დებულება HUAWEI Cloud-ისა და კონფიდენციალურობის შესახებ

HUAWEI Cloud არის სერვისი, რომლის მომწოდებელია ირლანდიაში დაფუძნებული Huawei-ის შვილობილი კომპანია Aspiegel Limited (შემდგომში „Huawei“, „ჩვენ“, „ჩვენს“ ან „ჩვენი“). HUAWEI Cloud ავტომატურად ასინქრონებს, არეზერვებს და ატვირთავს თქვენს მონაცემებს ღრუბლოვან სერვერებზე ისე, რომ შეგეძლოთ მათზე წვდომა და მართვა ნებისმიერი მოწყობილობიდან შესვლისას.

წინამდებარე დებულება აღწერს:

1. რა მონაცემებს ვაგროვებთ თქვენს შესახებ?

2. როგორ ვიყენებთ თქვენს მონაცემებს?

3. რამდენი ხნის განმავლობაში ვინახავთ თქვენს მონაცემებს?

4. ვუზიარებთ თუ არა ვინმეს თქვენს მონაცემებს?

5. რა უფლებები და ვარიანტები გაქვთ?

6. როგორ შეგიძლიათ დაგვიკავშირდეთ?

7. როგორ განვაახლებთ ამ დებულებას?

1 რა მონაცემებს ვაგროვებთ თქვენს შესახებ?

როგორც HUAWEI Cloud სერვისის ნაწილი, ჩვენ ვაგროვებთ და ვიყენებთ თქვენს პერსონალურ მონაცემებს მხოლოდ ამ დებულებით განსაზღვრული მიზნებისთვის. პერსონალური მონაცემები გულისხმობს ნებისმიერ ინფორმაციას, რომელიც Huawei-ს საშუალებას აძლევს ამოგიცნოთ, როგორც მომხმარებელი.

ჩვენ შევაგროვებთ და დავამუშავებთ შემდეგ მონაცემებს:

ანგარიშის ინფორმაცია: ანგარიშის სახელი, ელფოსტის მისამართი, ტელეფონის ნომერი, პროფილის სურათი, მომხმარებლის სახელი, ქვეყნის კოდი, ანგარიშის იდენტიფიკატორი, მომხმარებლის სერვისის მარკერი.

მოწყობილობის ინფორმაცია: მოწყობილობის ID (როგორიცაა MEID, UDID ან IMEI, დამოკიდებულია თქვენს სისტემაზე), მოწყობილობის ტიპი, ოპერაციული სისტემა და ენის პარამეტრები.

ქსელის ინფორმაცია: IP მისამართი, ქსელის ტიპი და კავშირის სტატუსი.

სერვისის გამოყენების ინფორმაცია: HUAWEI Cloud-ის ვერსია, ჩამოტვირთვის წყარო, აპის გახსნისა და დახურვის დრო, დაინსტალირებული აპების სია, დაწკაპუნებები და ექსპოზიცია, პაკეტის ინფორმაცია (სახელი, მოცულობა და ხანგრძლივობა), შეძენის დრო, შეკვეთის ID, სისტემის ჟურნალი და შეცდომების ჟურნალი.

სინქრონიზებული, დარეზერვებული ან ატვირთული მონაცემები (შედეგები შეიძლება განსხვავდებოდეს თქვენი HUAWEI ID-ის რეგისტრაციის ქვეყანაში/რეგიონში ხელმისაწვდომი ფუნქციების შესაბამისად): სინქრონიზებული მონაცემები (მათ შორის კონტაქტები, კალენდრის მოვლენები, Wi-Fi-ს პარამეტრები, შენიშვნები, ფოტოები და ვიდეოები), Cloud დარეზერვების მონაცემები (მათ შორის კონტაქტები, კალენდრის მოვლენები, Wi-Fi-ს პარამეტრები, შენიშვნები, ფოტოები და ვიდეოები, ჩანაწერები, ზარების ჟურნალი, შემაწუხებელი ფაქტორების ფილტრი და პარამეტრები, შეტყობინებები, ტელეფონის მენეჯერის პარამეტრები, ბრაუზერის სანიშნეები, ამინდის პარამეტრები, ეკრანის განლაგება, კამერის პარამეტრები, ფოტოს პარამეტრები, FM რადიოს მონაცემები, მაღვიძარას პარამეტრები, SmartCare პარამეტრები და დაინსტალირებული აპების სია) და Huawei Drive ფაილები (მათ შორის ასატვირთად არჩეული ლოკალური ფაილები).

თუ შეხვალთ HUAWEI Cloud-ის ოფიციალურ ვებსაიტზე (cloud.huawei.com) თქვენი HUAWEI ID-ით მონაცემების სამართავად, ასევე შეგროვდება შემდეგი მონაცემები:

ბრაუზერისა და გამოყენების ინფორმაცია: ქუქი-ფაილები, IP მისამართი, ბრაუზერის ტიპი, დროის სარტყელი, ენა და მაუსისა და კლავიატურის გამოყენება. ქუქი-ფაილების შესახებ დამატებითი ინფორმაციისთვის იხილეთ ჩვენი დებულება ქუქი-ფაილების შესახებ.

HUAWEI Cloud მოითხოვს ტელეფონზე წვდომის ნებართვას, რათა მოიპოვოს მოწყობილობის ინფორმაცია და მეხსიერებაზე, კამერაზე, SMS-ებზე, კონტაქტებსა და კალენდარზე წვდომა სინქრონიზებისა და დარეზერვების სერვისების შესათავაზებლად.

2 როგორ ვიყენებთ თქვენს მონაცემებს?

HUAWEI Cloud-ის ძირითადი ფუნქციების განსახორციელებლად, მათ შორის Cloud სინქრონიზაციის, Cloud დარეზერვების, Huawei Drive-ისა და სხვა მონაცემთა სერვისების, ასევე ხელშეკრულებით ნაკისრი ვალდებულებების შესასრულებლად, აპი მოითხოვს თქვენი მონაცემების შეგროვებასა და დამუშავებას მომხმარებელთან ურთიერთობის მართვის, მხარდაჭერისა და კომუნიკაციის, მომხმარებლის საჩივრების განხილვის, ტექმომსახურების, პროგრამული უზრუნველყოფისა და სისტემის განახლებების, მომხმარებლის იდენტიფიცირების, ასევე დიაგნოსტიკისა და აღდგენის მიზნებისთვის.

გარდა ამისა, Huawei თქვენს პერსონალურ მონაცემებს შემდეგი მიზნებისთვის იყენებს კანონიერი ინტერესის საფუძველზე:

სტატისტიკისა და პროდუქტის გაუმჯობესების მიზნით, რაშიც შედის შესაბამისი აგრეგირებული ჯგუფების შექმნა თქვენი გამოყენების ქმედების საფუძველზე. ეს ასევე გვაძლევს საშუალებას, გავიგოთ ჩვენი მომხმარებლების საჭიროებები და გავაუმჯობესოთ ჩვენი მიმდინარე და შემდგომი სერვისებისა და შეთავაზებების ხარისხი და მომხმარებლის გამოცდილება. ასეთ დამუშავებაზე უარის თქმა შეგიძლიათ ქვემოთ მოცემულ ნაწილში 5.5 აღწერილი წესით.

მარკეტინგული მიზნებით, რაშიც შედის ჩვენი შეთავაზებების, გაყიდვების წახალისების შესახებ და სხვა მარკეტინგული მიზნებით კომუნიკაცია, ისევე როგორც აგრეგირებული სამიზნე ჯგუფების შექმნა მარკეტინგისთვის. ჩვენი კლიენტების სურვილების ცოდნა საშუალებას გვაძლევს, მიზნობრივად მივმართოთ ჩვენი შეთავაზებები და შემოგთავაზოთ პროდუქტები და სერვისები, რომლებიც უკეთ დააკმაყოფილებს ჩვენი კლიენტების საჭიროებებსა და სურვილებს. ასეთ დამუშავებაზე უარის თქმა შეგიძლიათ ქვემოთ მოცემულ ნაწილში 5.5 აღწერილი წესით.

ინფორმაციის უსაფრთხოების მიზნით, მათ შორის სერვისების სხვადასხვა ტიპის არასწორი გამოყენებისა და თაღლითობების აღმოჩენისა და აღკვეთისთვის, რათა მოგაწოდოთ უფრო უსაფრთხო და სანდო სერვისები.

საჭიროების შემთხვევაში შესაძლოა გამოგიგზავნოთ სერვისთან დაკავშირებული შეტყობინებები (როგორიცაა შეტყობინებები სისტემის ტექმომსახურების შესახებ, ტრანზაქციის ჩანაწერები და ღრუბლოვანი მეხსიერების გამოყენების შემხსენებლები). შესაძლოა ვერ შეძლოთ უარის თქმა სერვისთან დაკავშირებული არასარეკლამო ხასიათის მნიშვნელოვანი შეტყობინებების მიღებაზე.

ჩვენ ასევე დავამუშავებთ თქვენი პაკეტის ინფორმაციას (სახელი, მოცულობა და ხანგრძლივობა), შეძენის დროს, შეკვეთის ID-ს საგადასახადო და საბუღალტრო მიზნებით, როგორც ეს მოითხოვება შესაბამისი მოქმედი კანონმდებლობითა და განაწესებით.

3 რამდენი ხნის განმავლობაში ვინახავთ თქვენს მონაცემებს?

თქვენს პერსონალურ მონაცემებს არ შევინახავთ იმაზე მეტი ხნით, ვიდრე საჭიროა ამ დებულებაში მითითებული მიზნებისთვის.

თქვენს მონაცემებს დავამუშავებთ და შევინახავთ მომხმარებელთან ურთიერთობის პერიოდის მანძილზე. როდესაც თქვენ შეწყვეტთ HUAWEI Cloud-ის გამოყენებას თორმეტი (12) თვის პერიოდით, თქვენი მონაცემები წაიშლება. თუმცა, ჩვენ წინასწარ შეგახსენებთ წაშლის შესახებ შესაბამისი საშუალებებით (როგორიცაა ელფოსტა). როდესაც წაშლით თქვენს HUAWEI ID ანგარიშს, თქვენს ანგარიშთან და სხვა სერვისებთან (როგორიცაა HUAWEI Cloud) დაკავშირებული პერსონალური მონაცემები წაიშლება. თუმცა, ჩვენ შევინახავთ:

HUAWEI Cloud-ის პაკეტის ინფორმაციას (სახელი, მოცულობა და ხანგრძლივობა), შეძენის დროსა და შეკვეთის ID-ის ტრანზაქციის ჩატარებიდან შვიდი (7) წლის განმავლობაში.

მომხმარებელთან ურთიერთობის მართვისთვის, როგორიცაა საჩივრები, მონაცემთა სუბიექტის მოთხოვნები და კონტრაქტის მართვის მიზნებით დამუშავებულ პერსონალურ მონაცემებს თქვენი HUAWEI ID ანგარიშის წაშლიდან ხუთი (5) წლის განმავლობაში; პერსონალურ მონაცემებს, რომლებიც გამოიყენება ანალიტიკური და დეველოპერული, ასევე გაყიდვების წახალისებისა და მარკეტინგული მიზნებისთვის შეგროვებიდან თორმეტი (12) თვის განმავლობაში, თუ უარს არ იტყვით ასეთ დამუშავებაზე.

სარეზერვო ასლებს და აპის ჟურნალებს, რომელთა დამუშავებაც ხდება თქვენი მონაცემებისა და სერვისების უსაფრთხოების უზრუნველსაყოფად, მათი შექმნის თარიღიდან ექვსი (6) თვის განმავლობაში.

აქტივობის ჟურნალები და სისტემის ჟურნალები წაიშლება შესაბამისი სტატისტიკური ანალიზის დასრულებისთანავე; შეცდომის ჟურნალები ავტომატურად წაიშლება ინფორმაციის შეგროვებიდან შვიდი (7) დღის შემდეგ.

როდესაც შენახვის პერიოდი ამოიწურება, ჩვენ წავშლით ან ანონიმურად ვაქცევთ თქვენს პერსონალურ მონაცემებს, თუ სხვაგვარად არ მოითხოვს კანონი და ნორმები.

4 ვუზიარებთ თუ არა ვინმეს თქვენს მონაცემებს?

თქვენს მონაცემებს ევროკავშირში (EU)/ევროპის ეკონომიკურ ზონაში (EEA) მდებარე მონაცემთა ცენტრებში ვინახავთ.

თქვენს მონაცემებს ვაზიარებთ მხოლოდ:

მოთხოვნილი სამართლებრივი პროცესის პასუხად ან კომპეტენტური ორგანოს მოთხოვნის საფუძველზე, მოქმედი კანონების შესაბამისად ან სამართლებრივ წარმოებასთან თუ პროცესთან დაკავშირებით.

აქტივების (როგორიცაა სერვისის შეთანხმებები) შერწყმის, შეძენის, გაყიდვის ან Huawei ჯგუფის სუბიექტისა თუ სხვა კომპანიისთვის სერვისების გადაცემის მოთხოვნის შესაბამისად.

5 რა უფლებები და ვარიანტები გაქვთ?

თქვენ გაქვთ შემდეგი უფლებები და ვარიანტები:

5.1 თქვენს მონაცემებზე წვდომა

თქვენ შეგიძლიათ მოითხოვოთ HUAWEI Cloud-ში ჩვენ მიერ შეგროვებული და შენახული თქვენი პერსონალური მონაცემების ასლი და აღწერილობა. ამისათვის გახსენით პარამეტრები > HUAWEI ID > პარამეტრები > თქვენი მონაცემების მოთხოვნა თქვენს მოწყობილობაში.

თქვენ მიერ სინქრონიზებულ, დარეზერვებულ თუ ატვირთულ მონაცემებზე წვდომა ან მათი ჩამოტვირთვა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

დამატებითი წვდომის მოთხოვნისთვის დაგვიკავშირდით.

5.2 თქვენი მონაცემების გასწორება

იმისათვის, რომ თქვენი მონაცემები ყოველთვის ზუსტი და აქტუალური იყოს, მათზე წვდომა და მათი შეცვლა შეგიძლიათ თქვენს მოწყობილობაში მენიუდან: პარამეტრები > HUAWEI ID.

თქვენ მიერ სინქრონიზებულ, დარეზერვებულ თუ ატვირთულ მონაცემებზე წვდომა ან მათი შეცვლა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

5.3 თქვენი მონაცემების პორტირება

თქვენ შეგიძლიათ ჩვენთვის მოწოდებული პერსონალური მონაცემების პორტირება HUAWEI Cloud-ში ფართოდ გავრცელებული და წაკითხვადი ფორმატით თქვენს მოწყობილობაში მენიუდან: პარამეტრები > HUAWEI ID > პარამეტრები > თქვენი მონაცემების მოთხოვნა.


თქვენ მიერ სინქრონიზებული, დარეზერვებული თუ ატვირთული მონაცემების ჩამოტვირთვა შეგიძლიათ HUAWEI Cloud-ის აპიდან ან ოფიციალური ვებსაიტიდან (cloud.huawei.com).

5.4 თქვენი მონაცემების წაშლა

თქვენ ნებისმიერ დროს შეგიძლიათ:

წაშალოთ თქვენი სინქრონიზებული, დარეზერვებული და სხვა ტიპის აპის მონაცემები თქვენი მოწყობილობიდან მათი წაშლით. წაშლა ავტომატურად სინქრონიზდება და გაახლდება ღრუბელში.

წაშალოთ თქვენი შენახული მონაცემები უშუალოდ Huawei Drive-ზე წაშლით.

შეხვიდეთ HUAWEI Cloud-ის ოფიციალურ ვებსაიტზე (cloud.huawei.com), რათა წაშალოთ თქვენი მონაცემები, მათ შორის კონტაქტები, ფოტოები, ჩანაწერები, შავი სია და Huawei Drive ფაილები.

წაშალოთ თქვენი HUAWEI ID. ამით წაიშლება თქვენს HUAWEI ID-სთან დაკავშირებული პერსონალური მონაცემები, მათ შორის თქვენი პერსონალური მონაცემები HUAWEI Cloud-ზე.

უარი თქვათ თქვენი პერსონალური მონაცემების დამუშავებაზე, როგორც აღწერილია ნაწილში 5.5. თუ თქვენი უარი მართებულია და ჩვენ თქვენი მონაცემების დამუშავების იურიდიული საფუძველი აღარ გვაქვს, ჩვენ წავშლით თქვენს მონაცემებს უარის მართებულობის ფარგლებში.

დაგვიკავშირდით, თუ თვლით, რომ თქვენი პერსონალური მონაცემების დამუშავება უკანონოა და თქვენი მონაცემები უნდა წაიშალოს.

თქვენს პერსონალურ მონაცემებს წავშლით ან ანონიმურად ვაქცევთ უსაფუძვლო დაყოვნების გარეშე, როდესაც ეს საჭირო იქნება თქვენი ზემოაღნიშნული მოქმედებებიდან გამომდინარე და შენახვის პერიოდების შესაბამისად, როგორც აღწერილია ნაწილში 3.

5.5 უარის თქმის უფლება

თუ გსურთ უარი თქვათ სტატისტიკის, პროდუქტის გაუმჯობესების ან გაყიდვებისა და მარკეტინგის მიზნებით თქვენი მონაცემების დამუშავებაზე, გთხოვთ, დაგვიკავშირდეთ.

მოთხოვნის წამოწყებისას, გთხოვთ, კონკრეტულად მიუთითოთ მოთხოვნის სფერო და მოგვწეროთ ელფოსტის მისამართი ან ტელეფონის ნომერი, რომლითაც შედიხართ HUAWEI Cloud-ზე თქვენი HUAWEI ID-ით.

ჩვენ დაგიკავშირდებით თქვენი ვინაობის შესამოწმებლად, რათა გავაგრძელოთ თქვენი მოთხოვნის დამუშავება.

5.6 დამუშავების შეზღუდვა

თუ გსურთ, შეზღუდოთ თქვენი პერსონალური მონაცემების დამუშავება, დაგვიკავშირდით. თქვენ გაქვთ უფლება, შეზღუდოთ თქვენი მონაცემების დამუშავება შემდეგ გარემოებებში:

თქვენი მონაცემები უკანონოდ მუშავდება, მაგრამ მათი წაშლა არ გსურთ.

თქვენ გაქვთ სამართლებრივი მოთხოვნა, რომელიც უნდა დაასაბუთოთ, განახორციელოთ და დაიცვათ და ამისთვის გვთხოვეთ, შეგვენახა თქვენი მონაცემები, როცა სხვა შემთხვევაში მათ არ შევინახავდით.

თქვენი უარის მოთხოვნა ჩვენ მიერ შემოწმების პროცესშია.

მოთხოვნის წამოწყებისას, გთხოვთ, კონკრეტულად მიუთითოთ მოთხოვნის სფერო და საფუძველი და მოგვწეროთ ელფოსტის მისამართი ან ტელეფონის ნომერი, რომლითაც შედიხართ თქვენს HUAWEI Cloud-ზე.

ჩვენ დაგიკავშირდებით თქვენი ვინაობის შესამოწმებლად, რათა გავაგრძელოთ თქვენი მოთხოვნის დამუშავება.

6 როგორ შეგიძლიათ დაგვიკავშირდეთ?

რჩევა იმის შესახებ, თუ როგორ განახორციელოთ თქვენი, როგორც მონაცემთა სუბიექტის უფლებები, შეგიძლიათ იხილოთ ნაწილში 5. თუ რაიმე კითხვა, კომენტარი ან რჩევა გაქვთ თქვენი, როგორც მონაცემთა სუბიექტის უფლებების შესახებ ან Huawei-ის მიერ თქვენი პერსონალური მონაცემების დამუშავების შესახებ, გთხოვთ, დაგვიკავშირდეთ.

ჩვენი სათაო ოფისის მისამართი: Aspiegel Limited, Unit 1B/1C Sandyford Business Centre, Burton Hall Dublin 18, Ireland (ირლანდია). რეგისტრაციის ნომერი 561134.

ჩვენი მონაცემთა დაცვის კომისრის საკონტაქტო დეტალები: dpo@huawei.com.

თუ ფიქრობთ, რომ Huawei თქვენს პერსონალურ მონაცემებს ამ დებულების ან მონაცემთა დაცვის მოქმედი კანონების შესაბამისად არ ამუშავებს, შეგიძლიათ საჩივარი შეიტანოთ თქვენს მონაცემთა დაცვის უწყებაში ან მონაცემთა დაცვის კომისართან ირლანდიაში.

7 როგორ განვაახლებთ ამ დებულებას?

გირჩევთ, რეგულარულად შეამოწმოთ ამ დებულების უახლესი ვერსია აპის პარამეტრებიდან, ვინაიდან ის შეიძლება დროდადრო შევცვალოთ. ამ დებულების მნიშვნელოვანი ცვლილებების შემთხვევაში დაგიკავშირდებით შესაფერისი მეთოდით, როგორიცაა შეტყობინების დიალოგის ველი, შეტყობინების წერილი თქვენს მოწყობილობაში, ელფოსტა და სხვა, ცვლილების ხასიათის შესაბამისად.

ბოლო განახლება: 2018 წლის 19 ოქტომბერი