HUAWEI Cloud така што ќе отидете до Нагодување > Идентитет на HUAWEI > Нагодување > Побарајте ги вашите податоци на уредот.
Исто така, може да пристапите и да ги преземете податоците што сте ги синхронизирале, сте направиле резервна копија од нив или сте ги префрлиле од апликацијата HUAWEI Cloud или од официјалната веб-локација (cloud.huawei.com).
За барање за дополнителен пристап, контактирајте со нас.
5.2 Корекција на вашите податоци
Со цел вашите податоци да бидат ажурирани и точни, може да пристапите и да ги измените ако отидете до Нагодување > Идентитет на HUAWEI на вашиот уред.
Исто така, може да пристапите и да ги измените податоците што сте ги синхронизирале, сте направиле резервна копија од нив или сте ги префрлиле од апликацијата HUAWEI Cloud или од официјалната веб-локација (cloud.huawei.com).
5.3 Пренесување на вашите податоци
Може да ги извезете личните податоци што сте ни ги доставиле во HUAWEI Cloud во честокористен и читлив формат така што ќе отидете до Нагодување > Идентитет на HUAWEI > Нагодување > Побарајте ги вашите податоци на вашиот уред.
Исто така, може да ги преземете податоците што сте ги синхронизирале, сте направиле резервна копија од нив или сте ги префрлиле од апликацијата HUAWEI Cloud или од официјалната веб-локација (cloud.huawei.com).
5.4 Бришење на вашите податоци
Во секое време може да го направите следново:
•Да ги избришете податоците што сте ги синхронизирале, сте направиле резервна копија од нив и други типови податоци од апликацијата така што ќе ги избришете од вашиот уред. Бришењето автоматски ќе се синхронизира и ќе се ажурира на Cloud.
•Избришете ги вашите складирани податоци така што ќе ги избришете директно од Huawei Drive.
•Најавете се на официјалната веб-локација на HUAWEI Cloud (cloud.huawei.com) за да ги избришете вашите податоци, меѓу кои и контактите, фотографиите, снимките, црната листа и датотеките за Huawei Drive.
•Да го избришете вашиот Идентитет на HUAWEI. Со тоа ќе се избришат и вашите лични податоци поврзани со вашиот Идентитет на HUAWEI, меѓу кои и вашите лични податоци на HUAWEI Cloud.
•Да поднесете приговор за обработката на вашите лични податоци, како што е опишано во Дел 5.5. Ако вашиот приговор е валиден и повеќе немаме правна основа да продолжиме со обработката, ќе ги избришеме податоците што се во опсегот на валидниот приговор.
•Контактирајте со нас ако мислите дека обработката на вашите лични податоци е незаконска и дека вашите податоци треба да се избришат.
Ќе ги избришеме или анонимизираме вашите лични податоци без непотребно одложување кога ќе биде неопходно врз основа на вашите горенаведени дејства и во согласност со периодите на задржување како што е опишано во Дел 3.
5.5 Право на приговор
Ако сакате да поднесете приговор во врска со обработката на вашите податоци за статистички цели, за подобрување на производите или продажба и маркетиншки цели, контактирајте со нас.
Кога поднесувате барање, наведете го обемот на барањето и дајте ни ја вашата адреса на е-пошта или телефонскиот број што го употребувате за да се најавите на HUAWEI Cloud со вашиот Идентитет на HUAWEI.
Ќе контактираме со вас за да го потврдиме вашиот идентитет за да продолжиме со обработката на вашето барање.
5.6 Ограничување на обработката
Ако сакате да ја ограничите обработката на вашите лични податоци, контактирајте со нас. Имате право да ја ограничите обработката на вашите податоци под следните околности:
•Ако вашите податоци се обработуваат незаконски, но не сакате да ги избришете.
•Ако имате законско барање што треба да го воспоставите, примените и одбраните и сте побарале од нас да ги чуваме вашите податоци, иако не би ги чувале во друг случај.
•Ако вашето барање за приговор чека на наша потврда.
Кога поднесувате барање, наведете го обемот на барањето и основата за барањето и дајте ни ја вашата адреса на е-пошта или телефонскиот број што го употребувате за да се најавите на HUAWEI Cloud.
Ќе контактираме со вас за да го потврдиме вашиот идентитет за да продолжиме со обработката на вашето барање.
6 Како да контактирате со нас?
Може да најдете совет за тоа како да ги примените своите права за податоците во Дел 5. Ако имате прашања, коментари или предлози за вашите права како имател на податоците или за обработката на вашите лични податоци од страна на Huawei, контактирајте со нас.
Адреса на нашето седиште: Aspiegel Limited, Unit 1B/1C Sandyford Business Centre, Burton Hall Dublin 18, Ireland. Регистарски број 561134.
Детали за контакт на нашиот комесар за заштита на податоците: dpo@huawei.com.
Ако сметате дека Huawei не ги обработува вашите лични податоци во согласност со оваа Изјава или применливите закони за заштита на податоците, може да поднесете жалба до вашата дирекција за заштита на податоците или до Комесарот за заштита на податоци во Ирска.
7 Како ја ажурираме оваа Изјава?
Препорачуваме редовно да проверувате за најнова верзија од оваа Изјава во поставките за апликацијата бидејќи може да ја промениме одвреме-навреме. Ако направиме материјални промени во оваа Изјава, ќе ве известиме на соодветен начин, како што е по пат на известување со дијалог-рамка, порака за известување на вашиот уред, по е-пошта и сл., во зависност од природата на промената.
Последно ажурирање: 19 октомври 2018 година