Mkataba wa Mtumiaji wa Cloud
1. Kuhusu Sisi
Cloud (kama ilivyoelezwa hapo chini), programu ya simu na teknolojia inayohusiana, utendaji na huduma, (kijumla, "Huduma") huendeshwa na Aspiegel Limited, kampuni iliyosajiliwa chini ya sheria za Ireland pamoja na nambari ya kampuni 561134 na ofisi iliyosajiliwa ikiwa katika Unit 1B/1C Sandyford Business Center, Burton Hall Dublin 18, Ireland ("sisi" "yetu" au "zetu"). Ndani ya Masharti haya (kama ilivyobainishwa hapa chini), "wewe" na "Mtumiaji" inarejelea mtu yoyote anayetumia na/au kufikia Huduma hizi.
2. Azimio la Mkataba
Mkataba huu wa Mtumiaji, Notisi ya Faragha yetu, (unaweza kuiangalia kwa kwenda kwenye Mipangilio> Kuhusu> Notisi ya Cloud katika Cloud), na sera zingine na taarifa zilizochapishwa au zinazotolewa kupitia Huduma (kijumla, "Mkataba") ni sheria na masharti ambayo tunakupa matumizi, na ufikiaji, Huduma. Mkataba unakuarifu sisi ni nani, na jinsi tutakavyotoa Huduma kwako, yale tunayotarajia kutoka kwa Watumiaji wa Huduma, shughuli zinazokubalika, na shughuli zisizokubalika, kwa au kuhusiana na Huduma, cha kufanya kukiwa na tatizo, na maelezo mengine muhimu.
3. Wewe Kukubaliana na Mkataba
Tafadhali soma Masharti haya kwa umakini. Kwa kufikia ua kutumia Huduma, unaingia kwenye makubaliano ya kisheria na sisi yanayokufunga na unakubaliana na Sheria hizi. Ikiwa hutakiri na kukubali Masharti haya hupaswi kufikia au kutumia Huduma. Ikiwa kuna chochote ambacho huelewi katika Masharti haya au sera na maelezo mengine yaliyochapishwa au yaliyowezeshwa kupatikana kupitia Huduma, tafadhali wasiliana nasi kwa kutumia maelezo ya mwasiliano yaliyo hapo chini.
4. Ustahiki
Ili kufikia na kutumia Huduma yoyote ni lazima uwe na umri wa miaka 13 au zaidi. Walio na umri wa chini ya miaka 13, wanaruhusiwa kutumia Huduma zetu ikiwa tu mzazi au mlezi wao anatengeneza akaunti ya mtoto na anakubali & Sheria na Masharti ya Mzazi/Mlezi kwa akaunti ya Utambulisho ya Huawei.
Uko chini ya, na una majukumu wewe peke yako ya kutii, sheria na kanuni zote za mamlaka ambapo unaishi na ambapo kutoka hapo unafikia au kutumia Huduma zozote.
5. Kufikia Huduma
Tunakupa ruhusa ya muda, isiyo ya kipekee, isiyohamishwa, isiyo tolewa leseni tena na isiyobatilishwa ya kufikia na kutumia Huduma, kulingana na, na kwa mujibu wa, Masharti.
Unawajibika kwa kufanya mipango yote inayohitajika ili uweze kupata huduma, ikiwa ni pamoja na kutoa njia yako ya malipo, kifaa kinachopatana, konsoli au mfumo na upatikanaji wa Intaneti. Pia una wajibu wa kuhakikisha kwamba watu wote wanaofikia Huduma kwa njia ya kifaa chako kinachopatana, konsoli au mfumo na mtandao wa Intaneti wanafahamu Masharti haya, na kwamba wanaizingatia kwa ukamilifu wakati wote.
Ili kufikia au kutumia Huduma, lazima uwe na Kitambulisho cha Huawei. Utambulisho wako wa Huawei ni akaunti yako ya mtumiaji ya kipekee ambayo inaweza kutumiwa kufikia huduma zote za Huawei, zikiwemo Kituo cha Michezo, Kichanja cha Programu, Cloud, HiHonor, Mandhari, Mtengenezaji wa Huawei, Video za Huawei, na huduma nyingine za simu za Huawei.
6. Huduma
Huduma zinamuwezesha Mtumiaji kupakia data katika huduma ya mtandao ili iweze kupatikana katika kifaa chochote cha Huawei ambacho Mtumiaji ameingia akitumia Kitambulisho chake cha Kuawei ("Cloud"). Huduma ya mtandao inajumuisha:
• Usawazishaji katika Mtandao (Kichanja, Mawasiliano, matukio ya Kalenda, Vidokezo, mipangilio ya Wi-Fi),
• Uhifadhi katika mtandao
• Data zaidi,
• Huawei Drive,
na huduma zingine Unaweza pia kutumia Cloud kwa kudhibiti uhifadhi wa mtandao na kupanua hifadhi. Vipengele hivi vinaweza kutofautiana kulingana na eneo - rejea kwa kifaa chako kwa maelezo zaidi.
Mara baada ya kuwezesha Cloud, data yako uliyochagua, kama vile mawasiliano, ujumbe, picha, video, logi za mawasiliano, maandishi, kumbukumbu, matukio ya kalenda, orodha na mipangilio, mipangilio ya Wi-Fi, na data nyingine ya programu zitapakiwa moja kwa moja na kuhifadhiwa katika Cloud.. Cloud inakuwezesha kufikia data yako baadaye, au kuitumia moja kwa moja katika vifaa vingine vya [Huawei] kwa kutumia Cloud.
Vipengele vya Huduma vinajumuisha:
Usawazishaji wa Mtandao
Unaweza kutumia Cloud ili kusawazisha moja kwa moja Kichanja chako, Mawasiliano, Kalenda, Maandishi, na mipangilio ya Wi-Fi kwenye seva ya mtandao na vifaa vingine vya Huawei vilivyounganishwa. Mabadiliko yoyote kwenye data katika kifaa chako cha Huawei au Cloud itasababisha usawazishaji, kuhakikisha kuwa data kwenye kifaa chako cha Huawei na Cloud inabaki sawa. Unaweza kuchagua kuzuia usawazishaji wa moja kwa moja kwa programu yoyote katika Cloud kukomesha upakiaji wa data na usawazishaji.
Hifadhi rudufu ya Cloud
Unaweza kutumia hifadhi rudufu ya Cloud ili kuhifadhi data kwenye simu yako na vifaa vingine vya Huawei kwenye mtandao, ili uweze kuifikia kila wakati kutoka kwenye kifaa chochote cha Huawei. Wakati kifaa cha Huawei kimefungwa, kimeunganishwa kwenye chanzo cha nguvu, na kuunganishwa kwenye mtandao kupitia mtandao wa Wi-Fi, hifadhi rudufu ya Cloud mara kwa mara hufanya hifadhi za moja kwa moja za vifaa vya Huawei. Ikiwa utanunua kipengele hiki, data zifuatazo zitakusanywa na kuhifadhiwa katika mtandao: kichanja, mawasiliano, ujumbe, logi za mawasiliano, maandishi, rekodi, mipangilio, Hali ya hewa, Saa, Kamera, mbinu za kuingiza, kivinjari, kidhibiti simu, maelezo ya Wi-Fi, mpangilio wa skrini ya nyumbani, na programu. Data kutoka kwa programu za watu wengine hazitahifadhiwa kwa rudufu. Unaweza kuzuia hifadhi rudufu kwenye Cloud katika programu hii wakati wowote ili kuacha upakiaji wa data. Ikiwa kifaa cha Huawei hakijahifadhi katika Cloud kwa muda wa siku 180, Huawei ina haki ya kufuta hifadhi zozote zinazohusiana na kifaa hicho cha Huawei.
Data zaidi
Ikiwa umenunua data ya simu kwa programu zingine, baadhi ya programu hizo zinaweza kutumia hifadhi ya Cloud kuhifadhi data na maudhui yaliyotolewa na Cloud. Unaweza kuzuia hifadhi rudufu ya programu yoyote wakati wowote ili kuacha kupakia data.
Huawei Drive
Ikiwa Cloud imewezesha, Hifadhi ya Huawei pia itawezeshwa. Unaweza kwenda Faili> Hifadhi ya Huawei na kuhifadhi faili zako za katika seva ya Cloud, ili uweze kufikia na kupakua kutoka kwenye kifaa chochote cha Huawei. Lazima uongeze faili kwa Hifadhi ya Huawei wewe mwenyewe.
Ukifuta Kitambulisho chako cha Huawei, data yako iliyohifadhiwa kwenye Cloud itafutwa pia.
7. Masharti ya Manunuzi
Wakati wa kusajili akaunti ya Cloud, utapa hifadhi ya 5 GB moja kwa moja. Ikiwa utahitaji hifadhi zaidi, unaweza kununua hifadhi ya ziada katika kifaa chako cha Huawei kwa wakati fulani (k.m., mwezi au mwaka) au kununua hifadhi ya ziada kulingana na mipango ya kuhifadhi inayopatikana kutoka Huawei. Manunuzi yanaweza tu kufanywa kupitia Huawei IAP.
Baada ya ununuzi wako, utasihamishwa hadi katika mpango wa kuhifadhi ambao umejisajili. Kipindi kilichobaki cha mpango wako wa hifadhi ya awali kitabadilishwa na kuongezwa kwa kipindi cha mpango wako mpya. Tafadhali kumbuka kuwa, mbali na Haki zozote za Kubatili ambazo unaweza kuwa nazo, haiwezekani kupunguza kiasi cha hifadhi uliyojisajili baada ya ununuzi.
Thamani yako ya jumla ya mpango wa kuhifadhi au huduma zingine za Cloud zinajumuisha (i) bei ya Huduma au kuongeza (ii) ada yoyote ya kadi ya mkopo na (iii) mauzo yoyote, matumizi, bidhaa na huduma (GST), ushuru wa ziada (VAT ), au kodi nyingine sawa, chini ya sheria husika na kulingana na kiwango cha ushuru kwa wakati unapofanya ununuzi. Bei zote zilizoonyeshwa kwenye tovuti ya Huawei ni bei zinazojumuisha VAT, isipokuwa kama ilivyoelezwa wazi (na inaporuhusiwa na sheria za eneo) kama ya haijumuishi VAT.
Unatikia wazi na kukubali kwamba Huawei ina haki ya kubadilisha bei ya ununuzi wa Huduma mara kwa mara. Ikiwa bei mpya inaanza kutumika, unahitaji kukubali bei mpya wakati unapofanya manunuzi mapya. Ikiwa hutakubaliana na mabadiliko ya bei, una haki ya kukosa kununua mpango kwa bei mpya.
Haki za Kubatili za EU: Ikiwa wewe ni mkaazi wa nchi katika EU, unaweza kuchagua kubatili manunuzi yako bila sababu yoyote ndani ya siku 14 kutoka siku uliopokea udhibitisho kwamba tumekubali agizo lako.
Ili kufanya ubatili kabla ya muda kuisha, lazima utume ujumbe wako wa kubatili kabla ya muda wa siku 14 kuisha. Ikiwa unataka kubatili manunuzi yako, tafadhali wasiliana na Huduma za Mteja za Huawei ukitumia maelezo yaliyopo katika barua pepe yako ya udhibitisho. Pia una haki ya kuwasiliana nasi kwa kutuma barua pepe kwa hwcloud@huawei.com. Si lazima upeane sababu ya ubatili.
Baada ya ubatili kufaulu, tutarejesha hifadhi yako kama iliyokuwa hapo mbeleni kabla ya manunuzi kukurejeshea fedha ndani ya siku 14 kutoka tarehe ya kupokea notisi ya kubatili. Wakati wa kipindi hiki, huenda usiweze kufanya hifadhi yoyote rudufu au kutumia vipengele hadi uachilie nafasi ya kuhifadhi katika mtandao au kununua nafasi zaidi ya uhifadhi wa mtandao. Kwa kurejesha fedha, tutamia njia sawa na ili uliyotumia kufanya agizo lako, isipokuwa wewe na sisi tukubaliane vinginevyo.
8. Usalama wa Akaunti na Muamala wa Cloud
Unalazimika kuchukulia habari za akaunti yako ya Cloud na jina la Kitambulisho cha Huawei na nenosiri kama ya kisiri na ya kifaragha, na hufai kuzishiriki kwa mtu mwingine. Tunapendekeza uchague nenosiri la nguvu na uliweke ndani ya mahali salama. Una wajibu wa kuweka nenosiri lako salama na utahimili hasara na dhima unazopata kutokana na kutoa habari za Kichanja cha Programu au maelezo ya Cloud yako ya Huawei kwa mtu mwingine.
Ikiwa unadhani mtu mwingine anaweza kuwa anatumia habari za Huawei IAP, nenosiri, Utambulisho wa Huawei, au maelezo yako mengine husika ya kuingia, ni lazima utujulishe maramoja kwa kutumia maelezo ya mawasiliano ya hapo chini ndani ya Sehemu 24 (Wasiliana Nasi). Unafaa kubadilisha nenosiri lako papohapo. Hufai kutumia Utambulisho wa Huawei wa mtu mwingine kufikia Huduma. Ni lazima uchukue hatua zinazofaa kulinda Utambulisho wa Huawei, maelezo ya akaunti ya Cloud, maelezo ya benki au kadi ya mkopo, kompyuta, simu ya mkono, vifaa vingine vya simu ya mkono, na maelezo ya kadi ya SIM kuzuia matumizi na watu wengine bila idhini.
9. Matumizi Yanayokubalika
Kwa kufikia na kutumia Huduma, unajitolea na kukubali kufanya hivyo kwa njia ya kisheria na kimaadili, na kulingana na Masharti. Unakiri na kukubali kwamba hutatumia Huduma ili kueneza nyenzo, au kufanya shughuli yoyote, ambayo haina uaminifu, ya kupotosha, yenye ukatili, yenye uovu, yenye uchafu, ya kukiuka, ya kukera, ya kudhalilisha, ya kusumbua, ya kashfa, ya chuki, ya uchochezi, ya kutishia, kinyume cha sheria, isiyo adilifu, ponografia, inaingilia faragha au vinginevyo haikubaliki kulingana na matumizi yako ya Huduma ikiwa ni pamoja na bila ya kiwango, chochote kinachowezesha shughuli za kinyume cha sheria, kinaonyesha picha za ngono, husababisha unyanyasaji, ina ubaguzi, ni kinyume cha sheria au ambayo inaweza au kusababisha uharibifu au maumivu kwa mtu yeyote au mali, inaweza kusababisha dhima ya kiraia chini ya sheria husika, ikiwa ni pamoja na, bila ya kikwazo, nyenzo yoyote ambayo huna haki ya kuchapisha au kutuma, au ambapo kutuma au kuhamisha ni kinyume cha wajibu wowote wa usiri na/au haki miliki za watu wengine.
Isipokuwa kama ilivyoonyeshwa wazi katika Masharti haya au kukubaliwa na sheria husika, hivyo unakubali kufanya:
a) Kutotoa hati miliki, alama ya biashara au notisi nyingine yoyote ya ubunifu kutoka katika kipengele chochote cha Huduma;
b) kutotoa tena, kubadilisha, au kurekebisha, yote au sehemu ya Huduma, au kuruhusu Huduma au sehemu yoyote yake kuunganishwa na, au kuingizwa ndani, katika programu nyingine yoyote;
c) kutoingia au kujaribu kuingia bila idhini ya ufikiaji au kuharibu kipengele chochote cha Huduma au mifumo na mitandao inayohusika;
d) hutatenganisha, kufuta, kubadilisha au kuunda kazi za msingi inayofanana kutokana na yote au sehemu yoyote ya Huduma au kujaribu kufanya kitu chochote kama hicho ila kwa kiasi ambacho vitendo hivyo haviwezi kuzuiwa na sheria husika;
e) hauta sambaza, kutoa leseni, kukodisha, kuuza, kuuza tena, kuhamisha, kuonyesha hadharani, kufanya mbele ya umma, kusambaza, kuonyesha kwa njia ya mtandao, kutangaza au vinginevyo kutumia huduma isivyotakikana;
f) kutotoa au vinginevyo kufanya Huduma iweze kupatikana yote au sehemu (ikiwa ni pamoja na vipengee na kodi ya chanzo), kwa namna yoyote kwa mtu yeyote bila idhini yetu iliyoandikwa kabla;
g) kutuma ujumbe kwa mtu bila ridhaa yake au kusema uwongo au vinginevyo kuwakilisha vibaya uhusiano wako na mtu au taasisi;
h) kutotumia Huduma (au sehemu yoyote yake) kwa namna yoyote isiyo ya kisheria, kwa madhumuni yoyote isiyo halali, au kwa namna yoyote kinyume na Mkataba huu, au kutenda kwa udanganyifu au kwa uovu, ikiwa ni pamoja na bila ya kiwango, kuingia au kuingiza kodi mbaya, ikiwa ni pamoja na virusi, au data hatari, katika Huduma (au katika tovuti zilizounganishwa na Huduma) au mfumo wowote wa uendeshaji;
i) usikiuke haki zetu za hati miliki au za watu wengine kulingana na kufikia na/au matumizi ya Huduma;
j) usikusanye taarifa za watumiaji wa Huduma, au vinginevyo kufika Huduma au mifumo yetu, kwa kutumia njia za kujiendesha zenyewe (kwa mfano, boti za kuvuna) au jaribu kufumbua mawasiliano yoyote kwenda au kutoka kwa seva zinazoendesha Huduma;
k) usitengeneze, kusaidia au kutumia programu, vifaa, hati, roboti, au njia nyingine yoyote au taratibu (ikiwa ni pamoja na programu za kutambaa, programu za kivinjari na nyongeza, au teknolojia nyingine yoyote au kazi ya mwongozo) ili kufuta Huduma au vinginevyo kutoa nakala ya maelezo ya watumiaji na data zingine kutoka kwa Huduma;
l) usitumie huduma vibaya kwa ajili ya kibiashara bila ridhaa yetu iliyoandikwa kabla;
m) usitumie Huduma ili kushiriki katika shughuli za biashara haramu, kama vile kuuza silaha, madawa ya kulevya, vitu visivyo halali, programu ya zisizoidhinishwa au vitu vingine vilivowekewa vikwazo;
n) usitoe taarifa ya kamari au kutumia njia yoyote ya kuwashawishi wengine kucheza kamari;
o) usiombe taarifa ya kuingia au kufikia akaunti ya mtu mwingine;
p) usishiriki katika uhamisho wa fedha haramu, uhamisho fedha za ukopaji haramu, au miradi ya kuuza piramidi;
q) usijaribu, kuwezesha au kuhimiza ukiukaji wowote wa Mkataba huu (au sehemu yoyote yake); na
r) usitumie Huduma kwa namna yoyote ambayo inaweza kuharibu, kulemaza, kuzidisha kazi, kuharibu au kuathiri Huduma, mifumo au usalama wetu au kuathiri watumiaji wengine au mifumo ya kompyuta ya mshirika yeyote au kuingia na kufikia bila idhini Huduma au Maudhui Yetu ( ilifafanuliwa hapo chini) au data.
10. Matumizi ya Yaliyomo Yetu
Sisi na/au watoaji leseni wetu, tunahifadhi haki, hadhi na nia zote kuhusu maelezo (kwenye mfumo wowote ikijumuisha bila vikwazo matini, picha, video na sauti), picha, ikoni, programu, ubunifu, programu, maandiko, hakimiliki, alama za kibiashara, majina ya kibiashara, nembo, na nyenzo na huduma nyingine zinazopatikana kwenye au kupitia Huduma, zikiwemo inavyoonekana (kijumla, "Maudhui Yetu"). Unapaswa kutambua kwamba Maudhui Yetu inalindwa na hakimiliki, alama za biashara, haki za hifadhihidata, haki za sui generis na sheria zingine za mali za kitaaluma na za viwanda (kama ilivyowezekana), chini ya sheria za kitaifa na mikataba ya kimataifa. Ufikiaji na/au matumizi yako Huduma yoyote hii haihamishi kwako au kwa mtu yeyote umiliki wowote au haki zozote nyingine ndani ya au kwa Huduma, au yaliyomo yake, isipokuwa kama inaelezwa kivingine ndani ya Masharti haya.
Huenda usifanye mabadiliko, kutoa nakala, vifupisho, kufanya marekebisho au nyongeza kwenye Maudhui Yetu, au kuuza, nakala, kusambaza au kuidhinisha, au kutumia Maudhui Yetu kwa njia isiyofaa. Ikiwa unataka kuchapisha tena, kutoa, kuzalisha, kusambaza au kivingine kutumia yoyote katiya Yaliyomo Yetu, lazima uwasiliane na sisi kiawali na kupata ruhusa yetu ya awali ya kimaandishi isipokuwa ikiwa kivingine imeelezwa kwa uwazi ndani ya Sheria hizi. Hii ni bila dhana mbaya kwa haki zozote unaweza kuwa nazo ndani ya sheria husika za lazima.
Ikiwa unaamini kuwa Huduma au sehemu yoyote ya Huduma inakiuka hakimiliki yoyote, alama ya kibiashara, patenti, siri ya biashara au haki yoyote nyingine ya miliki ya ubunifu, au ukiwa na wasiwasi wowote mwingine husika kuhusiana na Huduma, tafadhali tuarifu kupitia hwcloud@huawei.com.
Hatuna madai yoyote umiliki katika maandiko, faili, taswira, picha, kazi za uandishi, au vifaa vinginevyo unavyopakia, chapisha, kutuma kupitia barua pepe au vinginevyo kusambaza au kupitia Huduma au programu yoyote (kwa pamoja, "Maudhui Yako" ). Unaendelea kuhifadhi umiliki wote na/au haki za leseni katika Maudhui Yako. Una wajibu wote juu ya Maudhui Yako. Kwa kusambaza Maudhui Yako katika au kupitia Huduma, unabainisha na kuhakikisha kuwa umeidhinishwa kufanya vile na matumizi yetu ya Maudhui Yako kulingana na leseni iliyotajwa hapa chini, haikiuki na sheria au haki zozote za watu wengine.
Kwa kusambaza Maudhui Yako katika au kupitia huduma au programu yoyote, unatupa leseni ya kipekee, isiyo ya kibiashara, iliyolipwa kikamilifu, duniani kote, isiyoweza kubadilishwa, inaweza kuhamishwa na kupeanwa tena ili kurekebisha, kufanywa kwa hadharani, kuonyesha hadharani, kutoa tena, kusambaza na kutafsiri Maudhui Yako kama tunavyoweza, ili kutoa Huduma
Una wajibu wa kufanya hifadhi rudufu, katika kifaa ambacho si cha Huawei, hati yoyote muhimu, data, picha au vifaa vingine vilivyo katika Maudhui Yako. Tutatumia ujuzi na uangalizi wa kutosha katika kutoa Huduma, lakini hatutatoa uhakika au udhamini kwamba Maudhui Yako unayohifadhi au kufikia kupitia Huduma hizi haitakuwa na uharibifu usiofaa, kuingiliwa au kupotea, na tunahifadhi haki ya kufuta Maudhui yako kwa mujibu wa Masharti haya.
Kwa kiwango chochote Maudhui yako iwe na data ya kibinafsi, tutatumia kwa mujibu wa Taarifa ya Faragha.
12. Kufuatilia Huduma
Unakiri kuwa hatuna jukumu la kufuatilia ufikiaji au matumizi yako (au wa mtu mwingine') ya Huduma ili kukagua ukiukaji wa Sheria hizi. Hata hivyo, tunahifadhi haki ya kufanya hivyo kwa lengo la kufanya na kuimarisha Huduma (ikiwemo bila mipaka kuzuia ulaghai, kutathmini hatari, madhumuni ya usaidizi kwa wateja), kuhakikisha unazingatia Sheria hizi na kuzingatia sheria husika au amri au hitaji lolote la mahakama, amri ya ridhaa, uwakala wa utawala au shirika lingine la kiserikali. Tunahifadhi haki kwa wakati wote kuamua ikiwa Maudhui Yako inafaa na inazingatia Mkataba huu, na tunaweza kuangalia kabla, kusongesha, kukataa, kurekebisha na/au kuondoa Maudhui Yako wakati wowote, bila notisi ya kabla na kwa busara yetu, ikiwa Maudhui Yako itapatikana kuwa kinyume na Masharti haya au vinginevyo ni mbaya.
13. Kuwasiliana kwa Hatari Yako Mwenyewe
Tunaweza kuwasiliana na wewe kuhusu Huduma kwa mawasiliano ya mtandao kwa kutumia maelezo uliyotoa wakati wa kutengeza au kasahihisha Kitambusho chako cha Huawei. Unakubali kuwa tunaweza kuwasiliana nawe kwa njia ya mawasiliano ya elektroniki kuhusiana na Masharti haya na jambo lolote lingine linalohusiana na ufikiaji na kutumia kwako kwa Huduma. Barua pepe na njia nyingine za kupeleka habari kupitia mtandao zinaweza kuingilia kati au kuchunguliwa na watu wengine na inapaswa kujitegemea katika kuthibitishwa. Hatuwezi kuhakikisha usalama na faragha ya mawasiliano kama haya na hatari zote za kusafirisha mawasiliano haya ziko kwako.
14. Faragha na Ukusanyaji Data
Ili kutoa huduma thabiti zaidi na msaada kuhakikisha usalama wa miamala yako, tutakusanya na kusindika maelezo na data yako ya kiufundi kulingana na Notisi yetu ya Faragha.
15. Ilani ya Kujitoa Hatiani
Huduma ni za matumizi yako pekee tu na hayafai kutumiwa na mtu mwingine. Unakubali kuwa sisi na kampuni zetu tangulizi, kampuni tanzu, washirika, maafisa, wakurugenzi, waajiriwa, watoaji kandarasi, maajenti, watu wengine ambao ni watoaji malipo, watoaji leseni na wasambazaji (kijumla "Wahusika wa Huawei") hawawajibikii hasara yoyote inayosababishwa na matumizi ya Huduma ambayo hayajaidhinishwa.
Watu wa Huawei hawana wajibu wa huduma za kudumisha na usaidizi mwingine kwa Huduma. Matumizi yako ya Huduma yanaweza kukatizwa, kucheleweshwa au kuharibika kwa kipindi cha muda kisichojulikana kwa sababu zisizoweza kudhibitiwa. Watu wa Huawei hawatowajibika kwa dai lolote linalotoka kwa au linalohusika na kukatiza, kuchelewesha, kuharibika huku au kufeli kama huku.
Hadi kwa kiwango cha juu zaidi kinachoruhusiwa na sheria husika ndani ya mamlaka yako, Watu wa Huawei hawawajibiki kwako au kwa yoyote mwingine kwa wajibu, hasara, uharibifu au fidia yoyote ikiwa huwezi kufikia au kutumia Huduma kwa ajili ya:
a. kuahirisha au kusitisha kokote kwa Huduma nasi ili kuwezesha shughuli za kurekebisha au sasisho kwa mifumo, programu au vifaa zitakazofanywa;
b. mfumo kuchelewa au kushindwa kufanya shughuli au mawasiliano ya mtandao ambayo yanamilikiwa au kudhibitiwa na mtu mwingine kando nasi;
c. any suspension, cancellation or termination of any contract or other arrangements between us and any of our third-party payment service providers;
d. hitilafu au usumbufu wowote kwa ajili ya uvamizi wa wadukuzi au ukiukaji usalama sawia; au
e. sababu yoyote nyingine isiyokuwa ndani ya udhibiti wetu unaoeleweka.
Huduma zinatolewa 'kama-ilivyo' na kwa msingi wa 'kama inapatikana' bila uwakilishi wowote au idhini ya aina yoyote. Kwa kiwango cha juu kinachoruhusiwa na sheria husika katika eneo lako, Washirika wa Huawei wamejondolea lawama katika dhamana zote, sheria au masharti ya aina yoyote ya kuelezea au ya maana na haitoi dhamana yoyote, kufanya, uwakilishi au udhamini: (a) kuhusiana na ukamili au usahihi, kuaminika au uzingatiaji wakati wa yoyote kati ya yaliyomo yaliyopatikana kwenye au kupitia Huduma; (b) kuwa huduma au sava ambazo yaliyomo yako hazina kasoro, hitilafu, virusi, vitatizo au vipengele vingine vya kudhuru; (c) kuwa kasoro zozote katika utendakazi au utendaji wa Huduma yoyote zitasahihishwa; (d) kuhusiana na kazi maalum za Huduma, kutegemewa, ubora au usahihi wa maelezo yoyote yaliyopatikana na wewe kutokana na matumizi au ufikiaji wako wa Huduma; (e) kuhusiana na usalama au hali ya kutokuwa na hitilafu ya Huduma; (f) kuhusiana na kutegemewa, ubora, usahihi, kupatikana au uwezo wa Huduma kukidhi mahitaji yako, kutoa vitolewavyo fulani au kupata matokeo au vitokezo. Wahusika wa Huawei hawajibiki kwa hasara au uharibifu wowote unaosababishwa kikamili au kisehemu na kutegemea, kutumia, au kufasiri Huduma au maelezo engine yaliyopatikana kupitia ufikiaji na/au matumizi yako (au mtu yoyote mwingine) ya Huduma hizi.
Sheria ya baadhi ya nchi hairuhusu waranti, dhamana au wajibu fulani wa kutengwa au kudhibitiwa na mkataba. Ikiwa sheria hizi zinakuhusu wewe, vitengwa au vidhibiti vyote au baadhi yao vilivyoko hapo juu vinaweza kutohusika na unaweza kuwa na haki za ziada. Hakuna chochote ndani ya Masharti haya kinachoathiri haki zako za kisheria ambazo unastahiki kama mteja na ambazo huwezi kukubaliana nazo kimkataba kubadilisha au kuacha.
16. Mpaka wa Wajibu
Kwa kiwango cha juu zaidi kinachoruhusiwa na sheria husika ndani ya eneo lako, ufikiaji na matumizi yako ya Huduma ni kwa hatari yako pekee na Washirika wa Huawei wanajitenga na dhima zote, hasara au uharibifu wote unaotokea kwa sababu yako au mtu yoyote mwingine, iwe katika mkataba, tendo baya (likiwemo uzembe) au ndani ya nadharia nyingine yoyote, kwa yoyote kati ya yafuatayo: (a) kupoteza faida, kupoteza mapato, kupoteza mapato, kupoteza data au upotevu wa nia njema; na (b) hasara maalum, isiyo ya kawaida au ya kupoteza au uharibifu. Mipaka na vitengwa ndani ya Sheria hizi zitahusika kama tumeshauriwa au la au kama tungefaa kujua uwezekano wa hasara kutokea au la.
Ikiwa hukuridhika na kipengele chochote cha Huduma muda wowote, tiba yako moja na ya kipekee ni kusitisha kufikia na kutumia Huduma. Bila kuwa na dhana mbaya kwa vidhibiti vilivyopita, na kwa kiwango cha juu zaidi kinachoruhusiwa na sheria husika kwenye mamalaka yako, hakuna tukio ambapo dhima jumla ya Wahusika wa Huawei kwako au kwa mtu yoyote kwa madai, kesi, dhima, majukumu, uharibifu, hasara na gharama, iwe katika maktaba, tendo baya (likiwemo utelekezaji) au chini ya nadharia yoyote nyingine utazidi €50.00. Umekiri na kukubali ilani ya kujitoa hatiani na vikomo vya dhima katika Masharti haya ni sawa na vinakubalika.
Sheria za baadhi ya nchi haziruhusu baadhi au mipaka na vitengwa vyote vilivyoelezwa hapo juu. Ikiwa sheria hizi zinakuhusu wewe, yote au baadhi ya mipaka ya hapo juu yanaweza kukuhusu na unaweza kuwa na haki za ziada. Hakuna katika Masharti huathiri haki zako za kisheria ambazo zimelindwa kama mnunuzi na ambazo huwezi kukubaliana nazo kimkataba au kurekebisha au kuondoa.
17. Uhakikisho
Kwa kiwango cha juu kinachoruhusiwa na sheria inayohusika katika eneo lako, utachukua kuwa wasiokuwa na hatia na kuwaondolea Washirika wa Huawei madai yoyote, kesi au hatua inayotokana na au kuhusiana na Maudhui Yako, ukiukwaji au uvunjaji wa Masharti haya, ukiukaji wako wa haki za uvumbuzi za watu wengine au haki nyingine yoyote, au vitendo sawa au ukiukwaji na mtu yeyote anayetumia Utambulisho wako wa Huawei, ikiwa ni pamoja na kila wakati wowote, dhima, hasara, gharama za madai na ada za mwanasheria kutokana na madai hayo, kesi, au hatua, ikiwa ni pamoja na dai lolote la utepetevu.
Unashughulikia na kukubali kusaidia na kushirikiana papohapo kikamili kama inavyohitajika kwa kueleweka wowote kati ya Watu wa Huawei kwenye ulinzi wa dai au matakwa kama haya. Tunabaki na haki, kwa gharama yako, kuchukua ulinzi na udhibiti wa kipekee wa kitu chochote chini ya uhakika kutoka kwako.
18. Kusitishwa na Wewe
Unaweza kusitisha akaunti yako kupitia mipangilio ya akaunti yako au kwa kuacha kutumia Huduma hii.
Kukomesha akaunti yako kutafuta kabisa data iliyohifadhiwa katika akaunti yako, ikiwa ni pamoja na Maudhui Yako yaliyotolewa na akaunti yako. Tafadhali soma Masharti kwa umakini kabla ya kuamua kusitisha akaunti yako.
Baada ya akaunti yako kokomeshwa, Huawei inaweza kufuta mara moja na milele aina yoyote ya data, faili, maudhui yaliyohifadhiwa katika akaunti.
19. Kusitishwa na Kusimamishwa na Sisi
Chini yasheria husika, tunaweza kuahirisha, kughairi au kuwekea mipaka au kudhibiti, kwa muda tu au kabisa, ufikiaji wako kwa sehemu ya Huduma au Huduma zote wakati wowote, bila kuchukua dhima ya mtu yeyote binafsi au mtu mwingine yoyote. Tutajaribu kutoa notisi kwako kabla hatujafanya hili. Hata hivyo, tunaweza kutokupatia notisi ya awali kwako, na tunaweza kuweka mipaka kwa, kughairi, kuahirisha, au kudhibiti papohapo, kwa kudumu au kwa muda, ufiikaji wako kwa sehemu za Huduma au Huduma zote:
a. ikiwa utakiuka, au tunaamini unakaribia kukiuka, Masharti, ikiwa ni pamoja na makubaliano yoyote, sera au miongozo;
b. wewe, au mtu yeyote anayefanya kwa niaba yako, anafanya ulaghai au kinyume cha sheria, au anatupa habari yoyote ya uongo au ya kupotosha;
c. kwa kukabiliana na maombi na utekelezaji wa sheria au mashirika mengine ya serikali chini ya mchakato halali wa kisheria;
d. ili kutekeleza kazi ya matengenezo ya haraka au sahihisho la haraka katika mifumo au vifaa; au
e. kwa ajili ya sababu zisizotarajiwa za kiufundi, kiusalama, kibiashara au ulinzi.
Mtumiaji yeyote ambaye matumizi au ufikiaji wa Huduma umesimamishwa, kuokomesha au kuzimishwa na sisi hawezi kuunda Kitambulisho cha Huawei au kufikia Huduma bila idhini yetu iliyoandikwa kabla.
Kufika mwisho au kusitishwa kwa Masharti hayaathiri sehemu za Masharti yaliyoelezewa kufanya kazi au kuwa na athari baada ya kuzima au kusitisha na haitaathiri haki au majukumu yoyote ya ziada au haki au majukumu yoyote ambayo inalenga kuendelea kuwa kama vile kuzima na kusitisha.
Huawei ina haki ya kufuta data yoyote inayohusishwa na akaunti yako ikitokea kwamba akaunti inabakia bila kufanya kazi kwa miezi 12 mfululizo.
Sehemu 14, 15, 16, 17 na 22 na masharti mengine ambayo kwa kawaida yanatarajiwa kuendelea kutumika baada ya kusitisha au kuzimwa, yataendelea kutumika baada ya kusitisha au kokomesha uhusiano kati yako na sisi.
20. Mabadiliko kwa Huduma
Daima tunaendelea kubuni, kubadilisha na kuboresha Huduma. Tunawea kuongeza au kuondoa utenda kazi au vipengele, kuunda mipaka mipya kwa Huduma, au kuahirisha au kusitisha Huduma kw muda au kwa kudumu.
Tutakuarifu kwa kiasi kinachofaa cha muda kabla ya mabadiliko yoyote kwa Huduma ambazo zitaleta hasara kwa Watumiaji wetu au kupunguza uwezo wa upatikanaji au matumizi ya Huduma. Huenda tusikuarifu kabla kuhusu marekebisho ya Masharti au mabadiliko ya Huduma ambazo hazina hasara kwa Watumiaji wetu au kupunguza uwezo wa upatikanaji au matumizi ya Huduma zetu. Kwa mabadiliko kwenye Huduma ambayo tunahitaji kufanya kukidhi mahitaji ya usalama,, kisheria au kikanuni, tunaweza kutokuwa na uwezo wa kukidhi vipimo vya muda vya hapo juu na tutakujulisha kuhusu haya haraka iwezekanavyo.
21. Mabadiliko kwa Masharti haya
Tunaweza kufanya mabadiliko kwa Sheria hizi muda wowote na kubandika sheria, kanuni za tabia au mielekezo maalum ya ziada yanayodhibiti sehemu fulani ya Huduma au Huduma zote. Toleo la hivi karibuni la Masharti litawekwa kwenye Huduma na unapaswa kuangalia mara kwa mara toleo la hivi karibuni, kwani toleo la hivi karibuni ndilo hufanya kazi.
Ikiwa mabadiliko yanajumuisha mabadiliko makubwa yanayoathiri haki au majukumu yako, tutakuarifu kuhusu mabadiliko kwa njia mwafaka, ambazo zinaweza kujumuisha arifa kupitia Huduma au kwa barua pepe. Kwa marekebisho kwenye Sheria ambayo tunahitaji kufanya ili kukidhi mahitaji ya ulinzi, kiusalama, kisheria au kiudhibiti, tunaweza kutokuwa na uwezo wa kukidhi vipimo vya muda vilivyohapa juu na tutakujulisha kuhusu haya pindi yanapoweza kufanyiwa kazi.
Ikiwa utaendelea kutumia Huduma baada ya mabadiliko kuanza kutumika, itadhaniwa kwamba umekubali mabadiliko hayo. Ikiwa hukubaliani na mabadiliko haya , lazima usitishe uhusiano wako na sisi kwa kuacha kutumia Huduma. Marekebisho yoyote, tofauti au mabadiliko ya Masharti haya unayotaka kufanya hatutayatambua.
22. Jumla
Sheria na nyaraka zilizoingizwa kwa marejeleo zinajumuisha makubaliano yote baina yako nasi kuhusiana na wewe kufikia na kututumia Huduma.
Huduma zinaweza kutoa, au watu wengine wanaweza kutoa, viungo kwenye tovuti nyingine au rasilimali. Unakiri na kukubali kwamba hatuwezi kuwajibika kwa upatikanaji wa tovuti kutoka nje au rasilimali za nje, na hatuidhinishi na sio wajibu au wajibu kwa maudhui yoyote, matangazo, bidhaa au vifaa vingine au vinavyopatikana au kutoka kwenye tovuti au rasilimali hizo. Kwa ziada unakiri na kukubali kuwa hatuna jukumu au wajibu, moja kwa moja au kivingine, kwa uharibifu au hasara yoyote inayosababishwa au inayodaiwa kusababishwa na au kuhusiana na matumizi ya au kutegemea yoyote kati ya yaliyomo, bidhaa na huduma hizi zinazopatikana kwa au kupitia eneo au rasilimali yoyote kama hii.
Kanusho, vikwazo na kutengwa kwa dhima, na misimamo ya uondoaji lawama iliyo ndani ya Sheria hizi yanaendelea bila kikomo baada ya kuisha au kusitishwa kwa Sheria hizi.
Hakuna chochote ndani ya Sheria hizi ambacho kitachukuliwa kuwa kinajenga uhusiano wa ushirikiano au uajenti baina yako nasi na hakuna atakayekuwa na haki au amri kugharimia deni au gharama ya dhima au kuingiza kwenye mkataba au mipangilio mingine kwa jina la au kwa niaba ya mwengine.
Hatuna wajibu kwa kufeli au kuchelewa utenda kazi wa majukumu yetu ndani ya Sheria hizi au utoaji Huduma ambao unasababishwa au kuchangiwa na mambo yasiyokuwa ndani ya udhibiti wetu.
Huwezi kupeana au kufanya uhamisho wowote wa haki zako au majukumu yako chini ya Masharti haya huu bila idhini ya maandishi kutoka kwetu, na jaribio lolote la kupeana au kuhamisha bila idhini hiyo haitatambuliwa. Tunaweza kuteua, kutoa-mkataba au kubadfilisha haki na/au majukumu yetu yoyote ndani ya Sheria hizi na ujnakubali kutekeleza papohapo nyaraka zozote zinazohitajika au zinazotakiwa kwa lengo hilo.
Ukikiuka Sheria na hatuchukui hatua yoyote, bado tutastahiki kutumia haki na suluhisho zetu ndani ya hali yoyote nyingine ambapo unakiuka Sheria hizi. Ikiwa utoaji wowote (au sehemu ya utoaji) wa Masharti haya unapatikana na mahakama ya mamlaka yenye uwezo au mamlaka yoyote inayoweza kuufutilia mbali, batili au kuufanya usitekelezwe, itachukuliwa kuwa imefutwa kutoka Masharti haya na masharti mengine yote ya Masharti haya yataendela kufanya kazi kamili na kuwa na athari kwa kiwango ambacho masharti yaliyobaki yanaweza kufanya kazi bila kutegemea sheria zilizofutiliwa mbali, batilishwa au kufanya zisitekelezwe.
23. Sheria na Mamlaka ya Kuongoza
Uundwaji, utafsiri na uendeshaji wa Masharti haya na mgogoro wowote au madai inayotokana na au kuhusiana nayo (ikiwa ni pamoja na migogoro isiyo ya mkataba au madai) inatawaliwa na kutafsiriwa kwa mujibu wa sheria za Ireland. Isipokuwa kama vinginevyo ilivyotolewa na sheria husika, wewe na sisi tunakubali kuwa mahakama za Ireland zina mamlaka ya kipekee ya kusikiza na kuamua migogoro yoyote, madai, vitendo au matukio ambayo yanaweza kutokea au kuhusiana na Masharti. Hata hivyo, hii haituzuii kuanzisha taratibu nje ya Ireland.
Ikiwa wewe ni mteja unayeishi ndani ya nchi ya Umoja wa Ulaya, utafaidika kutokana na maagizo yoyote ya lazima ya sheria ya nchi ambayo wewe unaishi. Hakuna chochote ndani ya Sheria hizi, zikiwemo paragrafu iliyopo hapo uu, kinachoathiri haki zako kama mteja kutegemea maagizo ya lazima kama haya ya sheria ya kienyeji. Tume ya Ulaya hutoa mfumo wa mtandao wa kutatua mgogoro, ambayo unaweza kufikia http://ec.europa.eu/consumers/odr/. Ikiwa unataka kutujulisha kuhusu jambo fulani, tafadhali wasiliana nasi.
24. Kuwasiliana Nasi
Ikiwa una maswali yoyote kuhusu Sheria hizi, tafadhali wasiliana nasi kwa kutumia maelezo yafuatayo:
Barua pepe: hwcloud@huawei.com