ຂໍ້​ຕົກ​ລົງ​ຜູ້​ໃຊ້ ຄ​ລາວ

ຂໍ້ກຳນົດ ແລະ ເງື່ອນໄຂຕໍ່ໄປນີ້ ("ຂໍ້ກຳນົດ" ເຫຼົ່ານີ້) ປະກອບເປັນສັນຍາທີ່ນຳໃຊ້ໄດ້ລະຫວ່າງທ່ານ ແລະ ບໍລິສັດ Huawei Software Technologies Co. Ltd. ແລະ ບໍລິສັດສາຂາ ("Huawei"). ຂໍ້ຕົກລົງນີ້ກຳນົດສິດຕາມກົດໝາຍ ແລະ ຄວາມຮັບຜິດຊອບຂອງທ່ານກ່ຽວກັບການນຳໃຊ້ການບໍລິການ Huawei ID ("ການບໍລິການ" ນີ້). "ທ່ານ" ໝາຍເຖິງບຸກຄົນໃດໜຶ່ງ ຜູ້ທີ່ໃຊ້ ແລະ/ຫຼື ເຂົ້າຫາການບໍລິການນີ້.

ກະລຸນາອ່ານຂໍ້ກຳນົດຕໍ່ໄປນີໃຫ້ລະອຽດ. ໂດຍການເລືອກເຫັນດີ, ທ່ານຮັບຮູ້ວ່າ ທ່ານໄດ້ອ່ານ ແລະ ຍອມຮັບຂໍ້ກຳນົດເຫຼົ່ານີ້ແລ້ວ. ຖ້າທ່ານບໍ່ເຫັນດີກັບຂໍ້ກຳນົດເຫຼົ່ານີ້ທຸກອັນ ຫຼື ສ່ວນໃດໜຶ່ງ, ທ່ານບໍ່ຕ້ອງໃຊ້ການບໍລິການເຫຼົ່ານີ້.

1. ເງື່ອນໄຂຮຽກຮ້ອງສຳລັບການນຳໃຊ້ການບໍລິການນີ້

ໂດຍເອກະສານສະບັບນີ້ ທ່ານສະແດງໃຫ້ເຫັນ ແລະ ຮັບປະກັນວ່າ ທ່ານມີສິດຕາມກົດໝາຍ ຫຼື ການອະນຸຍາດທີ່ພຽງພໍ ເພື່ອເຊັນ ແລະ ປະຕິບັດຂໍ້ຕົກລົງນີ້ ແລະ ການເຊັນ ແລະ ການປະຕິບັດຂໍ້ຕົກລົງນີ້ບໍ່ມີການຂັດກັນຂໍ້ຕົກລົງ ຫຼື ຂໍ້ບັນຍັດອື່ນທີ່ທ່ານມີສິດປະຕິບັດຢູ່. ທ່ານຍັງຮັບປະກັນຕື່ມອີກວ່າ ຂໍ້ຕົກລົງນີ້ມີການບັງຄັບຕາມກົດໝາຍຕໍ່ທ່ານ ແລະ ສາມາດບັງຄັບໃຊ້ໄດ້ ເມື່ອເຫັນວ່າຈຳເປັນ.

1) ເງື່ອນໄຂກຳນົດອາຍຸ

ຖ້າທ່ານເປັນຜູ້ບໍ່ທັນພົ້ນອາຍຸກະສຽນ, ທ່ານຄວນອ່ານຂໍ້ຕົກລົງນີ້ກັບພໍ່ແມ່ ຫຼື ຜູ້ປົກຄອງຖືກຕ້ອງຕາມກົດໝາຍຂອງທ່ານ ເພື່ອໃຫ້ແນ່ໃຈວ່າ ເຂົາເຈົ້າເຂົ້າໃຈເນື້ອໃນຂອງຂໍ້ຕົກລົງນີ້ ກ່ອນທີ່ທ່ານຈະຕັດສິນໃຈໃຊ້ການບໍລິການນີ້. ທ່ານບໍ່ສາມາດ ແລະ ບໍ່ຄວນໃຊ້ການບໍລິການນີ້ກ່ອນໄດ້ຮັບການອະນຸຍາດຈາກພໍ່ແມ່ ຫຼື ຜູ້ປົກຄອງຖືກຕ້ອງຕາມກົດໝາຍຂອງທ່ານ. ນອກຈາກນັ້ນ, ພວກເຮົາຂໍແນະນຳໃຫ້ພໍ່ແມ່ ຫຼື ຜູ້ປົກຄອງຖືກຕ້ອງຕາມກົດໝາຍໃຫ້ຄຳແນະນຳ ແລະ ອະນທິບາຍໃຫ້ລູກຂອງຕົນເອງຮູ້ຈັກ ເມື່ອເຂົາເຈົ້າໃຊ້ອິນເຕີເນັດ, ໂທລະສັບມືຖື, ແລະ ອຸປະກອນອື່ນໆ.

2) ເງື່ອນໄຂກຳນົດອຸປະກອນ

ເພື່ອໃຊ້ການບໍລິການນີ້, ທ່ານຈຳເປັນຕ້ອງມີອຸປະກອນທີ່ເຂົ້າກັນໄດ້ໜຶ່ງອັນ ຫຼື ຫຼາຍກວ່ານັ້ນ, ການບໍລິການຂໍ້ມູນມືຖືໄວເລສ, ຊອບແວທີ່ກ່ຽວຂ້ອງ ແລະ ການເຊື່ອມຕໍ່ອິນເຕີເນັດທີ່ຜູ້ໃຫ້ບໍລິການເຄືອຂ່າຍນຳໃຊ້ໄດ້ຈັດໃຫ້ (ຈຳເປັນຕ້ອງມີການເຊື່ອມຕໍ່ບຣອດແບນ ເມື່ອໃຊ້ການບໍລິການທາງອິນເຕີນັດ). Huawei ແລະ ການບໍລິການນີ້ຈະບໍ່ຈັດອຸປະກອນ, ການບໍລິການ, ຫຼື ຊອບແວທີ່ກ່າວມາກ່ອນນັ້ນໃຫ້ກັບທ່ານ. ທ່ານຈຳເປັນຕ້ອງໄດ້ມີ ຫຼື ຊື້ອຸປະກອນ, ການບໍລິການ, ແລະ ຊອບແວທີ່ກ່າວມາກ່ອນ ແລະ ຍອມຮັບຂໍ້ຕົກລົງຜູ້ໃຫ້ບໍລິການອຸປະກອນ, ການບໍລິການ, ແລະ ຊອບແວ ກ່ອນທີ່ທ່ານຈະສາມາດນຳໃຊ້ອຸປະກອນ, ການບໍລິການ, ແລະ ຊອບແວໄດ້. ທ່ານອາດຈະຕ້ອງໄດ້ເສຍຄ່າໃຊ້ຈ່າຍຈາກການຳໃຊ້ດັ່ງກ່າວ. ປັດໃຈຕ່າງໆເຊັ່ນ: ຮາດແວ, ຊອບແວ, ແລະ ການເຊື່ອມຕໍ່ອິນເຕີເນັດຂອງທ່ານອາດຈະມີຜົນກະທົບຕໍ່ການນຳໃຊ້ການບໍລິການນີ້ຂອງທ່ານ. ຈິ່ງຂໍແນະນຳໃຫ້ທ່ານໃຊ້ການເຊື່ອມຕໍ່ອິນເຕີເນັດບຣອດແບນຄວາມໄວສູງ.

2. ການແນະນຳການບໍລິການ Huawei ID

ທ່ານສາມາດນຳໃຊ້ Huawei ID ເພື່ອເຂົ້າເຖິງການບໍລິການ Huawei ໄດ້ເຊັ່ນ HUAWEI Cloud, AppGallery, Vmall, Huawei Club, HUAWEI GameCenter (ລວມທັງເກມທີ່ດາວໂຫຼດໄວ້), HiCare, HUAWEI Wallet, Huawei Pay, ແກເລີຣີ, HUAWEI Themes, HUAWEI Music, HUAWEI Videos, Huawei Wear, ການສຳຮອງ, ໄຟລ໌, Huawei Health, HiLives, ການຊ່ວຍເຫຼືອຈາກທາງໄກ, HiVoice, HUAWEI Drive, ລາຍຊື່, Huawei Swype, ຂໍ້ຄວາມ, SkyTone, ແຊຣ໌ທີ່ຕັ້ງ, ໂໝດນັກຮຽນ, ອາລະບ້ຳ, HiBoard, ປະຕິທິນ, ແຜ່ນບັນທຶກ ແລະ Huawei Reader. ການບໍລິການອາດຈະແຕກຕ່າງກັນໄປຂຶ້ນຢູ່ກັບລຸ້ນຂອງອຸປະກອນ ແລະ/ຫຼື ປະເທດຂອງທ່ານ. ກະລຸນາອ່ານເບິ່ງຄູ່ມືການນຳໃຊ້ທີ່ມີຢູ່ນຳອຸປະກອນ Huawei ຂອງທ່ານ ເພື່ອເບິ່ງຂໍ້ມູນເພີ່ມເຕີມກ່ຽວກັບການບໍລິການທີ່ມີຢູ່.

ການບໍລິການນີ້ລວມມີການບໍລິການສົ່ງຂໍ້ຄວາມສັ້ນນຳ. ທ່ານສາມາດໃຊ້ຟີເຈີນີ້ເພື່ອສົ່ງຂໍ້ຄວາມ, ອີໂມຕິຄອນ, ພາບ, ສຽງ, ວິດີໂອ, ແລະ ລິ້ງໄປຫາຜູ້ໃຊ້ຄົນອື່ນໄດ້.

ໃນລະຫວ່າງການໃຊ້ບໍລິການນີ້ຂອງທ່ານ, Huawei ID ຈະຂໍເຂຂົ້າຫາບ່ອນຈັດເກັບຂໍ້ມູນ, ໂທລະສັບ, SMS, ໄມໂຄຣໂຟນ, ທີ່ຕັ້ງ, ລາຍຊື່ຕິດຕໍ່ ແລະ ກ້ອງຖ່າຍຮູບຂອງທ່ານ. ຖ້າອຸປະກອນຂອງທ່ານໃຊ້ EMUI 4.0/MagicUI 2.0 ຫຼື ເວີຊັນໃໝ່ກວ່າ, ທ່ານສາມາດປິດໃຊ້ງານການເຂົ້າຫາຟັງຄ໌ຊັນທີ່ກ່າວມາຂ້າງເທິງຂອງ Huawei ID ໂດຍໄປທີ່ ການຕັ້ງຄ່າ > ແອັບ ແລະ ການແຈ້ງເຕືອນ > ແອັບ > Huawei ID > ການອະນຸຍາດ.

ເພື່ອໃຫ້ຂໍ້ມູນການບໍລິການກ່ຽວຂ້ອງກັບ Huawei ID ແກ່ທ່ານ, Huawei ID ອາດຈະສົ່ງການແຈ້ງເຕືອນລະບົບໃຫ້ແກ່ທ່ານຜ່ານຂໍ້ຄວາມ. ທ່ານສາມາດປິດການແຈ້ງເຕືອນ ຫຼື ເປີດໃຊ້ງານຢ່າລົບກວນໄດ້ ໂດຍການໄປທີ່ການຕັ້ງຄ່າ > Huawei ID > ໝູ່ເພື່ອນ > ການແຈ້ງເຕືອນລະບົບ.

ທ່ານມີຄວາມຮັບຜິດຊອບຕໍ່ການປົກປ້ອງຊື່ຜູ້ໃຊ້ ແລະ ລະຫັດຜ່ານຂອງທ່ານເອົາເອງ. ນອກຈາກນັ້ນ, ທ່ານຍັງຈະຕ້ອງຮັບຜິດຊອບຕໍ່ທຸກການດຳເນີນການທີ່ປະຕິບັດຢູ່ໃນບັນຊີຂອງທ່ານ, ນອກຈາກວ່າ Huawei ໄດ້ຮັບແຈ້ງກ່ອນວ່າ ບັນຊີຂອງທ່ານມີຄວາມສ່ຽງຕໍ່ຄວາມເສຍຫາຍ. ທ່ານຕ້ອງແຈ້ງໃຫ້ກັບ Huawei ທັນທີຕໍ່ກັບກິດຈະກຳໃດໜຶ່ງຢູ່ໃນບັນຊີຂອງທ່ານ ທີ່ເຫັນວ່າເກີນການຄວບຄຸມຂອງທ່ານ ຫຼື ທີ່ເປັນການລະເມີດຕໍ່ຂໍ້ຕົກລົງນີ້ ໂດຍການສົ່ງອີເມວໄປຫາ huaweiid@huawei.com.

3. ການປົກປ້ອງຄວາມເປັນສ່ວນຕົວ

Huawei ຈະນຳໃຊ້ມາດຕະການທີ່ເໝາະສົມ ເພື່ອປົກປ້ອງຂໍ້ມູນສ່ວນຕົວຂອງທ່ານ. ນອກຈາກວ່າກົດໝາຍໄດ້ກຳນົດໄວ້ເປັນຢ່າງອື່ນແລ້ວ, Huawei ຈະບໍ່ປ່ອຍ ຫຼື ເປີດເຜີຍຂໍ້ມູນສ່ວນຕົວຂອງທ່ານໂດຍບໍ່ມີຄຳຍິນຍອມຂອງທ່ານ. ນອກຈາກນັ້ນ, ຂໍ້ມູນຂອງທ່ານຍັງຈະຖືກໃສ່ລະຫັດໄວ້ ໂດຍການໃຊ້ເຕັກໂນໂລຊີການໃສ່ລະຫັດຫຼ້າສຸດ ກ່ອນທີ່ຈະເກັບໄວ້ ຫຼື ສົ່ງໄປ.

ທ່ານຈະຕ້ອງໄດ້ບອກຂໍ້ມູນອັນແນ່ນອນ ເມື່ອລົງທະບຽນຂໍ Huawei ID ຫຼື ນຳໃຊ້ການບໍລິການນີ້. ຂໍ້ມູນນີ້ລວມມີ ເຊິ່ງບໍ່ຈຳກັດແຕ່:

1) ເບີໂທລະສັບ ຫຼື ທີ່ຢູ່ອີເມວຂອງທ່ານ ເພື່ອລົງທະບຽນບັນຊີ ຫຼື ກວດສອບຂໍ້ມູນປະຈຳຕົວຂອງທ່ານ.

2) ການອະນຸຍາດໃຫ້ເຂົ້າຫາຂໍ້ມູນທີ່ຕັ້ງຂອງທ່ານ ເພື່ອນຳໃຊ້ຟີເຈີ "ຢູ່ໃກ້ຂ້ອຍດຽວນີ້";

3) ການອະນຸຍາດໃຫ້ເຂົ້າຫາລາຍຊື່ຕິດຕໍ່ຂອງທ່ານ ເພື່ອນຳໃຊ້ຟີເຈີການແນະນຳໝູ່ໃຫ້; ຜູ້ໃຊ້ Huawei ID ສາມາດຊອກຫາທ່ານໄດ້ ດ້ວຍການໃຊ້ເບີໂທລະສັບ ຫຼື ທີ່ຢູ່ອີເມວ ແລະ ເບິ່ງຂໍ້ມູນສາທາລະນຳຂອງທ່ານ, ລວມທັງຮູບໂປຣໄຟລ໌, ຊື່ຫຼິ້ນ, ແລະ ເມືອງ. ທ່ານສາມາດປິດອັນນີ້ໄດ້ຢູ່ກ້ອງການຕັ້ງຄ່າສຳລັບ Huawei ID. ຂຶ້ນຢູ່ກັບກົດລະບຽບໃນທ້ອງຖິ່ນ ແລະ ເງື່ອນໄຂກຳນົດທາງກົດໝາຍ, ທ່ານອາດຈະຕ້ອງໄດ້ໃຫ້ຂໍ້ມູນສ່ວນຕົວຂອງທ່ານ ເພື່ອກວດສອບຂໍ້ມູນປະຈຳຕົວຂອງທ່ານ. ຖ້າຂໍ້ມູນທີ່ທ່ານບອກບໍ່ຄົບຖ້ວນ, ທ່ານອາດຈະບໍ່ສາມາດໃຊ້ຊອບແວນີ້ໄດ້, ຫຼື ການເຂົ້າຫາອາດຈະຖືກຈຳກັດນຳ.

ເພື່ອປັບປຸງປະສົບການຜູ້ໃຊ້ ແລະ ຄວາມພໍໃຈ, Huawei ຈະໃຫ້ການບໍລິການທີ່ແຕກຕ່າງອີງຕາມເບີໂທລະສັບ ແລະ ທີ່ຢູ່ອີເມວທີ່ທ່ານໃຫ້ມາເມື່ອເວລາລົງທະບຽນບັນຊີຂອງທ່ານ. ຕົວຢ່າງ, ຖ້າທ່ານຕິດຕໍ່ຝ່າຍບໍລິການລູກຄ້າ Huawei ຜ່ານທາງໂທລະສັບ ຫຼື ອີເມວ ຫຼື ຮັບການບໍລິການຢູ່ທີ່ຮ້ານຄ້າ Huawei, Huawei ຈະລະບຸບັນຊີລົງທະບຽນຂອງທ່ານຜ່ານເບີໂທລະສັບ ຫຼື ທີ່ຢູ່ອີເມວຂອງທ່ານ ພ້ອມທັງຂໍ້ມູນກ່ຽວກັບການບໍລິການທີ່ໃຫ້ສິດກັບບັນຊີຂອງທ່ານ ແລະ ບັນທຶການຊື້ ແລະ ການບໍລິການຂອງບັນຊີຂອງທ່ານຢູ່ໃນ Vmall, ເພື່ອໃຫ້ການບໍລິການທີ່ກຳນົດເອງແກ່ທ່ານ.

ທ່ານສາມາດເບິ່ງ ແລະ ແກ້ໄຂຂໍ້ມູນຂອງທ່ານໄດ້ທຸກເວລາ. ເຖິງແນວໃດກໍ່ຕາມ, ເພື່ອເຫດຜົນດ້ານຄວາມປອດໄພແລ້ວ ທ່ານບໍ່ສາມາດປ່ຽນແປງຂໍ້ມູນຂໍ້ມູນທີ່ທ່ານໃຫ້ມາ ເພື່ອການກວດສອບຂໍ້ມູນປະຈຳຕົວຂອງທ່ານໄດ້ ເມື່ອກຳລັງລົງທະບຽນບັນຊີຂອງທ່ານຢູ່.

Huawei ນຳໃຊ້ເຕັກໂນໂລຊີຮັບປະກັນຄວາມປອດໄພ ແລະ ຊອບແວຫຼາຍລະດັບ ເພື່ອປ້ອງກັນການເຂົ້າຫາ, ການໃຊ້, ຫຼື ການເປີດເຜີຍຂໍ້ມູນສ່ວນຕົວຂອງຕົນໂດຍບໍ່ໄດ້ຮັບອະນຸຍາດ.

Huawei ຈະບໍ່ເປີດເຜີຍຂໍ້ມູນສ່ວນຕົວຂອງທ່ານໃຫ້ກັບບໍລິສັດອື່ນ, ອົງການຈັດຕັ້ງ, ຫຼື ບຸກຄົນໃດ ໂດຍບໍ່ມີຄຳຍິນຍອມຂອງທ່ານກ່ອນ, ນອກຈາກວ່າການເປີດເຜີຍດັ່ງກ່າວແມ່ນລະບຽບກົດໝາຍທ້ອງຖິ່ນກຳນົດໃຫ້ເປີດເຜີຍ.

4. ການບໍລິການທີ່ມີໃຫ້

Huawei ມຸ່ງໝັ້ນໃຫ້ການບໍລິການທີ່ດີ ແລະ ເໜືອກວ່າແກ່ຜູ້ໃຊ້. ເຖິງແນວໃດກໍ່ຕາມ, Huawei ບໍ່ສາມາດຮັບປະກັນໄດ້ວ່າ ການບໍລິການຂອງ Huawei ID ທັງໝົດ ຫຼື ບາງສ່ວນນັ້ນຈະມີໃຫ້ຢູ່ຕະຫຼອດເວລາ ຫຼື ການບໍລິການຂອງຕົນເອງຈະບໍ່ມີຂໍ້ບົກພ່ອງ ຫຼື ຂໍ້ຜິດພາດໃດໆ. ເນື່ອງຈາກບາງປະເທດ ແລະ ບາງພາກພື້ນບໍ່ມີພື້ນຖານໂຄງລ່າງທີ່ຈຳເປັນຕໍ່ການໃຫ້ການບໍລິການນີ້, ດັ່ງນັ້ນ ການບໍລິການປະເພດນີ້ຈິ່ງອາດຈະບໍ່ມີໃຫ້ຢູ່ໃນບາງປະເທດ ຫຼື ບາງພາກພື້ນ. ຕົວຢ່າງ: ເວີຊັນອອກລ່ວງໜ້າ/ທົດລອງໃຊ້ອາດຈະບໍ່ໃຊ້ງານໄດ້ຢ່າງຖືກຕ້ອງ. ການບໍ່ໃຫ້ການບໍລິການເນື່ອງມາຈາກສະພາບການດັ່ງກ່າວ ແມ່ນຈະບໍ່ຖືວ່າເປັນການລະເມີດສັນຍາໂດຍ Huawei.

Huawei ສະຫງວນສິດທີ່ຈະດັດແກ້, ລຶບ, ຈຳກັດ, ປ້ອງກັນການເຂົ້າຫາ, ຫຼື ຢຸດໃຫ້ການບໍລິການອັນນີ້ທັງໝົດ ຫຼື ສ່ວນໃດໜຶ່ງໄດ້ດ້ວຍການພິຈາລະນາ ແລະ ການຕັດສິນຕາມເຫດຜົນຂອງຕົນເອງ ໂດຍບໍ່ຈຳເປັນຕ້ອງມີການແຈ້ງລ່ວງໜ້າໄດ້.

ເມື່ອນຳໃຊ້ການບໍລິການນີ້, ທ່ານຕ້ອງຍອມຮັບຄວາມສ່ຽງອັນແນ່ນອນທີ່ຢູ່ເໜືອການຄວບຄຸມຂອງ Huawei ເອົາເອງ. ໂດຍບໍ່ຈຳເປັນແຕ່ຕໍ່ໄປນີ້, ຄວາມສ່ຽງເຫຼົ່ານີ້ລວມມີ: ການສູນເສຍ ຫຼື ການເປີດເຜີຍຂໍ້ມູນສ່ວນຕົວເນື່ອງຈາກເຫດສຸດວິໄສ; ຄວາມສ່ຽງທີ່ກ່ຽວຂ້ອງກັບການເຂົ້າໃຊ້ເວັບໄຊທ໌ ແລະ ເນື້ອໃນຂອງບຸກຄົນທີສາມ ເນື່ອງມາຈາກການສະແກນລະຫັດ QR ຫຼື ການເຂົ້າເບິ່ງລິ້ງ; ຄວາມສ່ຽງ ແລະ ຄວາມຮັບຜິດຊອບທີ່ກ່ຽວຂ້ອງກັບການສົ່ງຕໍ່, ການແຊຣ໌, ຫຼື ການສົ່ງເນື້ໃນທີ່ຜູ້ໃຊ້ຕີພິມເຜີຍແຜ່; ການບໍ່ມີການບໍລິການຂອງ Huawei ID, ຄວາມຊັກຊ້າໃນການສົ່ງ/ຮັບຂໍ້ຄວາມ, ແລະ ການບໍ່ຊິງຄ໌ຂໍ້ຄວາມ ເນື່ອງມາຈາກຄວາມແຮງສັນຍານ Wi-Fi ອອ່ນ ຫຼື ແບນວິດມີຕ່ຳ.

Huawei ບໍ່ສາມາດຮັບປະກັນໄດ້ວ່າ ຂໍ້ມູນທີ່ເກັບໄວ້ ຫຼື ໄດ້ຮັບມາດ້ວຍການໃຊ້ການບໍລິການນີ້ຈະບໍ່ໄດ້ຮັບຄວາມເສຍຫາຍ, ສູນເສຍ, ບໍ່ມີໃຫ້, ຫຼື ຖືກລຶບໄປ. ຢູ່ໃນນີ້ ທ່ານຮັບຮູ້ວ່າ ທ່ານມີໜ້າທີ່ສຳຮອງຂໍ້ມູນຂອງທ່ານທັງໝົດ ຫຼື ສ່ວນໃດໜຶ່ງທີ່ເກັບໄວ້ຢູ່ໃນບັນຊີຂອງທ່ານເອົາເອງ. ທ່ານຍັງຮັບຮູ້ຕື່ມອີກວ່າ ຖ້າທ່ານໃຊ້ອຸປະກອນຕ່າງກັນສອງອັນ ເພື່ອໃຊ້ການບໍລິການນີ້, ຂໍ້ມູນໃດໜຶ່ງທີ່ທ່ານອັບໂຫຼດ ຫຼື ດາວໂຫຼດນັ້ນອາດຈະບໍ່ມີໃຫ້.

5. ການບໍລິການທີ່ອີງໃສ່ທີ່ຕັ້ງ

ບາງຟີເຈີຂອງການບໍລິການນີ້ອາດຈະບໍ່ມີໃຫ້ໂດຍອີງຕາມຂໍ້ມູນທີ່ຕັ້ງທາງພູມສາດ. Huawei ແລະ ຫຸ້ນສ່ວນອາດຈະເກັບເອົາ, ນຳໃຊ້, ສົ່ງ, ປະມວນຜົນ, ເກັບຮັກສາ, ແລະ ແຊຣ໌ຂໍ້ມູນທີ່ຕັ້ງທາງພູມສາດຂອງທ່ານໃນລະດັບສູງສຸດທີ່ນະໂຍບາຍວ່າດ້ວຍຄວາມເປັນສ່ວນຕົວຂອງ Huawei ອະນຸຍາດໃຫ້. ການບໍລິການ ຫຼື ເວັບໄຊທ໌ຂອງບຸກຄົນທີສາມບາງອັນຍັງອາດຈະຕ້ອງການຂໍ້ມູນທີ່ຕັ້ງທາງພູມສາດຂອງທ່ານນຳອີກ. Huawei ຂໍແນະນຳໃຫ້ທ່ານອ່ານທຸກຂໍ້ກຳນົດ ແລະ ເງື່ອນໄຂຂອງບຸກຄົນທີສາມໃຫ້ລະອຽດ. ທ່ານຈະຕ້ອງໄດ້ຍອມຮັບທຸກຂໍ້ກຳນົດ ແລະ ເງື່ອນໄຂຂອງບຸກຄົນທີສາມກ່ອນນຳໃຊ້ການບໍລິການຂອງບຸກຄົນທີສາມ.

ເຖິງວ່າຈະມີຂໍ້ບັນຍັດກ່າວມາກ່ອນແລ້ວກໍ່ຕາມ, Huawei ຫຼື ບຸກຄົນທີສາມບໍ່ໃຫ້ການຮັບປະກັນໃດໆກ່ຽວກັບການມີພ້ອມ, ຄວາມຖືກຕ້ອງ, ຄວາມສົມບູນ, ຄວາມເຊື່ອຖືໄດ້, ແລະ ການມີຂໍ້ມັນໃຫ້ທັນເວລາ (ໂດຍບໍ່ຈຳກັດແຕ່ຕໍ່ໄປນີ້ ລວມມີທັງຂໍ້ມູນທີ່ຕັ້ງທາງພູມສາດທີ່ສະແດງຢູ່ໃນການບໍລິການນີ້). ທ່ານມີສິດຖອນຄຳຍິນຍອມຂອງທ່ານກ່ຽວກັບການນຳໃຊ້ຂໍ້ມູນທີ່ຕັ້ງທາງພູມສາດຂອງ Huawei ແລະ ສາມາດປິດໃຊ້ງານການບໍລິການທີ່ຕັ້ງທາງພູມສາດໄດ້ ໂດຍການປ່ຽນແປງການຕັ້ງຄ່າອຸປະກອນຂອງທ່ານໄດ້ທຸກເວລາ.

6. ພຶດຕິກຳຂອງທ່ານ

Huawei ມຸ່ງໝັ້ນໃຫ້ການບໍລິການທີ່ເໜືອກວ່າແກ່ທ່ານ. ທ່ານເຫັນດີນຳໃຊ້ການບໍລິການນີ້ເພື່ອຈຸດປະສົງທີ່ກຳນົດໄວ້, ຍອມຮັບຂໍ້ຕົກລົງນີ້, ແລະ ປະຕິບັດຕາມລະບຽບກົດໝາຍທີ່ມີຜົນນຳໃຊ້ທຸກອັນ.

ໃນທີ່ນີ້ທ່ານເຫັນດີທີ່ຈະບໍ່ໃຊ້ການບໍລິການ Huawei ID ໄປພົວພັນກັບພຶດຕິກຳໃດໜຶ່ງຕໍ່ໄປນີ້ຄື:

1) ອັບໂຫຼດ, ດາວໂຫຼດ, ເກັບຮັກສາ, ໂອນ, ສົ່ງ, ຫຼື ໃຫ້ເນື້ອໃນໃດໜຶ່ງທີ່ຜິດກົດໝາຍ, ຂົ່ມຂູ່, ເປັນອັນຕະລາຍ, ທຳລາຍຊື່ສຽງ, ດູໝິ່ນ, ຮຸນແຮງ, ລາມົກ, ຈຳແນກເຊື້ອຊາດ, ຈຳແນກປະເທດ, ຫຼື ເຮັດໃຫ້ຂຸ້ນເຄືອງໃຈ.

2) ລະເມີດຄວາມເປັນສ່ວນຕົວ, ຄວາມລັງທາງການຄ້າ, ເຄື່ອງໝາຍການຄ້າ, ລິຂະສິດ, ສິດທິບັດ, ແລະ ຊັບສິນທາງປັນຍາອື່ນໆ ຫຼື ສິດອື່ນໆຂອງບຸກຄົນທີສາມ.

3) ເຂົ້າຮ່ວມພົວພັນຢູ່ໃນການດຳເນີນທຸລະກິດຜິດກົດໝາຍເຊັ່ນ: ການຄ້າຂາຍອາວຸດ, ຢາເສບຕິດ, ສານຕ້ອງຫ້າມ, ຫຼື ສິ່ງຂອງຕ້ອງຫ້າມອື່ນໆ.

4) ວາງແຜນເຂົ້າຮ່ວມ ຫຼື ເຂົ້າຮ່ວມໃນການຟອກເງິນ, ການປອມແປງບັດເຄຣດິດ, ຫຼື ການດຳເນີນການທາງດ້ານການເງິນຜິດກົດໝາຍອື່ນໆ.

5) ດຳເນີນການດ້ວຍການໃຊ້ບັນຊີທະນາຄານບໍ່ຖືກຕ້ອງ ຫຼື ບັນຊີທະນາຄານຂອງບຸກຄົນທີສາມ.

6) ພຶດຕິກຳອື່ນທີ່ລະເມີດກົດໝາຍຂອງຊາດ, ກົດລະບຽບ, ແລະ ນະໂຍບາຍ ຫຼື ຂໍ້ກຳນົດທີ່ມີຢູ່ໃນຂໍ້ຕົກລົງນີ້.

7. ຄ່າໃຊ້ຈ່າຍ

ໃນທີ່ນີ້ທ່ານຮັບຮູ້ວ່າ Huawei ມີສິດເກັບຄ່າການບໍລິການບາງອັນກັບທ່ານ ແລະ ຄ່າການບໍລິການຕາມການພິຈາລະນາຕັດສິນເອງໄດ້. ໃນກໍລະນີທີ່ລະບຽບກົດໝາຍຮຽກຮ້ອງໃຫ້ Huawei ແຈ້ງການປ່ຽນແປງລາຄາໃດໜຶ່ງໃຫ້ຜູ້ໃຊ້ລ່ວງໜ້າ, Huawei ຈະແຈ້ງໃຫ້ທ່ານຊາບລ່ວງໜ້າໃນເວລາອັນເໝາະສົມ. ຫຼັງຈາກທີ່ລາຄາໃໝ່ມີຜົນນຳໃຊ້ແລ້ວ, ທ່ານຈະຕ້ອງໄດ້ຍອມຮັບລາຄາໃໝ່ ເພື່ອສືບຕໍ່ໃຊ້ການບໍລິການນີ້. ໃນກໍລະນີທີ່ທ່ານບໍ່ເຫັນດີກັບການປ່ຽນແປງລາຄາໃດໜຶ່ງ, ທ່ານມີສິດຢຸດໃຊ້ການບໍລິການນີ້ກ່ອນລາຄາປ່ຽນແປງໄດ້. ທ່ານຈະຕ້ອງໄດ້ຍອມຮັບຂໍ້ຕົກລົງ ຫຼື ການເກັບຄ່າອື່ນໆຂອງບຸກຄົນທີສາມກ່ອນທ່ານຈະສາມາດນຳໃຊ້ການບໍລິການຂອງບຸກຄົນທີສາມໄດ້. ທ່ານຈະໄດ້ຈ່າຍຄ່າພາສີທີ່ຄົບກຳນົດຕາມລະບຽບກົດໝາຍທີ່ກ່ຽວຂ້ອງ.

8. ລິ້ງ ແລະ ເນື້ອໃນອື່ນຂອງບຸກຄົນທີສາມ

ບາງເນື້ອໃນ, ພາກສ່ວນ, ຫຼື ຟີເຈີຂອງການບໍລິການນີ້ອາດຈະມາຈາກຂໍ້ມູນ ແລະ ລິ້ງຂອງບຸກຄົນທີສາມ. ທ່ານຮັບຮູ້ວ່າ Huawei ຈະບໍ່ຮັບຜິດຊອບຕໍ່ການສູນເສຍໂດຍທາງກົງ ຫຼື ທາງອ້ອມທີ່ເກີດຂຶ້ນກັບທ່ານ ຫຼື ຖືກຮຽກຮ້ອງວ່າເກີດຂຶ້ນກັບທ່ານ ເນື່ອງຈາກທ່ານໃຊ້ ຫຼື ອາໄສການບໍລິການຂໍ້ມູນ ແລະ ລິ້ງຂອງບຸກຄົນທີສາມ.

9. ເນື້ອໃນຂອງຜູ້ໃຊ້

"ເນື້ອໃນຂອງຜູ້ໃຊ້" ໝາຍເຖິງຂໍ້ມູນ ແລະ ເນື້ອໃນທີ່ຜູ້ໃຊ້ການບໍລິການນີ້ສ້າງຂຶ້ນເຊັ່ນ: ໄດອະແກຣມ, ຄຸນລັກສະນະ, ຮູບພາບ, ສຽງ, ວິດີໂອ, ຊອບແວ, ແລະ ໄຟລ໌ຂໍ້ມູນ. ທ່ານຈະຕ້ອງຮັບຜິດຊອບທຸກຢ່າງຕໍ່ກັບເນື້ອໃນຂອງຜູ້ໃຊ້ທຸກອັນທີ່ອັບໂຫຼດເຂົ້າ, ດາວໂຫຼດມາ, ປ່ອຍອອກໄປ, ສົ່ງໂດຍທາງອີເມວ, ສົ່ງອອກໄປ, ຫຼື ເກັບຮັກສາໄວ້ດ້ວຍການໃຊ້ບັນຊີຂອງທ່ານ. Huawei ບໍ່ຄວບຄຸມ ຫຼື ເຂົ້າຫາເນື້ອໃນຂອງຜູ້ໃຊ້, ດັ່ງນັ້ນ Huawei ບໍ່ສາມາດຮັບປະກັນໄດ້ເຖິງຄວາມຖືກຕ້ອງ, ຄວາມສົມບູນ, ຫຼື ຄວາມເໝາະສົມຂອງເນື້ອໃນຜູ້ໃຊ້ອັນໃດ. ທ່ານຮັບຮູ້ວ່າ ທ່ານຈະຮັບຜິດຊອບຄວາມສ່ຽງທຸກຢ່າງກ່ຽວກັບການໃຊ້ເນື້ອໃນຂອງຜູ້ໃຊ້ທີ່ຜູ້ໃຊ້ຄົນການບໍລິການນີ້ຄົນອື່ນນຳອອກເຜີຍແຜ່. Huawei ຈະບໍ່ຮັບຜິດຊອບຕໍ່ເນື້ອໃນຂອງຜູ້ໃຊ້ອັນໃດທີ່ທ່ານພິຈາລະນາວ່າມີຄວາມຫຍາບຄາຍ, ດູຖູກ, ລາມົກ, ຫຼື ບໍ່ເໝາະສົມ.

10. ຂໍ້ກຳນົດການອະນຸຍາດ

1) ຄຳໝັ້ນສັນຍາຂອງທ່ານຕໍ່ Huawei

ທ່ານຮັບປະກັນວ່າ ທ່ານມີສິດ ຫຼື ໄດ້ຮັບສິດໂອນ, ແຈກຢາຍ, ເປີດເຜີຍ, ແລະ ນຳໃຊ້ເນື້ອໃນຂອງຜູ້ໃຊ້ໃດໜຶ່ງທີ່ອັບໂຫຼດເຂົ້າ, ດາວໂຫຼດມາ, ປ່ອຍອອກໄປ, ສົ່ງໂດຍທາງອີເມວ, ສົ່ງອອກໄປ, ຫຼື ເກັບຮັກສາໄວ້ດ້ວຍການໃຊ້ບັນຊີຂອງທ່ານຕາມວິທີທີ່ເໝາະສົມໃດໜຶ່ງ.

Huawei ບໍ່ຕ້ອງການທີ່ຈະເອົາຄວາມເປັນເຈົ້າຂອງເນື້ອໃນຂອງຜູ້ໃຊ້ທີ່ທ່ານສົ່ງ ຫຼື ສະໜອງໃຫ້ດ້ວຍການໃຊ້ການບໍລິການນີ້. ເຖິງແນວໃດກໍ່ຕາມ, ທ່ານຮັບຮູ້ວ່າ Huawei ອາດຈະໂອນເນື້ອໃນຂອງຜູ້ໃຊ້ຂອງທ່ານຜ່ານສື່ ແລະ ເຄືອຂ່າຍສາທາລະນະຕ່າງໆຕາມຈຸດປະສົງເບື້ອງຕົ້ນທີ່ທ່ານໃຫ້ເນື້ອໃນ ແລະ ອາດຈະສ້າງສຳເນົາ, ດັດແກ້, ຫຼື ເຜີຍແຜ່ເນື້ອໃນທີ່ຜູ້ໃຊ້ເກັບໄວ້ ແລະ ເກັບຮັກສາເນື້ອໃນຂອງຜູ້ໃຊ້ເພື່ອຈຸດປະສົງນີ້ໄດ້.

2) ຂໍ້ກຳນົດການອະນຸຍາດ

Huawei ໃຫ້ສິດອະນຸຍາດບໍ່ສາມາດຖອນຄືນໄດ້, ບໍ່ຜູກຂາດ, ແລະ ບໍ່ສາມາດໂອນໄດ້ແກ່ທ່ານ ("ການອະນຸຍາດ") ເພື່ອໃຊ້ການບໍລິການ Huawei ID ຕາມຂໍ້ຕົກລົງນີ້. ທ່ານ ເຫັນດີທີ່ຈະບໍ່ເຂົ້າຮ່ວມໃນພຶດຕິກຳໃດໜຶ່ງຕໍ່ໄປນີ້ຄື:

a. ສ້າງສຳເນົາການບໍລິການນີ້ສ່ວນໃດໜຶ່ງຂຶ້ນມາ, ນອກຈາກວ່າ ການສ້າງສຳເນົາດັ່ງກ່າວໄດ້ຮັບສິດອະນຸຍາດຕາມຂໍ້ຕົກລົງນີ້.

b. ເຊົ່າ, ໃຫ້ເຊົ່າ, ໃຫ້ການອະນຸຍາດຍ່ອຍ, ປະຕິຍານ, ແປ, ເອົາຮ່ວມກັບຜະລິດຕະພັນ ຫຼື ການບໍລິການອື່ນໃດໜຶ່ງ, ປັບປ່ຽນ, ປ່ຽນແປງ ຫຼື ດັດແປງການບໍລິການນີ້.

c. ແຍກ, ມ້າງ, ປີ້ນດ້ານວິສະວະກຳ, ຫຼື ສ້າງອະນຸພັນໃດໜຶ່ງຂອງການບໍລິການນີ້ທັງໝົດ ຫຼື ສ່ວນໃດໜຶ່ງ, ຫຼື ພະຍາຍາມເຂົ້າຮ່ວມໃນພຶດຕິກຳດັ່ງກ່າວ.

d. ໃຫ້ບຸກຄົນທີສາມນຳໃຊ້ ຫຼື ເຮັດໃຫ້ບຸກຄົນທີສາມນຳໃຊ້ການບໍລິການນີ້ສ່ວນໃດໜຶ່ງ ຫຼື ທັງໝົດ (ໂດຍບໍ່ໄດ້ຈຳກັດແຕ່ຈະກ່າວຕໍ່ໄປນີ້ ລວມມີລາຍຊື່ໂປຣແກຣມ, ວັດຖຸ, ລາຍຊື່ໂຄງການແຫຼ່ງທີ່ມາ, ລະຫັດເປົ້າໝາຍ, ແລະ ລະຫັດແຫຼ່ງທີ່ມາ) ໂດຍບໍ່ຕ້ອງມີຄຳຍິນຍອມເປັນລາຍລັກອັກສອນຂອງ Huawei.

e. ໃຊ້ການບໍລິການໃນຮູບແບບຂອງການສໍ້ໂກງ ຫຼື ເພື່ອຈຸດປະສົງຂອງການສໍ້ໂກງໃດໜຶ່ງ.

f. ລຶບຄຳແຈ້ງ ຫຼື ແຈ້ງການຄວາມເປັນເຈົ້າຂອງໃດໜຶ່ງທີ່ມີຢູ່ໃນການບໍລິການນີ້.

g. ຄວາມພະຍາຍາມທີ່ຈະປິດໃຊ້ງານ, ຂ້າມ, ດັດແປງ, ເຮັດໃຫ້ນຳໃຊ້ບໍ່ໄດ້, ຫຼື ຫຼີກລຽງລະບົບການຈັດການສິດດີຈິຕອນໃດໜຶ່ງທີ່ກ່ຽວຂ້ອງກັບການບໍລິການນີ້ ຫຼື ສ່ວນລວມເຂົ້າກັນຂອງການບໍລິການນີ້.

ເຖິງແມ່ນວ່າ Huawei ພະຍາຍາມທີ່ຈະໃຫ້ການບໍລິການທີ່ເປັນສ່ວນຕົວແກ່ທ່ານ, ທ່ານຮັບຮູ້ວ່າ ການບໍລິການນີ້ອາດຈະບໍ່ມີເປົ້າໝາຍ ຫຼື ບັນລຸໄດ້ຕາມທຸກຄວາມຕ້ອງການສ່ວນຕົວຂອງທ່ານ. Huawei ບໍ່ຮັບປະກັນໄດ້ວ່າ ການບໍລິການນີ້ ແລະ ຟີເຈີຂອງມັນທີ່ອະທິບາຍໄວ້ຢູ່ໃນເອກະສານໃດໜຶ່ງຈະສາມາດບັນລຸຄວາມຕ້ອງການບຸກຄົນຂອງທ່ານໄດ້.

ການອະນຸຍາດນີ້ ແລະ ເງື່ອນໄຂຕ່າງໆຈະຜູກພັນກັບທ່ານ ແລະ Huawei, ພ້ອມທັງຜູ້ສືບທອດ ແລະ ຜູ້ຮັບໂອນສິດ ແລະ ພັນທະໜ້າທີ່ຂອງທັງສອງຝ່າຍ.

ໂດຍບໍ່ມີຄຳຍິນຍອມເປັນລາຍລັກອັກສອນຈາກ Huawei, ທ່ານຈະຕ້ອງບໍ່ໂອນ, ຈຳນອງ, ຫຼື ກຳຈັດພັນທະໜ້າທີ່ດ້ວຍວິທີທາງໃດໜຶ່ງພາຍໃຕ້ການອະນຸຍາດນີ້ ຫຼື ຂໍ້ກຳນົດຕ່າງໆ, ເຊັ່ນດຽວກັບສິດ ແລະ ພັນທະໜ້າທີ່ເກີດຂຶ້ນພາຍໃຕ້ການອະນຸຍາດນີ້ ແລະ ຂໍ້ກຳນົດຕ່າງໆ.

ຢູ່ພາຍໃນໄລຍະທີ່ການອະນຸຍາດນີ້ ແລະ ຂໍ້ກຳນົດຕ່າງໆນຳໃຊ້ໄດ້, Huawei ອາດຈະໂອນ, ໃຫ້ສັນຍາຍ່ອຍ, ຫຼື ກຳຈັດພັນທະໜ້າທີ່ດ້ວຍວິທີທາງໃດໜຶ່ງຂອງການອະນຸຍາດນີ້ ແລະ ຂໍ້ກຳນົດຕ່າງໆ, ເຊັ່ນດຽວກັບສິດ ແລະ ພັນທະໜ້າທີ່ເກີດຂຶ້ນພາຍໃຕ້ການອະນຸຍາດນີ້ ແລະ ຂໍ້ກຳນົດຕ່າງໆ.

11. ຄຳຕິຊົມ

ໃນລະດັບສູງສຸດທີ່ກົດໝາຍອະນຸຍາດ, ທ່ານເຫັນດີຢ່າງຈະແຈ້ງວ່າ ທ່ານຈະໃຫ້ສິດຕາມກົດໝາຍທຸກຢ່າງທີ່ບໍ່ສາມາດຖອນຄືນໄດ້ກ່ຽວຂ້ອງກັບຄຳຕິຊົມໃດໜຶ່ງທີ່ທ່ານອາດຈະສົ່ງໄປ (ລວມທັງຄຳແນະນຳ ແລະ ຄຳຕິຊົມທີ່ໃຫ້ເພື່ອປັບປຸງຜະລິດຕະພັນ ແລະ ການບໍລິການຂອງ Huawei). ນອກຈາກນັ້ນ, ໃນລະດັບສູງສຸດທີ່ກົດໝາຍອະນຸຍາດໃຫ້, ທ່ານສະຫຼະສິດຢ່າງຈະແຈ້ງທີ່ຈະຍື່ນຂໍ້ຮຽກຮ້ອງຊົດເຊີຍກັບ Huawei ຕໍ່ກັບຄວາມເສຍຫາຍທີ່ເກີດຂຶ້ນເນື່ອງຈາກຄຳຕິຊົມຂອງທ່ານທີ່ສົ່ງໄປ.

12. ການເຂົ້າຫາບັນຊີ ແລະ ເນື້ອໃນຂອງທ່ານ

ອີງຕາມເງື່ອນໄຂກຳນົດທາງກົດໝາຍທີ່ກ່ຽວຂ້ອງ, ການຮ້ອງຟ້ອງ, ແລະ ອົງການຕຸລາການ ແລະ ລັດຖະບານ, ຫຼື ຢູ່ໃນກໍລະນີທີ່ມີສະພາບທີ່ສົມເຫດສົມຜົນ ແລະ ຈຳເປັນອື່ນໆ, Huawei ອາດຈະເຂົ້າຫາ, ໃຊ້, ບັນທຶກ ແລະ/ຫຼື ເປີດເຜີຍຂໍ້ມູນ ແລະ ເນື້ອໃນບັນຊີຂອງທ່ານ.

ໃນກໍລະນີທີ່ທ່ານປະສົບກັບບັນຫາເນື້ອໃນບໍ່ເໝາະສົມ ຫຼື ເນື້ອໃນທີ່ລະເມີດຂໍ້ຕົກລົງນີ້ອັນໃດອັນໜຶ່ງນັ້ນ ຫຼື ລະບຽບກົດໝາຍໃດໜຶ່ງນັ້ນ, ກະລຸນາຕິດຕໍ່ຫາພວກເຮົາໄດ້ ໂດຍການສົ່ງອີເມວຫາ huaweiid@huawei.com.

13. ຂໍ້ກຳນົດອື່ນໆ

Huawei ອາດຈະອັບເດດ ຫຼື ດັດແກ້ຂໍ້ຕົກລົງນີ້ຢູ່ເລື້ອຍໆ ແລະ ສົ່ງເນື້ອໃນທີ່ດັດແກ້ແລ້ວນັ້ນໄປໃຫ້ທາງອີເມວ ຫຼື ໂດຍການປະກາດແຈ້ງການຢູ່ໃນການບໍລິການນີ້. ທ່ານອາດຈະເຂົ້າເບິ່ງ https://hwid1.vmall.com/CAS/portal/agreements/EULA/lo-la_EULA.html?version=china ນຳອີກ ເພື່ອຮັບເອົາຂໍ້ຕົກລົງນີ້ເປັນເວີຊັນຫຼ້າສຸດ. ທ່ານເຂົ້າໃຈ ແລະ ຍອມຮັບຄວາມຈິງວ່າ, ໃນກໍລະນີທີ່ທ່ານສືບຕໍ່ນຳໃຊ້ການບໍລິການນີ້ຫຼັງຈາກທີ່ໄດ້ມີການດັດແປງຂໍ້ຕົກລົງນີ້ແລ້ວ, ທ່ານຈະຖືກຖືໄດ້ວ່າ ໄດ້ຍອມຮັບຂໍ້ກຳນົດທີ່ດັດແປງແລ້ວ. ນອກຈາກນັ້ນ, ຄູ່ມືຜູ້ໃຊ້ອຸປະກອນຕໍ່ທ້າຍຂອງທ່ານກໍ່ອາດຈະມີການປັບປຸງແກ້ໄຂຢູ່ຕະຫຼອດເວລາໄດ້. ທ່ານເຂົ້າໃຈວ່າ ເມື່ອທ່ານໄດ້ການບໍລິການມາຈາກບຸກຄົນທີສາມ, ທ່ານອາດຈະຖືກຮຽກຮ້ອງໃຫ້ຍອມຮັບຂໍ້ກຳນົດຂອງບຸກຄົນທີສາມ ໂດຍບໍ່ຈຳກັດແຕ່ຕໍ່ໄປນີ້ລວມມີທັງຂໍ້ກຳນົດຜູ້ໃຫ້ບໍລິການເຄືອຂ່າຍຂອງທ່ານ.

14. ການລະເມີດ ແລະ ມາດຕະການລົງໂທດ

ທ່ານຕ້ອງເຄົາລົບຕໍ່ສິດຊັບສິນທາງປັນຍາຂອງ Huawei ແລະ ບຸກຄົນທີສາມ. Huawei ອາດຈະລຶບ ຫຼື ປ້ອງກັນການເຂົ້າຫາເນື້ອໃນໃດໜຶ່ງ ທີ່ສົງໄສວ່າຈະເປັນການລະເມີດສິດຊັບສິນທາງປັນຍາ ຫຼື ສິດອື່ນໆ ແລະ ສະຫງວນສິດທີ່ຈະງົດບັນຊີໃດໜຶ່ງທີ່ມີສ່ວນຮັບຜິດຊອບຕໍ່ການເຜີຍແຜ່ເນື້ອໃນດັ່ງກ່າວໄດ້. ກະລຸນາສົ່ງອີເມວຫາ huaweiid@huawei.com ຖ້າທ່ານພົບວ່າມີການລະເມີດເນື້ອໃດໜຶ່ງ.

ໃນກໍລະນີທີ່ Huawei ຄົ້ນພົບ ຫຼື ໄດ້ຮັບແຈ້ງວ່າ ມີເນື້ອໃນໃດໜຶ່ງທີ່ທ່ານເຜີຍແຜ່ນັ້ນລະເມີດຕໍ່ຂໍ້ກຳນົດຕ່າງໆຢູ່ໃນຂໍ້ຕົກລົງນີ້, Huawei ສະຫງວນສິດທີ່ຈະລຶບ ຫຼື ບລັອກການເຂົ້າຫາເນື້ອໃນດັ່ງກ່າວ ໂດຍບໍ່ມີການແຈ້ງລ່ວງໜ້າ. ຖ້າ Huawei ເຊື່ອຕາມເຫດຜົນອັນສົມຄວນວ່າ ທ່ານດຳເນີນການຂອງທ່ານກັບ Huawei ຜ່ານ Huawei ID ຂອງທ່ານຖືກຂັດແຍ້ງ ຫຼື ມີກິດຈະກຳທີ່ຜິດປົກກະຕິກ່ຽວຂ້ອງກັບບັນຊີຂອງທ່ານ, Huawei ສະຫງວນສິດທີ່ຈະຍົກເລີກການດຳເນີນການ ແລະ ສົ່ງເງິນຄ່າການຊຳລະຄືນ. Huawei ສະຫງວນສິດບັງຄັບໃຊ້ການລົງໂທດຕໍ່ໄປນີ້ຢູ່ໃນບັນຊີຂອງທ່ານຢູ່ໃນສະພາບການໃດໜຶ່ງທີ່ກ່າວມາຂ້າງເທິງນັ້ນ, ໂດຍບໍ່ໄດ້ຈຳກັດແຕ່ຕໍ່ໄປນີ້ລວມມີຄື: ອອກຄຳເຕືອນ, ຈຳກັດ ຫຼື ປ້ອງກັນການເຂົ້າຫາບາງຟີເຈີ ຫຼື ທຸກຟີເຈີຢູ່ໃນການບໍລິການ, ການຫ້າມ ຫຼື ການຍົກເລີກບັນຊີຂອງທ່ານ ແລະ ການປະກາດຜົນ. ກະລຸນາສົ່ງອີເມວຫາ huaweiid@huawei.com ຖ້າທ່ານພົບວ່າມີເນື້ອໃນໃດໜຶ່ງລະເມີດຂໍ້ກຳນົດຂອງຂໍ້ຕົກລົງນີ້.

ໃນທີ່ນີ້ ທ່ານຮັບຮູ້ວ່າ Huawei ສະຫງວນສິດທີ່ຈະດຳເນີນມາດຕະການລົງໂທດຕາມການພິຈາລະນາທີ່ສົມເຫດສົມຜົນຂອງຕົນເອງ ໃນກໍລະນີທີ່ພຶດຕິກຳໃດໜຶ່ງລະເມີດລະບຽບກົດໝາຍ ຫຼື ຂໍ້ກຳນົດຕ່າງໆຢູ່ໃນຂໍ້ຕົກລົງນີ້. ນອກຈາກນັ້ນ, Huawei ຍັງອາດຈະນຳໃຊ້ມາດຕະການທາງກົດໝາຍທີ່ເໝາະສົມຕໍ່ກັບຜູ້ໃຊ້ ຜູ້ທີ່ລະເມີດຂໍ້ກຳນົດຕ່າງໆຢູ່ໃນນີ້ ແລະ ສົ່ງຂໍ້ມູນທີ່ຈຳເປັນໄປໃຫ້ພະແນກການຂອງລັດຖະບານທີ່ກ່ຽວຂ້ອງຕາມທີ່ກົດໝາຍກຳນົດ. ທ່ານຈະຕ້ອງຮັບຜິດຊອບທຸກຢ່າງຕາມກົດໝາຍທີ່ເກີດຂຶ້ນມາກ່ຽວຂ້ອງກັບຂໍ້ນີ້.

ທ່ານຮັບຮູ້ວ່າ ທ່ານຈະຮັບຜິດຊອບຕໍ່ການຊົດເຊີຍ ຫຼື ການສູນເສຍໃດໜຶ່ງທີ່ບຸກຄົນທີສາມຮຽກຮ້ອງ ເນື່ອງຈາກການທີ່ທ່ານລະເມີດຂໍ້ກຳນົດຕ່າງໆຢູ່ໃນຂໍ້ຕົກລົງນີ້ ຫຼື ຂໍ້ກຳນົດການບໍລິການທີ່ກ່ຽວຂ້ອງອື່ນໆ. ທ່ານຍັງຈະຕ້ອງໄດ້ຊົດເຊີຍໃຫ້ Huawei ຕໍ່ກັບການສູນເສຍໃດໜຶ່ງທີ່ເກີດຂຶ້ນເນື່ອງຈາກການລະເມີດຂ້າງເທິງນັ້ນ.

15. ຖະແຫຼງການ

Huawei ຈະແຈ້ງເລື່ອງລະບຽບກົດໝາຍທີ່ກ່ຽວຂ້ອງໃຫ້ທ່ານຊາບ ໂດຍການອອກແຈ້ງການຢູ່ໃນເວັບໄຊທ໌ ແລະ/ຫຼື ຜ່ານການບໍລິການນີ້, ຫຼື ໂດຍການສົ່ງອີເມວໄປຫາທີ່ຢູ່ອີເມວທີ່ນຳໃຊ້ໄດ້ໃດໜຶ່ງ ຫຼື ໂດຍການສົ່ງຫາທີ່ຢູ່ທາງໄປສະນີທີ່ທ່ານໃຫ້ໄວ້ກັບ Huawei. ທ່ານຮັບຮູ້ວ່າ ທີ່ຢູ່ອີເມວ ແລະ ທີ່ຢູ່ທາງໄປສະນີທີ່ທ່ານໃຫ້ໄວ້ກັບ Huawei ແມ່ນນຳໃຊ້ໄດ້ ແລະ ດຳເນີນການກວດເບິ່ງຢູ່ກ່ອງເມວເຂົ້າຂອງທ່ານເລື້ອຍໆ.

Huawei ບໍ່ໃຫ້ການສະເໜັບສະໜູນລູກຄ້າໂດຍສະເພາະຕໍ່ກັບການບໍລິການນີ້ ນອກຈາກວ່າໄດ້ລະບຸໄວ້ເປັນຢ່າງອື່ນ.

16. ການປະຕິເສດຄວາມຮັບຜິດຊອບ

Huawei ແລະ ຫຸ້ນສ່ວນບໍ່ໃຫ້ການເປັນຕົວແທນ ຫຼື ການຮັບປະກັນຢ່າງຈະແຈ້ງ ຫຼື ເປັນໄນໃດໆໄວ້, ໂດຍບໍ່ໄດ້ຈຳກັດແຕ່ຈະກ່າວຕໍ່ໄປນີ້ ລວມມີທັງການຮັບປະກັນເລື່ອງຄວາມສາມາດຊື້ຂາຍໄດ້, ການມີພ້ອມທາງການຄ້າ, ຄວາມເໝາະສົມຕໍ່ກັບຈຸດປະສົງສະເພາະ, ແລະ ການບໍ່ລະເມີດ. Huawei ແລະ ຫຸ້ນສ່ວນບໍ່ໄດ້ໃຫ້ການຮັບປະກັນໃດໆຕໍ່ໄປນີ້ຄື: (1) ການບໍລິການນີ້ຈະໄດ້ຕາມຄວາມຕ້ອງການສະເພາະຂອງທ່ານ; (2) ການບໍ່ລິການນີ້ຈະໃຫ້ໃນຮູບແບບທີ່ບໍ່ມີການຂັດຂ້ອງ, ທັນເວລາ, ຮັບປະກັນ, ແລະ ບໍ່ມີຄວາມບົກພ່ອງ; (3) ຂໍ້ມູນໃດໜຶ່ງທີ່ທ່ານໄດ້ມາໃນລະຫວ່າງການໃຊ້ການບໍລິການນີ້ຖືກຕ້ອງ ຫຼື ເຊື່ອຖືໄດ້; (4) ຄວາມບົກພ່ອງ ຫຼື ຄວາມຂັດຂ້ອງຂອງຊອບແວໃດໜຶ່ງທີ່ມີຢູ່ໃນການບໍລິການນີ້ຈະໄດ້ຮັບການແກ້ໄຂໃຫ້ຖືກຕ້ອງ. Huawei ບໍ່ມີການຄວບຄຸມຜູ້ໃຫ້ບໍລິການເຄືອຂ່າຍຂອງທ່ານ ແລະ ດັ່ງນັ້ນ ຈິ່ງບໍ່ສາມາດໃຫ້ການຮັບປະກັນໃດໆໄດ້ກ່ຽວກັບການຄອບຄຸມ, ການມີໃຫ້, ແລະ ຄຸນນະພາບຂອງການບໍລິການທີ່ສະໜອງໃຫ້. ທ່ານຈະຕ້ອງຮັບພາລະຄວາມສ່ຽງທັງໝົດກ່ຽວຂ້ອງກັບເນື້ອໃນທີ່ດາວໂຫຼດ, ໄດ້ມາ, ແລະ ເຂົ້າຫາ ແລະ ເອກະສານອື່ນໆທີ່ເຂົ້າຫາຜ່ານການບໍລິການນີ້ ພ້ອມທັງຄວາມສ່ຽງຂອງອຸປະກອນ ແລະ ຄວາມເສຍຫາຍຂອງຂໍ້ມູນ ແລະ ການສູນເສຍເນື້ອໃນ ເນື່ອງມາຈາກທີ່ທ່ານໃຊ້ການບໍລິການນີ້ ຫຼື ການບໍລິການຂອງບຸກຄົນທີສາມ. ໃນລະຫວ່າງການໃຊ້ການບໍລິການນີ້, ທ່ານຈະຕ້ອງປະຕິບັດຕາມທຸກກົດໝາຍທີ່ກ່ຽວຂ້ອງ. ສິດຕາມກົດໝາຍຂອງທ່ານຈະບໍ່ໄດ້ຮັບຜົນກະທົບຈາກຂໍ້ຕົກລົງນີ້. ໃນກໍລະນີທີ່ມີຂໍ້ບັນຍັດໃດໜຶ່ງຢູ່ໃນຂໍ້ຕົກລົງນີ້ຖືກກຳນົດວ່າ ນຳໃຊ້ບໍ່ໄດ້ຕາມລະບຽບກົດໝາຍທ້ອງຖິ່ນແລ້ວ, ການລະເມີດກົດໝາຍດັ່ງກ່າວຂອງ Huawei ຈະຖືກຈຳກັດຢູ່ໃນລະດັບຕ່ຳສຸດທີ່ກົດໝາຍອະນຸຍາດ.

ອຳນາດສານຕັດສິນບາງແຫ່ງຫ້າມ ຫຼື ບໍ່ຍອມຮັບການຮັບປະກັນ ຫຼື ຂໍ້ຈຳກັດສະເພາະ ຫຼື ບໍ່ຍອມຮັບຄວາມຮັບຜິດຊອບຕໍ່ຄວາມເສຍຫາຍສະເພາະ. ດັ່ງນັ້ນ, ການປະຕິເສດຄວາມຮັບຜິດຊອບ ແລະ ຂໍ້ຈຳກັດບາງອັນຈິ່ງອາດຈະບໍ່ນຳໃຊ້ກັບທ່ານ. ທ່ານເຂົ້າໃຈ ແລະ ເຫັນດີຢ່າງຈະແຈ້ງວ່າ Huawei ແລະ ບັນດາບໍລິສັດໃນກຸ່ມ, ສາຂາ, ຝ່າຍຈັດການ, ຜູ້ອຳນວຍການ, ພະນັກງານ, ຕົວແທນ, ຫຸ້ນສ່ວນ ແລະ ຝ່າຍທີ່ໄດ້ຮັບສິດຂອງບໍລິສັດຈະບໍ່ມີຄວາມຮັບຜິດຊອບອັນໃດຕໍ່ຄວາມເສຍຫາຍຂອງທ່ານໂດຍທາງກົງ, ທາງອ້ອມ, ບັງເອີນ, ພິເສດ, ເປັນຜົນມາຈາກ ຫຼື ເປັນການລົງໂທດຢູ່ໃນສະພາບການຕໍ່ໄປນີ້, ໂດຍບໍ່ໄດ້ຈຳກັດແຕ່ຈະກ່າວຕໍ່ໄປນີ້ ລວມມີການເສຍຂໍ້ມູນ, ການເສຍກຳໄລ, ການເສຍຊື່ສຽງ ແລະ ການເສຍທາງດ້ານອື່ນໆທີ່ບໍ່ສາມາດຈັບຕ້ອງໄດ້ (ແມ້ວ່າ Huawei ໄດ້ຮັບແຈ້ງເລື່ອງຄວາມເປັນໄປໄດ້ຂອງຄວາມເສຍຫາຍດັ່ງກ່າວແລ້ວ) ຄື: (1) ການນຳໃຊ້ ຫຼື ຄວາມບໍ່ສາມາດນຳໃຊ້ການບໍລິການນີ້; (2) ການປ່ຽນແປງຕໍ່ການບໍລິການນີ້ ແລະ ການງົດການບໍລິການນີ້ສ່ວນໃດໜຶ່ງ ຫຼື ທັງໝົດຊົ່ວຄາວ ຫຼື ຖາວອນ; (3) ການເຂົ້າຫາ ຫຼື ການດັດແກ້ການໂອນ ຫຼື ຂໍ້ມູນຂອງທ່ານໂດຍບໍ່ໄດ້ຮັບອະນຸຍາດ; (4) ການລຶບ, ການທຳລາຍ ຫຼື ການບໍ່ເກັບຮັກສາ ແລະ/ຫຼື ສົ່ງການໂອນ ຫຼື ຂໍ້ມູນຂອງທ່ານຜ່ານການບໍລິການນີ້; (5) ຖະແຫຼງການ ຫຼື ພຶດຕິກຳຕ່າງໆໂດຍບຸກຄົນທີສາມໃນລະຫວ່າງທີ່ທ່ານນຳໃຊ້ການບໍລິການນີ້; ແລະ (6) ເລື່ອງອື່ນໆໃດໜຶ່ງກ່ຽວຂ້ອງກັບການບໍລິການນີ້.

17. ການຈຳກັດຄວາມຮັບຜິດຊອບ ແລະ ມາດຕະການແກ້ໄຂ

ຄວາມຮັບຜິດຊອບສູງສຸດຂອງ Huawei ແລະ ຫຸ້ນສ່ວນທີ່ມີໃຫ້ກັບທ່ານ ແລະ ການຊົດເຊີຍຕໍ່ຂໍ້ຮຽກຮ້ອງໃດໜຶ່ງ ຫຼື ທຸກອັນຕໍ່ກັບຄວາມເສຍຫາຍ, ການບາດເຈັບ ແລະ ການສູນເສຍຊັບສິນຕ່າງໆທີ່ເກີດຂຶ້ນມາຈາກການໃຊ້ການບໍລິການນີ້ ຫຼື ການບໍລິການຂອງບຸກຄົນທີສາມພາຍໃຕ້ຂໍ້ຕົກລົງນີ້ ແມ່ນຈະຊົດເຊີຍໃຫ້ທ່ານສຳລັບການສູນເສຍຕົວຈິງທີ່ທ່ານເຮັດໃຫ້ເກີດຂຶ້ນ. ການຊົດເຊີຍໃຫ້ກັບທ່ານຈະບໍ່ເກີນຈຳນວນທີ່ທ່ານຈ່າຍໃຫ້ກັບ Huawei ເພື່ອໃຊ້ການບໍລິການນີ້.

ບໍ່ມີເນືອໃນໃດຢູ່ໃນຂໍ້ຕົກລົງນີ້ທີ່ຈຳຈຳກັດ ຫຼື ຍົກເວັ້ນຄວາມຮັບຜິດຊອບຂອງ Huawei ຕໍ່ກັບການເສຍຊີວິດ ຫຼື ການບາດເຈັບສ່ວນຕົວທີ່ເກີດຂຶ້ນເນື່ອງຈາກການລະເລີຍ ຫຼື ການສໍ້ໂກງໂດຍ Huawei ຫຼື ຫຸ້ນສ່ວນໃດໜຶ່ງ.

18. ການຊົດເຊີຍ

ທ່ານມີພັນທະຕ້ອງຊົດໃຊ້ຄ່າເສຍຫາຍໃຫ້ແກ່ Huawei ແລະ ສະມາຊິກຄະນະກຳມະການ, ຜູ້ບໍລິຫານອາວຸໂສ, ພະນັກງານ, ຕົວແທນ, ຫຸ້ນສ່ວນ, ຜູ້ສະໜອງ, ແລະ ຜູ້ໃຫ້ອະນຸຍາດຂອງບໍລິສັດຕໍ່ກັບການຮຽກຮ້ອງໃຫ້ມີການຊົດເຊີຍຂອງບຸກຄົນທີສາມ ຫຼື ການຮ້ອງຟ້ອງ (ລວມທັງຄ່າທຳນຽມທະນາຍຄວາມທີ່ສົມເຫດສົມຜົນ) ທີ່ເກີດຂຶ້ນ ເນື່ອງມາຈາກສະພາບການຕໍ່ໄປນີ້ຄື:

1) ການຍື່ນ, ການເຜີຍແຜ່, ການສົ່ງ, ຫຼື ການໃຫ້ເນື້ອໃນດ້ວຍການໃຊ້ບັນຊີຂອງທ່ານ.

2) ການໃຊ້ການບໍລິການນີ້ ແລະ/ຫຼື ການເຂົ້າຮ່ວມໃນການສະເໜີໃຫ້ການໂຄສະນາກັບບັນຊີຂອງທ່ານ.

3) ການເຂົ້າຮ່ວມໃນພຶດຕິກຳໃດໜຶ່ງ ທີ່ລະເມີດຂໍ້ກຳນົດທີ່ມີຢູ່ໃນຂໍ້ຕົກລົງນີ້.

4) ການເຂົ້າຮ່ວມໃນພຶດຕິກຳໃດໜຶ່ງທີ່ລະເມີດສິດຂອງບຸກຄົນທີສາມເຊັ່ນ: ການລະເມີດສິດຊັບສິນທາງປັນຍາຂອງບຸກຄົນທີສາມ, ຫຼື ການເຜີຍແຜ່ເນື້ອໃນໃດໜຶ່ງທີ່ເຮັດໃຫ້ເສຍຊື່ສຽງ ຫຼື ເນື້ອໃນທີ່ລະເມີດຂໍ້ຕົກລົງປິດລັບໃດໜຶ່ງ.

5) ການດັດແປງ ຫຼື ການປ່ຽນແປງເນື້ອໃນໃດໜຶ່ງຢູ່ໃນການບໍລິການນີ້ໂດຍບໍ່ມີການອະນຸຍາດມາກ່ອນ.

ຫຼັງຈາກທີ່ຂໍ້ຕົກລົງນີ້ສິ້ນສຸດໄປແລ້ວ ຫຼື ຫຼັງຈາກທ່ານຢຸດໃຊ້ການບໍລິການນີ້ແລ້ວ, ພັນທະໜ້າທີ່ກ່າວມາຂ້າງເທິງກໍ່ຍັງຈະມີຜົນບັງຄັບໃຊ້ຢູ່.

19. ມາດຕະການແກ້ໄຂເອກະລາດ

ຂໍ້ທີ 17 "ການຈຳກັດຄວາມຮັບຜິດຊອບ ແລະ ມາດຕະການແກ້ໄຂ" ແລະ ຂໍ້ທີ 18 "ການຊົດເຊີຍ" ພາຍໃຕ້ຂໍ້ຕົກລົງນີ້ມີຜົນນຳໃຊ້ເອກະລາດ ແມ້ແຕ່ເຊື່ອໄດ້ວ່າ ຂໍ້ກຳນົດຕ່າງໆນັ້ນບໍ່ສາມາດທີ່ຈະບັນລຸຈຸດປະສົງພື້ນຖານຂອງພວກມັນ ຫຼື ບໍ່ສາມາດບັງຄັບໃຊ້ຕາມກົດໝາຍທີ່ກ່ຽວຂ້ອງໄດ້. ໃນລະດັບທີ່ກົດໝາຍອະນຸຍາດ, ຂໍ້ຈຳກັດຄວາມຮັບຜິດຊອບຢູ່ໃນຂໍ້ທີ 16 ແລະ 17 ຈະສາມາດນຳໃຊ້ໄດ້ ໂດຍບໍ່ຄຳນຶງເຖິງ (1) ການລະເມີດສັນຍາ, (2) ການລະເມີດການຄ້ຳປະກັນ, (3) ການເຮັດຜິດ ຫຼື ການກະທຳການລະເມີດ, ລວມທັງການລະເລີຍ ແລະ ການບິດເບືອນ, (4) ຄວາມຮັບຜິດຊອບເຄັ່ງຄັດ ຫຼື (5) ເຫດຜົນອື່ນໃດໜຶ່ງ.

20. ກົດໝາຍນຳໃຊ້ ແລະ ອຳນາດສານ

ການສະຫຼຸບ, ອຳນາດສານ, ແລະ ການຕີຄວາມໝາຍຂອງຂໍ້ຕົກລົງນີ້ຈະຖືກຄຸ້ມຄອງໂດຍກົດໝາຍຂອງຮົງກົງ ໂດຍບໍ່ຄຳນຶງເຖິງການຂັດກັນຂອງຫຼັກກົດໝາຍ. ທ່ານ ແລະ Huawei ເຫັນດີວ່າ ຂໍ້ຂັດແຍ້ງ, ຂໍ້ຮຽກຮ້ອງ, ແລະ ຂໍ້ສະເໜີໃດໜຶ່ງທີ່ເກີດຂຶ້ນມາຈາກການປະຕິບັດຂໍ້ຕົກລົງນີ້ ແລະ ການຍອມຮັບການບໍລິການນີ້ພາຍໃຕ້ຂໍ້ຕົກລົງນີ້ແມ່ນຈະຖືກສົ່ງໄປໃຫ້ກັບສູນໄກ່ເກ່ຍສາກົນຂອງຮົງກົງ (HKIAC) ແລະ ຈະຖືກຄຸ້ມຄອງໂດຍກົດລະບຽບການໄກ່ເກ່ຍຂອງ HKIAC. ທ່ານ ແລະ Huawei ຍັງເຫັນດີຢ່າງຈະແຈ້ງທີ່ຈະບໍ່ຍອມຮັບເອົາການນຳໃຊ້ສົນທິສັນຍາຂອງສະຫະປະຊາຊາດວ່າດ້ວຍສັນຍາການຂາຍສິນຄ້າສາກົນນຳອີກ. ທ່ານຈະບໍ່ນຳໃຊ້ ຫຼື ສົ່ງການບໍລິການໃດໜຶ່ງອອກ (ລວມທັງຊອບແວໃດໜຶ່ງ) ທີ່ເປັນການລະເມີດກົດໝາຍ, ກົດລະບຽບ ຫຼື ຂໍ້ບັນຍັດຄວບຄຸມການສົ່ງອອກຂອງສະຫະລັດ. ໃນລະດັບສູງສຸດທີ່ກົດໝາຍອະນຸຍາດໃຫ້, ຂໍ້ຮຽກຮ້ອງ ຫຼື ການຮຽກຮ້ອງທາງດ້ານກົດໝາຍແມ່ນຈະໄດ້ຍື່ນພາຍໃນໜຶ່ງ (1) ປີ ຫຼັງຈາກທີ່ໄດ້ນຳໃຊ້ການບໍລິການນີ້ແລ້ວ. ຖ້າບໍ່ດັ່ງນັ້ນແລ້ວ, ຈະຖືວ່າ ຂໍ້ຮຽກຮ້ອງໃດໜຶ່ງນັ້ນນຳໃຊ້ບໍ່ໄດ້.

21. ຂໍ້ບັນຍັດທົ່ວໄປ

ໃນກໍລະນີທີ່ມີເນື້ອໃນໃດໜຶ່ງຂອງຂໍ້ກຳນົດເຫຼົ່ານີ້ຖືກສານ ຫຼື ອົງການອື່ນຕັດສິນວ່າ ນຳໃຊ້ບໍ່ໄດ້, ເນື້ອໃນຂອງຂໍ້ກຳນົດອື່ນແມ່ນຈະບໍ່ໄດ້ຮັບຜົນກະທົບ, ແລະ ຂໍ້ກຳນົດອື່ນແມ່ນຍັງຈະຜູກມັດ ແລະ ປະຕິບັດໄດ້ຕໍ່ທັງສອງຝ່າຍໃນລະດັບສູງສຸດທີ່ກົດໝາຍອະນຸຍາດ.

ບັນດາຫົວຂໍ້ຢູ່ໃນຂໍ້ຕົກລົງນີ້ແມ່ນໄດ້ນຳໃຊ້ເພື່ອຄວາມສະດວກເທົ່ານັ້ນ ແລະ ບໍ່ມີຜົນໃນທາງກົດໝາຍ ຫຼື ຂໍ້ຕົກລົງ.

Huawei ອາດຈະແຈກຢາຍພັນທະໜ້າທີ່ທັງໝົດ ຫຼື ບາງສ່ວນພາຍໃຕ້ຂໍ້ຕົກລົງນີ້ໄດ້ທຸກເວລາ ໂດຍບໍ່ມີການແຈ້ງລ່ວງໜ້າ. ທ່ານຈະຕ້ອງບໍ່ແຈກຢາຍພັນທະໜ້າທີ່ພາຍໃຕ້ຂໍ້ຕົກລົງນີ້, ແຈກຢາຍ, ໂອນ, ຫຼື ໃຫ້ສິດຍ່ອຍຕ່າງໆພາຍໃຕ້ຂໍ້ຕົກລົງນີ້.

ທ່ານຮັບຮູ້ວ່າ ການທີ່Huawei ບໍ່ຈັດຕັ້ງປະຕິບັດ ຫຼື ບັງຄັບໃຊ້ສິດທາງກົດໝາຍ ຫຼື ການແກ້ໄຂໃດໜຶ່ງພາຍໃຕ້ຂໍ້ຕົກລົງນີ້ ບໍ່ປະກອບເປັນການສະຫຼະສິດຂອງສັນຍານີ້. ຂໍ້ກຳນົດເຫຼົ່ານີ້ (ລວມທັງນະໂຍບາຍວ່າດ້ວຍຄວາມເປັນສ່ວນຕົວ, ຄູ່ມືຜູ້ໃຊ້ (ໃນກໍລະນີທີ່ທ່ານໃຊ້ອຸປະກອນຂອງ Huawei) ແລະ ຂໍ້ກຳນົດອື່ນໃດໜຶ່ງທີ່ໄດ້ກຳນົດຕາມກົດໝາຍກ່ຽວຂ້ອງ) ປະກອບເປັນຂໍ້ຕົກລົງທັງໝົດລະຫວ່າງທ່ານ ແລະ Huawei ກ່ຽວກັບການໃຊ້ການບໍລິການນີ້.

ການແປຂໍ້ຕົກລົງນີ້ແມ່ນແປໃຫ້ເພື່ອຈຸດປະສົງຂອງການອ້າງອີງເທົ່ານັ້ນ. ໃນກໍລະນີທີ່ມີສະບັບພາສາອື່ນຂັດກັບສະບັບພາສາອັງກິດ, ແມ່ນຈະຖືເອົາສະບັບພາສາອັງກິດເປັນຫຼັກ.

22. ການປິດບັນຊີ

ການປິດບັນຊີຂອງທ່ານແມ່ນຈະລຶບທຸກຂໍ້ມູນເກັບໄວ້ຢູ່ໃນບັນຊີຂອງທ່ານອອກຢ່າງຖາວອນ, ລວມທັງເນື້ອໃນຂອງຜູ້ໃຊ້ທຸກອັນທີ່ບັນຊີຂອງທ່ານສ້າງຂຶ້ນ. ກະລຸນາອ່ານຂໍ້ຕົກລົງນີ້ໃຫ້ລະອຽດ ກ່ອນຕັດສິນໃຈປິດບັນຊີຂອງທ່ານ.

ທ່ານສາມາດປິດບັນຊີຂອງທ່ານໄດ້ຜ່ານການຕັ້ງຄ່າບັນຊີ ຫຼື ໂດຍການສິ້ນສຸດການໃຊ້ການບໍລິການນີ້. Huawei ສະຫງວນສິດທີ່ຈະປິດບັນຊີຂອງທ່ານຕາມກົດໝາຍ, ການດຳເນີນຄະດີ, ແລະ ອົງການຕຸລາການ/ລັດຖະບານກຳນົດໃຫ້.

Huawei ອາດຈະລຶບຂໍ້ມູນໃດໜຶ່ງ ຫຼື ທັງໝົດທີ່ເກັບໄວ້ຢູ່ໃນບັນຊີຂອງທ່ານອອກຢ່າງຖາວອນທັນທີ ຫຼັງຈາກການປິດບັນຊີຂອງທ່ານ. ເຖິງແນວໃດກໍ່ຕາມ, Huawei ອາດຈະໄດ້ຮັບການຮຽກຮ້ອງໃຫ້ຮັກສາສຳເນົາຂອງຂໍ້ມູນນີ້ໄວ້ຕາມຄວາມຮຽກຮ້ອງຂອງກົດໝາຍກ່ຽວຂ້ອງໄດ້. ນອກຈາກນັ້ນ, ຂໍ້ມູນທີ່ທ່ານສົ່ງໄປໃຫ້ກັບຜູ້ໃຊ້ຄົນອື່ນ (ເຊັ່ນ: ຂໍ້ຄວາມ) ແມ່ນອາດຈະບໍ່ຖືກລຶບ.

ການປິດບັນຊີຂອງທ່ານຈະບໍ່ປົດປ່ອຍທ່ານອອກໄປຈາກພັນທະໜ້າທີ່ໃດໜຶ່ງທີ່ຕ້ອງຈ່າຍຄ່າທີ່ສະສົມໄວ້ຢູ່ໃນ ຫຼື ກ່ອນວັນທີການປິດບັນຊີ. Huawei ຫຼື ບຸກຄົນທີສາມຈະບໍ່ມີຄວາມຮັບຜິດຊອບຕໍ່ຜົນເກີດຂຶ້ນຕາມມາ ເນື່ອງຈາກທ່ານບໍ່ສາມາດເຂົ້າຫາການບໍລິການນີ້ໄດ້ ຫຼັງຈາກບັນຊີຂອງທ່ານຖືກປິດໄປ. ຂໍ້ທີ 3-10 ແລະ 13-21 ຍັງຈະມີຜົນບັງຄັບໃຊ້ໄດ້ ຫຼັງຈກບັນຊີຂອງທ່ານຖືກປິດໄປ/ຂໍ້ຕົກລົງນີ້ສິ້ນສຸດລົງ.

23. ເຫດການທີ່ເກີນການຄວບຄຸມຂອງ Huawei

Huawei ແລະ ພະນັກງານ, ຕົວແທນ ຫຼື ຜູ້ຮັບເໝົາຍ່ອຍບໍ່ມີຄວາມຮັບຜິດຊອບຕໍ່ຜົນເກີດຂຶ້ນຕາມມາ ເນື່ອງຈາກການບໍ່ປະຕິບັດພັນທະໜ້າທີ່, ການປະຕິບັດພັນທະໜ້າທີ່ ຫຼື ການປະຕິບັດພັນທະໜ້າທີ່ໃດໜຶ່ງຊັກຊ້າພາຍໃຕ້ຂໍ້ຕົກລົງອື່ນ ເນື່ອງຈາກມີເຫດການເກີນຄວາມສາມາດຄວບຄຸມໄດ້ຕາມເຫດຜົນອັນສົມຄວນ ("ເຫດສຸດວິໄສ").

ໃນກໍລະນີທີ່ມີເຫດສຸດວິໄສເກີດຂຶ້ນ, Huawei ມີສິດງົດການປະຕິບັດພັນທະໜ້າທີ່ພາຍໃຕ້ຂໍ້ຕົກລົງນີ້ ແລະ ສືບຕໍ່ປະຕິບັດພັນທະໜ້າທີ່ຫຼັງຈາກຢຸດພັກຊົ່ວຄາວນັ້ນ. Huawei ຈະພະຍາຍາມຢຸດຕິເຫດສຸດວິໄສ ຫຼື ຊອກວິທີແກ້ໄຂ ເພື່ອໃຫ້ Huawei ສາມາດທີ່ຈະປະຕິບັດພັນທະໜ້າທີ່ຂອງຕົນເອງໄດ້ໃນລະຫວ່າງເກີດເຫດການດັ່ງກ່າວ.

24. ການສະຫຼະສິດ

ໃນລະຫວ່າງການປະຕິບັດຂໍ້ຕົກລົງນີ້, ການທີ່Huawei ບໍ່ປະຕິບັດພັນທະໜ້າທີ່ຕ່າງໆພາຍໃຕ້ຂໍ້ຕົກລົງນີ້ ຫຼື ໃຊ້ສິດໃດໜຶ່ງ ຫຼື ການແກ້ໄຂໃດໜຶ່ງ ບໍ່ປະກອບເປັນການສະຫຼະສິດຂອງສັນຍານີ້. ທ່ານຈະບໍ່ຍົກເວັ້ນໃຫ້ Huawei ຫຼຸດໄປຈາກການປະຕິບັດພັນທະໜ້າທີ່ຂອງບໍລິສັດເອງ. ການສະຫຼະສິດການຜິດສັນຍາໃດໜຶ່ງຂອງ Huawei ບໍ່ປະກອບເປັນຂໍ້ຍົກເວັ້ນຈາກການລະເມີດສັນຍາຕິດຕາມມາ. ນອກຈາກທີ່ Huawei ສະແດງເຈດຈຳນົງຢ່າງຈະແຈ້ງທີ່ຈະສະຫຼະສິດ ແລະ ແຈ້ງໃຫ້ທ່ານເປັນລາຍລັກອັກສອນແລ້ວ, ການຍົກເວັ້ນ Huawei ຈາກເນື້ອໃນໃດໜຶ່ງພາຍໃຕ້ຂໍ້ຕົກລົງນີ້ຈະຖືເປັນໂມຄະ.

25. ທັງໝົດຂໍ້ຕົກລົງ

ກ່ອນຮອດວັນທີຂໍ້ຕົກລົງນີ້ມີຜົນບັງຄັບໃຊ້, ການປຶກສາຫາລືປາກເປົ່າ ຫຼື ເປັນລາຍລັກອັກສອນຈະບໍ່ຖືກຕີຄວາມໝາຍ ເພື່ອປຶກສາຫາລືຖະແຫຼງການ, ຄຳໝັ້ນສັນຍາ, ຫຼື ຄຳສັນຍາໃດໆ. ແມ້ແຕ່ທ່ານເຊື່ອວ່າ ທ່ານໄດ້ເຊັນຂໍ້ຕົກລົງນີ້ ເພາະວ່າທ່ານມີຄວາມເຊື່ອໝັ້ນຕໍ່ການບິດເບືອນໃດໜຶ່ງທີ່ Huawei ເຮັດຂຶ້ນມາ ທ່ານຈະບໍ່ມີສິດໄດ້ຮັບການແກ້ໄຂໃດໆ (ນອກຈາກວ່າການບິດເບື່ອນນັ້ນແມ່ນໄດ້ເຮັດເພື່ອຈຸດປະສົງຂອງການສໍ້ໂກງ).

ທ່ານ ແລະ Huawei ເປັນຕົວເອກະລາດ. ຂໍ້ສະຫຼຸບຂອງຂໍ້ຕົກລົງນີ້ບໍ່ກຳນົດການຮ່ວມມື, ການຮ່ວມທຶນ, ຫຼື ຄວາມສຳພັນຂອງຕົວແທນໃດໆລະຫວ່າງທ່ານ ແລະ Huawei.

ບັນດາສາຂາ ແລະ ໜ່ວຍບໍລິການຍ່ອຍຂອງ Huawei ແມ່ນຜົນໄດ້ຮັບຜົນປະໂຫຍດບຸກຄົນທີສາມຂອງຂໍ້ຕົກລົງນີ້. ເຂົາເຈົ້າອາດຈະບັງຄັບໃຊ້ຂໍ້ຕົກລົງນີ້ເປັນຝ່າຍຕ່າງໆຂອງຂໍ້ຕົກລົງນີ້ໄດ້.

26. ຂໍ້ບັນຍັດພິເສດ

ທ່ານເຂົ້າໃຈດີແລ້ວຕໍ່ກັບຂໍ້ມູນສ່ວນຕົວ ຫຼື ຂໍ້ມູນອື່ນໆໃດໜຶ່ງທີ່ Huawei ເກັບກຳເອົານັ້ນອາດຈະຖືກນຳໄປເກັບຮັກສາ ແລະ ປະມວນຜົນຢູ່ໃນປະເທດອື່ນ. ທ່ານກ່າວ ແລະ ຮັບປະກັນຢ່າງຈະແຈ້ງວ່າ ທ່ານຈະບໍ່ອັບໂຫຼດ, ຊິງໂຄຣໄນ, ຫຼື ສົ່ງຊອບແວໃດໆ, ຂໍ້ມູນດ້ານເຕັກນິກ, ຫຼື ຂໍ້ມູນອື່ນໆທີ່ກົດລະບຽບຄວບຄຸມການສົ່ງອອກຂອງສຳນັກງານອຸດສາຫະກຳ ແລະ ຄວາມປອດໄພຂອງສະຫະລັດຄຸ້ມຄອງຜ່ານການບໍລິການທີ່ Huawei ຈັດໃຫ້. ໃນກໍລະນີທີ່ທ່ານບໍ່ປະຕິບັດຕາມການຮັບປະກັນທີ່ໃຫ້ມາກ່ອນນັ້ນ, ພຶດຕິກຳຂອງທ່ານຈະຖືກຖືວ່າເປັນພຶດຕິກຳ "ສົ່ງອອກ" ຕາມກົດລະບຽບການຄຸ້ມຄຸມການສົ່ງອອກຂອງສະຫະລັດ ແລະ ທ່ານອາດຈະຖືກລົງໂທດທີ່ກ່ຽວຂ້ອງ. ໃນລະດັບສູງສຸດທີ່ກົດໝາຍອະນຸຍາດ, Huawei ຈະບໍ່ມີຄວາມຮັບຜິດຊອບໃດຕໍ່ພຶດຕິກຳດັ່ງກ່າວ.

ທ່ານກ່າວ ແລະ ຮັບປະກັນຢ່າງຈະແຈ້ງວ່າ ທ່ານຈະບໍ່ອັບໂຫຼດ, ຊິງໂຄຣໄນ, ປະມວນຜົນ, ຫຼື ໂອນຂໍ້ມູນໃດໜຶ່ງທີ່ອາດຈະລະເມີດສິດຊັບສິນທາງປັນຍາຂອງປະເທດຕ່າງໆຢູ່ນອກຕົວທ່ານເອງ.

ອັບເດດຫຼ້າສຸດ: ຕຸລາ 2018