HUAWEI Cloud болон Нууцлалын тухай мэдэгдэл
HUAWEI Cloud нь Ирландад бүртгэлтэй Huawei-н салбар болох Aspiegel Limited -с (цаашид “бид”, “бидний”, “манайх” гэх) үзүүлдэг үйлчилгээ юм. HUAWEI Cloud нь автоматаар таны өгөгдлийг клоудад синхрончилж, нөөцөлж, илгээдэг ба ингэснээр та нэвтэрсэн ямар ч төхөөрөмж дээрээс өгөгдөлдөө хандаж, удирдах боломжтой болно.
Энэхүү мэдэгдэлд дараах зүйлийг тайлбарласан:
1. Бид таны талаар ямар өгөгдлийг цуглуулдаг вэ?
2. Бид таны өгөгдлийг хэрхэн ашиглах вэ?
3. Бид таны өгөгдлийг хэр удаан хадгалах вэ?
4. Таны өгөгдлийг бид хуваалцдаг уу?
5. Таны эрх ба сонголтууд гэж юу вэ?
6. Бидэнтэй Хэрхэн Холбогдох Вэ?
7. Энэ мэдэгдлийг бид хэрхэн шинэчлэх вэ?
1 Бид таны талаар ямар өгөгдлийг цуглуулдаг вэ?
HUAWEI Cloud үйлчилгээний хэсэг болгож бид зөвхөн энэ мэдэгдэлд дурдсан зорилгоор хувийн мэдээллийг тань цуглуулж, ашиглах болно. Хувийн мэдээлэл гэдэг нь бидэнд таныг хэрэглэгч гэж таних боломжийг олгодог аливаа мэдээллийг хэлнэ. Хувийн дата боловсруулна гэдэг нь хувийн дата эсвэл багц хувийн мэдээлэл дээр тухайлбал цуглуулах, бичих, цэгцлэх, бүтцэлэх, хадгалах, нийцүүлэх, өөрчлөх, татах, зөвлөх, ашиглах, дамжуулснаар задлах, тараах, хүртээлтэй болгох, эгнүүлэх, нэгтгэх, хориглох арилгах, устгах гэх мэт автомат болон автомат бус аргаар хийгдсэн аливаа үйлдэл эсвэл багц үйлдлийг хэлнэ.
Бид дараах өгөгдлийг цуглуулж, боловсруулна:
•Бүртгэлийн мэдээлэл: тухайлбал бүртгэлийн нэр, э-мэйл хаяг, утасны дугаар, профайл зураг, хэрэглэгчийн нэр, улсын код, бүртгэлийн таних тэмдэг, хэрэглэгчийн үйлчилгээний токен.
•Төхөөрөмжийн мэдээлэл: тухайлбал төхөөрөмжийн ID (системээс тань хамаарч MEID, UDID эсвэл IMEI г.м), төхөөрөмжийн загвар, үйлдлийн систем, APK хувилбар болон хэлний тохиргоо.
•Сүлжээний мэдээлэл: тухайлбал IP хаяг, сүлжээний төрөл, холболтын төлөв.
•Үйлчилгээний ашиглалтын мэдээлэл: тухайлбал HUAWEI Cloud-н хувилбар, татаж авсан эх үүсвэр, аппликэйшний нээсэн, хаасан хугацаа, суулгасан аппликэйшнүүдийн жагсаалт, дарсан, харсан хугацаа, багцын мэдээлэл (нэр, багтаамж, үргэлжлэх хугацаа), худалдан авалтын мэдээлэл (цаг, хэмжээ, захиалгын ID), системийн бүртгэл, алдааны бүртгэл.
•Синхрончилсон, нөөцөлсөн, Автоматаар байршуулсан өгөгдөл (таны HUAWEI ID бүртгүүлсэн улс/бүсд байгаа онцлогуудаас хамаарч үр дүн нь харилцан адилгүй байна): тухайлбал синхрончилсон өгөгдөл (үүнд харилцагчид, Хуанлийн үйл явдлууд, Wi-Fi тохиргоо, тэмдэглэл, Галлерей), Cloud нөөцлөлтийн өгөгдөл (үүнд Харилцагчид, Хуанлийн үйл явдлууд, Wi-Fi тохиргоо, тэмдэглэл, Галлерей, бичлэг, Блоклох жагсаалт, дуудлагын бүртгэл, Цагийн тохиргоо (сэрүүлэг ба сонирхсон хотууд ), Утасны Менежерийн тохиргоо, Зурвас (SMS, MMS), хөтчийн хавчуурга/мэдээллийн урсгал, Цаг агаарын тохиргоо, SmartCare тохиргоо, Дэлгэрийн бүдүүвч, Камерын тохиргоо, Системийн тохиргоо, ФМ Радио, HiCare тохиргоо, Дэвсгэр зураг, суулгасан аппликэйшнүүдийн APK, Хөгжим) болон Huawei Драйв Файлууд (үүнд байршуулахаар сонгосон аливаа төхөөрмж дээрх файл орно), Автоматаар байршуулсан өгөгдөл (үүнд бичлэг ба Блоклох жагсаалт орно).
Хэрэв та өөрийн HUAWEI ID-аараа HUAWEI Cloud албан ёсны вебсайт руу (cloud.huawei.com) өгөгдлөө удирдахаар нэвтэрвэл дараах өгөгдлийг мөн цуглуулах болно:
Хөтөч болон ашиглалтын мэдээлэл: тухайлбал күүки, IP хаяг, хөтчийн төрөл, цагийн бүс, хэл болон хулгана, гарын ажиллагаа. Күүкийн тухай нэмэлт мэдээлэл авах бол манай күүки бодлогыг уншина уу.
Зөвхөн боловсруулах зорилгод нийцсэн хувийн өгөгдлийг боловсруулна. Боловсруулсан хувийн мэдээллийн агуулга болон хүрээ нь боловсруулах үйл явцын дурдсан зорилгод нийцэх ба боловсруулах зорилготоос хэтрэхгүй юм.
HUAWEI Cloud төхөөрөмжийн мэдээллийг олж авахын тулд утсанд хандах зөвшөөрөл, синхрончлол, нөөцлөх үйлчилгээ үзүүлэхийн тулд хадгалах сан, камер, SMS зурвас, харилцагчид болон хуанлид хандахыг шаардаж байна.
2 Бид таны өгөгдлийг хэрхэн ашиглах вэ?
Хувийн мэдээллийг хуулийн дагуу урьдчилан тогтоосон, тодорхойлсон хүрээнд боловсруулдаг. Хувийн датаг зөвхөн зохих хуулийн үндэслэл байгаа үед боловсруулна. Гэрээний үүргээ биелүүлэх болон Cloud синхрончлол, Cloud нөөцлөлт, Huawei Drive, бусад өгөгдлийн үйлчилгээг оруулаад HUAWEI Cloud-н функцүүдийг ажиллуулахын тулд тус аппликэйшн таны өгөгдлийг хэрэглэгчийн харилцааны менежмент, дэмжлэг, харилцаа холбоо, хэрэглэгчийн гомдол барагдуулах, засвар үйлчилгээ, программ хангамж, системийн шинэчлэл, хэрэглэгч танилт, оношлогоо, засварын зорилгоор цуглуулж, боловсруулахыг шаардаж байна.
Үүнээс гадна, бид таны хувийн мэдээллийг хууль ёсны ашиг сонирхолд тулгуурлан дараах зорилгоор ашигладаг:
•Таны хэрэглээний үйл ажиллагаанд тулгуурлан нэгтгэсэн бүлэг үүсгэх зэрэг статистик, бүтээгдэхүүн сайжруулах зорилгоор. Энэ нь мөн бидэнд хэрэглэгчдийн маань шаардлагыг ойлгоход туслах, манай одоогийн болон цаашдын үйлчилгээ, саналд хэрэглэгчийн туршлага, чанарыг сайжруулах боломж олгоно. Та ийм боловсруулалтыг доор 5.6 хэсэгт тайлбарласнаар эсэргүүцэх боломжтой.
•Маркетингийн зорилгоор, үүнд бидний санал, худалдааны урамшууллын талаар болон бусад маркетингийн зорилго харилцах, мөн маркетингийн нэгтгэсэн зорилтот бүлэг үүсгэх зэрэг орно. Харилцагчдын сонголтыг мэдэх нь бидэнд өөрсдийн харилцагчдынхаа хэрэгцээ, шаардлагад илүү сайн нийцэх санал, санал болгож буй бүтээгдэхүүн болон үйлчилгээний зорилтыг тодорхойлох боломжийг олгодог. Та ийм боловсруулалтыг доор 5.6 хэсэгт тайлбарласнаар эсэргүүцэх боломжтой.
•Танд аюулгүй, найдвартай үйлчилгээ үзүүлэхийн тулд үйлчилгээг янз бүрээр буруугаар ашиглах тохиолдол, луйврыг олж илрүүлэх, сэргийлэх зэрэг мэдээллийн хамгаалалтын зорилгоор.
Бид мөн өөрсдийн мөрдөх хууль тогтоомж, дүрэм журмаар шаардсаны дагуу таны багцын мэдээлэл (нэр, багтаамж, үргэлжлэх хугацаа), худалдан авалтын цаг, захиалгын ID-г татвар, тайлангийн зорилгоор боловсруулах болно.
Таны хувийн мэдээлэлд хууль бус эсвэл санамсаргүй хандах, устгах, өөрчлөх, хаах, хуулбарлах, дамжуулах, тараахаас, мөн хувийн өгөгдөлтэй хамаатай бусад хууль бус үйлдлээс хамгаалахын тулд шаардлагатай хуулийн, зохион байгуулалтын, техникийн эрсдэл дээр суурилсан арга хэмжээг авахаа бид баталж байна.
Та үүнийг зөвшөөрч, бидэнд автоматжуулсан өгөгдлийн сан зохицуулалтын систем, мөн бусад программ хангамж, техник хангамж ашиглан хувийн мэдээллийг тань боловсруулах зөвшөөрлийг өгч байна.
3 Бид таны өгөгдлийг хэр удаан хадгалах вэ?
Бид таны хувийн мэдээллийг энэхүү Мэдэгдэлд тодорхойлсон зорилгод шаардлагатай хугацаанаас хэтрүүлэхгүйгээр хадгална.
Бид харилцагчийн харилцааны үргэлжлэх хугацааны туршид таны өгөгдлийг боловсруулж, хадгалах болно. Та арван хоёр (12) сарын хугацаанд HUAWEI Cloud-г ашиглаагүй үед таны өгөгдөл устах болно. Бид э-мэйл зэрэг тохирох аргаар танд устгахын өмнө сануулах болно. Та HUAWEI ID-гаа устгах үед HUAWEI Cloud зэрэг таны бүртгэл, холбогдох үйлчилгээтэй холбоотой хувийн мэдээллийг арилах болно. Гэсэн хэдий ч бид дараах зүйлийг хадгалах болно:
•HUAWEI Cloud багцын мэдээлэл (нэр, багтаамж, үргэлжлэх хугацаа), гүйлгээ хийгдсэн өдрөөс долоон (7) жилийн хугацааны худалдан авалтын мэдээлэл (цаг, хэмжээ, захиалгын ID).
•Гомдол барагдуулах, өгөгдөл эзэмшигчийн хүсэлт, гэрээний удирдлагын зорилгоор боловсруулсан хувийн мэдээллийг таны HUAWEI ID бүртгэл устсанаас хойш тав (5) хүртэлх жил; та ийм боловсруулалтыг эсэргүүцээгүй бол шинжилгээ, хөгжүүлэлт болон худалдааны урамшуулал, маркетингийн зорилгоор боловсруулсан хувийн мэдээллийг цуглуулснаас хойш арван хоёр (12) хүртэлх сарын хугацаанд.
•Таны өгөгдөл, үйлчилгээний аюулгүй байдлыг хангахын тулд боловсруулсан нөөцлөлт, аппликэйшний бүртгэлийг үүсгэсэн өдрөөс хойш зургаан (6) хүртэлх сарын хугацаанд.
•Үйл ажиллагааны бүртгэл, системийн бүртгэлийг холбогдох статистикийн шинжилгээг хийж дуусмагц тэр даруй устгана; алдааны бүртгэлийг мэдээллийг цуглуулснаас хойш долоо (7) хоногийн дараа автоматаар устгана.
Хадгалах хугацаа дууссаны дараа бид холбогдох хууль, тогтоомжид өөрөөр шаардаагүй бол таны хувийн мэдээллийг устгаж эсвэл нэргүйжүүлэх болно.
4 Таны өгөгдлийг бид хуваалцдаг уу?
Бид таны өгөгдлийг Орос улсадбайрладаг өгөгдлийн төвүүд дээр хадгална. Оросын Холбооны улсаас хувийн мэдээллийг бид хил дамнуулан Ирланд, Финланд болон Европын Холбоо EU/EEA болон Оросын Холбооны улсаас гаднах улс орон руу дамжуулж болно. Та иймд Оросын Холбооны Улсаас өөр улс руу хувийн датаг хил дамжуулан шижлүүлэхийг Оросын Холбооны Улсын хуулийн дагуу шаардагдах зөвшөөрлийг бидэнд өгч байна.
Бид таны өгөгдлийг хуваалцахдаа, зөвхөн:
•Холбогдох хууль тогтоомжийн дагуу хууль эрхзүйн процесс эсвэл эрх бүхий байгууллагаас тавьсан хүсэлтээр эсвэл шүүх ажиллагаатай холбоотойгоор.
•Нэгдэх, худалдан авах, хөрөнгийн борлуулалт (үйлчилгээний гэрээ зэрэг), үйлчилгээ Huawei групп эсвэл бусад компани руу шилжих зэрэг үйл ажиллагааны хэсэг болж шаардагдах үед.
5 Таны эрх ба сонголтууд гэж юу вэ?
Танд дараах эрх ба сонголтууд байгаа:
5.1 таны өгөгдөлд хандах
Та HUAWEI Cloud дээрх таны талаар цуглуулж хадгалсан хувийн мэдээллийн хуулбар болон мэдээллийг төхөөрөмж дээрээсээ Тохиргоо > HUAWEI ID > Тохиргоо > Өгөгдлөө хүсэх рүү орж хүсэх боломжтой.
Мөн та HUAWEI Cloud апп юмуу албан ёсны веб сайттай (cloud.huawei.com) синхрончлох, нөөцлөх юмуу хуулж оруулсан мэдээлэлд нэвтрэх болон татах боломжтой.
Хандалтын нэмэлт хүсэлт гаргах бол бидэнтэй холбогдоно уу.
5.2 Өөрийн өгөгдлийг залруулах
Өгөгдлөө хамгийн сүүлийн үеийн, зөв байлгахын тулд та төхөөрөмж дээрээ Тохиргоо > HUAWEI ID хэсэгт очин өгөгдөлдөө хандаж, өөрчлөх боломжтой.
Мөн та HUAWEI Cloud апп юмуу албан ёсны веб сайттай (cloud.huawei.com) синхрончлох, нөөцлөх юмуу хуулж оруулсан мэдээлэлд нэвтрэх болон засах боломжтой.
5.3 Өөрийн өгөгдлийг зөөвөрлөх
Та HUAWEI Cloud дээр бидэнд өгсөн хувийн өгөгдлөө төхөөрөмж дээрээсээ Тохиргоо > HUAWEI ID > Тохиргоо > Өөрийн датаг хүсэх рүү ороод түгээмэл хэрэглэгддэг, уншигдахуйц боломжтой форматаар дамжуулж авах боломжтой.
Мөн та HUAWEI Cloud апп юмуу (cloud.huawei.com) албан ёсны веб сайттай синхрончлох, нөөцлөх юмуу хуулж оруулсан мэдээлэлд нэвтрэх болон татах боломжтой.
5.4 Өгөгдлөө арилгах
Та хүссэн үедээ үүнийг хийх боломжтой:
•Өөрийн синхрончилсон, нөөцөлсөн, аппликэйшний бусад төрлийн өгөгдлийг төхөөрөмж дээрээ устгаснаар устгах боломжтой. Устгалт автоматаар Cloud-д синхрончилж, шинэчлэгдэнэ.
•Өөрийн хадгалсан өгөгдлөө Huawei Drive дээр шууд устгаснаар устгах боломжтой.
•Албан ёсны HUAWEI Cloud вебсайтад (cloud.huawei.com) нэвтрэн орж харилцагчид, Галлерей, бичлэг, блоклох жагсаалт, Huawei Drive-н файл зэрэг өгөгдлөө устгана уу.
•HUAWEI ID-аа устгах. Энэ нь HUAWEI Cloud дахь хувийн өгөгдлийг тань оруулаад таны HUAWEI ID-тай холбоотой хувийн өгөгдлийг тань арилгах болно.
•5.6 дугаар хэсэгт тайлбарласны дагуу хувийн өгөгдлийг тань боловсруулахыг эсэргүүцэх боломжтой. Хэрэв таны эсэргүүцэл үндэслэлтэй бөгөөд бидэнд боловсруулалтыг үргэлжлүүлэх хуулийн үндэслэл байхгүй бол бид үндэслэлтэй эсэргүүцлийн үндсэн дээр өгөгдлийг арилгах болно.
•Хэрэв та хувийн өгөгдлийг тань боловсруулах нь хууль бус, өгөгдлийг тань арилгах ёстой гэж үзэж байвал бидэнтэй холбогдоно уу.
Бид таны дээр дурдсан үйлдэл, 3-р хэсэгт тодорхойлсон хадгалах хугацааны дагуу шаардлагатай үед, цаг алдалгүйгээр хувийн өгөгдлийг тань арилгах эсвэл нэргүйжүүлнэ.
5.5 Эсэргүүцэх эрх
Хэрэв та өгөгдлийг тань статистик, бүтээгдэхүүн сайжруулалт, борлуулалт, маркетингийн зорилгоор ашиглахыг эсэргүүцэж байвал бидэнтэй холбогдоно уу.
Хүсэлт гаргахдаа тус хүсэлтийн зорилгыг тодорхой зааж, бидэнд HUAWEI Cloud-даа HUAWEI ID-аараа нэвтрэхдээ ашигладаг э-мэйл хаяг эсвэл утасны дугаараа өгнө үү.
Бид таны хүсэлтийг үргэлжлүүлэхийн тулд таныг мөн эсэхийг баталгаажуулж холбоо барих болно.
5.6 Боловсруулалтыг хязгаарлах
Хэрвээ та өөрийн хувийн мэдээллийг боловсруулахыг хязгаарлахыг хүсвэл, бидэнтэй холбогдоно уу. Таөгөгдлийг тань боловсруулахыг дараах тохиолдлуудад хязгаарлах эрхтэй:
•Таны дата хууль бусаар боловсруулагдсан боловч устгахыг хүсэхгүй байгаа.
•Та байгуулж, хөгжүүлэх, хамгаалах шаардлагатай гэсэн хууль ёсны нэхэмжлэлтэй байгаа бөгөөд хэрэв бид зааснаас өөрөөр хадгалахгүй бол та өөрийн мэдээллийг хадгалахыг хүссэн.
•Таны татгалзах хүсэлт бидний баталгаажуулалтыг хүлээж байна.
Хүсэлт гаргахдаа тус хүсэлтийн зорилго, үндэслэлийг тодорхой зааж, бидэнд HUAWEI Cloud-даа нэвтрэхдээ ашигладаг э-мэйл хаяг эсвэл утасны дугаараа өгнө үү.
Бид таны хүсэлтийг үргэлжлүүлэхийн тулд таныг мөн эсэхийг баталгаажуулж холбоо барих болно.
6 Бидэнтэй Хэрхэн Холбогдох Вэ?
Та 5 дугаар хэсгээс өөрийн өгөгдөл эзэмших эрхээ хэрхэн эдлэх талаар зөвлөгөө авч болно. Хэрэв танд дата эзэмшигчийн тань хувьд эдлэх эрх, хувийн мэдээллийг тань бид боловсруулахтай холбоотой ямар нэг асуулт, санал, зөвлөмж байвал бидэнтэй холбогдоно уу.
Бид болон Aspiegel Limited компани бол өгөгдлийг хянагчид юм. Манай төвийн хаяг: Aspiegel Limited, Нэгдүгээр давхар, Симмонскорт байр, Симмонскорт гудамж, Дублин 4, D04 W9H6, Ирланд. Бүртгэлийн дугаар 561134.
Манай Өгөгдөл Хамгаалах Ажилтантай холбоо барих хаяг: dpo@huawei.com.
Хэрэв биднийг өгөгдөл хамгаалах хуулийн дагуу болон энэхүү Тодорхойлолтын дагуу таны хувийн мэдээллийг боловсруулахгүй байна гэж үзэж байвал, та манай өгөгдөл хамгаалах эрх мэдэлтэнд эсвэл Ирландын Өгөгдөл Хамгаалалтын Комисст гомдол мэдүүлж болно. Та өөрийн эрхээ хамгаалан зарга үүсгэх, шүүхийн журмаар сэтгэл санааны хохирол/эвдрэл гэмтэлээ нэхэмжлэх, хэрэглэгдэж буй хуулийн дагуу хэлэлцэх, арга хэмжээ авах эрхтэй.
7 Энэ мэдэгдлийг бид хэрхэн шинэчлэх вэ?
Бид үүнийг цаг үргэлж өөрчилж байж болох учир энэхүү Тунхагийн хамгийн сүүлийн хувилбарыг аппликэйшний тохиргооны хуудаснаас байнга шалгаж байхыг бид танд зөвлөж байна. Хэрэв бид энэ мэдэгдэлд материаллаг өөрчлөлт хийвэл танд өөрчлөлтийн төрлөөс хамааран мэдэгдлийн харилцах цонх, төхөөрөмж дээр тань мэдэгдэл илгээх, э-мэйл гэх мэт тохиромжтой арга хэрэгслээр мэдэгдэх болно.
Сүүлд шинэчилсэн: 2018 оны Арван нэгдүгээр сарын 30