ཧྭ་ཝེའི་སྤྲིན་བར་སྟོང་དང་གསང་བའི་སྐོར་གྱི་གསལ་བསྒྲགས།


སྤྲིན་བར་སྟོང་ནི་སྤྱོད་མཁན་གྱི་གཞི་གྲངས་རང་འགུལ་གྱིས་སྤྲིན་བར་སྟོང་ཞབས་ཞུ་ཆས་སུ་སྐྱེལ་བ་ཞིག་ཡིན་ལ། དེས་སྤྱོད་མཁན་གྱིས་དུས་ཐོག་ཏུ་ཐོ་འཇུག་སྒྲིག་ཆས་གང་རུང་ནས་གཞི་གྲངས་དེ་ཉིད་ལ་ལྟ་སྤྱོད་དང་སྤྱོད་ཆོག་པའི་མཉེན་ཆས་ཤིག་ཡིན།

སྤྲིན་བར་སྟོང་སྤྱོད་འགོ་བརྩམས་རྗེས་ཁྱེད་ཀྱི་གཞི་གྲངས་ཏེ་དཔེར་ན་འབྲེལ་གཏུག་མི་སྣ་དང་ཆ་འཕྲིན། འདྲ་པར། བརྙན་ཟློས། ཁ་པར་གཏོང་ལེན་ཟིན་ཐོ། བརྗེད་ཐོ། སྒྲ་ཕབ། ལོ་ཐོ། ཟིང་སློང་འགོག་པ། Wi-Fi སྒྲིག་འགོད་དང་ཉེར་སྤྱོད་གཞི་གྲངས་གཞན་རྣམས་རང་འགུལ་གྱིས་ཧྭ་ཝེར་ཡར་སྐྱེལ་ནས་ཉར་ངེས། བྱེད་ནུས་འདིས་ཁྱེད་ལ་ཅུང་ཙམ་གྱི་རྗེས་ནས་གཞི་གྲངས་འདི་ལ་ལྟ་སྤྱོད་དམ་རང་འགུལ་གྱིས་སྤྱོད་འགོ་བརྩམས་ཟིན་པའི་སྤྲིན་བར་སྟོང་གི་སྒྲིག་ཆས་སུ་བསྐུར་ངེས། ཁྱེད་ཀྱིས་སྤྲིན་བར་སྟོང་ཐོ་འཇུག་གིས་ཞབས་ཞུ་སྤྱོད་པའམ་རྒྱབ་སྐྱོར་བྱེད་དུས། ཁྱེད་ཀྱི་སྒྲིག་ཆས་ཆ་འཕྲིན་ཏེ་ IMEI IMSI སྒྲིག་ཆས་བཟོ་རྟགས་ཀྱང་རང་འགུལ་གྱིས་ཧྭ་ཝེར་བསྐུར་ནས་ཉར་ངེས།


སྤྲིན་མཉམ་འགྲོས།

སྤྲིན་མཉམ་འགྲོས་སྤྱོད་ནས་ཁྱེད་ཀྱི་པར་མཛོད་དང་འབྲེལ་གཏུག་མི་སྣ། ལོ་ཐོ། བརྗེད་ཐོ། Wi-Fi སྒྲིག་འགོད་རང་འགུལ་གྱིས་སྤྲིན་བར་སྟོང་ཞབས་ཞུ་ཆས་སུ་མཉམ་འགྲོས་བྱེད་པ་དང་སྒྲིག་ཆས་གཞན་ཐོ་འཇུག་བྱེད་ཆོག ཁྱེད་ཀྱི་སྒྲིག་ཆས་དང་སྤྲིན་རུམ་ཕྱོགས་གང་རུང་ཞིག་གི་གཞི་གྲངས་འགྱུར་ལྡོག་གིས་མཉམ་འགྲོས་ཀྱི་ནུས་པ་སློང་། ཁྱེད་ཀྱི་སྒྲིག་ཆས་དང་སྤྲིན་རུམ་གྱི་གཞི་གྲངས་ཐོག་མཐའ་བར་གསུམ་དུ་གཅིག་མཚུངས་ཡིན་དགོས།

ཁྱེད་ཀྱིས་མཉེན་ཆས་འདི་ནས་དུས་ངེས་མེད་དུ་རང་འགུལ་མཉམ་འགྲོས་བྱེད་པའི་བྱེད་ལས་ཁ་རྒྱག་པར་འདེམས་ཆོག ཁ་བརྒྱབ་རྗེས་གཞི་གྲངས་ཡར་སྐྱེལ་བ་དང་མཉམ་འགྲོས་བྱེད་མཚམས་འཇོག་ངེས།


སྤྲིན་ཐོག་གྲབས་ཉར།

སྤྲིན་གྲབས་ཉར་གྱི་བྱེད་ནུས་སྤྱོད་ན་ལག་ཁྱེར་ཁ་པར་འབྲེལ་ཡོད་ཆ་འཕྲིན་སྤྲིན་བར་སྟོང་ཞབས་ཞུའི་སྟེགས་བུའི་ཐོག་ཏུ་གྲབས་ཉར་བྱེད་སྲིད། དེས་ཁྱེད་ཀྱིས་ག་དུས་ཡིན་རུང་སྒྲིག་ཆས་གང་འདོད་ཐོག་འཕྲུལ་ཆས་བརྗེ་བའི་ཉམས་ཞིབ་ལེན་སྤྱོད་བྱ་བ་མ་ཟད་ལེགས་སུ་གཏོང་ཐུབ། བྱེད་ནུས་འདི་ཁ་འབྱེད་པར་འདེམས་ན་གཤམ་གྱི་གཞི་གྲངས་ཞབས་ཞུ་ཆས་སུ་འཚོལ་བསྡུ་དང་གྲབས་ཉར་བྱེད་སྲིད་དེ། པར་མཛོད་དང་འབྲེལ་གཏུག་མི་སྣ། ཆ་འཕྲིན། ཁ་པར་གཏོང་ལེན་ཟིན་ཐོ། བརྗེད་ཐོ། སྒྲ་ཕབ། སྒྲིག་འགོད། གནམ་གཤིས། དུས་ཅོང་། པར་ཆས། ནང་འཇུག་ཐབས། འཚོལ་བཤེར་ཆས། ལག་ཁྱེར་ཁ་པར་གྱི་དོ་དམ། Wi-Fi ཅོག་ངོས་འགྲེམ་ཚུལ་དང་ཉེར་སྤྱོད་བཅས་ཡིན། (ཕྱོགས་གསུམ་པའི་ཉེར་སྤྱོད་ནང་གི་གཞི་གྲངས་མི་འདུ།)

ཁྱེད་ཀྱིས་དུས་ངེས་མེད་དུ་མཉེན་ཆས་འདི་ནས་སྤྲིན་གྲབས་ཉར་གྱི་བྱེད་ནུས་ཁ་རྒྱག་ཆོག ཁ་རྒྱག་པ་བདམས་རྗེས་གཞི་གྲངས་ཡར་སྐྱེལ་མཚམས་འཇོག་ངེས།


དེ་ལས་མང་བའི་ཉེར་སྤྱོད་ཀྱི་གཞི་གྲངས།

ཉེར་སྤྱོད་གཞི་གྲངས་བྱེད་ནུས་དེ་ལས་མང་པོ་སྤྱོད་འགོ་བརྩམས་ཟིན་ན་ཉེར་སྤྱོད་ལ་ཤས་ཀྱིས་སྤྲིན་བར་སྟོང་གི་གསོག་འཇོག་གིས་ཁྱེད་ཀྱི་སྤྲིན་བར་སྟོང་གི་དྲ་གྲངས་སུ་ཉེར་སྤྱོད་དེའི་གཞི་གྲངས་དང་ནང་དོན་མཁོ་སྤྲོད་བྱེད། གཞི་གྲངས་འདིའི་རིགས་ཀྱིས་ཁྱེད་ཀྱི་སྤྲིན་བར་སྟོང་གི་གསོག་འཇོག་བར་སྟོིང་བཟུང་སྤྱོད་བྱ་ངེས།

ཁྱེད་ཀྱིས་དུས་ངེས་མེད་དུ་མཉེན་ཆས་འདི་ལས་ཉེར་སྤྱོད་ལ་ཤས་ཀྱི་རང་འགུལ་ངང་ཡར་སྐྱེལ་བའི་བྱེད་ནུས་ཁ་རྒྱག་ཆོག ཁ་རྒྱག་པ་བདམས་རྗེས་གཞི་གྲངས་ཡར་སྐྱེལ་མཚམས་འཇོག་ངེས།


ཧྭ་ཝེའི་སྒུལ་བྱེད་འཕྲུལ་ཆས།

སྤྲིན་བར་སྟོང་སྤྱོད་འགོ་བརྩམས་རྗེས་ཧྭ་ཝེའི་སྒུལ་བྱེད་འཕྲུལ་ཆས་བྱེད་ནུས་རང་འགུལ་ངང་ཁ་འབྱེད་ངེས། ཅོག་ངོས་ནས་ཡིག་ཆ་དོ་དམ་དང་ཧྭ་ཝེའི་སྒུལ་བྱེད་འཕྲུལ་ཆས་ལ་ཞུགས་ཏེ། ཁྱེད་ཀྱི་རང་སའི་ཡིག་ཆ་སྤྲིན་བར་སྟོང་ཞབས་ཞུ་ཆས་སུ་ཉར་ངེས། དེས་སྒྲིག་ཆས་གང་རུང་ནས་ལྟ་སྤྱོད་དང་ཕབ་ལེན་བྱེད་ཆོག ཧྭ་ཝེའི་སྒུལ་བྱེད་འཕྲུལ་ཆས་བྱེད་ནུས་རང་འགུལ་ངང་ཁྱེད་ཀྱི་ཡིག་ཆ་ཡར་སྐྱེལ་མི་སྲིད། ཁྱེད་ཀྱིས་ལག་སྒུལ་ནས་ཧྭ་ཝེའི་སྒུལ་བྱེད་འཕྲུལ་ཆས་སུ་ཡིག་ཆ་ཉར་དགོས།

ཧྭ་ཝེའི་སྒུལ་བྱེད་འཕྲུལ་ཆས་སུ་ཡིག་ཆ་མི་ཉར་བར་འདེམས་ན་གཞི་གྲངས་ཡར་སྐྱེལ་མཚམས་འཇོག་ངེས།


ཁྱེད་རང་བཞུགས་སའི་ས་ཁོངས་མི་གཅིག་ན་གོང་བརྗོད་ཀྱི་བྱེད་ནུས་ཀྱང་མི་གཅིག བྱེ་བྲག་གི་གནས་ཚུལ་མཉེན་ཆས་སུ་འཆར་བའི་བྱེད་ནུས་ལ་གཞིགས་དགོས།

ང་ཚོས་དགོས་མཁོ་ཡོད་དུས་ཁྱེད་ལ་ཞབས་ཞུ་དང་འབྲེལ་བའི་བརྡ་འཕྲིན་བསྐུར་ངེས། (དཔེར་ན་རྒྱུད་ཁོངས་ཉངས་གསོ། འཛད་སྤྱོད་ཟིན་ཐོ། སྤྲིན་བར་སྟོང་སྤྱོད་པའི་གསལ་འདེབས།) ཁྱེད་ཀྱིས་ཞབས་ཞུ་དང་འབྲེལ་བ་ཡོད་ཀྱང་ཁྱབ་བསྒྲགས་རང་བཞིན་མིན་པའི་བརྡ་ཐོ་གལ་ཆེ་བ་འདི་དག་རྩིས་མེད་དུ་གཏོང་ཐབས་བྲལ།

ཧྭ་ཝེ་སྒྲིག་ཆས་སྟེང་སྤྲིན་བར་སྟོང་སྤྱོད་མཚམས་འཇོག་ན་ཁྱེད་ཀྱིས་ཧྭ་ཝེ་དྲ་གྲངས་ཕྱིར་འཐེན་བྱེད་དགོས། སྒྲིག་འགོད་ནས་སྤྲིན་བར་སྟོང་ལ་བསྐྱོད་ནས་མགོ་བརྙན་ཁུལ་ལ་མནན་ནས་ཧྭ་ཝེའི་དྲ་གྲངས་ལ་འཛུལ། དེ་ནས་དྲ་གྲངས་ཕྱིར་འཐེན་པར་མནན་ནས་ཕྱིར་འཐེན་དགོས།